رواية غدر الايام
الفصل السابع والثلاثون37
بقلم نورا عطيه
عليا : اتفضل .نادين : عليا عامله ايه .
عليا : تقوم كي تحتضنها بشده وتقولها واحشتيني يا نادين .
نادين : انت كمان واحشتيني اوي يا عليا .
عليا : اخبار عمر واياد ايه .
نادين : الحمدلله بخير انت عامله ايه مع فارس وفيه حاجه في السكه ولا لا .
عليا : بصدمه حاجه في السكه .
نادين : ايه يا بنتي اتخضيتي كده ليه بس ثم انت نايمه كده مع جوزك ايه اللبس ده يا عليا .
عليا : بصدمه وقد لاحظت منظرها وقالت لا اصلي رجعت تعبانه امبارح نمت بالي عليا انا وفارس.
نادين : ليه انتوا خرجتوا بليل .
عليا : ايوه خرجنا ورجعنا مـتأخر .
نادين : ربنا يسعدكم يا رب يلا قومي غيري وانزلي عادي بشعرك محمود جوزي مش هنا ومفيش حد تحت غيري انا وماما .
عليا : ماشي اسبقيني انت هاخد شاور واحصلك .
نادين : ماشي يا ستي .
وتذهب نادين وتفكر في لبس عليا لانها وجدتها بالطرحه وتقول لا اكيد فعلا هي عندها حق .
اما عليا تنحرج جدا من منظرها امامها وتقول يالهوي علي الغباء انا هلبس اي بيجامه وانزل اقعد معاهم بقي وتدخل كي تأخذ شاور وتلبس بيجامه مكونه من بنطلون برموده وبدي ربع كم وترفع شعرها بطريقه طفوليه وتنزل كي تجلس معهم شويه .
نادين : وواووو ايه ده عسوله اوي شكلك زي العيال بالبيجامه دي.
ناديه : بس يا نادين بقي بتكسفيها كده .
عليا : مش مكسوفه خلاص بقي يا ماما .
ناديه : طيب اقولهم يجهزوا ليكي الفطار بقي .
عليا : لا يا ماما ماليش نفس خالص .
نادين : لا يا عليا لازم تاكلي انت رفيعه جدا يا بنتي افردي طلعتي حامل .
ناديه : عندها حق وتأمر بأحضار الفطار لها .
نادين : خلاص يا عليا ماما امرت وهتفطري خلاص .
عليا : خلاص وانا مش هكسف ماما .
نادين : ايوه بقي .
وفي الفيلا عند شاهندا جالسه تبكي علي تسرعها علي ما قالته علي عبدالرحمن وقالت يا رب بابي مميعملش حاجه في عبدالرحمن يا رب وتقول طيب اكلمه ازاي يا ربي بقي بابي ومامي زعلانين وهيفضلوا زعلانين مني .
وبعد ان ينصرف عبدالرحمن من الشركه يمشي بين الشوارع يفكر ان كان ما يفعله صحيحا ام خطأ ويقول يا ربي هل تصرفي ده صح او غلط انا عايز استر علي مسلم يا رب بقي وقرر الاتصال بأحمد كي يخبره بأمر الشغل .
وكان احمد يجلس علي الجهاز الخاص به يتفحص الفيس بوك ويبحث عن عليا ويجد فجاه تليفون يرن .
احمد : السلام عليكم ورحمه الله وبركاته .
عبدالرحمن : وعليكم السلام ورحمه الله وبركاته ازيك يا احمد عامل ايه .
احمد : الحمدلله ازيك انت يا بشمهندس عبدالرحمن عامل ايه .
عبدالرحمن : الحمدلله بخير كنت عايز اقولك تجهز ورقك وتيجي القاهره .
احمد : بفرحه خلاص لقيت الشغل .
عبدالرحمن : الحمدلله ايوه بالنسبه للمكان هتلاقيه علطول .
احمد : لا دي مقدور عليها اهم حاجه الشغل بس .
عبدالرحمن : تمام علي خيره الله قدامك يومين بقي تنزل فيهم القاهره ولما تنزل بلغني وانا هكون معاك .
