رواية غدر الايام
الفصل الثالث والثلاثون33
بقلم نورا عطيه
عبدالرحمن : صبرني يا رب ارجعي الشركه يا انسه .شاهندا : اخاف ارجع لوحدي ممكن توصلني .
عبدالرحمن : استغفر الله العظيم طيب يلا اتفضلي قدامي .
شاهندا : حاضر وتنظر للارض وتفكر به ومبتسمه بشده .
عبدالرحمن : اتفضلي اطلعي الشركه .
شاهندا : شكرا لحضرتك يا بشمهندس بعد اذنك وتذهب من امامه اما عبدالرحمن يفكر بها ويقول لنفسه معقول يا عبدالرحمن تقع في واحده زي دي دي عمرك ما تتمناها زوجه اصلا لانها انسانه متبرجه .
اما شاهندا تصل الي مكتب والدها .
خليل : كل ده يا شاهندا بتجيبي الشنطه .
شاهندا : معلش يا بابي كان معايا تليفون مهم .
خليل : طيب يا شاهندا البشمهندس يوسف هيعرفك ويفهمك باقي الشغل .
شاهندا : ماشي يا بابي .
خليل : اتفضلوا انتوا بقي وتابعوا مع البشمهندس عبدالرحمن الموقع .
يوسف : حاضر يا خليل بيه انا هتابع بنفسي معاه .
شاهندا : بأعتراض لا انا اللي هتابع الشغل مع البشمهندس عبدالرحمن .
يوسف : لا انا اللي هتابع الشغل .
شاهندا : لا انا اللي هتابعه .
خليل : خلاص انتوا هتتخانقوا البشمهندس يوسف اللي هيتابع يا شاهندا .
شاهندا : بس يا بابي .
خليل : مفيش بس انا قولت البشمهندس يوسف هيتابع خلاص .
شاهندا : حاضر يا بابي .
خليل : اتفضلوا علي مكاتبكم .
يوسف : بسعاده تحت امرك يا خليل بيه بعد اذنك .
شاهندا : بعد اذنك .
ويذهبون الي مكاتبهم معا .
يوسف : لشاهندا خليكي معايا مش هتخسري .
شاهندا : تنظر له باستحقار ولم ترد عليه وتنصرف الي مكتبها .
يوسف : مسيرك تيجي تحت ايدي يا حلوه .
شاهندا : بني ادم رخم وتقيل ايه ده .
وفي الفندق عند عليا وفارس .
عليا : علي السرير الخاص بالغرفه تبكي وتحس انها فقدت السيطره علي نفسها وعلي حياتها .
( يا تري كام واحد فينا عديت عليه لحظه حس ان هو فقد السيطره علي نفسه وعلي حياته وعلي كل شئ حواليه كتير مش كده يا تري ايه اللحظه اللي بتوصلنا للنقطه دي وليه وازاي نرجع منها هل فيه طريقه نرجع نستعيد السيطره علي حياتنا ولا هي كده خلاص لازم نخوض الماتش لاخره ونستني بقي المسائل تتحل مع الزمن عادي جدا ان يجيي عليك وقت تحس انك فقدت السيطره علي كل شئ حواليك لكن متخافش وصدق نفسك لانك لو معملتش كده هتفقد سيطرتك دي للابد زي انا كده بالظبط
نورا عطيه )
ااما فارس يستيقظ من نومه ويذهب اليها كي يطمئن عليها ويقول لها عامله ايه دلوقتي يا عليا .
عليا : لم ترد عليه وتفضل الصمت ببكاء .
فارس : انا عارف انك مش هتردي عليا بس انا عايز اطمن عليكي يا عليا .
عليا : ابعد عني لو سمحت .
فارس : حاضر هبعد يا عليا .
وينصرف من امامها يدخل الحمام كي يتوضأ للصلاه ويخرج يفرش سجاده الصلاه ويصلي الضحي .
اما عليا لم تقم من مكانها .
وبعد ان ينتهي فارس من صلاته يتصل يطل فطار له ولها و يدخل الغرفه لعليا ليقول لها انا هتكلم معاكي ممكن .
عليا : عايز ايه تاني .
