رواية غدر الايام
الفصل التاسع عشر19
بقلم نورا عطيه
فارس : انا جاهز يا عمي هأجل ليه بقي .محمد : طيب علي خيره الله يا ابني .
لتقول عليا لا بس انا مش موافقه .
فارس : نعم بتقولي ايه .
عليا : مش موافقه جواز علطول اقصد .
محمد : ليه يا بنتي .
عليا : يا بابا انا عايزه فتره اتعرف عليه .
ناديه : علي راحتك يا عروسه بس احنا عايزين نفرح يا بنتي .
عفاف : خلاص يا ناديه كل حاجه هتمشي زي ما انتم عايزين عليا اصلا بنتك .
محمد : ايوه يا ابني خلاص عليا انت تسكتي خالص بقي انت مدام موافقه عليه نتمم كل حاجه بقي احنا .
اما فارس ينظر لعليا ويبتسم ابتسامه نصر .
اما عليا تقول طيب اللي تشوفوه اعملوه بعد اذنكم وتنسحب من امامهم لتدخل غرفتها تفكر .
ناديه : براحه عليها يا عفاف مش كده ده جواز براحه خليني ادخل اتكلم معاها .
عفاف : طبعا انت بقيتي امها خلاص بس هي بس بتدلع شويه .
ناديه : خليها تدلع براحتها عروسه برضوا .
فارس : نتكلم يا عمي بقي في كل حاجه انا موافق علي كل طلباتكم.
ناديه : طيب اتكلموا انتوا علي ما ندخل لعليا .
عفاف :عندك حق يا ناديه خليهم هما يتكلموا ويتفقوا مع بعض وتعالي ندخل لعليا واتكلم معاكي شويه اصلك واحشاني اوي .
اما عليا في غرفتها تفكر مع نفسها وتقول انت اللي جبتيه لنفسك يا عليا اشربي بقي ادبستي في اكتر بني ادم بتكرهيه في حياتك .
وتدخل عفاف غرفه عليا وتقول تعالي يا ناديه .
وتنتبه عليا لدخول والدتها وحماتها وتقول اهلا بيكي يا طنط اتفضلي تنوري .
ناديه : طنط مين انت تقوليلي يا ماما .
عفاف : ايوه يا عليا دي امك زي بالظبط خدي بالك اوعي تزعليها .
عليا : حاضر يا ماما .
ناديه : قوليلي بقي يا عليا طلباتك ايه اللي انت عايزاه انت بنت الغاليه .
عفاف : ربنا يخليكي يا ناني يا رب واحشتيني اوي يا ناني والله انا فرحانه اني شوفتك اكتر ما فرحانه ببنتي .
ناديه : ويخليكي ليا يا رب صحيح بقي يا عليا انت هتسكني معايا ليكي سويت خاص بيكي انت وفارس في الفيلا .
عفاف : انا كده اطمنت علي بنتي تعرفي مكنتش متخيله ان ابنك فارس اللي مولود ومتربي علي ايدي هيتجوز بنتي شوفي النصيب .
ناديه : اها احلي نصيب بصراحه يا عفاف المهم فين خالد ابنك اشوفه .
عفاف : خالد كان في اوضته زمانه خرج وقاعد معاهم بره .
ناديه : ربنا يخليهم ليكي وتفرحي بعيالهم يا رب يا عفاف .
عفاف : يا رب ويخليكي ليا يا رب يا حبيبتي .
اما عليا تفكر وتقول لنفسها كده الامر بقي صعب اما اشوف اخره الاستاذ فارس دي ايه باللي حصل النهارده شكلها هتطول الجوازه دي ماشي يا فارس اما نشوف بقي انا هوريك ومش هعمل حساب للقرابه اللي طلعت ما بينا .
ناديه : يا عليا روحتي فين .
عليا : لا مفيش حاجه .
عفاف : علشان بس فرحانه ساكته .
ناديه : ربنا يفرح قلبك يا بنتي يا رب .
اما في الصالون كانوا يتحدثون سويا فارس ومحمد والد عليا وعبدالرحمن وخالد اخوتها .
فارس : انا موافق علي كل حاجه يا عمي بس انا هتجوز في الفيلا مش هقدر اسيب امي .
