رواية غدر الايام
الفصل التاسع والثلاثون39
بقلم نورا عطيه
فارس : ايوه دي ياما سألت عليكي تعالي نروح الكافيه ليهم .اما في الكافيه .
ناديه : كلمي فارس شوفيه فين .
عليا : هقوم اكلمه بره مفيش شبكه هنا وتقوم تخرج لتجده يقف ويضحك مع احد الفتيات وتقف امامه وتقول مش تعرفني يا فارس .
فارس : اقدملك حبيبتي .
عليا : بصدمه اهلا بحضرتك طيب بعد اذنكم ماما مستنياك جوه يا فارس.
فارس : حاضر هندخل اسبقيني انت بس .
عليا : وفي داخلها غيره طيب وتدخل .
اسماء : ايه ده يا فارس انت شوفت منظرها دي بتموت فيك يا ابني.
فارس : طبعا عارف اخوكي جامد يا بنتي .
اسماء : عارفه طول عمرك انا عارفه متربين مع بعض اخويا في الرضاعه طبعا ياما رضعت من امي حضرتك يا سي فارس اخدت نصيبي وزياده .
وتعود عليا الي ناديه .
ناديه : امال فين فارس .
عليا : بره وجاي .
ناديه : مالك يا عليا باين عليكي معيطه .
عليا : لا يا ماما مفيش حاجه عنيا بتوجعني بس .
ناديه : بعدم تصديق الف سلامه عليكي يا حبيبتي .
عليا : الله يسلمك يا ماما .
ونرجع لفارس واسماء يتحدثون سويا .
فارس : بس يا رخمه صحيح فين ابنك الرخم .
اسماء : رخم ده عسل بس انت مع ابوه هو واخته .
فارس : انت جبتيله اخت مبتضيعيش وقت يا بنت اللذينه انت .
اسماء : يلا يا رخم عايزه اشوف ماما ناديه .
فارس : كملي تمثيل ابوس ايديكي علي عليا خليكي حبيبتي وبلاش تشوفي ماما علشان ماما ممكن تفضحني وتعرف عليا هخليكي تشوفيها وقت تاني .
اسماء : تدفع كام .
فارس : بطلي رخامه .
اسماء : افكر يا فارس خد الكارت بتاعي اهو فيه رقمي علشان عاصم عايزك كان بيدور عليك.
فارس : بس كده انا عنيا لعاصم طبعا ده حبيبي .
اسماء : طيب يلا يا رخم انا هروح بقي وعلي تليفونات .
فارس : ماشي يا اختي سلام .
اسماء : سلام .
وتنصرف اسماء .
اما فارس يعود الي الكافيه .
ناديه : ايه التأخير ده كله يا فارس .
فارس : معلش يا ماما قابلت ناس حبايبي .
عليا : لم تنظر له .
ناديه : طيب اقعد يا ابني نتغدي ونروح .
فارس : مالك يا عليا .
عليا : مفيش حاجه .
فارس : لا فيه .
عليا : لا مفيش انا هدخل التوليت وارجع .
ناديه : اتفضلي يا بنتي .
فارس : اجي معاكي اوصلك .
عليا : لا لا لا متتعبش نفسك .
فارس : علي راحتك مع اني مش هتعب بس متتأخريش علشان انا جعان اوي .
عليا : حاضر .
وتذهب عليا وهي تبكي بشده انها تعلم انها كانت علي خطأ بكبريأئها الذي منعها عن زوجها .
( يا تري الانسان بيغلط دايما وهو واعي انه بيغلط يعني هل الصح والغلط واضحين ومفيش مجال للغبطه بينهم ولا احيانا بيغلط وهو مش عارف انه بيغلط في حق نفسه وفي حق غيره يا تري مشاعرنا ممكن تسيطر علينا لدرجه انها تعمينا عن حاجات بداهيه الناس كلها عارفاها وشايفاها ومتفقين عليها ولا احنا بنستعبط بس علشان نعمل اللي احنا عايزينه غلط كبير انك تضحك علي غيرك لكن الغلط الاكبر انك تضحك علي نفسك )
نورا عطيه
ناديه : فارس ابقي شوف عليا مالها شكلها زعلان او مضايق من حاجه ومش عايزه تتكلم .
