رواية غدر الايام
الفصل الخامس والاربعون45
بقلم نورا عطيه
فارس : بس كده حاضر يا حبيبتي ويبدا الصلاه بعد ان ترتدي الاسدال الخاص بالصلاه ويقول بها الدعاء .فارس : يحتضنها بشده ويقبلها .
عليا : بس يا فارس بس واستسلمت له بحب .
فارس : بس ايه هجيب عليا الصغيره .
(وسكت شهر زاد عن الكلام المباح )
وفي الفجر يستيقظ فارس ينظر لعليا بكل حب ويبتسم ويدخل كي يأخذ حمامه ويتوضأ لكي يصلي الفجر ولم يزعج عليا ابدا .
ويدخل يأخذ شاوره المعتاد ويبدا بالصلاه ثم يقرر تجهيز الفطار لها بكل حب ورومانسيه ويجهزه بالفعل ويصعد الي الغرفه مره اخري ثم ينظر لموبيل عليا ليجده قد شحن ويمسكه ليري اتصالات كثيرا من شخص يدعي احمد وينظر الي رسايل ولم يجد ويبدا بداخله الشك ويجلس امامها يفكر ويقول يا عليا قومي يا عليا .
عليا : بأبتسامه صباح الخير يا حبيبي .
فارس :صباح النور اتفضلي الفطار .
عليا : ايه ده تعبت نفسك ليه .
فارس : يمسك الموبيل ويوجهه الي وجهها ويقولها مين احمد ده يا عليا .
عليا : ده انا مش برد عليه والله يا فارس .
فارس : انا بسئل ده مين ويبقي بالنسبه ليكي ايه .
عليا : ماضي يا فارس .
فارس : بصدمه نعم ماضي .
عليا : ايوه والله ماضي وراح لحاله وانا هعيش الحاضر معاك ساعات كتير اللي حصلك في الماضي بيخليك مش عارف تعيش النهارده وبتبقي قلقان ومش قادر تشوف اي امل واضح في بكرا لكن انا قرر ماستسلمش لخوفي من بكرا ولا حتي هفكر في اللي جاي هفكر في اللي موجود وبس والله يا فارس .
فارس : انت يا عليا ليكي ماضي .
عليا : ما انت ليك ماضي وسكت يا فارس ايه وجهه المقارنه انا عايزه افهم ازاي عايز واحده من غير ماضي وانت ماضيك وحش ازاي ربنا هيديلك جوهره وانت اصلا دوست علي جواهر كتير ولا نسيت يا فارس .
فارس : انت ازاي بتكلميني كده ازاي تسمحي لنفسك تكلميني كده .
عليا : زي ما انت بتتهمني بحاجه خلصت من زمان انا من ساعه ما ارتبط بيك وانا مش كلمته خالص اصلا .
فارس : ووانا اصدقك ازاي انا بقي .
عليا : براحتك يا فارس عايز تصدقني صدقني مش عايز انت حر .
فارس : يعني ايه اضرب دماغي في الحيط .
عليا : فارس طلقني يا فارس .
فارس : ده اللي هيحصل فعلا يا عليا .
ويسبها تبكي ويخرج من الغرفه .
اما فارس يخرج من الفيلا ويركب سيارته ولا يدخل لامه الغرفه ابدا لاول مره يفعلها شيطانه بيقوله انها خاينه .
عليا تقوم من مكانها وتدخل كي تاخذ حمامها وتخرج تنوضأ وتصلي وتبكي في الصلاه وتسجد في خشوع وتدعي ان يعود اليها فارس مره اخري وتمسك موبيلها مره اخري وتعمل لاحمد حظر كي لا يتصل بها مره اخري وتبعت رساله لاسراء صديقتها وتقولها واحشتيني اوي محتاجالك اوي يا اسراء .
اما عند اسراء وهي بمنزل والدتها تري رساله عليا وتقلق وتتصل بها علي الفور .
عليا : ببكاء اسراء عامله ايه واحشتيني .
اسراء : تبكي في الاخري وتقولها انت كمان واحشتيني اوي مالك يا عليا الساعه 6 الصبح خضتيني فيه ايه يا حبيبتي .
عليا : انت فين يا اسراء .
اسراء : انا عند ماما يا حبيبتي .
عليا : عايزه اشوفيك محتاجالك اوي يا اسراء .
