رواية غدر الايام
الفصل السابع7
بقلم نورا عطيه
ﻭﺗﺪﺧﻞ ﻭﺍﻟﺪﻩ ﻋﻠﻴﺎ ﻋﻠﻴﻬﺎ ﻟﺘﺠﺪﻫﺎ ﻣﻠﻘﺎﻩ ﻋﻠﻲ ﺍﻟﺴﺮﻳﺮ ,,, ﻭﺗﻘﻮﻟﻬﺎ ﻋﻠﻴﺎ ﻳﺎ ﺑﻨﺘﻲ ﻋﺎﻣﻠﻪ ﺍﻳﻪ ﺩﻟﻮﻗﺘﻲ ﻟﺘﺠﺪﻫﺎ ﻻ ﺗﺘﺤﺮﻙ ﻭﺗﺠﺲ ﺟﺴﻤﻬﺎ ﻟﺘﺠﺪﻫﺎ ﻣﺜﻠﺠﻪ ,,, ﻭﺗﻘﻮﻝ ﺑﺎﻋﻠﻲ ﺻﻮﺗﻬﺎ ﺍﻟﺤﻘﻮﻧﻲ.ويدخل والدها فجاه مسرعا,,, وخلفه عبدالرحمن وخالد,,, ويقولون في صوت واحد حصل ايه
والده عليا : اطلبوا دكتور بسرعه بنتي بتروح مني.
والد عليا : كلم الدكتور بسرعه يا عبدالرحمن.
ويجري عبدالرحمن مسرعا الي تليفونه كي يتصل بالدكتور لياتي علي الفور.
اما خالد يقف مصدوما ويقول هو حصل ايه ما كانت كويسه دلوقتي فيه ايه افهم بس
والد : تفهم ايه انت لسه هتفهم تعالا اسندها معايا.
خالد : حاضر يا بابا.
اما والدتها تبكي بشده علي حالها.
ويأتي الدكتور بسرعه فائقه.
ويدخل الدكتور ويقول خير حصل ايه.
والد عليا : بنتي يا دكتور تعبت فجاه اتفضل شوفها.
ويدخل الدكتور كي يفحص عليا ومعها والدتها.
والدتها : خير يا دكتور.
الدكتور : كل خير متخافيش يا حجه,,, هو بس ضغطها واطي اوي.
والدتها : يعني مفيش حاجه تانيه يا دكتور .
الدكتور : لا متقلقيش الحمدلله,,, انا اديتها حقنه وهتكون كويسه بأذن الله .
والدتها : الحمدلله .
ويخرج الدكتور,,, ويطمنهم عليها0
اما عند احمد بعد لف كتير لقي شغل في محل عصير مؤقت لكي يجمع فلوس لسفره,,, وفي شغله كل تفكيره في عليا وانه مش هيعرف يشوفها تاني وازاي اتعلق بيها من يوم واحد بس,,, ويقول لنفسه مش معقوله خلاص فوق يا احمد من اللي انت فيه ده انت نازل القاهره للشغل ,,, وبس وركز بقي متفكرش في حد كفايه رنا اللي غدرت بيك وسابتك ,,, وراحت لاول عريس مفيش واحده كويسه وبتستنا كلهم مسروعين علي الجواز ,,, فوق يا احمد بقي وركز وشوف مستقبلك صح ,,, مفيش جواز دلوقتي لازم اعتمد علي نفسي.
اما عند عليا بعد ان تفيق والدتها جنبها
وتقولها الف سلامه عليكي يا بنتي كده تخضينا عليكي .
عليا : الله يسلمك والله يا ماما ما اقصد غصب عني .
والدتها : الحمدلله انك بخير يا بنتي .
والدها : عليا مفيش نزول ليكي تاني رجلك علي رجل والدتك وبكرا نروح نقدم بلاغ علشان البطاقه اللي اتسرقت لاحسن حد يعمل بيها حاجه
عليا : بس يا بابا انا عايزه اشتغل تعبت من قاعده البيت انت عارف اني مش واخده علي كده .