فارس : حاضر يا امي .
ناديه : حضرلك الخير يا ابني .
وتعود عليا اليهم مره اخري .
فارس : انا طلبت الغدا يا عليا .
عليا : ماشي .
فارس : هتاكلي ايه .
عليا : زي ما هتاكلوا .
فارس : لو بتحبي اكله معينه هطلبها ليكي .
عليا : لا اي حاجه .
فارس : طيب علي راحتك .
وبعد ان يتناولون الغداء سويا .
ناديه : يلا بقي نروح انا تعبت بلف مع عليا من الصبح .
عليا : ممكن انا اروح ابات عند ماما النهارده .
ناديه : قبل ان يتحدث فارس ليه يا بنتي حد كلمك حد عملك حاجه .
عليا : ابدا يا ماما بس والله واحشني اوضتي النهارده بس .
فارس : لا بقي مفيش بيات بره بيتي .
عليا : يعني ايه .
ناديه : معلش يا فارس خليها علي راحتها .
فارس : لا يا امي ده اسمه دلع .
ناديه : لكي تهدي الجو تقول معلش يا عليا هو مش هيعرف ينام من غيرك .
عليا : النهارده بس يا ماما .
ناديه : علشان خاطري انا النهارده بس يا فارس .
فارس : طيب علشان خاطر امي هوصلك وهاجي اخدك الصبح .
عليا : ماشي انا موافقه .
ناديه : ربنا يهديكم لبعض يا رب .
فارس : يا رب .
ناديه : يلا بقي يا فارس انا تعبت .
فارس : يلا يا امي .
ويذهبون معا بسياره فارس ويوصل فارس عليا هو وناديه ويصعدون سويا الي شقه والد عليا .
عفاف : يادي النور يادي النور نورتونا .
ناديه : عليا صممت تيجي تبات عندكم النهارده .
عفاف : بخضه ليه حصل ايه .
عليا : مفيش يا امي انا واحشتني اوضتي بس .
عفاف : ودي تيجي يبقي تباتوا هنا كلكم النهارده .
ناديه : نعم هو انا اقدر اسيب فرشتي خالص يا عفاف انت عارفه .
عفاف : ايوه عارفه بس ماينفعش كده تباتوا هنا كلكم بقي كده ازعل والله يا ناني .
ناديه : خليها مرت تانيه وتتعوض ان شاء الله .
عفاف : علي راحتك طيب .
فارس : نستأذن احنا بقي .
عفاف : ليه يا ابني ما انتم قاعدين فرجيه يا عليا علي اوضتك علي ما اقعد مع ناديه شويه .
عليا : بصمت وقالت حاضر .
وتأخذ عفاف ناديه الي البلكونه يتسامرون بعض الاحاديث القديمه سويا .
اما عليا تدخل غرفتها يدخل خلفها فارس ويغلقها عليهما .
عليا : انت قفلت الباب ليه .
فارس : مفيش بتفرج علي اوضتك علي وضوح .
عليا : افتح الباب لو سمحت .
فارس : تعرفي انها حلوه اوي وبسيطه .
عليا : تعرف ان حبيتك انت كمان حلوه اوي .
فارس : بجد عجبتك .
عليا : ايوه جدا هي اسمها ايه .
فارس : اسماء واحلي اسماء في العالم .
عليا : بغيظ هتتجوزها امتي .
فارس : بعد ما اسيبك علطول .
عليا : ما تسبني من دلوقتي احسن وفي عينها بعض الدموع .
فارس : لا علشان العيله بقي وكده ونبان قدامهم عادي .
