رواية غدر الايام
الفصل الخامس5
بقلم نورا عطيه
عليا : ايه ده هو احمد رجع تاني لحق,,, وتلبس الاسدال,,, لكي تفتح له الباب.وبعد ان تفتح الباب تجد البواب,,, وتقوله نعم مين حضرتك عايز ايه.
البواب : جاي اقعد معاكي شويه يا قموره .
عليا : وانا مش عايزه حد يقعد معايا.
البواب : ما الاستاذ اخوكي قالي اشوفيك محتاجه ايه .
عليا : نعم اخويا طيب انا مش محتاجه حاجه شكرا لحضرتك.
البواب : لا محتاجه ويدخل الغرفه,,, ويغلقها خلفه بشده.
عليا : انت بتعمل ايه فيه ايه حضرتك .
البواب : جري ايه يا موزه خلينا حلوين مع بعض ونقضي ساعه حلوه.
عليا : انت ايه اللي بتعمله ده انت اتجننت,,, وتنادي باعلي صوت احـــــــــــــــــــــــــــــــمـــــــــــــــــــــــــــــــــــــــد.
اما احمد بعد ما نزل ورايح يدور علي شغل يفتكر انه نسي الموبيل بتاعه,,, ويقول يااااه اكيد ماما هتتصل يالهوي لو عليا رديت انا ارجع اجيبه احسن,,, ويرجع احمد ويقول ايه ده البواب راح فين كان هنا مش مهم انا الحق اطلع اجيب الموبيل بقي,,, ويطلع احمد السلم .
البواب : يكتم صوتها بايده بشده,,, ويقولها صوتك مايطلعش يا موزه ماشي مش عايز غباء احنا هنقضي ساعه حلوه وخلاص .
عليا : صوتها مكتوم وبتعيط.
البواب : قولت مش عايز غباء,,, ويلقي بها علي السرير بشده .
اما عليا تقع مغشي عليهاعلي السرير.
البواب : صحيح بت غبيه,,, ويسيبها مغشيا عليها,,, ويخرج ويسمع صوت طالع علي السلم,,, ويدور علي مكان لكي يختبي به حتي لا يراه احد.
يطلع احمد,,, وبياخد نفسه يقول ياااه السلم طويل اوي,,, ويبدا يخبط علي عليا ولم يجد اي استجابه .
ويقول في سره يا تري هي نايمه ولا ايه حتي لو نايمه المفروض تقوم,,, ويبدا يقلق عليها,,, ويرزع الباب بكل قوه لديه حتي يكسره,,, ويدخل ليجد عليا ملقاه علي السرير مغشيا عليها .
اما البواب يرجع بخبث لاحمد,,, ويقوله فيه ايه يا باشا انا طالع علي صوت الرزع هو حصل حاجه لاختك .
احمد : مش عارف حلص ايه بس انا رجعت علشان نسيت الموبيل خلاص محصلش حاجه انزل انت بس,,, وانا هفوقها هي علشان لسه خارجه من المستشفي .
البواب : حاضر يا باشا تحت امرك,,, وينزل البواب ويقول في سره لو البت دي قالتله هخرجهم بفضيحه,,, واضح كده انها مش اخته بس وديني ما هسيبها تعدي من تحت ايدي البت دي .
احمد : عليا عليا ويضع علي انفها برفان كي تفيق .
عليا : انا فين وانت مين وايه اللي جابني هنا .
احمد : انا احمد يا عليا فيه ايه .
عليا : احمد مين انا ايه اللي جابني هنا .
احمد : نعم انتي افتكرتي انت مين .
عليا : افتكرت ايه انت عملت فيا ايه,,, انا عايزه اروح لماما.
احمد : والله ما عملت حاجه انت كان حصل ليكي حادثه,,, وانا مش عارف اوصل لاهلك خالص .
عليا : انا عايزه اروحلهم دلوقتي,,, طيب ممكن تكلم بابا انا حافظه رقمه .
احمد : خدي الموبيل اهو كلميه,,, وهاتيه اقوله واشرحله بس والله انا عاملتك علي انك اختي مش اكتر لان عندي اخوات بنات .