فارس : انا مش هقولك سامحيني ولا هقولك حاجه بس ممكن تاخدي العلاج وتفطري ممكن مش عايز منك حاجه تانيه .
عليا : طيب ممكن متقعدش قدامي انا مش عايزه اشوفك .
فارس : حاضر يا عليا انا همشي خالص واقفلي علي نفسك براحتك خالص .
عليا : هتمشي تروح فين .
فارس : هقعد بره في الريسبشن علشان ماينفعش اخد سويت تاني الناس يقولوا ايه .
عليا : ماشي يبقي افضل .
فارس : زمان الفطار جاي هدخله ليكي وانا هقعد بره .
عليا : ماشي .
ويخرج فارس الي الريسبشن كي يحضر الفطار لها ويحضره ويدخله لها ويقول لها عليا كلمي والدتك علشان اتصلت الفجر .
عليا : حاضر .
فارس : بس بعد ما تفطري .
عليا : حاضر .
فارس : بعد اذنك ويخرج الي الريسبشن .
اما عليا تقوم تدخل الحمام بكل قوه انها اصبحت ضعيفه للغايه وتتوضا وتبكي علي حالها وتخرج تغلق باب الغرفه عليها وتبدا بالصلاه في خشوع وبعد الانتهاء من الصلاه تبدا بالفطار وتتصل بوالدتها .
عفاف : ترد علي الموبيل وتقول بنتي حبيبتي عامله ايه .
عليا : الحمدلله يا ماما انت عامله ايه .
عفاف : مال صوتك يا عليا واحشتيني اوي فيه ايه صوت قلقني عليكي .
عليا : بكدب تعبانه يا ماما شويه الجو هنا وحش .
عفاف : يا حبيبتي طيب دفي نفسك كويس فارس فين .
عليا : بكدب فارس دخل الحمام يا ماما .
عفاف : طيب سلميلي عليه .
عليا : حاضر يا امي وتبدا بالبكاء .
عفاف : طيب بتعيطي ليه يا بنتي .
عليا : اصلك واحشتيني اوي يا امي .
عفاف : انت كمان يا نور عيني واحشتيني اوي .
عليا : طيب هقفل معاكي دلوقتي علشان فارس هيخرج .
عفاف : ماشي يا بنتي خدي بالك من نفسك ومن فارس يا حبيبتي ده بيحبك .
عليا : وقد سرحت في كلمه ده بيحبك وقالت حاضر يا ماما .
عفاف : سلام يا حبيبتي .
عليا : سلام يا امي .
وتغلق الفون وتسرح في تلك المكالمه وتقول لنفسها حتي لو بيحبني مش هينفع ده كسرني اوي اوي اوي ووجعني مبقاش ينفع .
اما فارس يفكر يتصل بوالدته ويبدا بالاتصال بها هو الاخر ويقول امي واحشتيني اوي اوي اوي اوي .
ناديه : فارس ابني نور عيني عامل ايه انت كمان واحشتني اوي .
فارس : عامله ايه يا ست الكل .
ناديه : الحمدلله بخير يا ابني انت عامل ايه وعليا عامله ايه .
فارس : الحمدلله يا امي احنا بخير انت صحتك عامله ايه .
ناديه : فرحانه ومبسوطه طول ما انت فرحان يا ابني خد بالك علي عليا دي بقيت زيها زي نادين عندي .
فارس : بكدب هي كويسه يا امي الحمدلله وواخد بالي منها اوي دي في عنيا .
ناديه : طيب اديني عليا اسلم عليها .
فارس : بكدب ما هي دخلت تاخد شاور يا امي .
ناديه : طيب يا ابني ابقي سلم عليها كتير .
فارس : حاضر يا امي يوصل اسيبك بقي علشان هنزل وهكلمك تاني.
ناديه : ماشي يا نور عيني وانا هستني مكالمتك سلام يا حبيبي .
فارس : سلام يا حبيبتي .
وتخرج عليا علي صوته وهو يقول سلام يا حبيبتي .
عليا : بعصبيه وصوت عالي مفيش فايده مش هتتغير .
فارس : فيه ايه مالك .
