رواية غدر الايام
الفصل السادس6
بقلم نورا عطيه
اما عليا بعد ان تصل مع والدها الي منزلهم ,,, وتدخل تسلم علي خالد وتحتضنه بشده,,, وتدخل علي والدتها وبمجرد ان تراها والدتها تقوم مسرعه اليها,,, وتقول بلهفه عليا بنتي حبيبتي وتحتضنها بشده .عليا : واحشتيني اوي يا ماما ,,, الف سلامه عليكي يا حبيبتي .
والده عليا : انت كمان واحشتيني اوي يا بنتي ,,, ايه اللي حصلك ده ,,, ومال دماغك يا بنتي .
عليا : هقولك يا ماما,,, اهم حاجه اني اطمنت عليكي يا ست الكل وتبدا بقص جميع ما حدث لها لوالدتها ولخالد اخوها
خالد : للدرجه دي فيه ناس كده فيه ناس لسه زي احمد .
عليا : انا مكنتش مصدقه اللي عمله ده يا خالد بس الحمدلله.
والده عليا : الحمدلله ربنا يحفظك يا بنتي ,,, ربنا موقف ليكي ولاد الحلال بس لازم اشوفه يا بنتي هو راح فين .
عليا : مع عبدالرحمن يا ماما .
والدعليا : المهم اننا اطمنا عليكي يا بنتي الحمدلله ادخلي بقي استريحي شويه في الاوضه بتاعتك .
عليا : حاضر يا بابا وتدخل غرفتها كي تستريح ,,, وتجلس علي السرير الخاص بها لتفكر في احمد ,,, وتقول في سرها يا تري هو انا هشوفه تاني ولا لا يا رب اشوفه تاني يا رب ,,, وتذهب في نوم عميق.
اما عند عبدالرحمن واحمد
عبدالرحمن يجلس مع احمد في كافيه
عبدالرحمن : احكيلي بقي يا احمد عنك قولي ايه اللي جابك هنا.
احمد : كنت جاي ادور علي شغل في القاهره انا لسه متخرج وطبعا مش لقيت,,, وهرجع تاني مطرح ما جيت هعمل ايه .
عبدالرحمن : انا ممكن اساعدك يا احمد بس المشكله في المكان هتقعد فين لازم مكان تقعد فين وانت مش من هنا اصلا.
احمد : مش مهم هبقي ادور علي اي شقه هنا بس فعلا محتاج الشغل ياريت لو تساعدني في ده.
عبدالرحمن : دي بسيطه انا طبعا واجب عليا اعمل معاك كده كفايه اللي عملته مع اختي .
احمد : مش تدخل دي في دي بالله عليك,,, انا عملت اللي المفروض يتعمل .
عبدالرحمن : طيب يا سيدي انت معزوم عندنا علي الغدا النهارده ماما هتبقي عايزه تشوفك ولازم تيجي .
احمد : معلش يا عبدالرحمن مش هينفع اعفيني انا لازم اسافر علشان والدتي.
عبدالرحمن : لازم تيجي والدتي هتزعل كده.
احمد : معلش خليها مره تانيه انا لازم اسافر علشان والدي ووالدتي قلقانين عليا لازم اروح اطمنهم .
عبدالرحمن : علي العموم علي راحتك يا احمد معاك رقمي خلاص وباذن الله انا معايا ورقك هكلم الموارد البشريه عندنا واكيد هشوفلك حاجه معايا في الشركه وربنا يوفق ويكرم يا رب .
احمد : متشكر جدا انا لازم امشي بقي بعد اذنك يا عبدالرحمن .
عبدالرحمن : ماشي وخلينا علي مكالمات .
احمد : ماشي سلام .
وبعد ان يذهب احمد يقوم عبدالرحمن كي يذهب الي منزله .
وبعد ان يذهب عبدالرحمن ويذهب احمد
احمد لنفسه انا ازاي هرجع ومش معايا فلوس بقي انا لازم اشتغل اليومين دول وهقعد في الاوضه وخلاص بس مش لازم اقوله هبقي اقوله اني سافرت وخلاص لاني هكون مكسوف اوي منهم انا هروح ادور علي شغل دلوقتي مؤقت علشان ارجع طيب وعليا مش هشوفها تاني ياااه انا حاسس اني كنت بحلم قد ايه هي جميله عقله جري ايه يا احمد انت ناوي علي ايه خلاص رجعت لاهلها عايز منها ايه تاني انت كده عملت اللي عليك واستجدعت معاها ماينفعش كده اما يحدثه قلبه معقوله اكون اعجبت بيها انا لسه شايفاها امبارح بس حاسس اني شوفتها من زمان مش امبارح بس يا رب صبرني بقي .
ويذهب احمد كي يبحث عن شغل مؤقت له .
اما عبدالرحمن بمجرد وصوله للمنزل.
والد عليا : ها يا عبدالرحمن عملت اللي انا قولتلك عليه واتاكدت .
عبدالرحمن : ايوه يا بابا وواضح ان كلام احمد صح انا سألت في المستشفي وكلمت الراجل اول ما سبت احمد علطول
والد عليا : طيب هو فين يا ابني كنت اعزمه والدتك عايزه تشوفه وتشكره بنفسها .
عبدالرحمن : مشي يا بابا سافر صمم انه يروح ومش رضي يجيي معايا .
والد عليا : طيب يا ابني خليك جنب الولد ده باين عليه ابن حلال .
عبدالرحمن : متخافش يا بابا مش هسيبه هو سافر وهيرجع تاني انا اخدت رقمه وهكلمه هشوفله شغل معايا في الشركه.
اما والده عليا تتحدث مع والد عليا وتقوله
يا محمد بنتنا اللي حصلها ده كله مش سهل يا عيني حاسه انها تعبت اوي من امبارح انا عايزه اجيبلها دكتور يشوفها
والد عليا : متخافيش عليها والله البنت كويسه وزي الفل انت بس علشان اللي حصل بس هي كويسه .
والده عليا : طيب انا هدخل اطمن عليها قلبي واكلني عليها اوي من ساعه ما شوفتها .
والد عليا : طيب وطمنييني.
وتدخل والده عليا عليها لتجدها ملقاه علي السرير وتقولها عليا يا بنتي عامله ايه دلوقتي لتجدها لا تتحرك وتجس جسمها لتجدها مثلجه وتقول باعلي صوتها الحقوني .