رواية غدر الايام
الفصل الرابع والثلاثون34
بقلم نورا عطيه
عليا : تلاحظ نظرتها لفارس وتقول لنفسها النظرات دي مش طبيعيه فارس فيه ايه وبتبصلك كده ليه هي .فارس : مفيش حاجه يا عليا .
عليا : بعصبيه لا فيه يا فارس .
فارس : طيب الهانم ادتني الكارت بتاعها اصلي عجبتها اوي اصلي مش عاجب مراتي اصلا ويضحك .
عليا : بصدمه نعم طيب اشبع بيها .
فارس : لا طبعا ماينفعش ابص بره وحلالي معايا حرام .
عليا : بطل استفزاز لو سمحت .
فارس : انا كلمت ولا قولت حاجه .
عليا : تقصد بأيه حلالك دي .
فارس : ولا حاجه كلمه اصلي ناوي اتجوز .
عليا : بغيظ مكتوم براحتك وتتجنبه .
فارس : طيب .
عليا : لنفسها هو انا مضايقه اوي كده ليه انا مش فاهمه انا عايزه ايه ايه اللغبطه دي .
( والله الرجاله ساعات كتير بيصعبوا عليا ازاي بنطلب منهم يفهموا احنا عايزين ايه واحنا اصلا مش فاهمين احنا عايزين ايه )
نورا عطيه
وتعلن المضيفه بوصول الطائره الي المطار .
فارس : حمدلله علي السلامه .
عليا : الله يسلمك .
المضيفه : لهم حمدلله علي السلامه .
فارس : ينظر تجاه عليا ليري علامات وجهها ويقول الله يسلمك .
عليا : بأبتسامه غل الله يسلمك وتاخذ فارس من يديه امامها كي لا تتحدث معه .
المضيفه : في سرها واضح انها لاحظت حاجه .
فارس : لعليا ايه اللي انت عملتيه ده .
عليا : انا عملت كده علشان منظري قدام الناس مش اكتر مش غيره علشان دماغك مش تروح بعيد .
فارس : طيب يا عليا.
عليا : طيب اتفضل انزل ولا عاجبك القاعده في الطياره مع الهانم .
فارس : بضحك خلاص يلا هنزل .
عليا : طيب قدامي .
وينزلون متجهين الي صاله المطار .
وكان في استقبالهم محمود صديقه وزوج اخته ونادين اخته .
نادين : تجري عليهم محتضناهم فارس حبيبي حمدلله علي السلامه.
فارس : الله يسلمك يا حبيبتي .
محمود : حمدلله علي السلامه يا صاحبي ويحتضنه .
فارس : الله يسلمك يا حبيبي .
نادين : لعليا وتحتضنها حمدلله علي السلامه يا عروسه واحشتيني.
عليا : تحتضنها هي الاخري وتقول لها وانت كمان واحشتيني اوي .
محمود : يلا علشان ماما ناديه مستنياك وكلهم هناك .
فارس : بلهفه لاشتياقه لوالدته يلا يا عليا .
ويركبون معا السياره متجهين الي الفيلا .
وبعد ان يصلوا الي الفيلا .
وكان في استقبالهم ناديه ومحمد وعفاف وعبدالرحمن وخالد .
بالسلامات جميعا والاحتضان .
عفاف وقد احست بشئ في عليا وقال لها .
عفاف : تعالي يا عليا اطلعي ارتاحي يا حبيبتي .
عليا : فعلا انا تعبانه جدا هطلع ارتاح شويه .
عفاف : انا جايه معاكي يا بنتي .
نادين : استني هطلع معاكي يا عليا .
ناديه : لا استني عايزاكي يا نادين اطلعوا انتوا اطلعي يا بنتي ارتاحي ومعاكي عفاف .
عليا : طيب يلا يا ماما .
عفاف : يلا يا بنتي .
ويصعدون معا الي الغرفه .
عفاف : مالك يا عليا .
عليا : مفيش يا ماما .
عفاف : ده شكل عروسه جديده لسه .
عليا : يا ماما تعبانه شويه اجهاد .
عفاف : لاحسن تكوني حامل يا عليا .
عليا : حامل ازاي لا لا .
عفاف : بصدمه نعم .
عليا : لا يا ماما متفهميش غلط احنا متفقين مفيش عيال دلوقتي .
