رواية غدر الايام
الفصل التاسع والعشرون29
بقلم نورا عطيه
وتذهب الي الريسبشن وتقوله ايه رايك .فارس : بصدمه ايه ده ايه اللي عملتيه في بيجامتي ده دي احلي بيجامه عندي انت عارفه البيجامه دي جبتها بكام بوظتيها يا شيخه بقي اقول عليكي ايه ايه اللي هببتيه ده .
عليا : فيه ايه مالك هبقي ادفعلك تمنها .
فارس : بعصبيه انت عبيطه يا بت انت ايه اللي نيلتيه ده .
عليا : خلاص من غير عصبيه لما اكسب الرهان هديلك ثمنه .
فارس : بغيظ مكتوم صبرني يا رب .
عليا : يصبرك عليا صح .
فارس : عليا ممكن نتفق اتفاق .
عليا : اتفاق ايه .
فارس : بما اننا هنعيش 3 شهور مع بعض ممكن نعيشهم من غير خناق .
عليا : هو انا اللي بتخانق يعني .
فارس : لا امي بصي 3 شهور علشان نفتكر لبعض الحاجات الحلوه.
عليا : ماشي 3 شهور علي ما اخد الشركه .
فارس : في سره بصوت شبه مسموع قصدك 3 شهور علي ما اخد حقي منك .
عليا : ايه بتقول حاجه .
فارس لا ابدا ولا حاجه .
عليا : ممكن بقي نفطر .
فارس : اتفضلي .
وتبدا عليا تاكل الفطار اما فارس ينظر لها ويبتسم .
عليا : انت بتبصلي كده ليه .
فارس : لا عادي بتفرج عليكي وانت بتاكلي انت بهدلتي البيجامه .
عليا : با ربنا اقوم اقلعها خالص .
فارس : ياريت ما هي اتبدهلت خلاص .
عليا : بأبتسامه خلاص بقي هبقي اعوضها ليك .
فارس : تعرفي شكلك حلو وانت بتضحكي .
عليا : وقد احمرت خجلا خلاص بقي .
فارس : في سره مش مهم اي حاجه المهم اني سعيد .
( يا تري السعاده ممكن تبقي في شخص او فكره او حتي ذكري حلوه تفضل جوانا تهون علينا وحدتنا تفتكر ممكن تبقي سعيد وانت بتمثل علي اللي حواليك دور مش دورك ولا السعاده في شخص بيشوفك علي حقيقتك من قبل ما تتكلم بيشوف النور اللي جواك حتي لو انت مش شايفه حتي لو انت شخصيا مش مصدق نفسك السعاده ليها الف سكه والف باب لكن عمرك ما هتعرف توصلها الا لما تعرف نفسك وتحبها )
عليا : في سرها هو انا ليه مش خايفه منه .
( الخوف كائن عايش جواك حاول انك تروده وتسيطر عليه )
فارس : عليا انا نازل .
عليا : هتروح فين .
فارس : هتمشي شويه مش معقول هفضل قاعد هنا .
عليا : علي راحتك .
فارس : طيب .
ويذهب فارس من السويت .
اما عليا تحدث نفسها وتقول انا ليه مش حاسه بالامان وخايفه دلوقتي لما نزل ربنا يسترها ويرجع ةمش يسهر ويسبني لوحدي .
( الامان الحقيقي راجل بس يكون راجل بجد )
عليا : يا رب بقي وتقوم كي تستريح شويه من السفر .
اما فارس يتسوق في البلد ويشتري لعيا ملابس كي تخرج بها وبعد ان يشتري اطقم ملابس لعيا يعود الي الفندق مره اخري ليدخل السويت يبحث عن عليا ويجدها ذاهبه في النوم ويقول ايه ده ملاك نايم .
اما عليا تستيقظ علي صوته وتقوله انت جيت امتي .
فارس : لسه داخل .
عليا : تنظر لبعض الاكياس وتقوله ايه ده .
فارس : مفأجاه .
عليا : لا بجد ايه ده .
فارس : ده يا ستي ملابس ليكي علشان تقدري تنزلي وتتحركي ومتقطعيش باقي البيجامات بتاعتي .
