رواية غدر الايام
الفصل الخامس والخمسون55
بقلم نورا عطيه
عليا : حاضر حاجه تانيه .فارس : ايوه .
عليا : ايه .
فارس : عايز .
عليا : عايز ايه .
فارس : عايز و يقرب منها ويقبلها بشغف .
عليا : ابعد عني .
فارس : لا ويقبلها مره اخري .
اما عليا تستسلم له وتقبله هي الاخري انه حبيبها وزوجها .
فارس : يبعد عنها ويقول شوفتي انت اهو استسلمتي .
عليا : بعصبيه نعم اطلع بره لو سمحت .
فارس : هاها هاها طالع بس تسمعي الكلام يا حلوه ولا عاجبك اعمل كده كل شويه .
عليا : انت مجنون صح ولا ايه .
فارس : زي ما سمعتي وتحصليني وانت بتضحكي علي اوضه ماما.
عليا : ماشي اتفضل بقي .
فارس : رايح وزي ما سمعتي تقابلي اسماء كويس .
عليا : حاضر يا استاذ فارس .
فارس : ايوه كده ناس مبتجيش الا بالعين الحمرا ويخرج من الغرفه.
عليا : في سرها يا رب صبرني عليه يا رب لحد ما اغور من هنا .
ويجري اتصالا الي اسماء .
اسماء : الو يا فارس انا في الطريق وجايه .
فارس : طيب وانا مستنيكي ماما هتفرح اوي لما تشوفك .
اسماء : انا جايه ليها والله حالا بالكتير 10 دقايق واكون قدام الفيلا.
فارس : تيجي بالسلامه يا رب .
اسماء : يا رب اقفل بقي علشان اركز في الطريق .
فارس : ماشي سلام .
اسماء : سلام .
ويدخل فارس غرفه امه مره اخري .
نادين : ايه يا فارس فين عليا .
فارس : جايه فورا ورايا واسماء في الطريق .
نادين : طيب تمام اقعد مع ماما علي ما ابص علي عمر واياد في اوضتي سيباهم نايمين .
فارس : ماشي يا ستي روحي انت .
وتخرج نادين من الغرفه اما فارس يجلس يتحدث الي امه ويرن فون وكان المتصل عبدالرحمن .
فارس : السلام عليكم .
عبدالرحمن : وعليكم السلام ورحمه الله وبركاته بتصل بيك من بدري عامل ايه وطنط عامله ايه .
فارس : الحمدلله تمام كنت مشغول .
عبدالرحمن : طيب انا عايز اتكلم معاك شويه .
فارس : طيب تمام .
عبداالرحمن : اجيلك الفيلا .
فارس : لا خلينا بره .
عبدالرحمن : تمام نص ساعه كده ونتقابل في الكافيه علي علي ناصيه الفيلا .
فارس : تمام وانا هكون في المعاد .
عبدالرحمن : ماشي يا فارس سلام .
فارس : سلام .
عليا تقابل نادين وهي ذاهبه الي الغرفه .
عليا : علي فين يا نادين .
نادين : هشوف الاولاد وارجع روحي انت فارس معاها .
عليا : ماشي وتذهب عليا الي الغرفه وقبل ان تدخل تسمع فارس وهو يتحدث الي امه وتقف علي باب الغرفه لتسمعه
فارس : عارفه يا ماما صوتك واحشني اوي كلامك معايا واحشني اوي متعرفيش انا بحبك قد ايه ياريت كنت انا اللي نايم بدالك ولا اني اشوفك تعبانه كده ولا قادر اعملك حاجه انا عارف ان انت بتزعلي من كلامي وان اللي انت فيه ده ابتلاء من ربنا بس غصب عني يا امي صعب عليا اشوفك كده انا نفسي تتكلمي معايا زي الاول اقولك حاجه انت لازم تقاومي المرض وتقومي امال مين اللي هيربي ولادي غيرك مين يا امي مين اللي هيعلمهم الصلاه والصيام غيرك علشان خاطري يا امي قاومي اللي انت فيه بلاش تستسلمي انا مش هسيبك تروحي من ايدي ابدا يا امي ربنا يخليكي ليا يا رب ويحفظك ويشفيكي عن قريب يا رب ويبكي في حضنها .
