رواية غدر الايام
الفصل الثامن والثلاثون38
بقلم نورا عطيه
عفاف : ايوه وجميله بس مشكلتها الحجاب .عليا : هتتحجب علي ايد عبدالرحمن يا ماما .
فارس : ينسحب من لسانه ويقول لبسها برضوا
عبدالرحمن : انت تعرفها يا فارس .
فارس : ايوه طبعا جارتنا .
اما عبدالرحمن كان سرحان ويفكر ان فارس هو الذي ضحك عليها وسلبها شرفها .
فارس : ها ايه يا عبدالرحمن ساكت ليه .
عبدالرحمن : ها لا ولا حاجه .
ناديه : طيب اتفقتوا الخطوبه امتي .
محمد : لا بأذن الله كتب الكتاب يوم الخميس الجاي .
فارس : ايه ده كتب كتاب علطول انت شكلك متسرع يا عبدالرحمن .
عبدالرحمن : لا لا لا مش حكايه تسرع حكايه علشان اعرف اخد راحتي معاها واتعرف عليها .
ناديه : الف مبروك يا ابني وربنا يكملك علي خير .
عبدالرحمن : الله يبارك فيكي .
عفاف : بأذن الله طبعا انت مش محتاجه عزومه يا ناني ونادين كمان تبلغيها يوم الخميس هيعملوا حفله صغيره لكتب الكتاب .
عليا : الف مبروك يا عبدالرحمن يا حبيبي .
ناديه : ان شاء الله احضر ربنا يكملهم علي خير .
عفاف : يا رب .
ناديه : انتوا هتتعشوا معانا بقي بمناسبه الفرحه دي .
محمد : لا لا عشا ايه مش هينفع خالص .
فارس : لا لا كده ماينفعش يا حج خالص لازم تتعشوا معانا .
ناديه : ايوه والله هنزل كلمي باباكي يا عليا قوليله مايصحش كده .
عليا : لا لا خلاص يا ماما هيتعشوا معانا .
عفاف : خلاص بقي يا محمد هنتعشي علشان مايزعلوش بقي.
محمد : خلاص واحنا منقدرش علي زعلكم .
ويجلسون سويا علي العشاء .
عفاف : لعليا عليا عايزاكي بعد العشا .
عليا : حاضر يا ماما .
وبعد ان ينتهون من العشاء.
تأخذ عفاف عليا لتتحدث معها .
عفاف : ايه اللي انت لابساه ده يا بنتي .
عليا : ايه يا ماما لابساه ايه .
عفاف : انت قاعده انت وجوزك وامه بس لابساه طرحه وعبايه .
عليا : لتلاحظ ملابسها وتقول اها يا ماما اصل نادين ومحمود لسه ماشين ومش هينفع اقعد قدام محمود بشعري .
عفاف : اها علشان كده انا افتكرت فيه حاجه .
عليا : لا يا ماما مفيش حاجه خالص الحمدلله .
عفاف : ربنا يسعدك يا بنتي صحيح يا عليا مش حاسه بحاجه .
عليا : حاجه زي ايه يا ماما .
عفاف : هي جاتلك الشهر ده ولا لا .
عليا : وقد فهمت وقالت لا لسه يا ماما بس علي وشك انها تيجي اليومين دول .
عفاف : يا رب ما تيجي وتطلعي حامل يا بنتي .
عليا : اللي فيه الخير يقدمه ربنا .
عفاف : ربنا يسعدكم يا حبيبتي .
محمد : يلا بقي يا عفاف .
عفاف : اسيبك بقي يا حبيبتي خدي بالك علي جوزك وناديه حطيهم في عنيكي .
عليا : حاضر يا ماما .
عفاف : مع السلامه يا حبيبتي .
ويودعونهم جميعا .
وينصرف عبدالرحمن ووالده ووالدته .
ناديه : انا هطلع انام بقي يا ولاد علشان الفجر .
فارس : ماشي يا امي اتفضلي .
ناديه : تصبحوا علي خير يا ولاد .
عليا : وانت من اهله يا ماما .
وتصعد ناديه الي غرفتها اما فارس وعليا يجلسون سويا .
عليا : طيب انا هطلع انام انا .
فارس : اتفضلي وانا هكلم حبيبتي وانام .