عليا : فيه ان مفيش فايده وان انت مش هتتغير خالص .
فارس : انا عملت ايه .
عليا : الهانم اللي بتكلمها .
فارس : نعم انا كلمت حد .
عليا : وكمان بتكدب .
فارس : وهكدب عليكي ليه .
عليا : طيب وريني الموبيل كده .
فارس : اتفضليه .
وتمسك الموبيل وتفتحه لتري اسم حبيبتي وتقول ما اهي وكنت بتكلمها .
ليضحك فارس بشده ويقولها طيب ما احنا هنطلق كده كده مضايقه ليه .
عليا : وانا هضايق من ايه انت حر وبراحتك بعد اذنك وتدخل الغرفه لتغلقها علي نفسها وتبكي .
اما فارس خلف الباب يا عليا طيب اسمعيني بتعيطي ليه .
عليا : مش بعيط ولو سمحت سبني في حالي .
فارس : طيب اعرفي مين هي حبيبتي اللي بتسلم عليكي .
عليا : هي كمان بتسلم عليا .
فارس : ايوه بتسلم عليكي وبتحبك اوي كمان .
لتخرج عليا من الغرفه وتقوله نعم انت حكيت ليها عني .
فارس : دي تبقي امي يا عليا .
عليا : بأحراج طيب سلملي عليها كتير .
فارس : يقرب منها ويقولها انت بتغيري عليا يا عليا .
عليا : واغير ليه خلاص احنا هننفصل قريب .
فارس : عليا انا بحبك ومش عايز اطلقك .
عليا : مش هينفع يا فارس انت كسرتني وتبكي امامه .
فارس : يمسح دمعتها وياخدها بين احضانه بشده ويقولها انا اسف حقك عليا بس ارجوكي متبعديش عني .
عليا : معدش ينفع وتبعد عن احضانه وتدخل الغرفه وتغلقها عليها وتبكي .
فارس : طيب علي راحتك يا عليا مش هضغط عليكي يا رب قرب البعيد .
وعند احمد في منزل اهله
عليا : يا احمد يعني كل ده حصل وانا معرفش .
احمد : عليا الموضوع ده ما بيني وبينك .
عليا : انت حبيتها يا احمد .
احمد : ايوه يا عليا حبيتها اوي .
عليا : طيب هي لسه مش بترد عليك .
احمد : ايوه مش عارف قلقان عليها ليه .
عليا : طيب اصبر يومين وكلم اخوها ما انت معاك رقم اخوها .
احمد : انا قولت كده برضوا هعمل كده .
عليا : بس يا احمد لازم تكون جد معاها انت عندك اخوات بنات .
احمد : متخافيش يا عليا انا بحبها وبخاف عليها زيكم بالظبط .
عليا : ربنا يقرب البعيد .
احمد : يا رب يا عليا .
عليا : اسيبك بقي واقوم اذاكر .
احمد : قومي يا اختي .
وبعد مرور يومين بين جميع ابطالنا قرر احمد الاتصال بعبدالرحمن كي يطمئن عليه .
عبدالرحمن : السلام عليكم ورحمه الله وبركاته .
احمد : وعليكم السلام ورحمه الله وبركاته ازيك يا بشمهندس عبدالرحمن .
عبدالرحمن : الحمدلله بخير ازيك انت يا استاذ احمد عامل ايه واخبارك .
احمد : الحمدلله انتوا عاملين ايه عمو محمد وطنط وعليا عاملين ايه .
عبدالرحمن : الحمدلله كلهم بخير بيسلموا عليك .
احمد : الله يسلمهم سلم عليهم كتير .
عبدالرحمن : حاضر يوصل صحيح يا احمد انت اشتغلت .
احمد : لا لسه والله بدور .
عبدالرحمن : طيب جهز ورقك انا كلمت صديق ليا .
احمد : بفرحه بجد .
عبدالرحمن : طبعا .
احمد : ربنا يخليك ويجازيك خير يا رب .
عبدالرحمن : ويخليك يا احمد ابقي طمني عليك بقي وانا لما هاخد المعاد هبلغك تنزل بورقك .
احمد : ماشي تمام علي خير يا رب .
عبدالرحمن : ان شاء الله .