اسراء : انا هعدي عليكي يا عليا شويه وانزلك .
عليا : ياريت انا في الفيلا هستناكي .
اسراء : ماشي يا حبيبتي صوتك اصلا قلقني عليكي .
عليا : لما تيجي بقي سلام يا حبيبتي .
اسراء : سلام .
اما اسراء فكانت في ضيقه هي الاخري ومحتاجه تتكلم معاها صديقتها الوحيده .
اما عليا تنزل كي تطمن علي ناديه .
ناديه : امال فين فارس يا عليا .
عليا : نزل الصبح يا ماما .
ناديه : فيه حاجه يا عليا .
عليا : لا مفيش يا ماما بس اسراء صاحبتي هتيجي تقعد معايا شويه.
ناديه : تنور يا بنتي .
عليا : ميرسي يا ماما .
ناديه : اقعدي افطري معايا يا بنتي .
عليا : لم تكسفها وتجلس كي تفطر معها .
ناديه : الواد فارس ده لما يجيلي اول مره مش يصبح عليا انا زعلانه منه اوي بس لما يجيي ليا حساب معاه .
عليا : معلش يا ماما اكيد وراه شغل .
ناديه : ايوه بتدافعي علي جوزك خدي بالك ابني .
عليا : ههه ربنا يخليكي لينا يا رب .
ناديه : ويخليكي يا عليا وتجبيلي احمد صغير .
عليا : ان شاء الله .
ناديه : انا هروح اقعد مع زينب شويه .
عليا : ماشي يا ماما .
ناديه : لما يجيي فارس خليه يستني مش يخرج عايزه اتكلم معاه .
عليا : ماشي يا ماما .
ناديه : سلام يا عليا .
عليا : سلام يا ماما .
وتذهب ناديه كي تجلس قليلا مع زينب اما عليا تجلس تفكر ازاي تخلي فارس ينسي اللي اسمه احمد ده .
اما عند فارس يجلس امام الكورنيش الي الثامنه صباحا ويذهب الي الشركه .
وفي الفيلا عند خليل .
زينب : صباح الخير يا عبدالرحمن .
عبدالرحمن : صباح النور يا طنط .
زينب : عايزاك يا عبدالرحمن .
عبدالرحمن : تحت امرك يا طنط .
زينب : انت عارف طبعا ان الشركه دلوقتي ملك شاهندا وشاهندا مش هتعرف تديرها انت لازم تدير الشركه بحكم انك جوزها .
عبدالرحمن : بس انا .
زينب : مفيش بس يا عبدالرحمن انا بثق فيك جدا ومش هلاقي امن منك انت واخد اللي اغلي عندي من كنوز الدنيا واخد بنتي فاهم يعني ايه .
عبدالرحمن : فاهم يا طنط خلاص تحت امر حضرتك .
زينب : تنزل الشركه النهارده يا ابني وتعرفهم انك بدل خليل الله يرحمه المال السايب يعلم السرقه يا ابني .
عبدالرحمن : حاضر يا طنط انا هنزل النهارده .
زينب : ربنا يعنيك ويحرسك يا ابني ويخليك يا رب .
عبدالرحمن : ويخليكي لينا يا رب .
ويذهب عبدالرحمن بالفعل الي الشركه بأمر من زينب .
وعند اسراء في شقه والدتها .
والدتها : ارجعي بيتك يا بنتي .
اسراء : ماما انت زهقتي مني ولا ايه .
والدتها : لا يا بنتي بس انا عايزاكي في بيتك مبسوطه .
اسراء : يا ماما مش هرجع الا لما يجيي يعتذرلي وياخدني .
والدتها : علي راحتك يا بنتي انا تعبت معاكي امال لابسه كده وراحه فين .
اسراء : رايحه لعليا يا ماما .
والدتها : علي الصبح كده .
اسراء : ايوه يا ماما محتاجاني .
والدتها : انت وصاحبتك مجانين روحي يا اختي بس كلمي جوزك استأذني منه .
اسراء : كلمته وقالي روحي .
والدتها : امشي يا مجنونه من هنا ربنا يهديكم .
اسراء : هههه يا رب يا ماما انا نازله بقي عايزه حاجه .
والدتها : عايزه سلامتك يا حبيبتي .
اسراء : سلام يا ماما .
