رواية غدر الايام
الفصل الحادي والثلاثون31
بقلم نورا عطيه
فارس : بتهببي ايه ويكسر الباب بكل قوته ليري عليا مرتديه قميص نوم لاول مره يري هذا الجمال .عليا : انت اتجننت كسرت الباب ايه اللي دخلك كده انت مش بني ادم طبيعي .
فارس : يسكت وينظر لها نظرات اختراق لجميع اجزاء جسدها .
عليا : وقد انتبهت لمنظرها ورفعت الملايه الخاصه بالسرير عليها تغظي اجزاء جسدها .
فارس : بتعملي ايه انت اتجننتي سيبي البتاعه دي .
عليا : اطلع بره لو سمحت .
فارس : اطلع بره فين ,
عليا : وتغطي جسدها بالكامل منه وتخجل منه ومن نفسها بشده .
فارس : ايه اللي انت لابساه ده .
عليا : انا مكنتش عارفه انك جاي لو سمحت اطلع بره علي ما البس.
فارس : انت عايزه ايه فهميني ولابسه اللبس ده ليه علشان تغريني لا مش انا يا هانم انا بنات كتير تتمني تعيش معايا وهتجوز عليكي ومش هطلقك .
عليا : بعصبيه نعم ازاي يعني انت لو راجل خليك قد اتفاقك .
فارس : وقد اشتد به عصبيته وقرب نحوها وقال لها انا هوريكي انا راجل ولا لا وقرب منها بشده وامسك بالملايه علي جسمها ونزعها منها بشده .
عليا : انت اتجننت هتعمل ايه .
فارس : ولا حاجه هوريكي اني راجل .
عليا : سبني ارجوك سبني وبدات في البكاء ,
فارس : ينظر لها بكل قوه وثبات ويقول لها اصلا انا قرفان منك اطلعي بره بقي .
عليا : بصدمه لم تكن تتوقع منه ذلك وتنصرف بسرعه من امامه ومعها ملابسها .
اما فارس يغلق باب الغرفه عليه ويقول لنفسه انت عمرك ما هتحتاج ليها يا فارس هكذا كان يحدثه عقله اما قلبه يحتاج اليها بشده .
( احلي حاجه بين البشر ان هما دايما محتاجين لبعض مفيش حد يقدر يعيش لوحده من غير ما حد يقف جنبه في الحزن وفي الفرح كمان لكن المساعده زي ما هي مهمه احيانا بتسبب لينا مشاكل كتير ممكن تيجي تساعد حد فتلاقي نفسك بتضره ممكن تيجي تساعد حد فتلاقيه مش مقدر وقفتك جنبه لكن كده كده دايما فيه حد بنلاقيه واقف جنبنا من غير حتي ما نطلب مساعدته ساعات كتير بنستني من حد بعينه انه يقف جنبنا مش علشان محتاجين مساعدته لا لاننا ببساطه محتاجينه يبقي شريك في كل حاجه في حياتنا )
اما عليا بعد انى تخرج وتغير ملابسها تجلس علي الارض باكيه بكاء شديد علي حالها وتقول لنفسها عمري ما هسامحك علي اللي عملته فيا ده يا فارس .
القلب : لا هتسامحيه وهيعملك حاجه علشان تسامحيه ,
العقل : لا لا يمكن طبعا ده مش بني ادم .
عليا : له الاثنين بس بقي وتبكي بشده ,
( لما بنزعل من حد بنحبه عمرنا ما بنسامحه بسبب حاجه بيعملها بالعكس احنا بنسامحه الاول وبعدين نستناه يعمل الحاجه دي علشان نقدر نقوله ان احنا سامحناه )
عليا : هو هيتجوز عليا ازاي هو يقدر انا مش هقبل لازم يطلقني الاول .
( اوعي تتأمري علي نفسك وترضي تعيشي مع ربع راجل لو اخترتي راجل انتي مش مكفياه عن الدنيا بحالها عمرك ما هتحسي ان هو مكفيكي مهما حصل )
هكذا افتكرت عليا كلام والدتها لها وقالت خلاص انا كده خسرته اصلا يبقي اكسب الشركه مش لاوم اخسر تاني .
اما قلبها يحدثها ويقول لها بسهوله كده هتضحي بفارس .
عقلها : لا دي مش تضحيه خلاص احنا الحياه ما بينا مستحيله ,
قلبها : ادخلي صلحي الموقف واعتذري انت غلطي .