عليا : انا عايزه بابا وماما,,, ممكن موبيلك .
احمد : اتفضليه,,, ويعطي لها الموبيل كي تتصل بوالدها .
وتبدا عليا بالاتصال برقم والدها .
والدها : بعد ان يصل القسم يرن هاتفه,,, ويرد يقول السلام عليكم ورحمه الله وبركاته .
عليا : وعليكم السلام ورحمه الله وبركاته,,, بابا انا عليا واحشتني اوي يا حبيبي .
والد عليا : بلهفه عليا,,, وانت كمان واحشتيني انت فين يا بنتي.
عليا : يا بابا معاك اهو الاستاذ هيكلمك يقولك مكاني وتعطي الموبيل لاحمد كي يحدث والدها .
احمد : السلام عليكم .
والد عليا : وعليكم السلام,,, قولي يا ابني علي مكانها دلوقتي .
احمد : يا عمي احنا في العماره اللي قدام مستشفي ......
والد عليا : حاضر يا ابني,,, دقايق واكون عندكم .
احمد : بس احنا في الدور الاخير يا عمي,,, علي السطوح .
والد عليا : جاي يا ابني علطول مسافه الطريق,,, ويغلق التليفون فرحا بأنه عثر علي ابنته الفقيده,,, ويتصل مسرعا بعبدالرحمن اخوها.
عبدالرحمن : السلام عليكم,, خير يا بابا عرفت حاجه .
والد عليا :وعليكم السلام ,,, كل خير يا ابني الحمدلله لقيتها اسبقني علي العماره ... اللي قدام مستشفي .... بس لو وصلت قبلي متطلعش غير لما اوصل يا ابني .
عبدالرحمن : بفرح الحمدلله يا بابا حاضر,,, انا هروح علطول .
والد عليا : وانا في الطريق يا ابني .
اما عند احمد وعليا في غرفه السطوح .
عليا : ممكن بقي لو سمحت يا استاذ تفهمني حصل ايه .
احمد : يجلس ويقولها انا هشرحلك كل حاجه يا انسه بس ممكن اعرف انت اسمك بجد عليا .
عليا : ايوه ليه .
احمد : انا هفهمك كل حاجه يا انسه .
عليا : اتفضل وانا سامعاك .
احمد : من الاول انا اسمي احمد عندي 23 سنه خريج كليه الحقوق وكنت نازل القاهره ادور علي شغل,,, وانا ماشي في الشارع ببص لقيت عربيه بتخبطك لسه هقولك حاسبي بس كنتي وقعتي خلاص جريت عليكي,,, واخدتك مع واحد كبير ودخلت بيكي المستشفي وتقدري تتأكدي ده الكارت بتاع الراجل والمستشفي قدام العماره,,, ولما حضرتك فوقتي من الحادثه لقيتك مش فاكره حاجه خالص,,,وكمان كنت نسيت اخد شنطه حضرتك قولت لو رجعت اكيد مش هلاقيها وهلاقيها اتسرقت وانا مكنت اعرف حاجه عنك خالص,,, وانا مكنتش عارف اتصرف لقيت الدكتور بيقول انه هيكتبلك علي خروج ,,, ومعنديش هنا مكان خالص نزلت الف علي مكان لحد ما البواب قالي علي الاوضه دي,,, اخدتها منه ايجار اسبوعين مؤقت لحد ما حضرتك تفتكري,,, وترجعلك الذاكره وعاملتك زي ما بعامل اخواتي البنات انا عندي اختين ,,, وقولت علي حضرتك اسم اختي الصغيره عليا لاني بحبها اوي ده كل اللي حصل يا انسه,,, والله ما حصل اكتر من كده ومع حضرتك كارت الراجل ,,, والمستشفي قدام العماره تقدري تتأكدي .
عليا : انا مش عارفه اشكر حضرتك ازاي بجد اللي زي حضرتك مش موجودين خالص في الدنيا .
احمد : انا هستنا والد حضرتك بره علشان مش يصح اكون هنا بعد اذنك يا انسه عليا .
