رواية غدر الايام
الفصل الثالث عشر13
بقلم نورا عطيه
وتذهب عليا الي منزلها وتقول اخيرا انا كده هعرف ازاي اخسره كل فلوسه وتجلس كي تفكر ازاي تخسره فلوسه كله وتبدا بالبحث عن العملاء .اما عند فارس بعد ان يذهب الي الدكتور كي يكتب له اذن خروج لوالدته وبالفعل دخل لوالدته يقول لها اذن الخروج الدكتور كتبه يلا يا ماما علشان نمشي.
ناديه والدته : ايه يا فارس بتتكلم معايا كده ليه اوعا تنسي اني امك.
فارس : انا اسف يا امي بس دي مش طريقه علشان اتجوز بيها .
ناديه : امال هتتجوز امتي بقي .
فارس : نروح يا امي وبعد كده نتكلم .
ناديه : طيب يا ابني يلا نروح .
ويسندها فارس ويذهبون سويا متجهين الي الفيلا .
وبعد ان يصلوا الي الفيلا سويا .
ناديه : ممكن افهم بقي فيه ايه مش عاجباك شاهندا ولا ايه .
فارس : خلاص يا ماما خلصنا هبقي اشوف الموضوع ده ارتاحي انت بس .
ناديه : انا مش هرتاح الا لما تتجوز يا فارس .
فارس : يوووووووه يا ماما حاضر بس خليني انا اختار اللي هقدر اعيش معاها .
ناديه : ماشي يا فارس وانا هستني تجبها ليا بس مش هستنا كتير .
فارس : ماشي يا امي بس ارتاحي انت بس .
ناديه : ماشي يا ابني يا رب تفرحني يا رب .
فارس : ماشي يا امي انا هروح لنادين اشوف عمر واياد وهرجعلك علطول .
ناديه : ماشي بس متتأخرش يا ابني وانا هستناك .
فارس : حاضر يا امي هاجي علطول .
ويذهب فارس بسيارته الي حيث تسكن اخته .
اما عند عليا بعد ان اصبح تفكيرها شيطاني جدا تجلس تقرا وتفحص الورق من خلال موبيلها كي تخسر فارس جميع صفقاته .
وبعد ان ذهب فارس الي نادين اخته الوحيده .
نادين : خلاص يا فارس ريحها واتجوز بقي .
فارس : انت اللي بتقولي كده يا نادين ما علي ايديك كل حاجه .
نادين : يا فارس انت مش هتلاقي البنت الكامله عمرك ما هتلاقيها .
فارس : لا انا متأكد اني هلاقيها المهم العيال نايمين ولا صاحيين.
نادين : نايمين طبعا انا ما صدقت ارتاح من زنهم شويه .
فارس : امال محمود لسه مجاش .
نادين : زمانه علي وصول يا فارس اقعد معايا شويه بقي واحكيلي عن الشركه .
فارس : لا جديد جبت بس سكرتيره جديده .
نادين : خاصه ولا عامه يا فارس .
فارس : هو انا وش ذلك عامه طبعا .
نادين : طيب هصدقك بمزاجي .
فارس : طيب محمود شكله هيتأخر ابقي سلميلي عليه .
نادين : طيب ما تقعد شويه بطل رخامه يا فارس .
فارس : علشان ماما يا نادين اتأخرت عليها هجيلك تاني اقعد مع حوده .
نادين : طيب ابقي سلملي علي ماما .
فارس : طيب يا نادين يوصل يلا سلام .
نادين : طيب سلام يا فارس .
فارس : سلام .
وبعد ان يذهب فارس تقول نادين يا تري يا فارس مين دي اللي هتقلب كيانك وتتجوزها يا سي فارس ويدخل زوجها يقولها بتكلمي نفسك يا حياتي .
نادين : حبيبي حمدلله علي السلامه .
محمود : الله يسلمك يا حبيبتي خير ماما عامله ايه دلوقتي .
نادين : الحمدلله بخير مفيهاش حاجه يا محمود طلعت تمثليه علشان فارس يشوف عروسه .
محمود : اها قولتيلي وحلوه بقي ولا وعجبته .
نادين : بتقول ايه سمعني كده يا محمود.
محمود : لا لا هو فيه احلي منك يا روحي مفيش ده انت اللي في القلب .
نادين : اها بحسب افتكرت حاجه .
محمود : لا تحسبي ولا حاجه امال فين العفاريت بتوعي .
نادين : بس يا محمود انا ما صدقت انهم يناموا شويه .
محمود : ايه ده العيال نايمه يا شيخه وسيباني من ساعه ما دخلت احكي في اي حاجه .
نادين : فيه حاجه يا محمود .
محمود : واحشتيني اوي اوي اوي يا نادين .
نادين : انت كمان واحشتني اوي .
محمود : طيب ايه هنقضيها كلام .
نادين : لا طبعا هحضرلك الاكل واجي علطول .
محمود : اكل ايه دي فرصه ولازم استغلها العيال نايمين تعالي بس اقولك كلمه سر .
وسكت شهر زاد عن الكلام المباح
اما عند احمد في غرفته يدخل عليه والده يقوله انت اتخرجت هتفضل قاعد كده في البيت .
احمد : يعني اعمل ايه يا بابا .
والده : انزل دول علي شغل متقعدش كده .
احمد : يا بابا انا نزلت ولفيت كتير ومفيش فايده زي قلته .
والده : اشتغل اي حاجه اتصرف هات قرشك انا صرفت عليك كتير .
احمد : انت ليه بتكلمني كده يا بابا .
والده : علشان تعبت منك انت راجل وكبير كفايه انزل شوفلك شغل متقعدش كده .
احمد : طيب انا نازل ومش راجع تاني .