احمد : متشكر جدا ربنا يخليك يا رب .
عبدالرحمن : العفو ويخليك ومفيش شكر ما بنا انت زي اخويا .
احمد : ربنا يديمها ما بينا يا رب وسلم علي اللي عندك .
عبدالرحمن : الله يسلمك هستناك بقي .
احمد : تمام يومين واكون في القاهره .
عبدالرحمن : تمام اشوفك علي خير عايز حاجه .
احمد : عايز سلامتك وتسلم يا رب وربنا يخليك .
عبدالرحمن : سلام عليكم .
احمد : وعليكم السلام .
وبعد ان يغلق معه يقول بفرحه اخيرا هعيش جنب عليا علطول ويقول بصوت عالي يا عليا يا عليا كان ينادي علي اخته الصغيره .
وتأتي عليا لتقول نعم يا احمد خير فيه ايه .
احمد : بفرحه خلاص يا عليا هشتغل وفي القاهره وكون جنب عليا.
عليا : بفرح ربنا يوفقك يا احمد ويسعدك يا رب .
احمد :يا رب يا عليا يا رب .
عليا : انا فرحانه اوي ليك ربنا يكرمك خير وتكون من نصيبك يا رب .
احمد : يا رب يا عليا يا رب .
وفي الفيلا
وبعد انتهاء عليا من الفطار تجلس كي تحكي وتتحدث معهم في امور الحياه والغلاء .
ناديه : فعلا ربنا يكون في عون اصحاب العيال .
نادين : ايوه يا ماما ربنا يسترها .
عليا : يا رب .
نادين : عليا ما تيجي نروح للدكتوره النهارده .
عليا : ليه .
نادين : نشوفيك يمكن تكوني حامل ومش حاسه .
عليا : بصدمه وتغلط وتقول حامل ازاي ماينفعش .
ناديه ونادين : بشهق ايه اللي بتقوليه ده ماينفعش ازاي .
عليا : اقصد مش عاملين حسابنا .
ناديه : بعدم فهم هو فيه حاجه يا بنتي .
عليا : لا يا ماما والله ما فيه حاجه احنا كويسين .
ويدخل فارس عليهم فجأه ليري عليا لاول مره يراها ترتدي بيجامه وينظر لها .
نادين : ايه الناس بتقول سلام عليكم .
ناديه : بس يا بت وتلاحظ نظراته المصوبه لعليا .
اما عليا تنحرج جدا وتفضل السكوت حتي لا يلاحظ احد شئ .
نادين : فااااااااااااااااااااااااارس .
فارس : وقد انتبه لوجودهم وقال السلام عليكم .
ناديه : انت لسه فاكر يا ابني .
فارس : معلش يا ماما سرحت في الشغل .
نادين : برخامه سرحت في الشغل ولا في حاجه تانيه .
فارس : يا رخمه انت .
ناديه : طيب اطلع غير وتعالا اقعد معانا .
فارس : حاضر .
ويصعد فارس الي الغرفه .
نادين : اطلعي معاه يا عليا لاحسن شكله لخمه النهارده .
ناديه : ايوه اطلعي معاه .
عليا : بتفكير حاضر وتصعد خلفه .
وبعد ان يغلق الباب يغير ملابسه تدخل عليا دون استأذان .
فارس : ايه ده ايه اللي طلعك ورايا .
عليا : تنحرج من منظره لانه عاري من فوق وتقوله طيب البس حاجه وبعدين نتكلم .
فارس : ويرتدي فارس قميصه ويقولها لبست اهو فيه ايه طالعه ورايا ليه .
عليا : تحت قالولي اطلع وراك طلعت علشان محدش يحس بحاجه .
فارس : ماشي انما تعالي هنا بقي ايه اللي انت لابساه ده .
عليا : تنظر لنفسها في المرأه وتقول ايه وحشه .
فارس : بغزه قطع لسان اللي يقول عليكي كده .
عليا : طيب ممكن اسألك سؤال .
فارس : اتفضلي .
عليا : انا احلي ولا اللي عايز تتجوزها بعدي .
فارس : لا طبعا هي بعد اذنك بقي علشان نازل اقعد معاهم تحت شويه .