احمد : عايز حاجه يا بشمهندس عبدالرحمن .
عبدالرحمن : عايز سلامتك .
احمد : سلام عليكم .
عبدالرحمن : وعليكم السلام .
ويغلق احمد الفون بفرحه ويقول اخيرا الحمدلله احمدك يا رب شغلي هيكون في القاهره جنب عليا يا رب قرب البعيد اكتر واكتر .
لتدخل عليه اخته الصغيره عليا وتقوله خير يا احمد .
احمد : بفرحه لسه قافل مع عبدالرحمن اخوه عليا لقي ليا شغل في القاهره .
عليا : بفرحه بجد يا احمد مبروك يا حبيبي وتحتضنه .
احمد : الله يبارك فيكي يا عليا بس اوعي تقولي لحد دلوقتي لما يتصل يأكد عليا هقولك .
عليا : بس كده ماشي يا سيدي .
وفي الفندق عند فارس وعليا .
فارس : عليا احنا هنفضل كده .
عليا : كده احسن ولو سمحت كفايه وجع اكتر من كده .
فارس : علي راحتك يا عليا مش هضغط عليكي .
وبعد مرور الاسبوعين قضاهم فارس وعليا وهما بعيدان عن بعضهما البعض .
وعبدالرحمن متجنب شاهندا في الشغل .
ويوسف بيرخم علي شاهندا طبعا .
حان وقت رجوع عليا وفارس الي الفيلا .
فارس : خلاص خلصتي يا عليا .
عليا : ايوه خلصت .
فارس : يلا علشان معاد الطياره .
عليا : حاضر هقفل الشنطه واجي .
فارس : عنك انت ويغلق الشنطه ويشيلها ويقولها ممكن اقولك حاجه .
عليا : اتفضل .
فارس : ممكن محدش يحس بحاجه منهم .
عليا : اطمن يا فارس انا عمري ما هقدر اقول حاجه لحد انت جوزي حاليا واللي يضرك يضرني .
فارس : بحب تسلمي ليا يا رب وربنا يخليكي ليا يا رب .
عليا : يلا بقي علشان معاد الطياره .
فارس : بمزاح يعني مش خايفه من الطياره .
عليا : لا مش خايفه .
فارس : طيب يلا اما نشوف ويذهبون سويا الي المطار .
وتتصل عفاف بابنتها عليا .
عليا : السلام عليكم ازيك يا امي واحشتني اوي .
عفاف : وعليكم السلام انت كمان واحشتيني يا عليا .
عليا : ماما عايز اشوفك انا هركب واجي اهو .
عفاف : واحنا رايحين يا حبيبتي الفيلا هنستناكي هناك انا لسه قافله مع ناديه .
عليا : ماشي يا امي تروحوا كلكم علشان كلكم واحشتوني .
عفاف : رايحين كلنا يا حبيبتي .
عليا : ماشي يا امي انا راحه اهو المطار .
عفاف : تيجوا بالسلامه يا بنتي يا رب .
عليا : يا رب يا امي .
عفاف : لا اله الا الله .
عليا : سيدنا محمد رسول الله .
عفاف : سلام يا حبيبتي .
عليا : سلام يا ماما .
وبعد ان يغلقوا معا .
عبدالرحمن يلا يا ماما هنعدي علي بابا وخالد واقف تحت .
عفاف : يلا يا ابني ويذهبون معا الي حيث يعمل والد عليا ليأخذوه معهم وثم يذهبون الي الفيلا سويا .
ويصلوا الي الفيلا جميعا .
ناديه في استقابلهم وتحتضن عفاف .
ناديه : يعني لولا عليا جايه مكنتيش هتيجي يا عفاف اخص عليكي .
عفاف : والله مشاغل يا ناني خالد مدوخني جامد في المذاكره .
ناديه : لخاد ينفع كده يا خالد تدوخ امك .
خالد : والله بذاكر وبعمل اللي عليا يا طنط .
ناديه : ربنا يوفقك يا ابني اتفضلوا هتفضلوا واقفين كده اتفضل يا محمد اتفضل يا عبدالرحمن .
ويدخلون معا الي الفيلا .
