رواية غدر الايام
الفصل الثاني والعشرون22
بقلم نورا عطيه
عليا : حاضر وتفتح عليا الباب لتجده بالفعل فارس.فارس : مين انت .
عليا : بعصبيه نعم انت هتهزر .
فارس : ايوه بهزر براحتي طبعا ثم ايه القرف اللي انت لابساه ده .
عليا : اللهم طولك يا روح انت مالك البس اللي انا عايزاه.
فارس : طيب انا هفضل واقف كده كتير علي الباب .
عليا : عادي خليك واقف علي ما نجهز بعد اذنك وتغلق الباب في وشه .
فارس : اللهم طولك يا روح صبرني يا رب علي البت دي ويرن الجرس مره اخري .
عفاف : مين اللي كان علي الباب يا عليا .
عليا : ده الزبال يا ماما .
عفاف : طيب روحي شوفي مين اللي بيرن ده اكيد فارس .
عليا : لا يا ماما انا هدخل التوليت افتحي انت .
عفاف : طيب بسرعه يا عليا علشان لو هو هيستعجلنا وتذهب كي تفتح الباب مره اخري .
فارس : السلام عليكم .
عفاف : وعليكم السلام اتفضل يا ابني .
فارس : ازاي حضرتك عامله ايه .
عفاف : الحمدلله يا ابني اتفضل .
ويخرج عبدالرحمن ووالده من الغرفه اتفضل يا فارس .
فارس : انا راكن تحت صف تاني علشان بس السياره محدش يكلبشها انا هنتظركم تحت .
محمد : لا لا يا ابني استنا هنا .
فارس : لا خلاص يا حج .
محمد : طيب انزل معاه يا عبدالرحمن وانا هجيب امك وعليا وننزلكم .
فارس : امال خالد مش جاي ولا ايه .
محمد : لا يا ابني عنده درس ثانويه عامه بقي .
فارس : ربنا معاه يا رب .
محمد : يا رب .
فارس : طيب يلا يا عبدالرحمن ننزل احنا .
عبدالرحمن : يلا وينزلون معا الي السياره .
اما عليا تخرج من التوليت تقول هو فارس جه .
عفاف : ايوه وكلنا جهزنا مش فاضل غير حضرتك .
محمد : علي راحتك يا عليا هو نزل يسبقنا هو وعبدالرحمن .
عليا : انا خلاص جهزت يلا ننزل بقي .
وينزلون سويا الي سياره فارس .
فارس : اتفضلوا ماما عماله تتصل اتأخرنا عليها يا امي .
عفاف : معلش يا ابني يلا ويركبون السياره مع فارس ويتجهه بكل سرعته الي الفيلا .
ويصلوا جميعا الي الفيلا .
فارس : حمدلله علي السلامه اتفضلوا .
وتخرج ناديه لاستقبالهم بنفسها وخلفها نادين مسرعه كي تري عليا وعفاف .
ناديه : حمدلله علي السلامه ايه التأخير ده يا استاذ فارس وتحتضن عفاف وعليا .
ليتدخل محمد ويقول احنا اللي اتاخرنا يا ناديه .
ناديه : ايه ده انتوا جايين عند يهود ايه الحاجات دي اعرفكم نادين بنتي تعالي سلمي يا نادين .
تقترب نادين وتقول ازيك يا طنط عامله ايه وتحتضنها وتسلم علي عليا ايضا .
عفاف : حبيبتي ناني كلمتني عنك كتير ماشاء الله نسخه من احمد الله يرحمه دي حاجه بسيطه يا ناديه اول مره نيجي عندكم يعني .
نادين : الله يرحمه .
ناديه : ايه ده اللي حاجه بسيطه ينفع كده وازاي يا فارس توقفهم يشتروا كل ده .
فارس : والله يا ماما ما وقفت اصلا دول جايين بيها من البيت .
ناديه : لا انا كده ازعل يا عفاف .
عفاف : حقك عليا متزعليش بقي .
ناديه : متتكررش تاني يا عفاف .
عفاف : خلاص بقي متزعليش .
نادين : طيب انتوا هتقضوها سلامات هنا يلا ندخل جوه تعالي يا عليا معايا .
ناديه : يلا يا عفاف يلا يا محمد هات عبدالرحمن شيل عنه يا فارس وتعالوا ندخل جوه .