وينصرف فارس من امامها اما هي تغلق عليها الباب وتبكي وينظر فارس من خلف الباب لكي يراها الغيره تأكل قلبها ويقول ولسه يا عليا انت لسه شوفتي حاجه .
اما عليا تبكي بشده وتقول معقول اكون حبيته اوي كده لا لا ده هيسبني خالص وتبكي وتقول يا رب وتقول انا مش هنزل اقعد قدامه خلاص مش هقدر معدتش هقدر وتشغل التليفزيون تقلب به لتقف علي اغنيه .
حبيته بيني وبين نفسي
وما قولتلوش ع اللي في نفسي
ما عرفش إيه بيحصللى لما بشوف عينيه
ما بقتش عارفة أقوله إيه
ما عرفش ليه خبيت عليه
بضعف أوى وأنا جنبه وبسلم عليه
كل حب الدنيا ديا في قلبي ليك
دا أنت أغلى الناس عليا روحي فيك
دا انت لو قدام عنيا اشتاق إليك
على بالي ولا أنت دارى باللي جرالي
والليالي سنين طويلة سيبتهالي
يا انشغالي بكل كلمة قولتهالي
الكلام لو كان يعبر ع الحنان
كنت قولت إني بحبك من زمان
كل يوم الشوق بيكبر عليا بان
على بالي ولا أنت دارى باللي جرالي
والليالي سنين طويلة سيبتهالي
يا انشغالي بكل كلمة قولتهالي
اما فارس يسمعها ويضحك عليها ويقول احسن انا هخليكي تغلي يا عليا .
وينزل فارس كي يجلس مع والدته .
ناديه : امال فين عليا يا فارس .
فارس : فوق نازله بتشيل هدومي بس .
نادين : طيب انا هطلع اشوف العيال واجيبها وانزل .
ناديه : ايوه اطلعي وسبيني مع اخوكي شويه .
وتصعد نادين الي فوق لكي تتطمن علي اطفالها .
فارس : خير يا ماما .
ناديه : ايه يا فارس انا حاسه انك ناشف خالص مع عليا .
فارس : ناشف ازاي بس يا ماما .
ناديه : مش بتعاملها بحنيه .
فارس : هي قالتلك حاجه يا ماما .
ناديه : المشكله انها مش بتتكلم .
فارس : نعم هو انا عملت ايه .
ناديه : يا فارس الست في اول شهور الجواز عايزه حنيه ودلع .
فارس : حاضر يا ماما بس انا عندي ضغط شغل .
ناديه : الله يكون في عونك يا ابني .
فارس : يا رب يا امي .
اما نادين بعد ان تري اطفالها تدخل علي عليا دون استأذان لتجدها تبكي .
نادين : مالك يا عليا بتعيطي ليه فارس عملك حاجه او زعلك.
عليا : لا لا ابدا فارس عمره ما عملي حاجه تزعلني .
نادين : يا عليا بجد مالك .
عليا : لا مفيش بس انا مضايقه كده شويه .
نادين : من ايه .
عليا : بصي ده طبيعي عندي يعني داخله علي تعب شهري وبحالات منها .
نادين : وقد فهمت وقالت اها فهمت طيب خدي مسكن .
عليا : هبقي اخد .
نادين : تعالي اقعدي معانا تحت بقي .
عليا : ماشي .
نادين : البسي اي حاجه علشان محمود جاي وفارس هيضايق .
عليا : ماشي وترتدي اسدالها .
نادين : تمام كده يلا .
وينزلوا يجلسوا مع فارس وناديه .
اما فارس يختلس نظرات من عليا .
اما عليا تنظر له بكل حب وهيام .
ناديه : انتوا ساكتين كده ليه .
فارس : ليبدا كلام ويقول نسيت اقولكم عبدالرحمن اتصل بيا وقال انه هيخطب وكده .
عليا : بصدمه عبدالرحمن اخويا .
فارس : ايوه .
عليا : امال مش كلمني ليه .
فارس : علشان تليفونك مقفول اصلا انا اتصلت عليه كتير مغلق .
