رواية غدر الايام
الفصل الرابع4
بقلم نورا عطيه
احمد : ان شاء الله هتفتكري ان شاء الله خير.عليا : يا رب.
احمد : ايوه احسن كلمه قولتيها يا رب,,, ممكن بقي تنامي شويه علشان ترتاحي.
عليا : وانت هتروح فين.
احمد : انا هقعد بره,,, ومتخافيش اقفلي الباب عليكي كويس.
عليا : انا مش عارفه اقولك ايه علي اللي انت بتعمله ده انا بس لو افتكر والله ما هتعب حضرتك كده.
احمد : ايه الكلام ده انت زي اختي,,, واكيد يعني مفيش تعب يلا انا خارج اقفلي عليكي الباب كويس.
عليا : حاضر,,, وتغلق خلفه الباب.
وبعد ان يخرج احمد يقف يفكر,,, ويبص علي ما تبقي لديه من مال,,, ويقول ياااااااه مبقاش معايا غير 30 جنيه طبعا مش هيقضوا اكل اسبوعين,,, مش مهم انا المهم هي لازم ادور علي شغل يومي الاسبوعين دول,, هعمل ايه يا رب قدرني يا رب,,, واعرف اتصرف.
اماعند عليا تجلس علي السرير تفكر,,, وتقول في سرها يا تري ده مين,,, وبيعمل معايا كده ليه,,, وعايز مني ايه يا رب افتكر انا مش فاكره حاجه خالص يا رب مش عايزه اتعبه معايا كفايه المصاريف والاكل والعلاج يا رب صرفني وقدرني يا رب.
اما عند والد ووالده عليا في المنزل والدكتور عندهم كي يطمن علي والدتهم.
عبدالرحمن : يا رب خير يا تري انت فين يا عليا,,, وحصلك ايه يا رب نلاقيها يا رب,,, ونطمن علي ماما يا رب.
خالد : متخافش يا عبدالرحمن ان شاء الله خير,,, وهنلاقيها انا متاكد ربنا هيحفظها.
عبدالرحمن : يا رب يا خالد يا رب.
الاب (محمد) : عبدالرحمن بكرا الصبح تروح تنزل اعلان في الصحف كلها بصورتها,,, ويا رب نطمن عليها يا رب,,, وعلي امكم يا رب.
عبدالرحمن : حاضر يا بابا,,, من بدري هروح وان شاء الله تكون بخير.
الاب : يا رب يا ابني.
ويخرج الدكتور من غرفه والده عليا.
وكلهم جميعا خير يا دكتور.
الدكتور : يا جماعه ضغطها عالي جدا هي اتعرضت لضغط عصبي شديد,,, هو حصل ايه انا اديتها حقنه مهدئه بس شوفوا ليها عليا لانها عماله تسأل عليها.
الاب : يا دكتور عليا بنتنا,,, ومش لاقينها طول اليوم.
الدكتور : ان شاء الله تلاقوها بس خالو بالكم من المدام علشان الضغط ده غلط عليها ممكن يحصلها لقدر الله جلطه في المخ.
عبدالرحمن : ان شاء الله يا دكتور.
ويذهب عبدالرحمن خلف الدكتور.
اما عند عليا مش عارفه تنام,,, وبتفكر في احمد,,, وتقول في نفسها يا تري بيعمل كل ده ليه,,, هو فيه حد كويس لا طبعا اكيد ليه مصلحه في كده مفيش حد بيعمل كده.
اما احمد يقف يفكر,,, ويقول يا تري انا ايه اللي عملته ده ازاي اصرف كل اللي معايا علي واحده مش اعرفها ده اول يوم اشوفها النهارده يا تري اللي عملته ده صح ولا غلط اكيد صح علشان مش ارضي اختي يحصلها لقدر الله كده يا رب صبرني لحد ما اوصلها لاهلها يا رب,,, انا لازم بكرا ادور علي اي شغل باي طريقه,,, ويكون قريب من هنا,,, انا لازم انام هنا علشان مش تخاف,,, ويجلس احمد خلف الغرفه التي بها عليا,,, ويذهب في نوم عميق.