عليا : بغيظ شديد علي راحتك تصبح علي خير .
فارس : وانت من اهله .
وتذهب عليا من امامه وتقف علي سلم الفيلا كي تسمعه وهو يتحدث في التليفون .
اما فارس كان يعرف انها هتتسنط عليه ويمسك الفون الخاص به ويفعله وضع الصامت كي لا يرن ويعمل نفسه يتكلم مع واحده ويقول .
فارس : خلاص يا حبيبتي هانت كلها كام شهر ونكون مع بعض خلاص هي طلعت تتخمد فوق بس بقولك ايه انا عايزك تدلعيني مش عايز نكد زي الهانم اللي فوق فهمتي بقي اسيبك علشان انا فصلت هطلع انام تصبح علي خير يا حبيبتي سلام ويقرب لينظر الي الخيال اللي علي السلام ويعرف انها واقفه تستمع الي كلامه ويضحك بشده عليها ويقرر الصعود الي الغرفه ويقول انا اطلع انام احسن.
اما عليا كانت تسمعه وتبكي بدون صوت وتقول ماشي يا فارس انا هوريك بقي هي مسأله تحدي وعند بقي وتصعد الي غرفتها حتي لا يلاحظها هو .
وبعد ان تصعد عليا الي الغرفه .
يصعد فارس خلفها .
عليا : لو سمحت مش تنام هنا .
فارس : يعني ايه يعني انام فين .
عليا : روح نام عند الهام التانيه .
فارس : نعم انت بتهزري صح .
عليا : لا يا فارس مش بهزر روح نام عندها .
فارس : لما اتجوزها هبقي اجيبها مكانك هنا هي اللي تنام في حضني .
عليا : انا هنام علي الارض خلاص لو سمحت كفايه كلام تصبح علي خير .
فارس : علي راحتك انت حره وانت من اهله .
اما عليا تأخذ مخده من علي السرير وتفرش علي الارض وتنام .
وتغمض عينها وفي قلبها البكاء .
اما فارس ينام علي السرير ويضحك بشده في صمت علي غيرتها ويجدها قد ذهبت في نوم عميق وتصعب عليه نومها بهذا الشكل علي الارض ويقوم من مكانه يذهب اليها ليجدها قد ذهبت في النوم ويشيلها من الارض ويضعها علي السرير ويضع عليها الغطاء وينام جنبها ويحتضنها بشده ويقول في سره انا عارف اني قاسي عليكي بس انت عنيده برضوا ومش سهله خالص يا عليا تعبتيني كتير بس اهم حاجه اني في حضنك دلوقتي وينام هو الاخر .
اما عليا تفتكر نفسها بتحلم انها نايمه في حضن فارس وتبتسم وهي نائمه .
وعند عبدالرحمن بعد ما ذهبوا الي منزلهم جلس يفكر فيما فعلوه ويقول يا تري مين اللي عمل فيكي كده يا شاهندا
وقد بدأ الشيطان يلعب في دماغه ويقول يا تري هو فارس ولا غيره ليه انا كنت بحترمك يا تري انا صح ولا غلط يا ربي بقي بس هو ده هيكون جواز علي ورق بس عمره ما هيكون جواز حقيقي ده ستره ليها بس وهطلقها علطول مش هينفع استمر مع واحده زي دي انا عمري ما عملت حاجه حرام ولا اغضبت ربنا مش هينفع اتجوز طول العمر واحده زي دي اصلا هو ايه هو الجواز .