وتقف عليا علي الباب بعد ان تسمع كل هذا الكلام وتبكي هي الاخري علي بكائه وتحدث نفسها لتقول انا مهما حصل منه مشش هينفع اسيبه في الظروف دي لازم اكون جنبه حتي لو هننفصل لازم علي الاقل يعدي من المحنه دي علشان بحبه وبحبه اوي .
نايدن : ايه ده مالك يا عليا واقفه كده ليه .
عليا : لا لا مفيش حاجه .
نادين : بتعيطي ليه يا عليا .
عليا : فارس جوه كان بيكلم ماما وبيبكي .
نادين : ان شاء الله هتكون كويسه انا الدكتور طمني .
عليا : يا رب ان شاء الله .
نادين : يلا ندخل بقي .
وتيدخلون الغرفه لهم اما فارس يمسح دموعه بسرعه قبل ان تراها عليا لكي لا تعرف نقطه ضعفه .
نادين : ايه يا فارس مالك .
فارس : ماليش اسماء جت بتكلمني هنزلها .
نادين : طيب هاتها واطلع علطول .
فارس : ماشي .
ويخرج فارس من الغرفه .
اما عليا تشتاط غيظا لتقول نعم يا ست نادين ازاي عايزه تطلعيها هنا .
نادين : وفيها ايه يا عليا .
عليا : لا فيها كتير .
نادين : مفيهاش حاجه يا عليا اسماء مننا .
عليا : اها ما هي هتبقي مرات اخوكي .
نادين : نعم ايه الهبل ده .
عليا : هبل ايه مش اسماء دي فارس هيتجوزها .
نادين : نعم هو فيه اخوات بيتجوزوا .
عليا : نعم اخوات هي اسماء اختكم .
نادين : ايوه اخت فارس في الرضاعه امال انت فاكره ايه .
عليا : نعم اخت فارس بس .
نادين : ايوه هو مين اللي فهمك بس انها هتكون مرات فارس .
عليا : فارس يا ستي .
نادين : عايزيك تشوفي بتغيري عليه ولا لا وتنظر لناديه وتقول شايفه عمايل ابنك يا ماما الواد ده هيجلط لينا البت عليا .
عليا : ههههه دي ماما بتضحك .
نادين : تضحك هي الاخري وتقول هنعمل ايه فارس مجنون بس اسماء دي بقالها كتير مش شوفناها سافرت مع زوجها اول ما اتجوزت واتقطعت اخبارها خالص .
عليا : ايوه ايوه طيب كويس .
نادين : معلش يا عليا فارس اخويا بيحب يرخم كده دايما .
عليا : لا لا عادي ما انا شكلي هاخد علي كده كتير .
اما يف الخارج كان فارس يستقبل اسماء ويقول يا هلا يا هلا اشرقت الانوار .
اسماء : اهلا بيك يا رخم عامل ايه .
فارس : الحمدلله المهم عايز اتفق معاكي اتفاق .
اسماء : اتفاق ايه .
فارس : عليا فوق اتعاملي معاها اكنها ضرتك .
اسماء : يخربيتك اهدا علي البت هتموتها البت بتحبك صحيح حماره علشان تحب واحد زيك .
فارس : هتاكد من حبها ده لما اقعد مع اخوها .
اسماء : طيب يلا تعالا وصلني لاوضه ماما .
فارس : بصي انت اطلعي مع نفسك انا رايح مشوار مهم .
اسماء : صحيح انك رخم روح يا اخويا .
فارس : سلام ويركب سيارته ويقودها بأقصي سرعه لديه .
اسماء : يا رب يصبرك يا عليا علي المجنون ده والله حاسه بيكي من قبل ما اعرف وتصعد وتقول بصوت عالي يا بشر يالي هنا .
نادين : دي اكيد اسماء روحي يا عليا زمان فارس سابها ومشي روحي هاتيها هنا لاحسن تدخل اوضتي والعيال نايمين .
عليا : ههه ماشي وتخرج من الغرفه لتقول اتفضلي يا اسماء تعالي هنا .
اسماء : السلام عليكم .
عليا : وعليكم السلام اتفضلي تعالي هنا اوضه ماما ناديه .
وتدخل اسماء وتجري علي ناديه وتحتضنها بشده وتقول واحشتيني اوي يا ماما ناديه انا عارفه اني قصرت معاكي كتير بس غصب عني خالص والله بس هجيلك علطول مش هسيبك ابدا .
نايدن : عامله ايه يا اسماء .