وعند فارس وعليا .
وبعد ان يصلوا سويا المطار يرن تليفون فارس وكان المتصل محمود صديقه وزوج اخته .
محمود : السلام عليكم .
فارس : وعليكم السلام ازيك يا حوده .
محمود : الحمدلله يا عريس ها انت فين حاليا علشان انا جاي اخدك من المطار انا ونادين .
فارس : حبيبي يا حوده انا لسه هركب اهو ساعه ونص بالكتير وهكون عندك .
محمود : تنور يا صاحبي وانا هكون في انتظارك .
فارس : تسلم يا صاحبي سلام .
محمود : سلام يا صاحبي .
نادين : هما فين يا محمود .
محمود : لسه هيركبوا الطياره .
نادين : تعرف فارس واحشني اوي .
محمود : وواحشاني انا كمان فارس ده حبيبي ويغمز لها .
نادين : محمود مش وقته هزارك ده .
محمود : ليه يا قمر مش العيال عند ماما ناديه .
نادين : ايوه وديتهم الصبح .
محمود : طيب انا عايزك في كلمه سر .
نادين : فارس يا محمود الطياره .
محمود : لسه بدري يا بيبي .
وسكت شهر زاد عن الكلام المباح .
وعند فارس وعليا وهما في الطياره .
فارس : ليخض عليا خدي بالك ممكن الطياره تقع بينا .
عليا : يخوف وتمسك به بشده وتقول بس اسكت .
فارس : ليضحك علي تصرفها الطفولي هذا ويقولها يا جبانه .
عليا : انا مش خايفه علي فكره ,
فارس : لا خايفه بأماره ايه بقي مش خايفه ما انت ماسكه فيا اوي اهو .
عليا : تبعد عنه وتقوله مش خايفه اهو .
فارس : بصوت عالي في الطياره لكي يخيف عليا ويقول حاسب .
عليا : فيه ايه .
ليخاف جميع الركاب ويعتقدون هبوط الطياره .
المضيفه : في المايك لو سمحتم مفيش حاجه حلصت كل واحد يفضل مكانه علي الكرسي .
المضيفه : لفارس لو سمحت يا استاذ مش يصح كده حضرتك بتزعج الركاب اتفضل معايا .
فارس : نعم فيه ايه .
المضيفه : اتفضل لو سمحت .
عليا : بخوف نعم رايح فين معاها .
فارس : اصبري بس ثواني خليكي اما اشوف فيه ايه .
عليا : طيب .
اما فارس يذهب مع المضيفه ليقول لها فيه ايه .
المضيفه : حضرتك عملت صوت عالي مش يصح كده يا استاذ .
فارس : خلاص حصل خير يا انسه .
المضيفه : تنظر له بأعجاب وتقوله انت ازاي حلو كده .
فارس : نعم فيه ايهيا انسه .
المضيفه : اللي جنبك دي مراتك صح .
فارس : ايوه فيه ايه عايز افهم .
المضيفه : مفيش يا انت اسمك ايه .
فارس : نعم انت عايزه ايه عايز افهم بس .
المضيفه : وتغمز له وتقوله انت كل ده مفهمتش انا هقعد في القاهره 24 ساعه عايزه اشوفك ده الكارت بتاعي .
فارس : وقد فهم وقال لها يا بجاحتك يعني مراتي معايا وبتعملي كده.
المضيفه : هاهاهاها مراتك اصلا باين عليها مش واخده بالها منك .
فارس : تضايق منها بشده وقال لها بعد اذنك وذهب من امامها .
وعاد كي يجلس بجانب عليا مره اخري .
عليا : هو فيه ايه .
فارس : مفيش حاجه .
اما المضيفه ترجع وتنظر لفارس وتبتسم .
عليا : تلاحظ نظرتها لفارس وتقول لنفسها النظرات دي مش طبيعيه فارس فيه ايه وبتبصلك كده ليه هي
فارس : مفيش حاجه يا عليا .
عليا : بعصبيه لا فيه يا فارس .
فارس : طيب الهانم ادتني الكارت بتاعها اصلي عجبتها اوي اصلي مش عاجب مراتي اصلا ويضحك .