عقلها : لا لا انا لا يمكن اغلط .
عليا : بس بقي وتقوم من مكانها وتقف امام باب الغرفه وتقول لو سمحت ممكن ادخل .
فارس : لا مش ممكن .
عليا : هتكلم معاك شويه .
فارس : عايزه ايه اخلصي .
عليا : انا بعتذر علي اللي عملته .
فارس : عادي ولا فارق معايا .
عليا : طيب بعد اذنك .
وتعود الي الريسبشن كما كانت .
اما فارس يقول انا اللي غلطان انا ضحيت بحاجات كتير علشان اتجوز واحده زيك .
( التضحيه طبعا تصرف عظيم ونبيل لكن لما تبقي التضحيه لشخص مايستهلهاش او مش هيقدر او مالوش لزمه بتتحول من تصرف نبيل وعظيم لتصرف عبيط وسذج )
فارس : لازم اطلقها جوزانا عمره ما هيستمر ويذهب في النوم من تعبه الشديد .
اما عليا تجلس في الريسبشن تفتح التلفاز وتشاهده حتي يغلبها النوم مره اخري وتنام وهي علي الاريكه.
اما فارس يستيقظ بعد ساعه من نومه ويبحث عنها ليجدها نأئمه علي الاريكه وينظر لها ويقول لنفسه مش معقول يا فارس حبيتها دي شيطانه عملت كده علشان تنتقم منك .
فلاش باك .
( مدام منال : استاذ فارس انا كنت شوفت الانسه دي قبل كده هنا ومعانا السي في بتاعها عليه صورتها وكانت خرجت بخناقه مع حضرتك من مكتب حضرتك .
فارس : نعم يا مدام منال هي جت هنا قبل كده وكمان اتخانقت معايا.
مدام منال : ايوه يا استاذ فارس وانا دورت علي السي في لحد ما لقيته واهو يا استاذ فارس .
فارس : طيب سبيه وانا هتصرف انا وياريت محدش من الشركه يعرف بالموضوع ده .
مدام منال : تحت امرك يا فارس بيه وتذهب الي مكتبها .
اما فارس كان ينظر الي السي في والصوره اللي عليه ويقول عليا كانت بتكدب ليه في الاسم اكيد ورا الموضوع ده حاجه لازم اعرف اخرها اجريها وخلاص وبرضوا اسئل عنها ويبدا الاتصال بصديق له يعمل في المباحث .
وبعد ان ينتهي الاتصال ويسأل عنها ويرد عليه صديقه يقول خليني وراكي لحد ما اجيب اخرك يا مي هانم اقصد يا عليا )
نرجع تاني .
فارس : ياااااااااااااه لولا مدام منال كانت قالتلي عليكي ماشي يا عليا ويسيبها مكانها ويذهب الي الديسكو ليرقص مع احدي الفتيات .
اما عليا تفيق مخضوضه لتجد باب الغرفه مفتوح وتقول لنفسها راح فين ده يا تري نزل ولا راح فين وتنظر للساعه لتجدها الواحده صباحا وتقول معقول نزل تاني معقول يا ربي بقي .
اما فارس بعد ان يشرب كأسأ من الخمر ومعه فتاه تسهر معه وتشرب معه ايضا .
فارس : يلا بقي انا هطلع علشان تعبت .
الفتاه : استني شويه خلينا نسهر مع بعض شويه .
فارس : لا خلاص تعبت .
الفتاه : طيب تعالا نطلع نسهر في السويت عندك .
فارس : بمكر طيب يلا .
الفتاه : قشطه عليك يلا .
ويصعدون معا الي السويت .
ويدخلون السويت سويا وعليا بغرفه النوم
الفتاه : بمياعه انت باين عليك جامد اوي .
فارس : دلوقتي تشوفي يا روحي .
الفتاه : صحيح اسمك ايه .
فارس : هو اسمي يهمك .
وتخرج عليا لتجد فارس ومعه فتاه اخري .
الفتاه : ايه ده يا جامد انت عندك صديقه هنا .
فارس : هههههههه اها .
عليا : بصدمه انت مين وايه اللي جابك هنا .
الفتاه : وانت مالك زي زيك بالظبط .
عليا : هي حصلت تجبلي واحده هنا يا استاذ يا محترم .
فارس : انا محترم غصب عنك يا بت انت .
عليا : ايوه محترم جدا انا هسيبلكم السويت تاخدوا راحتكم .