( الجواز يا تري ايه هو الجواز ويطلع ايه هل هو حاجه زي ما الناس شايفانها كده ولا انا بس اللي شايفاه غلط اكيد كلنا بنحلم اننا يبقي عندنا زوج واولاد وعيشه حلوه وده في حد ذاته هدف عظيم ومهم اوي لكن هل ينفع اننا نختصر حياتنا كلها علي الهدف ده ايه اللي بيمنع الجواز من الانهيار والفشل الحب ولا فيه حاجات تانيه ممكن تخلي الجواز ده واقف علي رجليه مالهاش علاقه بالحب خالص زي المصلحه مثلا او الاستسلام للنصيب او الخوف من بكرا ومن القدر او حتي العند اللي بيخلينا مش عايزين نفشل ونقول لا انا هكمل انا مش عايزه افشل اكيد كل ست في الدنيا نفسها انها تعيش قصه حب حلوه وجميله وتتجوز بعدها وتكون اسره وتعيش في تبات ونبات لكن لو ده محصلش المفروض نعمل ايه نستسلم لاي علاقه مش علي مستوي طموحتنا ونقول يلا اهي عيشه والسلام ولا نحارب ونستني حتي لو الموضوع خد وقت طويل نفضل نحلم ولا نهرب من الحلم ده نروح ندور علي حلم تاني عيشه تانيه مع حد تاني طيب لو حلمنا ده اتحقق زي ما كنا نتمني بالظبط نعمل ايه لو جت حاجه معينه وعكرته شك غيره خيانه غلطه كبيره ممكن تبوظ العلاقه تفتكروا هل علاقتنا بشريك حياتنا ممكن تتصلح ياتري الجواز الناجح ده شئ ممكن اي بني ادم يوصله زي معادله الكميا لو نفذنا كل اللي فيها هننجح هل تفتكروا ان فيه ناس اصلا ماينفعوش في موضوع الجواز ده مهما حاولوا ولا اي حد ممكن ينجح يا تري الجواز قسمه ونصيب ولا قرار احنا اللي بناخده ولازم نبقي مسؤلين عنه)
عبدالرحمن : يا رب قدرني بقي علي اللي داخل عليه ده يا رب ويذهب الي النوم هو الاخر .
اما عند شاهندا لم تنم من الفرحه وتقول يا رب يكون معايا قريب يا رب والموضوع يمشي انا شكلي حبيته اوي انا اختارت شريك حياه بس يا رب جوازنا يكمل طول العمر يا رب وتذهب هي الاخري الي النوم .
علشان كده هقولكم حاجه مهمه ( سهل جدا انك تلاقي زوج او زوجه لكن صعب جدا انك تلاقي شريك حياه )
نورا عطيه
وعند احمد لم ينم هو الاخر من الفرحه اخيرا هيقعد جنب حبيبته ويتجوزها لما يكون جنبها في القاهره هيشوفها اكيد علطول بدل ما هي بعيده عنه وقرر تحضير شنطته الخاصه والنزل للقاهره في الصباح حتي ذهب الي النوم .
صباح يوم جديد علي جميع ابطالنا .
في الغرفه عند عليا وفارس .
تستيقظ عليا مبتسمه لتجد نفسها نائمه في حضن فارس وتقول بصوت عالي لكي يستيقظ هو الاخر انا ايه اللي نيمني هنا وجابني جنبك .
فارس : بخضه ايه فيه ايه براحه انا اللي نقلتك علشان صعبتي عليا.
عليا : بعصبيه نعم صعبت عليك .
فارس : الناس تصحي الصبح تقول صباح الخير انما انت صاحيه تتخانقي دبش علي الصبح .
عليا : انا حره بقي .
فارس : انا نقلتك علي السرير عادي وبعدت عنك انما انت اللي مسكتي فيا بليل وصممتي تنامي في حضني .
عليا : بصدمه انا عملت كده انت اكيد بتهزر .
فارس : وههزر معاكي ليه قولي يا صبح ويدخل كي يأخذ حمامه المعتاد .
اما عليا تشتاط غيط منه وتقول صحيح بني ادم رخم .
وبعد ان يخرج فارس من حمامه المعتاد ليري عليا تجلس تفكر وفي سرحان ويقولها انت لسه سرحانه في الحضن .
عليا : بعصبيه انت رخم اوي سبني في حالي روح شوف شغلك .
فارس : طيب انت حره انا نازل افطر مع امي .
عليا : تشتاط غيظ منه وتقول طيب يا فارس انا عايزه اروح اقعد يومين عند امي .
فارس : نعم ايه اللي انت قولتيه ده .
عليا : زي ما سمعت .
فارس : مفيش مرواح اصلا .
عليا : ليه بقي انا عايزه اروح اقعد معاها سبني لو سمحت في حالي.
فارس : مش هينفع يا هانم تروحي علشان هيبان ان فيه حاجه.
عليا : لا هروح بحجه كتب كتاب عبدالرحمن .
فارس : لا مفيش مرواح في حته .
وينزل كي يفطر مع والدته وقال لنفسه اتجننت دي عايزه تسبني وتبعد ده انا اتجنن لو هي مش موجوده معايا في مكان واحد .