والدتها : سلام يا حبيبتي .
وتذهب اسراء الي الفيلا لعليا .
اما عليا فكانت تجلس تفكر ومن كتر التفكير حست بصداع وكان يرن الجرس لتجدها اسراء .
عليا : اسراء واحشتيني اوي اوي .
اسراء : انت كمان واحشتيني اوي وتبكي في حضنها وتقولها انت لوحدك ولا فيه حد معاكي .
عليا : لا لوحدي تعالي ادخلي ببكاء انت كمان واحشتيني .
اسراء : امال فين طنط ماما فارس.
عليا : راحت مشوار .
اسراء : مالك يا عليا فيه ايه .
عليا : محتاجاكي اوي يا اسراء .
اسراء : انا كمان محتاجاكي اوي يا عليا واحشتيني اوي انا كنت بتصل بيكي انما تليفونك مقفول .
عليا : ياريته كان اتقفل علطول يا اسراء .
اسراء : فيه ايه يا عليا .
عليا : فارس هيطلقني .
اسراء : بصدمه نعم ده قريبكم .
عليا : انا السبب يا اسراء .
اسراء : طيب اهدي واحكيلي فيه ايه .
عليا : انا وفارس جوازنا كان علي ورق لحد امبارح بس .
اسراء : نعم يعني ايه بقي .
عليا : زي ما قولتلك بس انا حبيته اوي جوازنا كان علي ورق وامبارح اتجوزنا فعلا .
اسراء : طيب وحصل ايه بعد كده .
عليا : الزفت اللي اسمه احمد كان اتصل بيا كتير ولما فتحت الفون امبارح علشان اطمن علي فارس بليل لانه اتاخر نسيت وسبته علي الشاحن والفجر فارس لما قام من جنبي ودخل يتوضا ويصلي الفجر شاف الموبيل بالمكالمات وسألني قولتله ده ماشي وراح لحاله يا فارس .
اسراء : هو انت كنتي بتكلمي احمد يا عليا .
عليا : ايوه كنت بكلمه .
اسراء : انت يا عليا كنتي بتكلميه ليه .
عليا : والله كان اعجاب بيه مش اكتر .
اسراء : انت غلطانه يا عليا .
عليا : عارفه بس والله غصب عني حبيته اوي وتبكي بشده .
اسراء : طيب اهدي وان شاء الله كل حاجه تتحل .
عليا : انا بحبه اوي يا اسراء .
اسراء : تحتضنها وتقولها اهدي هيرجعلك وانا جنبك ومش هسيبك اهدي يا حبيبتي .
( الصحاب من اغلي الهدايا اللي ممكن الحياه تقدمهالك وجودهم جنبك بيهون عليك اي حاجه خصوصا لما تبقي عارف انهم هيفضلوا جنبك مهما حصل علشان يفكروك قد ايه الحياه مهما بتاخد منك حاجات بتقدملك حاجات احلي )
عليا : تفتكري يا اسراء هيرجعلي .
اسراء : لو بيحبك بجد هيرجعلك يا عليا .
عليا : يا رب يا اسراء ثم مصطفي سابك تيجي هنا لوحدك .
اسراء : انا ومصطفي متخانقين يا عليا .
عليا : ليه حصل ايه .
اسراء : غلط فيا يا عليا وانت عارفه مبتحملش حد يغلط فيا .
عليا : طيب غلط قالك ايه .
اسراء : بيحسسني اني ماليش قيمه وانه بيعمل كل حاجه وانا ماليش لزمه .
عليا : ازاي تقولي كده مصطفي بيحبك .
اسراء : الحب مش كل حاجه اهم حاجه كرامتي معاه .
عليا : عندك حق ربنا يهديكم لبعض .
اسراء : يا رب انا هسيبك بقي علشان لما استأذنته قالي ساعتين بس وتروحي .
عليا : ماشي يا حبيبتي كنت محتاجه اتكلم معاكي فعلا شويه .
اسراء : ربنا يخليكي يا رب .
عليا : ويخليكي ليا يا صديقه عمري .
اسراء : انا همشي بقي ابقي طمنيني في التليفون .
عليا : حاضر يا حبيبتي .
اسراء : سلام يا حبيبتي .
عليا : تحتضنها وتقولها سلام .
اسراء : سلام .