اسماء : نادين وتحتضنها بشده هي الاخري وتقولها واحشتيني اوي يا نادين .
نادين : انت كمان واحشتيني اوي يا اسماء اخباريك ايه .
اسماء : الحمدلله بخير ماما عامله ايه دلوقتي والدكتور قال ايه .
نادين : الحمدلله بخير .
عليا : بأبتسامه لها تشربي ايه يا اسماء .
اسماء : اشرب ايه لا لا ده انا مش ضيفه انا صاحبه بيت .
عليا : طبعا صاحبه بيت .
نادين : ههه خلاص يا عليا هي لو عايزه تشرب هتقول هي زي فارس كده .
عليا : طيب ماشي علي راحتك .
ويجلسون جميعا ويتحدثون في بعض امور الحياه .
وفي الكافيه بعد ان وصل عبدالرحمن كان يجلس يبنظر فارس ويشرب قهوته المفضله .
ويصل فارس الي الكافيه في الموعد المحدد .
عبدالرحمن : ازيك يا فارس ويحتضنه .
فارس : الحمدلله خير .
عبدالرحمن : من البدايه انا هشرحلك كل حاجه .
فارس : بخصوص ايه .
عبدالرحمن : الموضوع بخصوص عليا يا فارس .
فارس : اتفضل فهمني .
عبدالرحمن : انا عليا كلمتني وقالتلي كل حاجه وغلطتها وعارف انها غلطانه .
فارس : يعني عارف انها غلطانه وجاي تتكلم معايا انا .
عبدالرحمن : متخافش يا فارس احمد عمره ما عمل حاجه لعليا هو كان محترم معاها لحد ما عرفت حكايه الخطف دي ومستني يفوق واعرف ايه الحكايه بالظبط وانت هاخدك معايا ليه بس اللي متأكد منه ان اختي بتحبك وعمرها ما خانتك .
فارس : بتحبني وانت بتتكلم علي اسااس ايه .
عبدالرحمن : انا هتكلم معاك وبتكلم معاك في الوقت ده علشان انا عرفت اختي بتحبك قد ايه وعايز اعلمها الصح من الغلط لانها بتتصرف بدافع وخلاص وفاكره نفسها الصح انا غلطتها وزعلت منها والموضوع ده محدش يعرفه غيري انا وانت بس ومش خارج ما بينا احنا الثلاثه
فارس : ليه جبتلي احمد يشتغل عندي وانت عارف انه بيحبها .
عبدالرحمن : لسه عارف من قريب انه بيحبها مكنتش اعرف والله يا فارس .
فارس : والحل ايه .
عبدالرحمن : احمد غلط واخد جزاته ولما يفوق هيرجع لاهله وخلاص انما عليا اختي غلطت ولازم تتحمل غلطها .
فارس : انا يا عبدالرحمن مش هقدر اعاقب عليا هبقي بعاقب نفسي مش بعاقبها هي .
عبدالرحمن : انا لقيت الحل وفكرت فيه وهي هتتعاقب كده .
فارس : حل ايه ده بقي قوله .
عبدالرحمن : انت هتقولها اني هاخدها تروح بيت اهلها وتروح تقعد عند ماما وسيب الباقي عليا انا انا هتصرف معاها
فارس : بس كده انا مش هستحمل تبعد عن الفيلا .
عبدالرحمن : اصبر يا فارس عليا لازم تتعاقب لانها غلطت والغلط كبير .
فارس : ممكن تعاند وتروح لاحمد تاني .
عبدالرحمن : لا لا مش هتعمل كده لان عليا هتعمل اي حاجه علشان متبعدش عنك .
فارس : ماشي يا عبدالرحمن .
عبدالرحمن : انا عملت كده علشان متأكد من حبكم لبعض .
فارس : بس امي لازم تشوف عليا .
عبدالرحمن : مشكله دي هبقي اخليها تروح الفيلا بس انت متبقاش موجود .
فارس : كلمني انت وقولي وانا هروح اي حته .
عبدالرحمن : ماشي تمام .
فارس : طيب انا هرجع بقي لامي الفيلا .
عبدالرحمن : ماشي بس تجنبها خالص وانا هاجي اخدها كمان شويه هقولها انك كلمتني اجي اخدها وان الحياه بنكم مستحيله .
فارس : بس كده ده ملعبي ده خلاص تمام .
عبدالرحمن : تمام .