عليا : ايه ده يا ربي بقي يعني هو بيحب واحده عايزني انا ليه اكون موجوده في حرقه الدم دي واسمع كل يوم كلامه معاها ايه البني ادم ده يا ربي معندوش دم خالص انا هروح عند ماما غصب عنه بقي .
نادييه : صباح الخير يا حبيبي .
فارس : صباح النور يا امي .
ناديه : امال فين عليا .
فارس : نازله ورايا يا ماما بس انا متأخر عندي شغل مهم .
ناديه : ماشي يا ابني روح شغلك ربنا يوفقك يا رب .
فارس : يا رب يا امي سلام عليكم .
ناديه : وعليكم السلام .
وينصرف فارس .
اما تنزل عليا من الغرفه بعد ان تأخذ حمامها المعتاد .
عليا : صباح الخير يا ماما .
ناديه : صباح الخير يا حبيبتي .
عليا : عامله ايه النهارده .
ناديه : الحمدلله بخير ايه لابسه كده ورايحه علي فين .
عليا : اخدتي العلاج .
ناديه : الحمدلله يا بنتي .
عليا : ماما ممكن اقولك حاجه بخصوص لبسي ده .
ناديه : اتفضلي يا بنتي قولي .
عليا : ممكن ننزل نخرج انا وانت شويه انا مخنوقه اوي من قاعده البيت .
ناديه : بس كده .
عليا : ايوه بس كده .
ناديه : طيب يا عليا مقدرش ارفض ليكي اول طلب يا بنتي انا هطلع البس وكلمي فارس يبعت السواق .
عليا : حاضر يا ماما .
وتذهب ناديه الي غرفتها كي تغير ملابسها اما عليا تقرر الاتصال بفارس لتخبره بكدب انها سوف ترحل الي منزل والدها وترن عليه .
اما فارس في ظل انشغاله يرد ويقول الوو.
عليا : وعليكم السلام ورحمه الله وبركاته .
فارس : كسفتيني يعني علي العموم سلام عليكم يا ستي .
عليا : وعليكم السلام .
فارس : خير يا عليا .
عليا : ابعت السواق .
فارس : ليه بقي .
عليا : هروح عند ماما .
فارس : نعم انا قولت مفيش مرواح انت بتكسري كلمتي .
عليا : وانا هروح يعني هروح ابعت السواق .
فارس : مش هبعت حد واهدي واصطبحي وقولي يا صبح .
عليا : لا هتبعته يا فارس غصب عنك .
فارس : بعصبيه يعني ايه غصب عني .
عليا : زي ما سمعت كده .
فارس :عليا اقصري شري يا عليا .
وتنزل ناديه بعد ان تغير ملابسها وتقول ايه كل ده بتقوليله يبعت السواق .
عليا : تكتم صوت فارس بالموبيل كي لا يسمعها وتقول مش عايز يبعت السواق يا ماما .
ناديه : يعني ايه هاتيه اكلمه انا .
عليا : ترجع الصوت وتقول لفارس ماما معاك اهي .
ناديه : ايوه يا فارس ابعت السواق .
فارس : ليه يا ماما .
ناديه : هو تحقيق يا فارس هخرج انا وعليا ما هي قالتلك .
فارس : بغيظ ايوه قالتلي حاضر هبعته يا ماما .
ناديه : ماشي يا حبيبي .
فارس : اديني عليا .
ناديه : خدي يا عليا كلميه .
وتأخذ عليا الموبيل من ناديه وتقول الو .
فارس : ماشي يا عليا افتكري اوي اللي عملتيه ده .
عليا : بضحك وابتسامه نصر اعمل اللي تعمله .
فارس : بعصبيه بتضحكي ماشي يا عليا لما ارجعلك .
عليا : ماشي يا حبيبي سلام بقي وتغلق قبل ان تسمع منه شئ .
فارس : قولتي يا ايه .
الو الو الو ويقول الجزمه قفلت السكه ماشي اما اروحلك بس اخلص الشغل ده بس ماشي يا عليا يا انا يا انت .
وبعد ان يحضر السواق يأخذ عليا وناديه كي يتسوقون معا في الماركت .