عفاف : طيب يلا .
ويدخلون جميعا الي الفيلا .
اما نادين اخدت عليا وصعدت بها الي غرفتها الخاصه المقابله لغرفه فارس لكي تري عمر واياد لانهم نائمين .
نادين : بس تعرفي يا عليا انك طلعتي عسوله اوي .
عليا : ربنا يخليكي لا بقي انت اللي عندك عسلات ماشاء الله عليهم.
نادين : اتقضليهم عقبال ولادك انت وفارس يا رب .
عليا : ان شاء الله .
نادين : قوليلي بقي اتعرفتي علي فارس ازاي .
عليا : كنت شغاله عنده في الشركه وكان بيرخم عليا اوي .
نادين : عارفه اخويا طول عمره رخم اوي .
عليا : اها ما هي بدأت كده .
اما بدا عمر في الاستيقاظ والبكاء مجددا .
نادين : عليا خليكي معاه هنزل اجيب الببرونه بسرعه علشان ياكل لاحسن التاني يصحي شيله بس شويه .
عليا : حاضر.
وتنزل نادين كي تحضر الببرونه .
اما عليا تشيل عمر كي يهدا ولا يبكي حتي لا يستيقظ اياد .
واسفل الفيلا جميعهم يجلسون سويا ويشربون عصير قبل الغداء .
وهم يوزعون العصير يسقط علي فارس بعض من العصير .
فارس : يا ربنا بقي ايه ده .
عبدالرحمن : هههههه بسيطه يا فارس اطلع غيره بقي .
فارس : الحمدلله ثواني هطلع اغير وارجعلك .
عبدالرحمن : خد راحتك .
ويصعد فارس الي غرفته الخاص كي يغير ملابسه وهو يمشي يسمع من غرفه نادين بكاء عمر ويفتح الباب ليجد عليا حامله عمر.
انا عليا لم تلاحظ وجود فارس وتقول تخيل العسل ده خاله رخم اوي وشخص لا يطاق وقال ايه انا هكون مراته ويبدا عمر بالسكوت وينظر لعليا بشده وتبدا عليا تضحك عمر وتقوله تصور انا هبقي مرات الرخم ده انت ازاي عسل كده وتبدا تلاعبه ويضحك لها .
فارس : بصوت عالي بتعملي ايه في الواد يا بت انت .
عليا : مرتبكه جدا انه بالغرفه معها لوحدهم وتقوله انت ايه اللي جابك هنا .
فارس : انت عبيطه يا بت انت انا في الفيلا بتاعتي وبراحتي .
عليا : لا مش براحتك واطلع بره لو سمحت .
ويبدا عمر مره اخري بالبكاء.
فارس : بس بقي بقي انا رخم انا هوريكي الرخم ده هيعمل ايه فيكي بقي .
عليا : بس اطلع بره لو سمحت الواد عيط علي صوتك .
وتصعد نادين الي الغرفه مجهزه الببرونه وتقول فيه ايه مالكم واقفين كده ليه وسايبين الواد بيعيط انت ايه اللي طلعك يا فارس .
فارس : ايه بالعه راديوا طلعت اغير سمعت عمربيعيط دخلت اشوفه معرفش انها هنا .
نادين : طيب يلا علي بره الكلام ده بقي لما تتجوزوا يلا يا استاذ زوق عجلك .
فارس : خلاص طالع يا ستي .
ويخرج فارس من الغرفه .
نادين : مالك يا عليا فارس ضايقك ولا ايه .
عليا : لا لا ابدا محصلش حاجه اصلا .
نادين : امال سرحتي في ايه .
عليا : لا مفيش حاجه .
نادين : عليا ممكن اطلب منك طلب .
عليا : اتفضلي طبعا .
نادين : ممكن نكون اصحاب انا مش هلاقي احسن منك صديقه ليا .
عليا : وانا يشرفني كده اصلا .
نادين : ربنا يخليكي يا رب .
عليا : ويخليكي يا رب .
نادين : يلا بقي علشان ننزل نتغدي .
عليا : طيب يلا .
اما علي سفره الغداء متجمعون كلهم حولها فارس ونادين ومحمود زوج نادين ومحمد وعبدالرحمن وعفاف وناديه .