وبعد ان تذهب اسراء تجلس عليا وحيد وتقرر الاتصال بفارس .
اما فارس فكان في شركته يجلس وحيدا ويفكر بها ويقول خاينه كلهم فيهم الخيانه افتكرتها كويسه وجعتني اوي .
( الوجع صعب اوي خصوصا لما تتوجع من حد قريب منك بتتكسر من جواك لما تصعب عليك نفسك وتحس بالكسره والوحده والندم لكن الاخطر انك تحس بوجع مش عارف تتخلص منه لانك اتوجعت من شخص بتحبه صعب اوي لما تحس انه بيخونك وثقتك فيه تقل ازاي تحب حد اوي كده وممكن ببساطه تخسره من شكك فيه ازاي يا جماعه فقدان الثقه في شخص بتحبه ده شئ صعب اوي )
يجد فارس موبيله يرن برقم عليا ويقرر عدم الرد عليها .
اما عليا تكرر الاتصال به مره اخري وتقول رد بقي يا فارس ارجوك رد عليا يا حبيبي .
فارس : لو فضلتي تتصلي للصبح يا عليا مش هرد عليكي .
وبعد ان فقدت الامل في عدم رد قررت تجهيز غرفه النوم وتزينها وتزين نفسها الي ان يأتي فارس .
اما فارس يجلس في مكتبه ويتصل بالسكرتيره تبعتله احمد كي يتحدث معه ولم يجده قد اتي اليوم ويقول ايه ده مجاش النهارده ليه ويزهق فارس ويمل ويقرر ان يذهب الي نادين اخته كي يتحدث معها ويركب سيارته ويقودها الي منزل اخته الوحيده .
وبعد ان يصل الي حيث تسكن نادين يقف امام منزلها ويرن الجرس.
نادين : حاضر ثواني يالي علي الباب ترتدي الاسدال الخاص بها وتفتح الباب لتجده فارس وتقول فارس واحشتني اوي .
فارس : انت كمان واحشتيني اوي يا نادين عامله ايه وعمر واياد ومحمود عاملين ايه .
نادين : الحمدلله يا حبيبي عليا عامله ايه وماما عامله ايه .
فارس : الحمدلله بخير يا حبيبتي بيسلموا عليكي .
نادين : مالك يا فارس شكلك مهموم .
فارس : انت عارفه ايه المشكله .
نادين : ايه هي .
فارس : انك بتعرفيني وتحسي بيا من قبل ما اتكلم .
نادين : طبعا انت اخويا الوحيد اللي ماليش غيره لو مكنتش هحس بيك هحس بمين يعني .
فارس : ربنا يخليكي ليا يا حبيبتي متشغليش بالك مشاكل شغل وهتتحل بأذن الله .
نادين : ان شاء الله يا حبيبي اوي تشيل الهم طالما بتيجي في شغلك ومش بتيجي لقدر الله في صحتك طول ما انت كويس اطمن .
فارس : الحمدلله يا نادين انا جاي اطمن عليكي واطمن علي العيال .
نادين : منحرمش منك ومن سؤالك عني يا حبيبي يا رب .
فارس : ولا منك يا حبيبتي .
نادين : مفيش حاجه في السكه يا فارس .
فارس : حاجه ايه يا نادين .
نادين : يعني مش هتفرحنا انت وعليا بنونو في الطريق .
فارس : لا يا نادين انا هطلق عليا .
نادين : بصدمه نعم تعمل ايه .
فارس : زي ما سمعتي .
نادين : يعني ايه حصل ايه .
فارس : مش مستريح يا نادين .
نادين : يعني ايه مش مستريح هي بنات الناس لعبه كنت اتجوزتها ليه من الاول .
فارس : انت عايزه ايه دلوقتي .
نادين : فارس انت اخترتها واتجوزتها ليه من الاول مدام هطلقها وتظلمها معاك حرام يا فارس اللي بتعمله ده .
فارس : انا حر بقي يا نادين انا ماشي سلام .
نادين : استنا يا فارس احنا بنتكلم فارس فارس .
ويسبها فارس في حيره وينزل مسرعا الي سيارته ويقودها بسرعه.
نادين : ايه ده يا فارس ماشي تسبني كده وتنزل انا لازم اتكلم مع عليا علشان افهم فيه ايه ده اخويا مجنون وانا اعرفه هيظلم البت معاه .