عليا : ايه ده ده في شنطتي من بليل ونسيت اشحنه .
فارس : احنا فيها خدي كلميه .
ويتصل بعبدالرحمن مره اخري كي يتحدث الي عليا .
عبدالرحمن : السلام عليكم .
عليا : وعليكم السلام ازيك يا عبدالرحمن .
عبدالرحمن : عليا واحشتيني اوي .
عليا : والله لسه فاكر ان ليك اخت .
عبدالرحمن : والله بكلمك من امبارح تليفونك مغلق خالص .
عليا : فارس قالي الف مبروك يا حبيبي مين بقي العروسه .
عبدالرحمن : احنا لسه هنتقدم النهارده .
عليا : علي خير يا رب الف مبروك يا حبيبي .
عبدالرحمن : الله يبارك فيكي يا حبيبتي .
عليا : العروسه اعرفها ولا لا .
عبدالرحمن : لا هتعرفيها هي عمتا في الفيلا اللي جنبك .
عليا : نعم وكمان ساكنه هنا يعني هستناك بليل .
عبدالرحمن : ايوه يلا بقي سلمي علي فارس وعلي طنط ناديه .
عليا : ماشي يا عم العريس سلام .
ويغلقون الفون لتقول عليا انتم عارفين هيخطب واحده هنا جارتنا المفروض وفي الفيلا اللي جنبنا .
ناديه : ايه ده مفيش في الفيلا اللي جنبنا الا شاهندا بنت زينب صاحبتي .
نادين : بصدمه وتنظر لفارس وتقول نعم .
عليا : تنظر لهم وتقول هو فيه حاجه .
فارس : لا مفيش اصل شاهندا استايل وبابي والكلام ده وشايفه نفسها عكس عبدالرحمن خالص .
عليا : يعني ايه .
نادين : خلاص يمكن ربنا جعله سبب للهدايا .
ناديه : مبروك يا عليا وعقبال ما اشوف ولادك انت وفارس يا رب .
عليا : الله يبارك فيكي يا ماما يا رب .
اما فارس يضع يديه علي كتف عليا كي لا يلاحظون شئ وتلاحظ عليا وتفرح وتضع يديها عليه هي الاخري وتفرح بشده من قلبها .
نادين : انا هقوم اشرف علي تحضير الغدا علشان محمود علي وصول .
ناديه : طيب انا جايه معاكي .
عليا : طيب استنوا هاجي معاكم .
نادين : لا خليكي انت مع سي روميو انا انكسفتلكم يا ستي .
فارس : بس يا بت ادخلي جوزك علي وصول .
عليا : تنكسف جدا ووشها يحمر .
نادين : خلاص خلاص عليا بتتكسف .
ناديه : يلا قدامي علي المطبخ يا لمضه .
نادين : ماشي يا ستي .
ويذهبان معا .
اما فارس وعليا يجلسون ينظرون لبعض فقط وفي اعينهم مدي اشتياقهم لبعض .
فارس : عليا قومي اطلعي فوق .
عليا : نعم .
فارس : اطلعي غيري الاسدال ده مجسم عليكي .
عليا : ليه ما هو كويس اهو .
فارس : بطلي استهبال محمود علي وصول وماينفعش يشوفك كده وشعرك خارج الطرحه اطلعي البسي يا عليا .
عليا : بعند مش طالعه مالكش دعوه اصلا كفايه عليك اللي هتتجوزها .
فارس : اللهم طولك يا روح هتطلعي ولا اطلعك بطريقتي .
عليا : هتعمل ايه يعني .
فارس : هعمل ويقوم يشيلها من مكانها ويجري بها تجاه السلم .
عليا : انت بتعمل ايه يا مجنون انت اتجننت .
اما فارس لم يسمعها ويصعد بها الي غرفتهم .
عليا : خلاص وصلنا الغرفه نزلني بقي .
فارس : تدفعي كام .
عليا : بطل رخامه ماما ونادين لاحظوا .
فارس : انت مراتي يا عبيطه يعني ده عادي .
عليا : لا انت هتتجوز جوزانا ده مؤقت .
يفضل فارس السكوت كي تشتعل نار الغيره جواها .