محمد : انا معنديش اي مشكله ولا مانع انها تقعد معاكم بس الاول اخد رأي عليا .
فارس : اعتبر عليا موافقه بس ممكن الجواز يكون اخر الشهر.
محمد : وانا برضوا معنديش مانع انا اجهزها واجيبها لحد عندك .
فارس : ربنا يخليك يا عمي .
محمد : اولا بلاش عمي دي انت تقولي يا بابا ده انت متربي علي ايدي يا فارس ابوك الله يرحمه كان زي اخويا .
فارس : حاضر اللي تشوفه يا بابا .
محمد : ايوه كده ادخل يا خالد هات عليا منهم نتكلم قدامها .
خالد : حاضر يا بابا .
ويدخل خالد الغرفه عليهم .
عفاف : تعالا يا خالد اعرفك .
ناديه : ماشاء الله ازيك يا خالد عامل ايه .
خالد : الحمدلله يا طنط.
عفاف : ابني الصغير خالد في ثانويه عامه .
ناديه : ماشاء الله ربنا يخليه ليكم يا رب وتفرحي بيه ياريت كان عندي بنات غير نادين كنت ناسبتك تاني بس نادين متجوزة.
عفاف : نادين عندها كام سنه يا ناني .
ناديه : عندها 27 سنه .
عفاف : ماشاء الله دي في سن عبدالرحمن .
ناديه : ايوه ربنا يخليه ليكي وتفرحي بيه يا رب .
عفاف : ما انا جبت عبدالرحمن بعد ما سافرتي بسنتين .
ناديه : ربنا يخليه ليكي يا رب وتفرحي بيه .
عفاف : يا رب ونفرح بعليا وفارس .
خالد : طيب عليا بابا عايزك بره .
عليا : حاضر وتخرج عليا من الغرفه مع خالد .
محمد ( والدها ) : تعالي يا عليا علشان الكلام يكون قدامك .
عليا : نعم يا بابا .
محمد : يا بنتي فارس عايز الجواز علي اخر الشهر .
عليا : وعملت نفسها مكسوفه اللي تشوفه يا بابا .
محمد : طالما عملتي كده واللي اشوفه يبقي موافقه علي خيره الله يا ابني .
اما عليا تنظر لفارس نظره لم يفهم معناها .
فارس : طيب علي خيره الله نقرا بقي الفاتحه والجواز بعد اسبوعين ان شاء الله هكون جهزت السويت وجهزت كل حاجه .
محمد : علي خيره الله نادي عليهم جوه زمانهم بيعيدوا الذكريات خليهم يجوا يفرحوا معانا .
خالد : حاضر يا بابا .
فارس : ممكن اقعد مع عليا شويه اتفق معاها علي كام حاجه.
محمد : طبعا يا ابني خديه واقفوا في البلكونه يا عليا .
عليا : حاضر يا بابا .
وتاخد فارس ويقفون سويا في البلكونه .
عليا : اتفضل نفذت اللي في دماغك .
فارس : اهو طلعنا قرايب بقي انا فارس الحوتي قريب واحده زيك متسواش بصله .
عليا : احترم نفسك انا ساكته كل ده علشان كلهم مخدوعين فيك .
فارس : لا والله يا محترمه بلاش بس اقول لعمي عملتي معايا ايه لولا انك بنت الراجل المحترم ده كنت هتصرف تصرف تاني مع واحده زيك .
عليا : ما انت اصلا بني ادم قليل الادب هنتظر ايه من واحد
سافل زيك .
فارس : كلمه كمان ومش هيحصلك طيب اتلمي يا بت.
عليا : بت اما تبتك ايه بت دي ما تلم نفسك شويه .
فارس : لا اتعدلي كلها كام اسبوع وتعيشي معايا لمي نفسك بقي .
عليا : لو تعرف انا بكرهك قد ايه .
فارس : مش قد ما انا بكرهك يا حبيبتي بس للاسف طلعنا قرايب .
عليا : انا هعيش مع واحد زيك شهر ازاي .
فارس : هاهاهاها فوقي يا حلوه هو انا هستحمل اعيش معاكي اصلا.
عليا : لا يا بابا اصحي هنا هو شهر مش هيزيد عن شهر ومش هعمل للقرابه دي تغور اصلا .