اما فارس يقود سيارته الي الفيلا .
وفي فيلا خليل .
ناديه : عين العقل يا زينب اللي بتقوليه ده .
زينب : ايوه فعلا .
شاهندا : بس يا انطي بابي لسه ميت .
ناديه : الحي ابقي من الميت يا حبيبتي .
زينب : ايوه كده كده الصح برضوا .
شاهندا : طيب اللي شايفينه صح اعملوه .
زينب : عين العقل يا بنتي .
ناديه : امال فين عبدالرحمن .
زينب : راح الشركه انا اقنعته يروح بالعافيه الصبح .
ناديه : ربنا معاه ويعينه علي حملها يا رب .
زينب : يا رب .
ناديه : عبدالرحمن ده والله ماشاء الله عليه تربيه عفاف مش عايزه اقولك هي اللي ربت فارس .
زينب : ربنا يبارك فيه يا رب .
ناديه : يا رب اسيبك بقي علشان اروح اشوف فارس .
زينب : ماشي يا حبيبتي ابقي سلمي عليه هو وعليا .
ناديه : حاضر يا حبيبتي محتاجين حاجه .
شاهندا : سلامتك يا انطي .
ناديه : الله يسلمك يا حبيبتي مع السلامه .
زينب : مع السلامه .
وتنصرف ناديه الي الفيلا .
واما فارس يصل الي الفيلا ليجد ناديه تدخلها .
ناديه : فارس تعالا عايزاك .
فارس : نعم يا امي .
ناديه : تعالا ندخل جوه مكتب ابوك عايزاك .
فارس : وفي سره ربنا يسترها اكيد البت نادين كلمتها تحكلها .
ناديه : تعالا اقعد هنا .
فارس : حاضر يا امي فيه ايه خير .
ناديه : مالك يا فارس فيه ايه .
فارس : مفيش يا امي هيكون مالي .
ناديه : انا زعلانه منك لاول مره يا فارس مش تدخل تصبح عليا ايه اللي حصل فيه ايه .
فارس : يرتمي في حضنها ويقولها تعبان يا امي تعبان اوي .
ناديه : تعبان مالك يا حبيبي وتحتضنه بحنان .
فارس : شويه مشاكل في الشغل .
ناديه : مشاكل ايه طول عمرك بتحكيلي .
فارس : لا متشغليش بالك .
ناديه : فارس انت بتكدب عليا .
فارس : لا يا امي .
ناديه : طيب عيني في عينك كده .
فارس : نعم يا امي مفيش حاجه .
ناديه : انت بتكدب يا فارس الحكايه مش حكايه شغل .
فارس : يعني ايه .
ناديه : فيه ايه يا فارس اتكلم انا امك يا ابني قولي فيه ايه .
فارس : سبيني يا امي ويبك في احضانها لاول مره .
ناديه : فارس انت بتعيط يا حبيبي مالك قولي عليا عملت حاجه .
فارس : عليا اها يا امي انا تعبان .
ناديه : ارمي حملك علي ربنا يا حبيبي وربنا هيحلها من عنده بس كلمني فهمني انا حاسه ان فيك حاجه .
وتقلق عليا وتقول هو جه بس مطلعش ليه انا هنزل اشوفه وتلبس الروب وتنزل لتري فارس بأحضان ناديه .
ناديه : تعالي يا عليا تعالي يا بنتي .
عليا : هو فيه ايه .
ناديه : تمسح دموع فارس حتي لا تراها عليا وتقولها مفيش يا ستي فارس قلقان عليا شويه علشان مشي الصبح وانا نسيت اخد العلاج علشان مش شوفته .
عليا : طيب بعد اذنكم .
ناديه : استني يا بنتي .
عليا : نعم يا ماما .
ناديه : تعالوا نتغدي سوا لان واحشني اوي الغدا معاكم .
فارس : معلش يا امي كلوا انتم انا ماليش نفس .
عليا : معلش يا ماما ولا انا كمان ليا نفس .
ناديه : يعني ايه اكل لوحدي يعني هو انا عايشه لوحدي .
عليا : والله ما ليا نفس يا امي بعد اذنكم انا هطلع فوق .
ناديه : فارس .
فارس : ايوه يا امي .
ناديه : انتم زعلانين من بعض .