عليا : يعني انت علشان شكلك قدامهم .
فارس : ايوه طبعا .
عليا : طيب مش يهمك شكلك هيكون كويس هقول ان انا اللي وحشه يا فارس .
فارس : طيب ليه بتعيطي .
عليا : مش بعيط .
فارس : عنيكي مليانه دموع .
عليا : دموع فرحه اني اخيرا هخلص منك .
فارس : بقي كده ماشي يا عليا انا همشي واريحك .
ويخرج من الغرفه ليقول يا ماما يا ماما .
ناديه : ايوه يا فارس انا هنا في البلكونه مع عفاف .
فارس : يلا يا ماما نروح .
ناديه : يلا يا ابني انا تعبت .
عفاف : ما لسه بدري يا ابني .
فارس : معلش تعبان .
عفاف : الف سلامه عليك ي ابني .
فارس : الله يسلم حضرتك بكرا ان شاء الله هعدي اخد عليا .
عفاف : ماشي يا ابني .
وينصرفون فارس ووالدته ناديه .
اما عليا تبكي بشده في غرفتها وتدخل عليها عفاف .
عفاف : فيه ايه يا عليا فيه ايه يا بنتي فهميني حصل ايه .
عليا : مفيش حاجه يا ماما .
عفاف : هتضحكي عليا يا عليا .
عليا : صدقيني مفيش حاجه .
عفاف : هسيبك براحتك تحكيلي انت بس انا حاسه ان فيه حاجه .
عليا : مفيش يا امي .
عفاف : طيب علي راحتك وتخرج من الغرفه .
عليا : يا رب انا لازم اكون اقوي وابعد عنه حتي لو هو عايز يقرب انا هبعد عنه وانفصالنا افضل .
وفي المساء عند احمد عندما وصل الي القاهره اخيرا فرحا بما هو قادم له اتصل بعبدالرحمن كي يخبره بوصوله .
عبدالرحمن : السلام عليكم ورحمه الله وبركاته .
احمد : وعليكم السلام ازيك يا عبدالرحمن انا وصلت القاهره .
عبدالرحمن : حمدلله علي سلامتك انت فين دلوقتي .
احمد : انا هروح اقعد في اي بنسيون لحد ما اشوفك بكرا .
عبدالرحمن : طيب ما تيجي تبات عندي .
احمد : لا تشكر كفايه تعبك معايا لحد كده .
عبدالرحمن : مفيش حاجه انت زي اخويا .
احمد : تسلم خلاص متشغلش بالك بيا .
عبدالرحمن : طيب خد بالك علي نفسك .
احمد : حاضر .
عبدالرحمن : الصبح اقابلك بس جايب ورقك كله .
احمد : ايوه طبعا .
عبدالرحمن : علي خيره الله هشوفك بكرا عند محطه مترو رمسيس.
احمد : تمام اوي وانا هكلمك اول ما اوصل .
عبدالرحمن : ماشي تمام .
احمد : اسيبك بقي علشان ترتاح .
عبدالرحمن : ماشي يا حبيبي بكرا اكلمك .
احمد : ماشي .
عبدالرحمن : سلام عليكم .
احمد : وعليكم السلام .
اما عند فارس بعد ان يعود الي منزله مع والدته .
ناديه : انت مضايق يا ابني علشان عليا هتبات بره .
فارس : لا يا امي خلاص بكرا تيجي .
ناديه : انا حاسه انك مضايق معلش يا ابني سيبها علي راحتها .
فارس : هي علي راحتها يا امي انا هطلع انام بقي علشان فصلت .
ناديه : ماشي يا ابني اتفضل ربنا يهديك ويريح بالك يا رب .
فارس : يا رب يا امي صحيح نسيت اقولك قابلت النهارده اسماء فاكراها .
ناديه : طبعا دي تتنسي دي اختك في الرضاعه قابلتها فين وراحت فين البت دي .