اما عليا مش عارفه تنام ,,, وتقول اما اشوفه كده بيعمل ايه لاحسن يكون بيجهز لحاجه لازم اخد احتياطي برضوا ده انا مش اعرفه وتلبس الطرحه,,, وتفتح الغرفه,,, وتنظر فجأه لتلقي احمد ذاهبا في نوم عميق علي الارض,,, وتقول في سرها ظلمته يا عيني حرام ده نايم استغفر الله العظيم وتدخل الغرفه لكي تحضر غطاء من السرير كي تغطي به احمد ,,,وتنظر له وتقول في سرها يا تري عملت معايا كل ده ليه انا حاسه اني مكنتش اعرفك اصلا يا تري ايه السر في كده يا احمد وتدخل الغرفه وتغلقها جيدا علي نفسها كي تنام وتذهب في نوم عميق .
صباح يوم جديد علي جميع ابطالنا
في منزل والد ووالده عليا
الاب : يا عبدالرحمن انزل انت ومعاك صورتها وانا هنزل اعمل بلاغ في القسم,,, وانت يا خالد تقعد مع والدتك وتكون معانا علي التليفون.
عبدالرحمن : حاضر يا بابا اللي تؤمرني بيه انا هنزل وهبقي مع حضرتك علي التليفون .
خالد : حاضر يا بابا وطمني عليكم وانا هفضل جنب ماما .
الاب : علي خيره الله انا هنزل سلام .
عبدالرحمن وخالد : سلام يا بابا .
عبدالرحمن : انا هنزل انا كمان يا خالد خد بالك علي ماما .
خالد : حاضر وابقا طمني يا عبدالرحمن .
عبدالرحمن : حاضر سلام ويذهب ويغلق الباب خلفه .
اما عند عليا بعد ان استيقظت من نومها لبست الاسدال وخرجت من الغرفه تبحث عنه,,, ولم تجده ابدا,,, وتقول هو راح فين يا تري,,, وتقول احمد تبحث عنه في كل مكان في السطح وتنادي عليه ولم تجده,,وترجع الغرفه وتجلس تبكي علي السرير وتقول اكيد زهق مني ومشي اكيد طيب انا اعمل ايه ازاي اقعد لوحدي هنا يا رب بقي,,, وتبكي بشده علي حالها.
ويدخل احمد ويقول السلام عليكم ورحمه الله وبركاته
عليا : وعليكم السلام ورحمه الله وبركاته انت كنت فين انا افتكرتك مشيت.
احمد : كنت بجيب فطار امشي اروح فين معلش انا اتاخرت بس بصي بقي انت هتفطري وانا هنزل شويه وارجعلك .
عليا :هتنزل تاني هتروح فين انا خايفه.
احمد : متخافيش افطري واقفلي علي نفسك كويس وانا والله ما هتأخر هرجع علطول .
عليا : طيب مش تتأخر .
احمد : بأبتسامه حاضر .
عليا : ترجع بالسلامه خد بالك علي نفسك .
احمد : حاضر وانت كمان اقفلي علي نفسك كويس .
عليا : بأبتسامه حاضر .
ويذهب احمد ويغلق خلفه الباب .
اما عليا تقعد تفطر
احمد مجرد نزوله البواب لاحمد
البواب : انت هتنزل يا باشا وهتسيب اختك.
احمد : هرجع علطول .
البواب : حاضر يا باشا ويضحك بمكر .
ويذهب احمد لكي يبحث علي شغل .
اما البواب يتسحب يطلع فوق لعليا ويضحك بكل خبث ومكر ويخبط علي الغرفه التي بها عليا .
عليا : ايه ده هو احمد رجع تاني لحق وتلبس الاسدال وتذهب لكي تفتح الباب