عليا : بفرحه دي احلي مفأجاه .
( المفاجأت مهما كانت حلوه او وحشه هي اللي بتدي لحياتنا طعم ومن غيرها حياتنا هتبقي ممله جدا )
فارس : مبسوطه .
عليا : بفرحه جدا وتقبله من خده تلقأئيا.
فارس : ايه اللي انت عملتيه ده .
عليا : بكسوف اسفه اصلي لما بابا او ماما او حد من اخواتي بيجيب ليا حاجه بعمل كده .
فارس : يا بختهم ولا يهمك يلا البسي اي حاجه علشان ننزل وخدي بالك احنا اسعد زوجين المفروض قدام الفندق كله .
عليا : حاضر .
وتدخل الغرفه وتغلقها علي نفسها وتفكر في حيره ما بين قرارين .
فارس او الشركه .
( الحيره ما بين قرارين اصعب بكتير من انك تاخد قرار ويطلع غلط)
( لو احترت ما بين حاجتين ومش عارف تاخد قرارك سيبهم لان مفيش واحده فيهم قويه كفايه جواك علشان تخليك تحسم قرارك )
وتسأل نفسها هل بالفعل بدات تميل وتقع في حب فارس بس ايه هو الحب اصلا انا لا اعرفه ولا عمري جربته بس احمد كان بالنسبه ليا حب ولا مش حب زي ما انا كنت فاكره طيب هو يعني ايه حب يعني تضيحه وهيفضل جوايا نفس السؤال ايه هو الحب ؟.
( احنا هنعيش ونموت وعمرنا ما هنفهم هو ايه الحب ده ويطلع ايه بالظبط بيتهيألي كده ان الحب هو القدر اللي لا يمكن تعرف تهرب منه مهما حاولت وبيتهيألي كمان انه بيجي مره واحده في العمر ولا تفتكروا ممكن نحب اكتر من مره وياتري الحب ده شئ واضح كده ونعرفه اول ما نحس بيه ولا ممكن الناس اللي حوالينا تلمحه قبل احنا حتي ما ناخد بالنا هل الحب هو نقطه الضعف اللي هتخلينا نضحي بحاجات عمرنا ما تخيلنا اننا ممكن نضحي بيها في يوم من الايام ونعمل حاجات عمرنا ما كنا هنعملها في حياتنا ويا تري الحب بيقدر يغيرنا فعلا من جوه ويطلع الحاجات الحلوه اللي جوانا طيب ازاي ممكن نتصرف لو حصل صراع بين حبين حبنا لحد او حاجه معينه وحبنا لحاجه تانيه او شخص تاني تفتكروا العقل بيدور في الحب يعني ينفع افكر واختار واقرر انا هحب مين ولا الحب هو اللي بيقررلنا واحنا مالناش اي سيطره عليه الحب هو اسهل واصعب حاجه في الدنيا كلها هي اهم واكبر حاجه ممكن تعدي عليك في حياتك كلها الحب اصعب من انه يتفهم واصعب بكتير من انك ترتبله عشان كده اوعا تقاومه لما تقابله في وشك استمتع بيه من سكات )
فارس : من الريسبشن يا عليا كل ده بغيري اخلصي عايزين ننزل .
عليا : وقد اوشكت علي الانتهاء من تغير ملابسها ووضعت الحجاب عليها وقالت لا خلاص انا خلصت وخارجه اهو .
فارس : طيب يلا .
وتخرج عليا من الغرفه الي فارس وتقوله انت عرفت مقاسي منين اللبس مظبوط عليا جدا .
فارس : بسيطه عرفت من اللبس اللي كنتي لابساه اخدته معايا .
عليا : طيب ايه رايك .
فارس : طبعا جميله يلا بقي علشان مش نتأخر .
عليا : طيب يلا .
ويخرجون معا من السويت كزوجين لحتي لا يلاحظ احد .
فارس : تعالي نتغدي ونتمشي علي البحر شويه .
عليا : بس انا ماليش نفس دلوقتي .
فارس : طيب تعالي بس ويمسك يديها ويجري بها الي البحر .