فارس : قابلتها في المول وانا جاي ليكم بس هي كانت مستعجله وانا اخدت رقمها بتسلم عليكي كتير .
ناديه : الجزمه مايهونش عليها تيجي واشوفها بقالي كتير مش شوفتها .
فارس يا ماما معلش العيال تعبوها اوي دي جابت بنت علي العموم انا هكلمها ليكي دلوقتي ويتصل فارس بها .
اسماء : السلام عليكم ورحمه الله وبركاته .
فارس : وعليكم السلام عامله ايه يا اسماء .
اسماء : الحمدلله مين حضرتك .
فارس : لحقتني تنسي صوتي الحقي يا ماما دي نسيت صوتي .
ناديه : هاتها اكلمها انا بطل رخامه وتأخذ منه الفون وتقول الو يا اسماء واحشتيني .
اسماء : وقد افتكرت الصوت وقالت ماما ناديه عامله ايه انت كمان واحشتيني اوي .
ناديه : لسه فاكره يا اسماء ده انا اللي مربياكي يا بنتي .
اسماء : والله غصب عني انا وعاصم لسه راجعين من قطر وهنستقر هنا .
ناديه : حمدلله علي سلامتكم يا بنتي .
اسماء : الله يسلمك يا ماما دي احلي صدفه اني شوفت فارس النهارده .
ناديه : انا زعلانه منك بقي تبقي عارفه اني جوه ومتدخليش تشوفيني .
اسماء : والله يا ماما غصب عني متأخره علي عاصم والعيال انا عندي ملك مطلعه عيني خالص يا ماما شقاوه الدنيا فيها و مصعب برضوا بقي شقي جدا .
ناديه : ربنا يخليهم ليكي يا بنتي يا رب وربنا يكون في عونك .
اسماء : يا رب يا ماما انا والله هاجي ليكي مخصوص علشان تشوفي كمان ملك ونفسي اشوف نادين واحشتني اوي .
ناديه : وانا هستناكي نادين دلوقتي معاها عمر واياد .
اسماء : ماشاء الله ربنا يخليهم ليها يا رب خلاص انا هاخد العنوان واجي انا وعاصم والعيال نشوفك اكيد .
ناديه : تنوري يا بنتي وانا هستناكي .
اسماء : ماشي يا ماما اديني بقي فارس اعرف منه العنوان .
ناديه : اهو معاكي كلم يا فارس .
فارس : ايه يا بنتي .
اسماء : هات العنوان هاجي انا وعاصم والعيال .
فارس : بتفكير افكر .
اسماء : بطل رخامه يا فارس .
فارس : طيب اقفلي هبعتلك رساله واتس .
اسماء : ماشي رقمي علي نفس الواتس برضوا .
فارس : ماشي يلا سلام .
اسماء : سلام .
وبعد ان يغلق معها يقول ماما انا هطلع انام بقي عايزه حاجه .
ناديه : عايزه سلامتك يا نور عيني تصبح علي خير .
فارس : وانت من اهل الجنه يا امي .
ويصعد فارس الي غرفته لاول مره لم يشعر بالراحه لعدم وجود عليا بها ويقول ماشي يا عليا هربتي مني النهارده بس مش هتعرفي تهربي مني باقي العمر .
اما عليا كانت في غرفتها تفكر كيف تخسر فارس شغله بما انه سوف يتزوج غيرها ومعها كل اورقه الخاصه بل صور منها وتقرر الانتقام منه بالفعل وتبحث عن الشركات المنافسه له علي الانترنت وتبدأ بكتابه اسمائهم في كراسه خاصه بها الي ان تذهب الي النوم .
صباح يوم جديد علي الجميع .
يستيقظ احمد بكل نشاط ويرتدي ملابسهويأخذ اوراقه الخاصه ويذهب لملاقاه عبدالرحمن .
اما فارس لم يذق طعم النوم لان لم تكن عليا معه ويقوم كي يذهب الي شركته.