فارس : انت عارفه لولا ان القرابه من ناحيه امي كنت دفنتك مكانك.
عليا : هاهاهاها بس طيب يا بابا اتكلم علي قدك .
ويمسكها فارس من يديها بشده ويقرب منها ويقولها انت عارفه كلمه كمان وهحدفك من هنا .
عليا : يا مامي خوفت خلاص سيب ايدي لو سمحت .
ويدخل عبدالرحمن عليهم ويقول هو فيه ايه .
فارس يسيب ايد عليا ويقول لا مفيش كانت هتقع لحقتها .
عبدالرحمن : فيه ايه يا عليا .
عليا : زي ما قال فارس كنت هقع .
عبدالرحمن : بشك طيب يلا علشان بابا عايزكم خلصتوا كلام .
عليا : ايوه اسبقنا انت واحنا جايين .
عبدالرحمن : حاضر .
فارس : شوفتي بقي انك جبانه ومش هتقدري تتكلمي .
عليا : هاهاها لا لا يا بابا علشان بس انا اللي اخترت وقد اختياري ده وانت اللي هتكرهه عيشتك معايا .
فارس : هاهاها يا بنتي بلاش تلعبي بالنار علشان هتحرقك .
عليا : انا برضوا يبقي متعرفنيش كويس .
فارس :طيب الجواز يا عليا يا انا يا انت وبكرا نشوف .
عليا : طيب خاف بقي من غدري .
فارس : غدرك ولا غدر الايام هاهاهاها .
عليا : رخم اوي انا هشوف ماما وتسيبه وتدخل .
فارس : اما وريتك يا هانم مبقاش انا فارس الحوتي .
عفاف : ايه كل ده يا عليا سايبنا وواقفين في البلكونه الف مبروك يا حبيبتي وتحتضنها بشده .
عليا : الله يبارك فيكي يا ماما .
ناديه : سبيها بقي احضنها انا كمان الف مبروك يا بنتي شيلي فارس في عنيكي .
عليا : الله يبارك فيكي يا ماما حاضر ده جوه قلبي .
عفاف : يا سيدي العيال طلعوا بيحبوا بعض من ورانا يا ناديه .
ناديه : هههههه ربنا يسعدهم يا رب .
عفاف : يا رب .
محمد : مبروك يا فارس .
فارس : الله يبارك في حضرتك بأذن الله بكرا هتشرفونا في الفيلا معزومين عندنا بقي وعليا تشوف الفيلا .
ناديه : طبعا اخدتها مني يا فارس ان شاء الله تشرفونا بكرا يا عفاف .
عفاف : ان شاء الله .
ناديه : لا ده اكيد نادين هتيجي بكرا ونفسها تشوفك اوي يا عفاف .
عفاف : ان شاء الله .
محمد : ان شاء الله يا ابني .
فارس : كلكم معزومين ان شاء الله وانتم اصحاب مكان اصلا .
عبدالرحمن : ان شاء الله يا فارس .
فارس : نستأذن بقي وعلي معاد بكرا .
محمد : ايه ده هو احنا لسه قعدنا .
فارس : معلش احنا اتأخرنا اوي وكمان ماما عندها علاج الضغط لازم تاخده .
محمد : الف سلامه عليكي يا ناديه .
ناديه : الله يسلمك يا محمد .
عفاف : سلامتك يا ناني .
ناديه : الله يسلمك يا فيفي هنستناكم بكرا بقي .
عفاف : ان شاء الله .
ناديه : فارس هيجيي بنفسه ياخدكم بكرا .
محمد : مالوش لزوم تعبه .
فارس : تعبك راحه لا زي ما ماما قالت بكرا هكون هنا علي العصر اخدكم تكونوا جهزتم .
محمد : ان شاء الله .
وتحتضن ناديه عليا بشده .
اما عليا بعد ان تنزل ناديه تقف امام فارس وتقوله .
فارس ممكن اقولك حاجه .
فارس : لا مش عايز اسمع منك حاجه .
عليا : احسن برضوا يلا غور .
فارس : عايزه تقولي ايه اخلصي .
عليا : لا مش عايزه .
فارس : قولت اخلصي .
عليا : عايزه اقولك اني بكرهك اوي .