فارس : لا يا امي ربنا ما يجيب زعل .
ناديه : علي العموم انا مش هدخل ما بينكم يا ابني بس شكلها زعلان منك اطلع صالحها يا ابني عليا غلبانه وبنت حلال .
فارس : حاضر يا امي بعد اذنك .
ناديه : اتفضل يا ابني ربنا يهدي سركم يا رب .
ويصعد فارس خلف عليا الي الغرفه .
فارس : انت لسه قاعده هنا .
عليا : عايزاني اروح فين .
فارس : قولت خلاص هننفصل .
عليا : يا فارس اسمعني متبقاش القاضي والجلاد في نفس ذات الوقت .
فارس : اتكلمي قولي اللي عندك وهسمعك .
عليا : فارس احمد كان ماضي والله ما اول ما انت طلبتني للجواز ومش كلمته ولا رديت عليه وتقدر تشوف ده وتعرف من شركه الموبيل الرقم ده اتكلم قد ايه وشوف الموبيل كله .
فارس : قالوا للحرامي احلف .
عليا : والله ما بكدب عليك عارف ليه .
فارس : ليه يا هانم .
عليا : علشان حبيتك بجد اول مره اجرب الاحساس ده حسيته معاك وامبارح لما احساسي ظهر ليا قررت جوازنا يكون دايم .
فارس : وانا محبتش حد زيك يا عليا انت وجعتيني اوي يا عليا .
عليا : انا والله ما اتكلمت معاه خالص صدقني يا فارس انا ملك ليك انت وبس صدقني يا فارس .
فارس : معدش ينفع يا عليا .
عليا : يعني ايه يا فارس .
فارس : يعني خلاص يا عليا كفايه اوي جرحنا بعض بما فيه الكفايه.
عليا : ببكاء انا عمري ما جرحتك يا فارس انت اللي جرحتني وبتدوس وتكمل عليا دلوقتي ليه اصلا عملت معايا كده من الاول ليه ليه طلبتني للجواز فهمني ليه لا يا حبيبي انا مش هتحايل عليك اصلا انا مش غلط لاني لو كنت رديت عليه كنت هعتبرها خيانه لان الخيانه مش بالجسم بس الخيانه خيانه عقل وفكر يا استاذ وفكر كويس انا لو بفكر فيه وبحبه مكنتش سلمت نفسي ليك امبارح وبقيت زوجتك انما انا علشان حبيتك بس خلاص انت اللي اخترت يا استاذ فارس واقولك انت كسبت الرهان وكسبته اوي كمان وبأمتياز عرفت تكسرني يا فارس وتقع مغشي عليها من الانفعال
فارس : عليا عليا ويحملها الي السرير ويقول عليا عليا .
ويخرج مسرعا كي يحضر طبيب فورا
ناديه : فيه ايه يا فارس مالك بتجري كده ليه .
فارس : عليا يا امي عليا .
ناديه : مالها عليا .
فارس : وقعت يا امي فوق هشوف دكتور شوفيها علي ما اجيب دكتور واجي .
ناديه : بقلق ماشي يا ابني وتصعد مسرعا الي الغرفه لتجد عليا علي السرير مغما عليها .
اما فارس يحضر طبيب مسرعا الي الفيلا .
فارس : اتفضل يا دكتور .
ويصعد به الي الغرفه وقبل الدخول قاله ثواني يا دكتور .
الدكتور : اتفضل .
فارس : يدخل الغرفه كي يغير لعليا ملابسها لانها كانت ترتدي قميص نوم .
ناديه : طيب خليك انت مع الدكتور يا ابني وانا هلبسها .
فارس : حاضر يا امي ويخرج فارس .
وتلبسها ناديه الاسدال وتخرج تقول اتفضلوا .
ويدخل فارس والدكتور الي الغرفه .
الدكتور : يبدا يفحص في عليا امامهم .
فارس : خير يا دكتور .
ناديه : استني يا ابني لسه بيشوف .
وبعد ان يفحصها الدكتور .
الدكتور : المدام اتعرضت لانفعال وضغط شديد الظاهر كده هو ضغطها عالي اوي ده نتيجه انفعال لو سمحتم ابعدوا عنها اي انفعال.
ناديه : يعني مش حامل يا دكتور .
فارس : نعم حامل ازاي احنا لسه متجوزين امبارح ,