وعليا تسيتقظ بنشاط للذهاب الي الفيلا مره اخري وتستعيد قوتها .
وعبدالرحمن ايضا يسيتقظ لمقابله احمد .
وشاهندا بكل نشاطه وحياويه تستيقظ وتفطر وتفكر في النزول مع والدتها كي تشتري كل ما يلزمها لكتب الكتاب .
احمد يقابل عبدالرحمن ويأخذه الي شركه فارس .
وبالفعل يستلم احمد شغله ويعود عبدالرحمن الي عمله مره اخري .
وعند شاهندا نزلت كي تجهز نفسها وتشتري فستان لكتب كتابها ومعها زينب امها .
شاهندا : ايه رئيك يا مامي في الفستان ده .
زينب : بفرحه زي القمر يا حبيبتي .
(علاقه البنات بفستان الفرح محتاجه مجلدات علشان تتفهم )
شاهندا : متتصوريش انا فرحانه ازاي يا مامي بس ارجوكي اوعي تقولي لبابي علي كلامنا ده .
زينب : ربنا يسعدك يا حبيبتي بس لازم تعرفي انك بتبني علي كدبه كده مش هتعرفي تعيشي حياتك صح يا بنتي .
شاهندا : والله يا مامي انا هفهمه بس انا نفسي يحبني زي ما انا بحبه كده .
زينب : ان شاء الله ربنا يقدم ما فيه الخير يا بنتي .
شاهندا : يا رب يا امي ايه رأيك في الفستان ده كده اخده .
زينب : جميل يا بنتي خلاص ناخده هو حلو اوي عليكي .
شاهندا : خلاص يا مامي وهيعجبه اوي .
زينب : علشان مقفول ومحترم اوي .
شاهندا : ايوه يا مامي .
زينب : علي راحتك يا بنتي .
وبعد ان تشتري شاهندا فستان كتب كتابها .
وعند عليا تعود الي الفيلا بتاكسي لان فارس لم يسئل فيها ابدا .
ناديه : حمدلله علي سلامتك يا بنتي .
عليا : الله يسلمك يا ماما .
ناديه : انبسطي لما كنتي عند مامتك .
عليا : ايوه متشكره جدا يا ماما بجد.
ناديه : علي ايه يا عليا .
عليا : علي انك اقنعتي فارس يسبني .
ناديه : والله يا بنتي فارس طيب جدا وسهل تقنعيه وتضحكي عليه .
عليا : ماشي يا مامي انا هطلع اغير هدومي .
ناديه : ماشي يا بنتي .
وتذهب عليا الي الغرفه لكي تغير ملابسها .
فارس في الشركه معه احمد في مكتبه بعد ان عرفه عبدالرحمن عليه وانصرف .
فارس : اتمني ان الشغل يعجبك يا احمد .
احمد : ان شاء الله اكون عند حسن ظن حضرتك .
فارس : ان شاء الله تقدر تشوف شغلك دلوقتي .
احمد : حاضر بعد اذن حضرتك .
فارس : اتفضل ويتصل فارس بوالدته .
ناديه : ايوه يا فارس .
فارس : ايوه يا ماما عليا جت ولا اروح اجيبها .
ناديه : لا خلاص جت يا ابني وفوق في الاوضه .
فارس : ماشي يا امي انا جاي عايزه حاجه .
ناديه : عايزه سلامتك .
فارس : الله يسلمك يا امي .
ناديه : سلام يا ابني .
فارس : سلام .
ويذهب فارس بأقصي سرعه الي الفيلا ويركن سيارته ويصعد مسرعا الي غرفه النوم لكي يراها .
عليا : انت ايه اللي جابك دلوقتي .
فارس : انا حر ده بيتي واجي وقت ما انا عايز.
عليا : لا بقي انت مش حر بقي .
فارس : لا حر .
عليا : وانا قولت لا مش حر .
فارس : يقرب منها بشده ويقول لا حر .
عليا : لا وابعد عني .