والد عليا : يا بنتي طيب احنا نقفل كلام في الموضوع ده ولما تكوني كويسه نبقي نتكلم تاني .
عليا : حاضر يا بابا.
وبعد ان يطمن عليها والدها يخرج من الغرفه وتتحدث اليها والدتها.
والدتها : عليا ممكن ترتاحي بقي ومتشغليش بالك باي حاجه,,, وانا معاكي وجنبك يا بنتي .
عليا : حاضر يا ماما ,,, اللي تشوفوه.
وتخرج والدتها من غرفتها كي تستريح ,,, اما عليا تقول الموبيل ضاع زمان اسراء اتصلت كتير ,,, اما افتح الفيس اشوفها واقولها انه ضاع وتذهب الي اللاب الخاص بها وتفتح الانترنت كي تتصفح وتفتح موقع الفيس بوك,,, وتجد رسالتين, اولهم من شخص يدعي احمد كانت تتحدث معه عن احوال البلد فقط,,, وتجد الرساله من يومين انه سافر وهيكلمها لما يرجع وتقول مش هرد مش وقتك خالص انت ,,, اما الرساله الثانيه من اسراء صديقتها المقربه تقولها انت فين يا عليا الفون مقفول بتصل من امبارح قلقانه عليكي اوي يا بنتي ,,, وترد علي اسراء وتقولها الموبيل اتسرق يا اسراءوانا في البيت عايزه اتكلم معاكي انا تعبانه شويه عملت حادثه كلميني علي موبيل ماما خدي الرقم اهو,,, وتبدا بكتابه رقم والدتها لصديقتها المقربه وتغلق الفيس بوك وتذهب كي تستريح .
( اسراء صديقتها 24 سنه ومتزوجه لسه جديد بس بتحب عليا اوي هما الاثنين اصحاب اوي منذ الصغر )
اما عند اسراء تمسك فونها لتجد رساله من عليا,,, وتقراها و تتصل بالرقم علطول بمجرد ان رأت الرساله.
اما عند والده عليا تجد رقم غريب يتصل بها وترد وتقول السلام عليكم.
اسراء : وعليكم السلام,,, ازيك يا طنط انا اسراء صاحبه عليا .
والده عليا : الحمدلله ,,, ازيك يا بنتي عامله ايه وجوزيك عامل ايه .
اسراء : الحمدلله يا طنط ,,, ممكن اكلم عليا عايزه اطمن عليها .
والده عليا : عرفتي يا بنتي منين .
اسراء : عليا لسه باعته رساله ليا علي الفيس ,,, انا كنت قلقانه اوي عليها .
والده عليا : الحمدلله يا بنتي ,,, قدر الله ماشاء فعل ثواني ادخل الموبيل لعليا.
اسراء : الحمدلله يا طنط ,,, ماشي يا طنط.
وتدخل والده عليا غرفه عليا وتقولها عليا انت صاحيه.
عليا : ايوه يا ماما خير .
والده عليا : اسراء صاحبتك علي الموبيل.
عليا : طيب هاتيها يا ماما,,, وتاخد الموبيل من والدتها
اما والدتها تخرج من الغرفه,,, كي تتيح لها الفرصه لكي تتحدث مع صديقتها المقربه.
عليا : الو يا اسراء واحشتيني اووووووي .
اسراء : وانت كمان واحشتيني اوي ,,, ايه اللي حصلك يا بنتي عايزه افهم فيه ايه .
عليا : ده موضوع طويل ,,, لازم اشوفيك الاول .
اسراء :لا يا عليا احكي هنا,,, انت عارفه اني مش هقدر استنا,,, وممكن مصطفي ميرضاش انزل .
عليا : انا عارفه,,, مش هتهدي غير لما احكي ,,, وانا هقولك وامري لله بس برضوا لازم اشوفيك.