عليا : انت مجنون علي فكره الفندق كله اتفرج علينا .
فارس : احنا احرار محدش ليه حاجه عندنا .
عليا : طيب سيب ايدي .
فارس : مش هينفع .
عليا : ليه طيب .
فارس : علشان احنا زوجين المفروض قدام الناس .
عليا : بخيبه امل ماشي وبدات تسير القشعريره بجسها بالكامل .
فارس : تعالي بقي اوديكي احسن مكان برتاح فيه .
عليا : فين ما هنا كويس والناس معانا .
فارس : لا تعالي بس ويجري بها مره اخري الي مكان خالي من الناس ويقولها ايه رايك بقي .
عليا : طيب ممكن تسيب ايدي احنا بقينا لوحدنا .
فارس : اهو يا عليا خدي راحتك .
عليا :تفضل السكوت وتقف امام البحر.
فارس : ايه مالك سكتي ليه انا موقفك في احسن مكان هنا ومحدش يعرف المكان ده غيري بحبه اوي انا كل اما اكون مضايق او مخنوق اجي اقعد هنا لوحدي .
عليا : مفيش بس المكان جميل فعلا .
فارس : عليا ممكن اطلب منك حاجه.
عليا : حاجه زي ايه .
فارس : ممكن ننزل البحر مع بعض .
عليا : لا انا عندي فوبيا من نزول البحر .
فارس : طيب علي راحتك وبدا يخلع ملابسه مرتديا مايوه ويقولها هنزل شويه خدي بالك من اللبس ده .
عليا : وقد احمرت خجلا منه ايه الجنون ده .
فارس : لم يسمعها ويجري نحو الماء حتي يدخل جوه .
عليا : بصوت عالي فارس متبعدش يا فارس .
فارس : لم يسمعها .
عليا : وقد بدات تفقده وتقول فارس فارس .
فارس : لم يسمعها ولم يجيب عليها .
عليا : وقد بدات تخاف عليه وتقول باعلي صوتها فارس .
لم تسمع اي رد او نداء ولا يوجد احد غيرها ونزلت البحر خلفه مباشره كي تبحث عنه ولا تعلم كي تعوم .
عليا : فارس انت فين يا فارس انا نزلت اهو البحر زي ما انت عايز بس انت فين انا خايفه انا لوحدي وبدات تفقد الوعي هي الاخري .
فارس : وقد رائها وهو يعوم ويراها بدات تفقد وعيها ويسبح بسرعه نحوها ويقول عليا ايه اللي نزلك يا مجنونه .
عليا : لم تسمعه وفقدت وعيها .
اما فارس ياخدها ويسبح بها نحو الشاطئ .
فارس : عليا فوقي بقي عليا .
لا يوجد اي استجابه .
فارس : يبدا بعمل تنفس لها ويضغط علي صدرها بكل قوه وبكل شده .
ولم يجد اي استجابه منها ويبدا بالقلق عليها .
فارس : عليا عليا .
ولم يجد منها اي استجابه ويفكر بعمل تنفس صناعي لها ويبدأ بالفعل بعمل تنفس صناعي لها .
اما عليا استجابت له وبدات تفيق .
اما فارس بدا يقبل فيها بكل قوه وعليا بدات تضعف واستسلمت له في صمت .
عليا : تستبعده عنها وتكح وتقوله ايه اللي انت عملته ده .
فارس : نعم بعملك تنفس صناعي .
عليا : نعم طيب قوم لم سمحت ويلا نمشي .
فارس : ايه اللي حدفك في المايه يا مجنونه انا قولتلك خليكي تاخدي بالك من اللبس .
عليا : انا خوفت حسيت انك بتغرق .
فارس : بفرحه بجد خوفتي عليا .
عليا : لا خوفت علشان كنت لوحدي ولو غرقت مكنتش هعرف اتصرف ولا اروح .
فارس : بغرق عليا انا بطل في السباحه اصلا .
عليا : طيب ممكن نمشي .
فارس : ممكن طبعا اتفضلي البسي القميص ده هو واسع عليكي اهو ارحم ما تدخلي الفندق والهدوم ملزقه فيكي .