عفاف : ليه يا بنتي .
عليا : يا ماما شهرين كده ونفكر يا ماما خلينا نعيش حياتنا ونستمتع شويه .
عفاف : يا بنتي علي راحتكم بس انا مش عايزه اشوفك كده شكلك دبلان خالص يا بنتي كلي يا بنتي بلاش تقولي لا علي الاكل.
عليا : حاضر يا ماما .
عفاف : ربنا يسعدك ويهنيكي يا رب يا بنتي .
عليا : يا رب يا امي ويخليكي ليا يا رب .
عفاف : ويخليكي ليا يا نور عيني انا هسيبك بقي ونروح علشان خالد عنده درس .
عليا : لا يا ماما اتغدي معانا .
عفاف : مش هينفع يا بنتي انت وجوزك بقي هتتغدوا معانا بأذن الله الجمعه الجايه .
عليا : ان شاء الله يا ماما بس قولي لبابا يبلغ فارس .
عفاف : ماشي يا حبيبتي اسيبك ترتاحي بقي .
عليا : ماشي يا ماما.
وتذهب عفاف وتقولهم يلا بقي يا محمد .
ناديه : نعم تروحوا فين انتوا هتتغدوا معايا .
عفاف : مش هينفع والله يا ناني خليها مره تانيه .
ناديه : مره تانيه ايه والله ما هتغدي غير لما تقعدوا معانا تتغدوا .
محمد : خلاص يا عفاف هنتغدي ونمشي .
عفاف : خلاص مش هزعلك هنتغدي ونمشي .
ناديه : عليا كويسه .
عفاف : ايوه الحمدلله بخير بس انت عارفه بنات اليومين دول .
ناديه : يا رب يسعدهم يا رب .
عفاف : يا رب .
وتذهب ناديه الي المطبخ ومعها نادين للاشراف علي الغداء .
اما عفاف لتاخذ فارس بينهم جميعا وتقول فارس عايزك لو سمحت.
فارس : خير يا ماما فيه حاجه .
عفاف : فارس انا كنت مع عليا فوق وحكيت ليا علي كل حاجه .
فارس : بقلق حكيت ايه بالظبط .
عفاف : انكم مأجلين موضوع الخلفه شهرين ليه يا فارس عايزه افرح بيكم وبعيالكم .
فارس : بأرتياح والله يا ماما دي رغبه عليا انا عن نفسي نفسي في بيبي بس هي مصممه بعد شهرين .
عفاف : بقي دي رغبتها طيب سيبها عليا انا بس انا عايزه نونو في خلال 9 شهور وانا هقنعها انا بيهم دول نعمه من ربنا يا ابني .
فارس : عارف والله يا ماما وربنا يكرم يا رب .
عفاف : يا رب يا ابني .
اما عبدالرحمن يستأذن ويخرج كي يتمشي قليلا في الفيلا .
وفي الفيلا عند شاهندا وهما متجمعون سويا علي الغداء .
خليل : شاهندا فيه موضوع عايز اتكلم معاكي فيه انا مأجل الكلام فيه من اقل من اسبوعين .
شاهندا : خير يا بابي .
زينب : خير يا خليل .
خليل : فيه عريس متقدم لشاهندا هو كويس وابن ناس .
شاهندا : نعم هو مين بقي يا بابي .
خليل : البشمهندس يوسف .
زينب : وده ابن ناس .
شاهندا : معترضه لا يا بابي وانا رافضه .
خليل : وانا اديتله كلمه خلاص .
شاهندا : ببكاء ارجوك لا يا بابي انا مش عايزه اتجوزه .
خليل : بعصبيه بنت خلاص الموضوع انتهي .
زينب : خلاص شوفيه واقعدي معاه يمكن يكون كويس .
شاهندا : لا مش عايزاه .
خليل : لا هتتجوزيه وانا قولت كلمه .
وتقوم شاهندا من امامهم وتبكي .
زينب : طيب اقعدي كملي اكل .
شاهندا : ماليش نفس انا هخرج الجنينه .
وتخرج الجنينه وتبكي وتتمشي خارجها .
اما عبدالرحمن يتمشي هو الاخر خارج الجنينه ويسمع صوت بكاء ويقرب من الصوت حتي يصل اليها .
شاهندا : تقف لتبكي بشده .
عبدالرحمن : فيه ايه يا انسه حصل ايه بتعيطي ليه .