اسراء : ماشي والله هحاول اكلم مصطفي ,,, واجيلك بس خليكي في السرير تعبانه اوعي تقومي خالص دلوقتي .
عليا : هههههههههههه حاضر يا ستي ,,, انا هقولك بقي يا ستي كنت امبارح نازله ادور علي شغل ,,, ولما لقيت كان عندي انترفيو طلع مدير الشركه بني ادم زباله,,, وحصلت خناقه وانا خارجه بعيط مش واخده بالي عربيه خبطتني.
اسراء : وبعدين ,,, حصل ايه كملي .
عليا : بت انت معايك رصيد عايزه تخلصيه ولا ايه .
اسراء : زي ما تقولي كده يلا كملي
عليا : و انا بعدي واحد اللي جري معايا وراح بيا المستشفي واحد مش اعرفه وانا كنت فقدت الذاكره اصلا فقدان مؤقت بس وراح بيا المستشفي ومش يعرفني واول ما قومت مكنتش فاكره حاجه خالص وده راح اجر اوضه فوق سطوح وكان معايا فيها .
اسراء : ايه الفيلم الهندي ده,,, انت بتحكيلي فيلم هندي .
عليا : بس يا بت اسمعي الاول .
اسراء : كملي يا ست جوليت .
عليا : يا ستي اخد مكان ,,, وقعد فيه وانا كنت اصلا مش فاكره وكنت حاسه اني حمل تقيل عليه اوي لدرجه كنت مكسوفه اوي وبعد كده هو كان معايا محترم جدا انا ده اللي عرفته ,,, ومش فاكره حصل ايه خلاني ارجع تاني بالذاكره .
اسراء : يا سيدي علي الرمانسيه ,,, كل ده حصل امبارح وانا معرفش.
عليا : يا اسراء بطلي بقي افهمي خلاص ,,, انا وقعت الصبح وافتكرت كل حاجه لقيته قدامي وكلمت بابا وجه علطول ,,, ده كل اللي حصل وهو طبعا طلع انسان كويس جدا ومحترم اوي معايا.
اسراء : ايه ده عليا بتقول علي واحد محترم ,,, يا عليا انت واخده بالك بتتكلمي عن راجل .
عليا : بس يا بت ايوه واخده بالي خلاص بقي .
اسراء : طيب يا ستي ,, ده كده الموضوع كبير ,, لينا قاعده هحاول اعدي عليكي .
عليا : ياريت يا اسراء,, انت واحشتيني اوي والموضوع فعلا كبير معايا.
اسراء : خير يا بت,, قولت خلاص هجيلك .
عليا : حبيبتي ,, ربنا يخليكي يا رب .
اسراء : ويخليكي ليا,, هسيبك بقي ,, هروح اكمل الاكل والف سلامه عليكي يا حبيبتي .
عليا : ماشي يا حبيبتي ,, ربنا يعنيك سلام
اسراء : يا رب ,, سلام
اما عليا بعد ان تغلق ,, تشعر بالملل ,, فتفتح اللاب مره اخره وتبدا بفتح موقع الفيس بوك مره اخري ,, وترد علي رساله احمد الذي يراسلها عبر الفيس بوك,, وتقول هو كمان قافل ده مسافر ايه الملل ده .
اما عند احمد بعد ما انهي شغله طول اليوم ,, وفي اخر الليل راجع نفس الاوضه,, ويدخلها ويغلقها جيدا عليه,, ويجلس علي السرير بعد شغل طول اليوم تعب وارهاق ,, ويقول ياااه الاوضه شكلها وحش ومالهاش طعم ,, جري ايه يا احمد فيه ايه ايه اللي بتقوله ده عقله كان يحدثه,, ويمسك الموبيل ويفتح الباقه ويقول اما افتح الفيس شويه,, ويفتح الفيس ويجد رسايل كتير من اصحابه ورساله مخصصه من صديقه له يتحدث معاها عبر الفيس بوك فقط