عليا : انت ساكت ليه اتكلم قولي اي حاجه .
فارس : هقول ايه يعني .
عليا : فارس انت بتحبني .
فارس : كنت انما دلوقتي بحب حبيبتي .
عليا : ببكاء يعني مفيش فايده ولا امل .
فارس : غيري وانا هنزل علي ما تغيري .
عليا : ببكاء طيب .
فارس : تصعب عليه دموعها ويرجع لها ليأخذها بين احضانه ويقولها طيب ممكن تبطلي عياط .
عليا : خلاص يا فارس انزل وانا هغير وانزل .
فارس : طيب يا عليا ويقولها علي راحتك ويفتح التلفاز وكانت الاغنيه دي شغالها.
لو كان يرضيك تفضل كده قدامي خلاص خليك
لو كان يرضيك تهون عليك أحلامي ما تهون عليك
عايز تسيب صورتك كده سيبها
وتعالى على نفسك وعذبها
بس أبقى قوللي اللي أنت فيه
دا نهايته إيه حرام عليك
أنا مش هقولك حاجه مش هلومك مش هعاتبك
خليك كده يا حبيبي عايش لوحدك داوي جرحك بالعذاب
عايز تسيب صورتك كده سيبها
وتعالى على نفسك وعذبها
بس أبقى قوللي اللي أنت فيه
دا نهايته إيه حرام عليك
أنت خلاص يا حبيبي مش حبيبي ولا ملاكي
والله ألف خساره ع اللي كان زي الملاك أيام زمان
عايز تسيب صورتك كده سيبها
وتعالى على نفسك وعذبها
بس أبقى قوللي اللي أنت فيه
دا نهايته إيه حرام عليك
اما عليا فتبكي بعد انتهاء الاغنيه
فارس : انا هستناكي تحت مش عايز شعره تبان
ويسبها تبكي وينزل اما هو فكان يحترق وعقله بيقوله سيبها شويه كده احسن .
وبعد الانتهاء من الغداء جميعا ومعهم محمود علي السفرا .
وعند عبدالرحمن بعد ان اتفق مع والده علي زياره اهل شاهندا هو ووالدته وحان وقت الزياره بعد المغرب .
ارتدي عبدالرحمن بدلته الخاصه ووالده كمان وارتدت والدته العباءه الخاصه بها واوقف تاكسي للذهاب الي شاهندا .
وعند وصولهم الي الفيلا .
محمد : ايه ده يا ابني احنا جايين عند عليا ولا ايه .
عبدالرحمن : لا يا بابا الفيلا جنب الفيلا .
محمد : ايه ده هي ساكنه في فيلا .
عبدالرحمن : ايوه يا بابا .
محمد : ازاي يا ابني انت باصص لفوق اوي كده ليه .
عفاف : جري ايه يا محمد وهما يرفضوا ابني ليه ده الف من تتمناه اصلا .
محمد : اسكتي انت يا عفاف .
عبدالرحمن : يا بابا انا مكلم والدها وموافق علي كل حاجه .
محمد : زي ما تحب يا ابني .
عبدالرحمن : يلا ننزل بقي وينزلون من التاكسي ومعه بوكيه ورد .
خليل : واضح كده انهم علي وصول شوفي الهانم اللي فوق قولي ليها تلبس يا هانم .
زينب : حاضر يا خليل .
وتذهب الي شاهندا غرفتها .
زينب : شاهندا البسي الناس علي وصول .
شاهندا : حاضر يا مامي .
وترتدي شاهندا لاول مره فستان يداري كل اجزاء جسمها .
زينب : ايه القرف ده الفستان ده مقفول خالص يا شاهندا .
شاهندا : بس جميل يا مامي عاجبني .
زينب : علي راحتك .
ويدخل عبدالرحمن الفيلا كي يرن الجرس ومعه والده ووالدته .
وكان في استقبالهم خليل وينظر له بكل استحقار ويقولهم اتفضلوا .
محمد : يزيد فضلك .
ويدخلون جميعا يجلسون في الصالون ويتعرفون علي بعضهم البعض .
وتدخل زينب بالترحيب بهم .