فارس : مش هبعد .
عليا : ابعد والا هوريك هعمل ايه .
فارس : مش هبعد انا عايز اشوفك هتعملي ايه .
عليا : طيب وتبعده بأقصي قوه لديها .
فارس : بعصبيه انت قد الذقه دي .
عليا : ايوه اذا كان عاجبك .
فارس : طيب يا عليا ويقرب اليها مره اخري غصب ويقبلها بكل شغف .
عليا : تبعده عنها وتقول ايه اللي عملته ده انت اتجننت ولا ايه .
فارس : نعم انت ازاي تتكلمي معايا كده .
عليا : بجديه انا حره بقي روح للهانم اللي هتتجوزها .
فارس : انت غيرانه منها .
عليا : بجديه وتحدي لا مش غيرانه اصلا .
فارس : يعني مش غيرانه منها خالص حتي لو جبتها اتجوزها عليكي .
عليا : لا يا بابا لما تطلقني الاول ابقي اتجوزها .
فارس : وانا مش هطلقك .
عليا : تبقي مش راجل ومش قد كلامك .
فارس : بعصبيه ايه اللي بتقوليه ده احترمي نفسك .
عليا : اقول اللي انا عايزاه .
فارس : يضربها بالقلم ويقولها لا مش هتقولي اللي انت عايزاه واصلا انا مش طايق اعيش معاكي وجوازنا ده مش هيستمر اصلا .
عليا : انت بتضربني من الرجوله تضرب مراتك .
فارس : علشان قليله الادب مفيش واحده محترمه تعلي صوتها علي جوزها .
عليا : انا محترمه .
فارس : خلاص يا عليا اتفاقنا هيمشي زي ما قولنا عليه من الاول .
عليا : بكبرياء وتحدي يبقي احسن برضوا .
فارس : مفيش تعامل ما بينا ماشي .
عليا : ماشي اللي تشوفه .
وجاء اليوم الموعود يوم كتب كتاب عبدالرحمن وشاهندا .
ذهبت عليا الي منزل والدها لتذهب معهم الي كتب الكتاب .
وبعد ان وصلوا جميعا الي الفيلا بحضور الجميع في الحفله .
زينب : خليل لو سمحت فوكها علي شاهندا بقي .
خليل : مش قادر يا زينب بنتي كسرتني .
زينب : ارجوك عدي اليوم علي خير .
خليل : حاضر يا زينب .
ويصعدون معا كي يرون شاهندا .
شاهندا : بفرح ايه رايك يا بابي .
خليل : زي القمر .
زينب : زي القمر يا حبيبتي .
( تجربه العروسه تجربه متتوصفش فيها حاجات حلوه وحاجات وحشه لكن رغم المعاناه وكل التفاصيل بيفصل يوم مفيش زيه خصوصا لما يكون جنبك كل الناس اللي بيحبوكي )
نورا عطيه .
وكان عبدالرحمن في قمه الاناقه بالبدله الخاصه به .
ويجلسوون جميعا مع المأذون .
خليل : نورتونا والف مبروك .
عبدالرحمن : الله يبارك في حضرتك ممكن نبدا في كتب الكتاب .
ويبدا بالفعل المأذون اجراءات كتب الكتاب .
وبعد ان ينتهي منه يقولون جميعا بارك الله لكما وبارك عليكما وجمع بينكما في خير .
وتنزل شاهندا الي الجنينه لاول مرت ترتدي حجاب يليق بفستانها ولاول مره ينظرون لها جميعا في انبهار
عليا : بسم الله ماشاء الله عروستك زي القمر يا عبدالرحمن .
خالد : ماشاء الله فعلا ايه ده .
عفاف : بس يا واد انت وهي ربنا يحفظهم من العين .
ولاول مره ينظر لها عبدالرحمن ليرفع نظره عنها ويراها لاول مره ويقول بسم الله ماشاء الله تبارك الخلاق .