وعند احمد بعد ما صحي في الصباح ذهب الي المحطه وركب القطار المتجه الي القاهره وهو في القطار يتصل بعليا كي يخبرها ليجد الفون مغلق مره اخري ويقول ايه ده قافله ليه موبيلها اكيد غيرت رقمها اكيد خلاص انا لما اوصل هكلم عبدالرحمن بقي وهعرف بقي.
وعند شاهندا بعد ان استيقظت لم تجد شئ لتفعله تجلس مع والدتها كي تسامحها .
زينب : خلاص يا شاهندا انت كسرتينا يا شاهندا .
شاهندا : غصب عني يا مامي انا حبيته وانتوا مكنتوش هتوافقوا عليه .
زينب : ليه مش هنوافق عليه بقي .
شاهندا : علشان مش من مستوانا .
زينب : مين قالك اننا بنفكر كده .
شاهندا : انا قولت بدليل ان بابي موافق علي يوسف .
زينب : لا يا بنتي احنا مش كده لو جه من الاول ودخل وانت موافقه مكناش هنقول لا خالص .
شاهندا : بفرحه بجد يا مامي .
زينب : طبعا يا بنتي .
شاهندا : مامي ممكن اقولك حاجه .
زينب : قولي يا شاهندا خير .
شاهندا : مامي عبدالرحمن عمره ما عملي حاجه ولا رفع عينه عليا.
زينب : بصدمه يعني ايه حد تاني .
شاهندا : محدش عمل حاجه اصلا يا مامي انا علشان عايزه اتجوز عبدالرحمن خطط كل ده ودبرته .
زينب : بصدمه نعم انت عملتي كل ده وفكرتي في كل ده .
شاهندا : يا ماما انا والله سليمه انا علشان حبيت البشمهندس عبدالرحمن دخلت في دماغه انه كده يستر عليا .
زينب : نعم انت بنتي انت ازاي كده ايه التفكير ده وهو طبعا لو عرف انها كدبه استحاله يكمل يعني هو راجل وصدق عيله زيك .
شاهندا : ارجوكي يا مامي متقوليش لبابي انا بحبه بحبه اوي يا مامي البشمهندس عبدالرحمن الراجل الوحيد اللي عمره ما بص عليا اصلا انا حبيته اوي يا مامي ارجوكي سامحيني علي الغلطه دي انا عارفه اني غلط غلطه كبيره بس والله بحبه عايزه اتجوزه وخلاص مش مهم عندي اي حاجه خالص ارجوكي يا مامي متزعليش مني والله يا ماما انا اخترت راجل يحافظ عليا .
زينب : تفتكري هو لو عرف هيكمل .
شاهندا : هيعرف منين يا مامي .
زينب : هيعرف لما تتجوزوا بطلي هبل .
شاهندا : هخليه يحبني يا مامي انا بحبه اوي ومش قادره انساه حاولت هو في دماغي علطول .
زينب : انت مقتنعه بالي عملتيه ده يا شاهندا .
شاهندا : ببكاء انا عارفه انه غلط يا مامي بس انا بحبه بحبه اوي وترتمي في حضنها .
زينب : خلاص بطلي عياط يعني محدش لمسك يا شاهندا .
شاهندا : اها والله يا مامي وتقدري توديني لدكتوره تشوفني انا عملت كده علشان عارفه ان عبدالرحمن مرفوض بس
زينب : عبدالرحمن يا بنتي طلع راجل جه واستحمل نظرات ابوكي ليه بس هيزعل اوي .
شاهندا : انا هقوله يا مامي لما اتأكد من حبه ليا .
زينب : تحتضنها بشده وتقول كبرتي يا شاهندا وبتحبي اوي كده وممكن تعملي اي حاجه علشان توصلي للحب ده .
شاهندا : ببكاء غصب عني يا مامي انا اسفه سامحيني يا مامي .
زينب : مسامحاكي يا بنتي اهم حاجه ابوكي وعبدالرحمن .
شاهندا : ارجوكي يا مامي بلاش تقولي لبابي دلوقتي هقوله والله بس بعد كتب الكتاب ارجوكي وعبدالرحمن هقوله في الوقت المناسب .
زينب : خلاص يا شاهندا بس توعديني مفيش كدب تاني .
شاهندا : اوعدك يا مامي .