عفاف : امال فين عروستنا .
زينب : نازله حالا .
عبدالرحمن : احنا هندخل في الموضوع علطول .
محمد : ايوه احنا جايين طالبين ايد بنت حضرتك للبشمهندس عبدالرحمن ابني .
خليل : وانا يزدني شرف يا استاذ محمد .
محمد : علي خيره الله .
عبدالرحمن : بس كتب الكتاب هيكون الخميس الجاي .
خليل : وانا معنديش مانع .
محمد : بالسرعه كده علي راحتك يا ابني .
وتنزل شاهندا لتراها عفاف وتنبهر بها وبجاملها وتقول ماشاء الله زي القمر يا ابني ربنا يبارك فيكم يا رب .
اما عبدالرحمن لم ينظر لها لانه عارف انه يستر عليها فقط لا غير .
شاهندا : كانت مبسوطه جدا وتنظر لعبدالرحمن بفرحه .
عفاف : بس انت مش محجبه ليه يا حبيبتي .
شاهندا : ان شاء الله هتحجب قريب .
عفاف : ان شاء الله يا بنتي .
خليل : يوم الخميس بأذن الله كتب الكتاب .
زينب : ان شاء الله .
شاهندا : بفرحه شديده تقول ان شاء الله .
عبدالرحمن : طلبتكم كلها مجابه يا عمي .
خليل : انا ماليش طلبات يا ابني .
زينب : اللي عايزه هي .
شاهندا : انا ماليش طلبات .
محمد : علي خيره نقرا الفاتحه بقي .
ويقرئون جميعا الفاتحه عادا عبدالرحمن لانه لم يكن فرحا بما يحدث.
اما شاهندا تفرح بشده لفوزها بعبدالرحمن ولخلاصها من يوسف .
عبدالرحمن : ان شاء الله الفرح اسلامي .
خليل : نعم انت تعرف في الدين .
محمد : بعصبيه يعني ايه انا ابني خاتم المصحف كامل .
خليل : ليداري فضيحه ابنته يقول لا انا مش اقصد حاجه .
عبدالرحمن : خلاص حصل خير نستأذن احنا وان شاء الله يوم الخميس كتب الكتاب .
خليل : علي خيره الله الف مبروك .
عبدالرحمن : الله يبارك فيك يا عمي .
محمد : مبروك ليكم وعليكم .
زينب : لترد الله يبارك في حضرتك .
عفاف : مبروك يا شاهندا .
شاهندا : بفرحه الله يبارك في حضرتك .
عبدالرحمن : نستأذن بقي .
محمد : سلام عليكم ,
خليل : مع السلامه .
ويرحلون هما اما شاهندا تقفز من الفرحه وتقول يس .
خليل : بعصبيه اطلعي من وشي انا مش طايقك يا بت انت .
شاهندا : حاضر يا بابي وتنصرف من امامه .
زينب : انت عاجبك الناس دول يا خليل .
خليل : بنتك اللي حطيت راسنا في الطين .
زينب : خلاص اللي حصل حصل .
ويدخل عبدالرحمن ووالده ووالدته الفيلا لعليا .
عليا : بفرحه واحشتوني اوي عاملين ايه الف مبروك يا فارس .
محمد : انت كمان واحشتينا .
ناديه : الف مبروك لفارس .
عفاف : الله يبارك فيكي عقبال ما نشوف ولاد عليا وفارس .
ناديه : يا رب .
فارس : مبروك يا عبدالرحمن قولي بقي هي تبقي مين .
عفاف : اسمها شاهندا ساكنه في الفيلا اللي جنبكم .
ناديه : ايوه دي ماشاء الله عليها محترمه اوي .
عفاف : ايوه وجميله بس مشكلتها الحجاب .
عليا : هتتحجب علي ايد عبدالرحمن يا ماما .
فارس : ينسحب من لسانها ويقول لبسها برضوا
عبدالرحمن : انت تعرفها يا فارس .
فارس : ايوه طبعا جارتنا .
اما عبدالرحمن كان سرحان ويفكر ان فارس هو الذي ضحك عليها وسلبها شرفها .