فارس : سلام يا عبدالرحمن .
عبدالرحمن : سلام .
ويذهب فارس الي الفيلا .
وعبدالرحمن هو الاخر يذهب الي الفيلا الخاصه بحماته وزوجته .
زينب : حمدلله علي السلامه يا عبدالرحمن .
عبدالرحمن : الله يسلمك يا طنط .
زينب : عايزاك يا ابني .
عبدالرحمن : خير يا طنط .
زينب : شاهندا يا ابني .
عبدالرحمن : مالها يا طنط .
زينب : تعبانه وفوق وساكته كل اما اقولها مالك مبتتكلمش انا عايزه افرح بيكم يا ابني .
عبدالرحمن : طيب انا هطلع اشوفها .
زينب : اتفضل يا ابني .
ويصعد عبدالرحمن الي غرفه شاهندا ويقف علي الباب ويخبط .
شاهندا : مين .
عبدالرحمن : عبدالرحمن .
شاهندا : استنا ثواني وترتدي النقاب .
عبدالرحمن : طيب ويقف ينتظرها .
شاهندا : بعد ان ترتديه تفتح له الباب وتقوله اتفضل بس سيب الباب مفتوح .
عبدالرحمن : بصدمه ايه اللي انت لابساه ده .
شاهندا : فيه ايه عايز ايه .
عبدالرحمن : افهم بس لابسه النقاب قدامي ليه .
شاهندا : انت عايز مني ايه .
عبدالرحمن : مش عايز وينزع عنها النقاب ويقول انا جوزك يا هانم.
شاهندا : وهننفصل .
عبدالرحمن : وانا مش هسيبك يا شاهندا .
شاهندا : لا هتسبني خلاص الكدبه اللي كدبتها عليك اتعملت فيا خلاص عايز مني ايه تاني وتبكي امامه .
عبدالرحمن : يحتضنها وهي تبكي ويقول ممكن دموعك دي متنزلش تاني .
شاهندا : ابعد عني خلاص يا عبدالرحمن .
عبدالرحمن : وانا مش هسيبك يا شاهندا انا بحبك اوي وقابل بيكي زي ما انت كده .
شاهندا : يعني ايه .
عبدالرحمن : يعني كام يوم وهعمل لينا السويت ومعدتش هصبر عليكي اكتر من كده يا هانم .
شاهندا : نعم انت صبرت عليا في ايه .
عبدالرحمن : ايوه انت طلعتي روحي لما الزفت ده خطفك كنت هتجنن متعرفيش انا بحبك قد ايه ويحتضنها بشده .
شاهندا : وهي في احضانه لاول مره تحس بطعم الامان وراحه البال وهي بأحضان حبيبها انا كمان بحبك اوي يا عبدالرحمن .
عبدالرحمن : اللي بيحب حد يسيبه .
شاهندا : غصب عني علشان بحبك كنت عايزه اسيبك .
( الحب ده شئ غريب وعجيب عمرنا ما نقدر نفهمه او نفك شفره اسراره ومهما حاولنا نهرب منه في النهايه هو اللي دايما بينتصر احنا اضعف من ان احنا نقدر نقرر او نفهم احنا هنحب مين وازاي وامتي او حتي فين مهما كانت البديات غريبه وعجيبه الحب دايما بيقدر يكتب النهايه اللي هو عايزها بالظبط فيه حب بيزيد مع المسافات مش بيقل ممكن نحب حد علشان هو شبهنا اوي وممكن نحب حد وهو مش شبهنا خالص ممكن نحب حد علشان قوته وفي نفس اللحظه ممكن نحب حد علشان ضعفه الحب ده حاجه غريبه جدا لكن الاكيد انه احلي حاجه في حياتنا )
عبدالرحمن : بلاش حنيه دلوقتي ارجوكي انا ورايا موضوع اخلصه ونتجوز انا وانت ونستقر بقي .
شاهندا : موضوع ايه .
عبدالرحمن : موضوع شغل يا حبيبتي .
شاهندا : طيب ربنا يوفقك يا حبيبي .
عبدالرحمن : قولتي ايه .
شاهندا : قولت ربنا يوفقك .
عبدالرحمن : لا فيه كلمه بعدها .
شاهندا : يا حبيبي .
عبدالرحمن : شاهندا كلمه حبيبي مش عايز اسمعها منك الا لما نتجوز والا هتهور عليكي .