زينب : تحتضنها وتقول لها ربنا يخليكي ليا يا بنتي .
شاهندا : ويخليكي ليا يا مامي .
وعند خليل في الشركه يجلس مع يوسف .
يوسف : يعني ايه يا خليل بيه كتب كتاب شاهندا علي اللي اسمه عبدالرحمن ده يوم الخميس .
خليل : زي ما سمعت انت معزوم طبعا .
يوسف : بعصبيه ايه ده انا اللي طلبت ايديها الاول ومش هتتجوز غيري .
خليل : نعم يوسف متنساش نفسك وبعدين ده نصيب وكل شئ قسمه ونصيب .
يوسف : بعد اذنك يا خليل بيه .
خليل : اتفضل .
وينصرف يوسف ويذهب مسرعا بسيارته الي الموقع ليجد عبدالرحمن يقف مع العمال ويقوله بصوت عالي يا خاين يا كلب .
عبدالرحمن : انت اتجننت انت بتكلمني انا كده .
يوسف : انا اكلمك زي ما انا عايز .
عبدالرحمن : احترم نفسك يا يوسف احنا العمال هتتلم علينا .
يوسف : ايوه علشان يشوفوا الشيخ المهندس المحترم هيتجوز بنت صاحب الشركه طمعان فيها .
عبدالرحمن : بعصبيه احترم نفسك انت ازاي تكلمني كده .
يوسف : انا حر انت اصلا كلب ويلكمه امام العمال بالبوكس علي انفه .
عبدالرحمن : يلكمه هو الاخر ويقوله اتلم يا يوسف عيب كده مش يصح كده يا يوسف .
يوسف : انت بتضربني .
عبدالرحمن : انت اللي بدأت الضرب ده يا يوسف .
يوسف : انا براحتي .
عبدالرحمن : انا هسيبك تهدا بعد اذنك وينصرف عبدالرحمن من امامه اما يوسف يشتاط غيظا ويقول ماشي مش هخليك تتهني عليها واخد مال وجمال .
وعند فارس بعد ان انهي شغله قرر الاتصال يعليا مره اخري .
عليا : ايوه .
ناديه : ده فارس يا عليا .
عليا : ايوه يا ماما فارس .
ناديه : طيب قوليله يجي .
عليا : هو جاي اصلا يا ماما .
ناديه : طيب يا بنتي .
فارس : انت فين يا هانم .
عليا : نعم احنا في الماركت .
فارس : انهي ماركت ده بقي .
عليا : احنا في كارفور .
فارس : كارفور ايه .
عليا : المعادي .
فارس : طيب انا جاي عندكم خليكم .
عليا : طيب تيجي بالسلامه .
وتغلق معه .
ناديه : جاي يا بنتي .
عليا : ايوه خلاص يا ماما .
ناديه : يجيي بالسلامه .
عليا : ان شاء الله .
ناديه : تعالي نقعد بقي علشان تعبت .
عليا : انا كمان تعبت تعالي يا ماما .
ويجلسون سويا في اقرب كافيه .
ويذهب فارس بسيارته الي كارفور ويركنها ويتصل بها مره اخري يبحث عنها .
فارس : انتوا فين .
عليا : في كوستا كافيه .
فارس : طيب انا جاي خليكم .
عليا : ماشي .
وفارس في طريقه الي الكافيه يقابل احد صديقته في الجامعه وكان اسمها اسماء ويقف معها .
اسماء : فارس عامل ايه .
فارس : ايه ده اسماء الحمدلله انت عامله ايه .
اسماء : الحمدلله بخير ايه فينك وجاي هنا ليه .
فارس : مراتي هنا .
اسماء : بفرحه بجد طيب عرفني عليها .
فارس : طيب تعالي هي قاعده في كوستا وماما معاها .
اسماء : بفرحه طنط ناديه دي واحشتني اوي مش شوفتها بقالي كتير .
فارس : ايوه دي ياما سألت عليكي تعالي نروح الكافيه ليهم .
اما في الكافيه .
ناديه : كلمي فارس شوفيه فين .
عليا : هقوم اكلمه بره مفيش شبكه هنا وتقوم تخرج لتجده يقف ويضحك مع احد الفتيات وتقف امامه وتقول مش تعرفني يا فارس .
فارس : اقدملك حبيبتي .