فارس : استني هنا تنزلي فين دلوقتي .
عليا : مالكش دعوه بيا .
فارس : قولت استني ونظر للفتاه وقال لها ممكن تنزلي دلوقتي .
الفتاه : نعم يعني هي هتقضي الليله معاك ايه ده هي احلي مني في ايه .
فارس : بعصبيه قولت انزلي غوري بقي .
الفتاه : اشبع بيها وترحل من السويت وتغلقه خلفها بشده .
عليا : انت عايز مني ايه .
فارس : انت غيرانه منها .
عليا : انا هغير ليه لا انا مش غيرانه اشبع بيها عادي تحب اروح ابعتها ليك .
فارس : يقرب لها ويقولها لا غيرانه .
عليا : لا مش غيرانه .
( الغيره جوه كل ست مننا الغيره دي طبع فينا ومفيش شك انها ممكن تقتلنا من جوه وتوجعنا اوي الغيره شئ قاتل اما غيره الحب او الصحاب او الاهل او الجيران الغيره طبع بيغلب التطبع جوانا مش شرط الغيره علي زوج او حبيب الغيره جوه اي ست )
فارس : لا غيرانه ويقرب منها بشده يكاد انفاسه قريبه منها .
عليا : ابعد عني لو سمحت ايه الريحه دي كنت بتشرب ايه .
فارس : فارس مبتعد عنها ولا حاجه هشرب ايه .
عليا : لا انت شارب ايه .
فارس : ولا حاجه .
عليا : ببكاء انت شربت حاجه يا فارس .
فارس : قولت مش شربت حاجه .
عليا : لا شارب .
فارس : يعني عايزه ايه .
عليا : اتفضل من وشي .
فارس : نعم عايزاني انا اخرج بره .
عليا : لو سمحت اخرج .
فارس : طيب انا هروح للبت تاني .
عليا : بغيره رايح فين بقي ترجع لمين .
فارس : يعني غيرانه .
عليا : بعصبيه لا مش غيرانه .
فارس : طيب عايزه ايه انت .
عليا : مش عايزه كفايه اللي حضرتك عملته وصلت انك تجيب واحده هنا .
فارس : انا حر وبراحتي .
عليا : ببكاء لا انت لا حر ولا براحتك انت مش مراعي شكلي قدام الناس ونزلت تسهر ولا همك اني هنا لوحدي وكمان جرحت مشاعري وجايب واحده هنا وصلت بيك لكده انت بجد نزلت من نظري اوي بعد اللي عملته ورايح تغضب ربنا وتشرب وتزني انا تعبت منك اوي انا اللي غلطانه اني وافقت اتجوزك وتقع مغشيا عليها .
فارس : يلحق بها عليا عليا عليا لم ترد عليه .
ويشيلها من مكانها ويضعها علي السرير ويبحث عن شئ تفوق به ويجد زجاجه عطر ويرشها اعلي انفها كي تفيق ولم يجد اي استجابه ويقول عليا ارجوكي قومي متعمليش كده انا عارف اني غلط بس انا بحبك يا عليا فوقي بقي .
لم يجد اي استجابه منها ويخرج من السويت مسرعا لكي يبحث عن طبيب في الفندق وينزل الي الريسبشن مسرعا ويتجه لموظف الريسبشن ليقول له لو سمحت فيه دكتور هنا .
الموظف : طبعا فيه دكتور مقيم معانا بس هو حاليا في غرفته .
فارس : لو سمحت انا عايزه حالا علي السويت عندي .
الموظف : حاضر يا باشا هتصل ابلغه قولي رقم السويت الخاص بحضرتك .
فارس : سويت رقم 5 .
الموظف : بالكتير ربع ساعه ويكون عند حضرتك .
فارس : شكرا ليك وبذهب مسرعا مره اخري الي عليا .
ويدخل فارس الغرفه لعليا ولم تفق ولم تستجيب له .
اما في منزل والد ووالده عليا ,
عفاف : تقوم مخضوضه من النوم .
محمد : مالك يا عفاف .
عفاف : بنتي بنتي يا محمد .
محمد : خير خير فيه ايه بنتك مع جوزها اشربي بس المايه دي .
عفاف : خليني اكلمها اطمن .
محمد : تكلميها دلوقتي الساعه 3 الصبح زمانها نايمه مع جوزها هتقلقيها .
عفاف : لا لازم اكلمها اطمن عليها .