شاهندا : هههههههههه ماشي .
عبدالرحمن : ايوه كده اضحكي خلي الشمس تنور .
شاهندا : حاضر .
عبدالرحمن : انا رايح عند عليا اطمن علي طنط وراجع .
شاهندا : استنا اجي معاك .
عبدالرحمن : لا يا هانم تروحي فين فارس هناك يا هانم وانا مبحبش حد يشوف مراتي .
شاهندا : ما انا منقبه .
عبدالرحمن : ولو يا هانم حتي لو ايه عنيكي هتبان .
شاهندا : خلاص لما ترجع طمني .
عبدالرحمن : اجيلك هنا اطمنك صح .
شاهندا : لا يا استاذ ويلا بقي اطلع بره .
عبدالرحمن : ماشي ماشي بس انا جوزك برضوا .
شاهندا : اخرج بقي يا عبدالرحمن .
عبدالرحمن : خارج خارج متزوقيش .
شاهندا : ههههه .
ويخرج عبدالرحمن من الغرفه وينزل الي زينب .
زينب : ها يا ابني عملت ايه .
عبدالرحمن : كل خير يا طنط خلاص بأذن الله الاسبوع ده هيكون السويت جاهز .
زينب : بفرحه علي خيره الله يا ابني ربنا يسعدكم .
عبدالرحمن : يا رب انا رايح مشوار وراجع فورا .
زينب : تروح وترجع بالسلامه يا ابني .
عبدالرحمن : الله يسلمك يا رب .
ويخرج عبدالرحمن من الفيلا متجها الي فيلا فارس .
اما في الفيلا كان فارس يجلس مع امه وكانت عليا تنظر له وكان يتحدث الي اسماء ونادين وعليا ظلت صامته .
ويقفعبدالرحمن علي الباب كي يرن الجرس اما الفيلا .
فارس : طيب ثواني اشوف مين .
نادين : طيب بسرعه .
فارس : طيب .
وينزل فارس ليفتح الباب ليجد عبدالرحمن .
عبدالرحمن : جاهز .
فارس : ايوه طبعا .
عبدالرحمن : طيب تمام هي فين .
فارس : فوق قاعده مع نادين .
عبدالرحمن : طيب قولها اني عايزاها علشان هنحرج اطلع ونادين فوق .
فارس : ماشي يا عبدالرحمن ثواني .
ويصعد فارس الي الغرفه .
نادين : مين يا فارس .
فارس : عبدالرحمن عايزك يا عليا .
عليا : طيب ماشي وتنزل له .
عبدالرحمن : ازيك يا عليا .
عليا : الحمدلله انت عامل ايه .
عبدالرحمن : الحمدلله بخير عايز اتكلم معاكي شويه .
عليا : خير يا عبدالرحمن .
عبدالرحمن : جاي اخدك يا عليا .
عليا : بخوف تاخدني علي فين .
عبدالرحمن : علي بيت بابا .
عليا : ليه .
عبدالرحمن : انا اتفقت مع فارس علي كده والانفصال هيتم من سكات .
عليا : لا فارس مش هيسبني .
عبدالرحمن : هو اتفق معايا علي كده .
عليا : نعم فارس اتفق علي كده .
عبدالرحمن : ايوه .
عليا : طيب وماما ناديه .
عبدالرحمن : مالها .
عليا : لازم تشوفني .
عبدالرحمن : انا متفق مع فارس هتيجي تشوفيها المفروض هي مش تحس بحاجه .
عليا : طيب يا عبدالرحمن .
عبدالرحمن : اطلعي البسي وجهزي شنطتك وانا هستناكي .
عليا : ماشي .
وتصعد عليا الي الغرفه وتبكي بشده وتقول انا اللي عملت كده في نفسي وتبدا بتجهيز شنطتها .
اما فارس كان بالغرفه معهم وكل تفكيره مع عليا ورد فعلها وقال مش لازم اظهر لحد ما تمشي .
نادين : ايه يا فارس .
فارس : نعم .
اسماء : ده مش معانا خالص .
فارس : معلش مصدع .
نادين : سلامتك يا حبيبي قوم ارتاح طيب .
فارس : انا مرتاح جنب ماما .
اسماء : ايوه يا سيدي الله يسهلوا .