عليا : لا انت هتدخل كده مش يصح وبعدين تبرد .
فارس : بصوت عالي اسمعي الكلام وانت ساكته .
عليا : بخوف حاضر .
وترتدي عليا قميصه فوق ملابسها .
فارس : اهو عوضي علي الله في البيجامه اللي قصتيها والقميص ده كمان .
عليا : بأبتسامه طيب يلا نرجع الفندق علشان منبردش .
فارس : طيب يلا يا ستي .
ويذهبون مره اخري الي الفندق .
اما عند احمد وهو جالس مع صديقه .
عادل : احمد مامتك كلمتني النهارده عرفت انك عندي وعايزه تكلمك.
احمد : انا فعلا همشي كفايه اوي كده تقلت عليك يا صاحبي .
عادل : لا متقولش كده انت اخويا يا احمد .
احمد : اخوك بس انا فاشل .
عادل : لا مش فاشل هي الظروف .
احمد : الظروف اعلقها علي شماعه فشلي .
( سهل اوي تلاقي شماعه تعلق عليها فشلك لكن ده مش هيغير من الحقيقه لان السبب الرئيسي في فشلك هو انت )
عادل : متقولش كده انت هتكون ناجح .
احمد : تفتكر يا عادل انا فاشل في كل حاجه حتي في الحب .
عادل : انا هقولك حاجه ابويا الله يرحمه قالها ليا .
احمد : اتفضل طبعا .
عادل : اسمع يا احمد .
( النجاح قرار انت بس اللي تقدر تاخده مش اي حد تاني والحب كمان قرار لما تاخده لازم تستحمل كل اللي هيترتب عليه ساعات بناخد قرارات وبنبقي متأكدين ان احنا هننجح وساعات بناخد قرارات مبنبقاش عارفين ان اخرها الم وحزن )
احمد : فهمتك يا صاحبي انا هرجع وهبدا مع نفسي ربنا يخليك ليا يا صديق عمري .
عادل : ويخليك يا ابوحميد .
وبالفعل عاد احمد الي منزل اهله وصالحهم جميعا .
وعند عليا مع فارس بعد ان يصلوا معا الي الفندق ويصعدوا الي السويت الخاص بهم .
عليا : اتفضل ادخل خد شاور انت كده هتبرد .
فارس : لا ادخلي انت واخلصي انا قولت كلمه .
عليا : ماشي .
وتدخل عليا كي تاخد شاور .
اما فارس ينتظرها كي تخرج .
وتخرج عليا بعد ان ارتدت جميع ملابسها ووضعت الحجاب عليها .
فارس : ايه ده لزمته ايه الحجاب ده .
عليا : بعند انا مش هقلعه بقي .
فارس : استغفر الله العظيم يا بنتي انا جوزيك امتي تعرفي بقي هو انت مكنتيشش موجوده والمأذون بيكتب الكتاب ولا ايه .
عليا : انت عايز ايه بالظبط .
فارس : خلاص يا عليا علي راحتك انا داخل اخد شاور .
عليا : انا جوعت هطلب اكل ولا هننزل ناكل تحت .
فارس : لا انا مش قادر انزل اطلبي وناكل هنا .
عليا : ماشي .
اما فارس يدخل كي ياخذ شاور خاص به .
وعليا تطلب الاكل وتنتظره بالخارج .
اما فارس بعد ان يخرج يبدا بالعطس .
عليا : انت اخدت برد شكلك كده .
فارس : بصي انا هنام لاني تعبااااان .
عليا : اتفضل .
ويذهب فارس في النوم .
اما عند شاهندا في الفيلا مع والدتها .
شاهندا : مامي انا هروح اشتغل مع دادي .
زينب : اللي انت عايزه يا حبيبتي اعمليه .
شاهندا : طيب انا هاخد سيارتك علشان سيارتي في التوكيل .
زينب : ماشي يا قلبي .
وتذهب شاهندا الي شركه والدها .
وبعد ان تصل تدخل الشركه وانظار الشباب كلها حول شاهندا وجمالها الغير طبيعي وتقف امام السكرتيره وتقول لها لو سمحتي بابي عنده حد .