محمد : الواد هيقول علينا مجانين لما نتصل نزعجهم دلوقتي .
عفاف : لا كلمهم وريحني يا محمد .
محمد : امري لله ويمسك الفون كي يتصل بعليا .
اما في الفندق فارس يجلس بجوار عليا ينتظر الدكتور ويسمع صوت الموبيل يرن ويمسكه ليجد اسم حبيبي ويقول بتخوني حبيبها مين ده كمان انا كده مش غلطان بقي علي اللي حصلها ده ويضغط علي زر الرد ليسمع صوت امراه .
ويقول الو مين معايا .
عفاف : ايوه يا فارس انا ام عليا عايزه اكلمها ضروري .
فارس : بكسوف وخجل اهلا يا طنط معلش عليا نايمه خالص لسه نايمه من شويه .
عفاف : يعني هي كويسه يا ابني معلش لو بتصل ازعجكم اصلي قلقت عليها .
فارس : بكدب الحمدلله احنا بخير بس انا صحيت علي صوت الموبيل فكنت مخضوض .
عفاف : معلش اسفه يا ابني اسيبك تكمل نوم والصبح خلي عليا تكلمني .
فارس : ولا يهم حضرتك حاضر هخليها تكلمك سلام .
عفاف : سلام .
محمد : اطمنتي دلوقتي يا عفاف .
عفاف : شويه بس كان نفسي اسمع صوتها .
محمد : انت شوفتي ايه يخليكي مخضوضه عليها اوي كده .
عفاف : شوفتها خير اللهم اجعله خير بتقع من جبل عالي .
محمد : خير اللهم اجعله خير ان شاء الله خير نامي بقي عندي شغل الصبح .
عفاف : طيب تصبح علي خير .
محمد : وانت من اهله .
وفي الفندق حضر الدكتور السويت .
فارس : اتفضل يا دكتور .
الدكتور : هو حصل ايه يا استاذ .
فارس : بكدب مش عارف هي وقعت من طولها .
الدكتور : هي تقرب ايه لحضرتك .
فارس : دي مراتي يا دكتور .
الدكتور : طيب ممكن اشوفها .
فارس : يفسح له الطريق ويقوله اتفضل .
ويبدأ الدكتور بفحص عليا .
وبعد ان ينتهي من فحصها الدكتور .
فارس : خير يا دكتور .
الدكتور : المدام عندها انهيار عصبي حاد واضح انها اتعرضت لضغط عصبي شديد انا اديتها حقنه مهدئه وهي هتفوق كمان شويه ياريت تبعد عنها اي حاجه تضايقها والعلاج ده لازم يكون عندها .
فارس :خاضر شكرا لتعبك يا دكتور .
الدكتور : العفو ده واجبي بعد اذنك .
ويرحل الدكتور اما فارس يجلس اما عليا علي السرير ويأخدها في حضنه ويقولها انا اسف انا عارف اني السبب في اللي حصلك ده متزعليش مني يا عليا انا بحبك ارجوكي متزعليش ويمسك الروشته ويتصل بأحدي العمال في الفندق كي يعطي له الروشته ونقود كي يشتري الدوء لعليا .
وبعد ان يعطي احد العمال الروشته والكثير من المال يجلس امام عليا ويأخذها في حضنه .
اما عليا فكانت نائمه لا تحس بشئ تماما .
فارس : يتحدث اليها ويقول انا عارف اني اول مره شوفتك فيها افتكرتك زي باقي البنات سهله انا عمر ما بنت قالتلي لا علي حاجه دخل الجامعه وخلصتها ومش لقيت بنت قالتلي لا لحد ما قابلتك شوفت في نظرات عينكي رفض ليا اول مره اشوف النظرات دي اضايقت اوي ازاي بنت تقول لا لفارس الحويتي بس لا بتاعتك دخلت دماغي وقررت اتجوزك بس يا عليا انا حبيتك فعلا ونفسي نكون زي اي زوجين نفسي ترجعي احسن من الاول يا عليا انا بحبك ويبدا بالبكاء لاول مره يبكي في حياته علي امراه غير امه .
اما عليا فتحس بدموع تنزل علي خدها وتسمع كلامه وهو بالقرب منها وتحس بكلامه وتسمعه بشده .
فارس : حتي لو مش سامعه يا عليا انا عمري ما هسيبك ولا هتخلي عنك .
عليا : بصوت ضعيف انت كسرتني يا فارس