عليا : بكسوف اتفضل يا استاذ احمد .
وبعد ان يصل والد عليا يجد عبدالرحمن علي باب العماره,,, واقف ويقوله تعالا يا ابني ورايا .
ويطلع والدعليا وخلفه عبدالرحمن علي السلم.
وبمجرد وصولهم للسطح.
والد عليا : يااااه كل ده سلم انا تعبت,,, وياخد نفسه بصعوبه.
احمد لوالدها حمدلله علي السلام حضرتك والد عليا .
والد عليا : ايوه يا ابني فين بنتي .
عبدالرحمن : بأندفاع,,, انت مين وعملت في اختي ايه.
والد عليا : بصوت عالي,,, عبدالرحمن اسكت .
عبدالرحمن : بكسوف,,, وينظر للارض حاضر يا بابا.
والد عليا : عليا فين يا ابني .
احمد : اتفضل يا عمي,,, وانا هفهمك كل حاجه,,, ويدخل به الي الغرفه التي بها عليا,,, ويخبط عليها يستأذن بالدخول .
عليا : تجري مسرعه نحو والدها,,, وتحتضنه بشده .
والد عليا : انت كويسه يا بنتي .
عليا : الحمدلله يا بابا الفضل كله يرجع لاستاذ احمد يا بابا .
والد عليا : فهمني حصل ايه يا ابني .
احمد : حاضر يا عمي ويبدا بالشرح له,,, بعد ان يشرح لوالد عليا كل حاجه حصلت .
والد عليا : انا مش عارف اشكرك ازاي علي اللي عملته مع بنتي يا ابني,,, واحد غيرك كان سابها ومشي,,, وقال وانا مالي ربنا يبارك ليك ويحرصك ويخليك لاهلك يا رب .
احمد : لا شكر علي واجب يا عمي ,,, وانا عاملتها زي اختي يا عمي.
عبدالرحمن : انا بشكرك يا استاذ احمد علي كل حاجه عملتها لاختي,,, ومتأسف علي الطريقه اللي اتكلمت بيها معاك
احمد : لا خلاص مفيش حاجه انت اخوها,,, وحقك تقول اكتر من كده.
والد عليا : يطلع من جيبه فلوس لكي يعطيها لاحمد,,, ويقوله اتفضل يا ابني دي حاجه بسيطه انت مش من هنا,,, ومحتاج مصاريف اكيد,,, وصرفت علي بنتي كتير.
احمد : يا عمي عليا زي اختي ,,, واللي عملته ده واجب وانا مش هاخد حاجه يا عمي والله ما هاخد حاجه يا عمي ,,, ومع حضرتك رقمي ممكن بس ابقي اتصل بحضرتك ,,, اطمن عليها بس يا عمي .
والد عليا : طبعا يا ابني تتصل في اي وقت انت بقيت زي عبدالرحمن ابني خلاص .
احمد : متشكر جدا يا عمي.
والد عليا : يلا يا عليا ,,, علشان والدتك لازم تشوفيك لانها تعبانه من امبارح .
عليا : بقلق ,,, ماما طيب انا جهزت يا بابا ممكن نروحلها دلوقتي حالا.
والد عليا : خليك يا عبدالرحمن مع احمد وانا هروح عليا خليك يا احمد يا ابني عايزك.
احمد : حاضر يا عمي اللي تشوفه .
عبدالرحمن : انا هنزل معاه شويه نتمشي .
والد عليا : انتم مع بعض بقي انا رايح لوالده عليا يلا يا عليا .
وبعد ان تذهب عليا ووالدها .
عبدالرحمن : تعالي يا سيدي نتمشي شويه واحكيلي بقي دورت علي شغل فين .
احمد : ماشي يا سيدي تعالا ويذهبان مع بعضهم .
اما عليا بعد ان تصل مع والدها الي منزلهم ,,, وتدخل تسلم علي خالد وتحتضنه بشده,,, وتدخل علي والدتها وبمجرد ان تراها والدتها تقوم مسرعه اليها,,, وتقول بلهفه عليا بنتي حبيبتي وتحتضنها بشده