فارس : انا ممكن اقول حاجه بما اننا كلنا متجمعين كده .
ناديه : خير يا ابني قول .
فارس : بعد اذن حضرتك طبعا يا والدي ( والد عليا ) ممكن نعمل الفرح الخميس الجاي .
عليا : بصدمه وتنظر له وتشهق الطعام .
محمد : نعم بالسرعه دي يا ابني مستعجل علي ايه .
فارس : انا جاهز يا والدي واقدر اجهز كل حاجه قبل الخميس .
محمد : ينظر لعليا ويقول اللي تشوفه عليا لو وافقت خلاص نتكل علي الله .
فارس : عليا مش هتمانع ولا ايه يا عليا وينظر لها بشده .
عليا : مرتبكه لا اللي يشوفه بابا .
نادين : والله فكره حلوه ونعمله في جنينه الفيلا .
ناديه : ايه السرعه دي انا مش هلحق اعزم اصحابنا يا فارس .
فارس : لا يا ماما هيتعمل هنا احتفال بسيط .
عفاف : علي رايك يا ناديه بلاش جنون العيال ده .
فارس : انا وعليا مستعجلين بقي قولتوا ايه وانا جاهز والسويت اللي يعجب عليه تجيبه في خلال اليومين دول .
عفاف : خلاص يا ناديه العيال دول متفقين خلينا نجوزهم ونخلص ونفرح بعيالهم .
ناديه : عندك حق يلا العروسه للعريس بقي .
محمد : خلاص علي خيره الله الخميس الجاي الفرح .
عبدالرحمن : مبروك يا عليا مبروك يا فارس .
فارس : وينظر لعليا نظره انتصار الله يبارك فيك يا عبدالرحمن عقبالك يا رب .
عبدالرحمن : يا رب .
اما عليا لم تنطق بكلمه من الصدمه غير مستوعبه .
نادين : ساكته ليه يا عليا .
عليا : لا ولا حاجه .
نادين : بجد يا عليا مالك .
ناديه : براحه يا نادين دي الظاهر قلقانه وخايفه متخافيش يا بنتي محدش مننا هيسيبك كلنا معاكي .
عفاف : ايه يا عليا خايفه من ايه انا مطمنه علشان معاكي ناديه متخافيش دي زيها زي بالظبط يا بنتي .
عليا : حاضر .
فارس : علي خيره الله بأذن الله هجهز انا كل حاجه ونتمم علي يوم الخميس وينظر لعليا نظره انتصار .
محمد : علي خيره الله وعليا هتنزل تجيب اللي ناقص ليها الاسبوع ده .
عليا : طيب بعد اذنكم انا هخرج ااتمشي شويه في الجنينه .
عفاف : ليه يا بنتي ما انت قاعده معانا .
ناديه : سبيها علي راحتها يا عفاف روحي يا حبيبتي البيت بيتك .
نادين : طيب انا هاجي اتمشي معاكي .
عليا : لا لا خليكي معاهم .
نادين : طيب علي راحتك .
وتذهب عليا من امامهم خارج الفيلا وتقف امام المسبح .
اما نادين تقول فارس تعالا عايزاك ثواني تعملي حاجه .
فارس : نعم عايزه ايه .
نادين : تعالا بس يا فارس .
فارس : بعد اذنكم يا جماعه ويستأذن ويقوم لنادين ويقولها نعم عايزه ايه يا رخمه .
نادين : تعالا شوف عليا مالها اخدت جنب وخرجت الجنينه .
فارس : وانا مالي علي راحتها بقي .
نادين : بذمتك ده منظر اثنين فرحهم اخر الابسوع .
فارس : يا رخمه طيب هي فين .
نادين : طيب تعالا اقعد شوف مالها وانا هقف بعيد .
فارس : ماشي .
ويذهب نحوها ويقول بتعملي ايه هنا يا هانم .
عليا : وانت مالك مش نفذت اللي في دماغك خلاص والفرح اخر الاسبوع عايز مني ايه تاني .
فارس : لا بصي عندك هنا براحتي انا اعمل اللي علي كيفي .
عليا : واضح انك نسيت ان جوازنا علي ورق بس .
فارس : نعم ومين قال كده .
عليا : بصدمه نعم .