شاهندا : تلتفت لنفس الصوت .
عبدالرحمن : هو حضرتك انسه شاهندا .
شاهندا : ايوه حضرتك هنا ليه .
عبدالرحمن : انا جاي اشوف اختي .
شاهندا : وقد نسيت ما بها وقالت بفرحه بجد هي جت .
( متخافش ربنا احن من انه يسيبك زعلان ومبيعتلكش حاجه تخفف عنك الزعل ده )
عبدالرحمن : ايوه جت النهارده .
شاهندا : كويس هبقي اروح اسلم عليها .
عبدالرحمن : كنتي بتعيطي ليه .
شاهندا : مفيش مش عايزه ازعج حضرتك بمشاكلي .
عبدالرحمن : طيب علي راحتك بعد اذنك .
شاهندا : استنا هنا لو سمحت يا بشمهندس .
عبدالرحمن : خير عايزه ايه تاني .
شاهندا : يا بشمهندس ممكن تبصلي بس انا مستغربه ليه بتكلمني من غير ما تبصلي .
عبدالرحمن : علشان مطلوب مني اغض بصري .
شاهندا : مين اللي طلب منك .
عبدالرحمن : ربنا امرني بكده .
شاهندا : باستغراب ربنا انت ممكن تكلمني وتخليني اقرب ليه انا عارفه اني زعلته كتير بس انا عايزه ادخل الجنه .
عبدالرحمن : بفرحه بجد يعني عايزه تتغيري من جواكي فعلا .
شاهندا : ياريت يا بشمهندس .
عبدالرحمن : ان شاء الله هتتغيري فعلا .
شاهندا : ممكن اقولك حاجه .
عبدالرحمن : اتفضلي طبعا .
شاهندا : البشمهندس اللي اسمه يوسف .
عبدالرحمن : ماله تاني .
شاهندا : طلبني من بابي وبابي مصمم يجوزه ليا وانا رافضه ممكن تقوله انت اني رافضاه .
عبدالرحمن : حضرتك تقوليله هو مش صاحبي علشان اقوله .
شاهندا : انا لو اتكلمت معاه هو بني ادم مش محترم كفايه نظراته ليا .
عبدالرحمن : بعصبيه انت اللي بتخليه يبص بلبسك ده انت لو تلبسي محترم وملتزم زي المرأه المسلمه مكنش هيبص ليكي اصلا.
شاهندا : بعصبيه وبكاء لا يا باشمهندس حتي لو لابسه طرحه برضوا هيبص بطريقه وحشه العيب فيكم انتم مش فينا احنا .
عبدالرحمن : خلص الحوار بعد اذنك يا انسه .
شاهندا : في سرها ايه البني ادم التقيل ده طيب اقوله اني معجبه بيه بشمهندس عبدالرحمن ثواني .
عبدالرحمن : لو سمحتي يا انسه انا اتاخرت عليهم جوه وبيتصلوا بيا سبيني ادخلهم بقي بعد اذنك .
شاهندا : لا مش هتمشي خليك لو سمحت .
عبدالرحمن : يا ربنا عايزه ايه انت تاني .
شاهندا : انا معجبه بيك يا بشمهندس .
عبدالرحمن : نعم لو سمحتي بعد اذنك وينصرف يفضل الانصراف وعدم الرد .
شاهندا : بني ادم متعجرف بس انا هجيبك هجيبك يا بشمهندس متخلقش اللي يقول لشاهندا لا .
اما عبدالرحمن ينصرف مسرعا الي الفيلا حتي لا يلاحظه احد ويفكر في كلامها الا انه هو الاخر معجب بجمالها ولم يتحدث لا يتحدث سوي لربه فقط ويدعوا لها بالهدايه كي تكون امرأه مسلمه صالحه.
وبعد ان يدخل عبدالرحمن الفيلا ويتجمعون سويا علي الغداء ويأكلون سويا ثم يرحل عبدالرحمن وخالد وعفاف ومحمد وبعدهم يرحل نادين وزوجها ومعهما الطفلان .
ناديه : يلا يا حبايب قلبي اطلعوا ارتاحوا بقي من السفر عارفه انكم تعبانين شويه .
فارس : فعلا انا هموت وانام .
ناديه : طيب اطلع ارتاح يا حبيبي .