والده : انت بتعلي صوتك عليا في ستين الف داهيه .
وتدخل والدته فجاه وتقول فيه صوتكم عالي اوي رايح فين يا احمد.
احمد : همشي ومش راجع تاني .
والدته : هتروح علي فين بقي .
احمد : بابا عايز كده انا هريحه مني خالص .
والدته : لا مش هتمشي .
والده : سبيه يروح في ستين داهيه .
اما احمد يخرج دون ان يسمع باقي كلام والده .
والدته : ليه بتعمل كده في الواد اللي حيلتنا .
والده : علشان يكون راجل ويعتمد علي نفسه .
والدته : هو كده هيكون راجل يعني انت كده بتقوله انزل اسرق هيلاقي شغل فين ما انت شايف حال البلد زي الزفت ما اكتر الشباب علي القهوه .
والده : لا اللي عايز يشتغل بيتصرف الشغل موجود ويتصرف انا نازل القهوه سلام .
والدته : يا رب صبرني يا رب .
اما عند عليا بعد ان عرفت كل صفقات فارس من خلال الورق اللي صورته تذهب للنوم وهي تفكر في الانتقام منه باقذر الطرق.
وتذهب للنوم في ثبات عميق .
اما عند احمد يفكر في مكان يبات فيه ويتصل باصحابه ليجد اخيرا صديق له يروح يبات عنده كام يوم .
احمد : اخيرا الحمدلله انا هشتغل اي حاجه علشان اريحه ومش هرجعله الا وانا حاجه كبيره .
صباح يوم جديد علي جميع ابطالنا
عليا تستيقظ لتجد والدتها تفطر وتقولها صباح الخير يا امي .
والدتها : صباح الفل يا عليا تعالي افطري علشان عايزه اتكلم معاكي .
عليا : خير يا ماما .
والدتها :عليا انا حاسه ان فيه حاجه مخبياها عليا .
عليا : بارتباك لا يا ماما مفيش حاجه .
والدتها : متاكده يا عليا .
عليا : ايوه طبعا يلا بقي انا هلبس واروح شغلي اتاخرت اوي عليه.
والدتها : طيب يا عليا هسيبك علي راحتك لحد ما تحكي .
عليا: مفيش حاجه يلا انا هدخل البس وانزل .
والدتها : طيب يا بنتي يا رب يكون قلبي مكدبني .
وتدخل عليا غرفتها وتلبس الملابس الخاصه بالشغل .
والدتها : خدي بالك علي نفسك يا حبيبتي .
عليا : حاضر يا امي سلام .
والدتها : سلام يا رب يحفظك يا بنتي يا رب .
وتذهب عليا الي مكتب فارس .
فارس : ايه يا مي اتاخرتي ليه .
عليا : معلش يا فارس بيه مواصلات .
فارس : لا من هنا ورايح لازم يكون معاكي سياره خاصه بسواق يوصلك ويجبك هنا.
عليا : مالوش لزوم يا فارس بيه .
فارس : مي بلاش فارس بيه دي قوليلي يا فارس بس .
عليا : ما هو ماينفعش اصلا يا فارس بيه .
فارس : اهي علشان كلمه اصلا دي عايز اسمع منك فارس بس .
عليا : طيب خليها واحده واحده يا فارس بيه .
فارس : دي كمان يا مي واحده واحده .
لتدخل عليهم السكرتيره الاخري وتقوله فارس بيه فيه واحده اسمها شاهندا منتظره حضرتك بره .
فارس : اها دخليها .
وتدخل شاهندا وتقول فارس عامل ايه بقي واحشتني .
عليا : تقول في سرها اهي واحده من عينته يبقي تستاهل اللي هيتعمل فيك .
فارس : اعرفك يا شاهندا الانسه مي السكرتيره الخاصه .
شاهندا : تنظر لعليا بكل استحقار وتقول اهلا .
عليا : اهلا بحضرتك بعد اذنك يا فارس بيه متنساش معاد الاجتماع بعد نص ساعه انا هجهز القاعه لحضرتك بعد اذنكم .
فارس : اتفضلي يا مي .
شاهندا : ايه يا فارس البت دي شكلها لوكل خالص جبتها منين دي .
فارس : شاهندا مالكيش دعوه بالموظفين اللي عندي .
شاهندا : طيب خلاص شوفتلي بقي الشغل .
فارس : طبعا يا عسل .
شاهندا : تبتسم له ابتسامه جذابه .
فارس : لا بصي بلاش الضحك ده هنا يا شاهندا .
شاهندا : طيب ممكن بقي تعزمني علي الفطار .
فارس : بس كده عنيا بس اخلص الاجتماع ده علطول .
شاهندا : طيب انا هستناك في الكافيه اللي علي ناصيه الشارع واطلب لينا الفطار .
فارس : ماشي يا قمر ساعه واكون عندك
ويدخل فارس الي غرفه الاجتماعات ليجد عليا تجلس وسرحانه .
فارس : مي فيه حاجه يا مي .
عليا : لتنتبه وتقول لا مفيش حاجه .
فارس : لا انا حاسس ان فيكي حاجه.
عليا : لا يا فارس بيه لو حضرتك لسه شاكك في امري انا ممكن امشي دلوقتي .
فارس : لا يا مي مفيش حاجه .
ولسه هتقوم علشان تمشي يمسك فارس يديها بكل شده وينظر الي عينيها بكل جراته وعيونه كالصقر .
اما عليا تنظر هي الاخري وتخاف من نظرته بشده .
عليا : فارس بيه ممكن تسيب ايدي .
فارس : لا يسمع صوتها ينظر الي عينها فقط .
عليا : بصوت عالي فارس بيه سيب ايدي .
فارس : وقد انتبه وقال لها مش عايز اشوف وشط هنا تاني .