وعند عليا كانت تجهز شنطتها وتبكي بشده وانتهت من تحضير شنطتها واخذتها ونزلت بها دون ان تدخل لتراهم .
عبدالرحمن : يشيل عنها الشنطه ويقول جاهزه .
عليا : ايوه جاهزه .
عبدالرحمن : مش عايز حد يحس بحاجه يا عليا ولا حتي ماما انت راحه تقعدي عندها لحد ما اعصابك تهدا بس .
عليا : حاضر يا عبدالرحمن اطمن محدش هيحس بحاجه .
عبدالرحمن : ايوه وبكرا هتيجي تطمني علي طنط ناديه وانا معاكي عادي .
عليا : ماشي يا عبدالرحمن يلا بقي .
عبدالرحمن : يلا .
ويخرجون من الفيلا ويركب تاكسي متجهها بها الي منزل ابيهم .
وفي منزل عفاف .
عفاف : قلبي واكلني اوي علي عليا وناديه يا محمد .
محمد : عليا ليه هي مع جوزها وناديه ربنا يشفيها يا رب .
عفاف : يا رب مش عارفه ليه قلقانه علي عليا .
محمد : لا بطلي قلق وادعيلها بالهدوء وراحه البال .
عفاف : يا رب ربنا يسترها .
محمد : يا رب .
ويرن الجرس .
عفاف : افتح يا محمد .
محمد : ماشي ويفتح الباب ليجد عليا وعبدالرحمن خلفها ومعه شنطه .
ناديه :بقلق وخضه ايه ده مالكم فيه ايه حصل ايه .
عبدالرحمن : مفيش حاجه يا ماما بس عليا اعصابها تعبانه شويه جت تقعد هنا شويه معاكم .
عفاف : نعم بجد الكلام ده مش داخل دماغي .
عليا : يعني انت مش مرحبا بيا يا ماما .
محمد : ايبه الكلام ده يا بنتي ده بيتك في اي وقت ادخل يا عبدالرحمن دخل شنطه عليا جوه .
عبدالرحمن : حاضر يا بابا .
عفاف : قلبي مش مطمن للمجيه دي .
محمد : بس يا عفاف سبيها علي راحتها .
عفاف : ماشي علي راحتك اعملي اللي انت عايزاه .
عبدالرحمن : بكرا ان شاء الله هعدي عليها اخدها علشان طنط تشوفها .
عفاف : بعصبيه اعملوا اللي انتوا عايزينه انتوا احرار .
عبدالرحمن : متزعليش يا امي انا هفهمك بعدين .
محمد : خلاص يا ابني ابقي سلم علي مراتك .
عبدالرحمن : حاضر يا بابا ويذهب عبدالرحمن .
اما عليا تغلق عليها باب غرفتها وتبكي بشد وتقول ايه اللي بيحصلي ده يا ربي وتحس بتعب بها وتقول انا هنزل اجيبلي برشامه وانام وتخرج من الغرفه .
محمد : علي فين يا بنتي .
عليا : هروح الصيدليه يا بابا اشتري حاجه .
محمد : طيب يا بنتي تيجي بسرعه .
عليا : ماشي يا بابا وتنزل عليا وتذهب الي الصيدليه .
وفي الصيدليه كانت عليا تتحدث الي الدكتوره الصيدلانيه .
الدكتوره : خير يا هانم اؤمريني .
عليا : للدكتوره انا بحس بدوخه شديده وحاسه اني عايزه ارجع وماليش نفس ولا عارفه انام .
الدكتوره : حضرتك متجوزه .
عليا : ايوه .
الدكتوره : انا ماينفعش ادي لحضرتك اي دوا علشان لو فيه حمل .
عليا : طيب وانا اتكد ازاي من الحمل ده دلوقتي .
الدكتوره : بسيطه عندي اختبار حمل .
عليا : طيب واستخدمه ازاي .
الدكتوره : موضح فيه يا مدام .
عليا : تمام هاتي اخبار الحمل ده .
الدكتوره : ياريت متاخديش اي علاج يا مدام .
عليا : حاضر شكرا لحضرتك .
الدكتوره : العفو .
وتنصرف عليا من الصيدليه ذاهبه الي المنزل مره اخري .
وتصل عليا الي البيت وتدخل الحمام فور وصولها لكي تتأكد من خبر حملها وتضع الاختبار لتنظر له بصدمه وتجده ايجابي وتقول انا حامل انا حامل من فارس .