السكرتيره : ايوه يا انسه ثواني عنده المهندس المسئول عن الموقع ومهندس الشركه المنفذه .
شاهندا : طيب لو سمحتي ادخلي بلغيه اني هنا .
السكرتيره : تحت امرك يا شاهندا هانم .
وتدخل السكرتيره كي تبلغ خليل بيه والد شاهندا بانها تريد مقابلته .
عبدالرحمن : تمام كده انا هبلغ عبدالقادر بيه علي اللي حضرتك قولته ليا .
خليل : تمام ومعاك البشمهندس يوسف يا بشمهندس لانه المسئول عن الموقع .
عبدالرحمن : تمام يا خليل بيه اتشرفت بمعرفتك .
خليل : الشرف ليا انا اني اتعرف بمهندس زيك يا بشمهندس عبدالرحمن .
السكرتيره : خليل بيه شاهندا هانم بره وعايزه تقابل حضرتك .
خليل : خليها تدخل .
وتخرج السكرتيره لشاهندا وتقولها اتفضلي يا انسه .
شاهندا : حاضر وتدخل شاهندا
يوسف : تمام يا خليل بيه انا بنفسي هنزل الموقع واشوف العمال محتاجين ايه .
عبدالرحمن : استأذن انا يا خليل بيه .
شاهندا : وقد تذكرت نفس الصوت الشاب وقالت بعد ان دخلت لتتأكد منه وقالت هو انت .
عبدالرحمن : لم يتوقع وجودها هي الاخري وقال نعم حضرتك بتكلميني انا .
خليل : لم يفهم شئ ويقول هو فيه ايه .
يوسف : ايضا لم يفهم شئ ويقول انتوا تعرفوا بعض .
عبدالرحمن : ابدا ابدا لا انا معرفش حد عن اذنكم عن اذنك يا خليل بيه عن اذنك يا بشمهندس يوسف وينصرف اما شاهندا تتعصب انه تجاهلها للمره الثانيه .
خليل : اتفضل يا باشمهندس يوسف .
يوسف : بعد اذنكم وينصرف .
خليل : حبيبه بابي عامله ايه .
شاهندا : الحمدلله يا بابي انا كنت عايزه اطلب منك طلب .
خليل : انت تؤمريني .
شاهندا : بابي انا عايزه اشتغل معاك .
خليل : بس كده عنيا يا قلبي .
شاهندا : تسلملي يا بابي وكل تفكيرها في عبدالرحمن مره اخري .
اما في الفندق عند عليا وفارس
اما عليا تفكر ما بينها وبين نفسها وتقول لاحسن يتعب اوي ساعتها انا مش هعرف اتصرف انا هدخل اشوفه.
وتدخل عليا الغرفه لتري فارس لتجده نائما وتحسس يديها علي وجهه لتجده سخن اوي وتقول يا ربي ده مولع اعمل ايه .
وتقرر عمل كمدات مياه بارده له وتقول في سرها يا رب يخف يا رب .
فارس : مش حاسس بحاجه وطبعا نايم خالص .
اما عليا تغطيه بجميع الغطاء اللي في السويت وتفضل جنبه وتنسي نفسها ولم تأكل ابدا حتي تطمئن عليه .
وفي الفجر يستيقظ فارس من النوم ليجد عليا علي اقرب كرسي جانب السرير ونائمه هي الاخري ويبدا يكح .
عليا : وقد سمعته وقالت انت عامل ايه دلوقتي .
فارس : ولم يفهم شئ ويقول هو فيه ايه .
عليا : بتعب لا مفيش انت سخنت شويه وانا عملتلك شويه كمدات .
فارس : يقوم من علي السرير ببطء .
عليا : رايح فين .
فارس : عايز ادخل التواليت .
عليا : طيب استنا انا هسندك .
وتقوم عليا من مكانها كي تسنده .
اما فارس يستغل الفرصه انها بين يديه ويمسكها بشده ويقولها اخيرا بقيتي بين ايديا ويحتضنها ويقبلها بشده .