فارس : حاضر يا امي عايزه حاجه .
ناديه : عايزه سلامتك يا نور عيني .
فارس : تصبحي علي خير يا ست الكل .
ناديه : وانت من اهله يا ابني .
ناديه : مش هتطلعي معاه يا عليا .
عليا : لا يا ماما هقعد معاكي شويه .
ناديه : وانا مش عايزاكي تقعدي معايا اطلعي اقعدي مع جوزك يا بنتي .
عليا : حاضر يا ماما .
ناديه : استنا يا فارس خدها معاك .
فارس : طيب يلا يا عليا .
ويصعدون سويا الي الغرفه الخاصه بهم .
عليا : احنا هنام ازاي .
فارس : جنب بعض .
عليا : انت هتهزر .
فارس : طيب انا اعمل ايه ماما معانا وممكن تلاحظ حاجه .
عليا : طيب انا هنام علي السرير وانت علي الارض .
فارس : نعم انا ظهري ينكسر كده حرام عليكي .
عليا : خلاص هنام انا علي الارض وانت علي السرير .
فارس : ليه شايفاني سوسن لما انيم مراتي علي الارض .
عليا : تضحك بشده عليه وتقوله حلوه سوسن دي .
فارس : زي القمر حتي وهي بتضحك .
عليا : تتكسف بشده منه وتقوله خلاص يا فارس يلا علشان تنام بقي .
فارس : طيب انا لقيت الحل .
عليا : قول ايه هو .
فارس : احنا ننام علي السرير .
عليا : تنظر له بعصبيه .
فارس : فهمتي ايه هنام عكس بعض .
عليا : ازاي يعني .
فارس : انا هنام علي طرف وانت الطرف التاني بس عكسي .
عليا : مش فاهمه ازاي .
فارس : برجل يا عليا .
عليا : اها فهمت نعم بقي مش هينفع .
فارس : ليستفزها انت خايفه علي نفسك مني ومش واثقه في نفسك.
عليا : نعم لا طبعا مش خايفه علي نفسي وواثقه في نفسي جدا .
فارس : يا عم الجامد انت ايوه بقي .
عليا : خلاص يلا ننام بقي .
فارس : بس تنامي بأدبك انا ولد ولاود .
عليا : تضحك بشده عليه وتقوله يعني ايه .
فارس : يعني مبنمش جنب بنات انا خدي بالك .
عليا : يعني انا هكلك ولا ايه .
فارس : احتمال مش غريب عليكي انت تاكلي العفريت لو طلعلك .
عليا : انا ده انا غلبانه اوي .
فارس : انت غلبانه طيب يلا ننام بقي .
عليا : فارس تنام بأدب .
فارس : نعم ده انا خايف علي نفسي منك اصلا .
عليا : طيب نام لو سمحت .
فارس : انت هتنامي بالطرحه دي .
عليا : ايوه هنام بيها .
فارس : هتتعب رقابتك .
عليا : مالكش دعوه .
فارس : طيب انت حره تصبحي علي خير .
عليا : وانت من اهله .
اما فارس لم ينم ويبدا بعمل اصوات مرعبه كي تخاف وتحتنضنه .
نيو نيو نيو .
عليا : تقوم مخضوضه وتقول ايه الصوت ده ايه ده فارس قوم شوف فيه صوت غريب .
فارس : يا ربنا الواحد مش هيعرف ينام ولا ايه .
عليا : فيه صوت غريب .
فارس : صوت ايه انت بتخافي .
عليا : بتحدي لا مش خايفه .
فارس : طيب نامي .
عليا : طيب .
ويغلق النور مره اخري .
ويعمل صوت اخر كي تخاف .
اما عليا تقرا الفاتحه في سرها من الخوف وتقول اعوذ بالله من الشيطان الرجيم بسم الله الرحمن الرحيم مفيش حاجه ما عفريت الا بني ادم
فارس : يستمر علي نفس الصوت .
عليا : بصوت اعلي لا بقي ايه الصوت ده فارس فارس قوم .
فارس : عايزه ايه .
عليا : فيه صوت يا فارس .
فارس : نامي يا عليا الله يهديكي مفيش حاجه .
عليا : لا مش عارفه انام .
فارس : طيب انا عندي حل .
عليا : قوله .
فارس : تنامي في حضني مش هتسمعي اصوات خالص .
عليا : نعم .