رواية العوض الجميل
الفصل الثالث عشر13
بقلم مناسك موسي
امجد شال التلفون من سلمى واتكلم مع سامي ..سامي_سلامات يا دكتور
امجد_مرحب
سامي_كيف الاحوال؟ بخير؟
امجد_الحمدلله تماام .. انت كيفك؟
سامي_فل الفل.. جزاك الله خير يا دكتور
امجد_العفوو ده الواجب ياخ..
سامي_تسلم ان شاء الله .. ما اوصيك بس..
امجد_ابشرر والله ..
سامي_لحدي ما نتلاقى ان شاء الله .. لاني شايل تلفون صحبي وطالع ..
امجد_خير ان شاء الله.. فرصة سعيده
سامي_انا الاسعد .. يلا يا دكتور لحدي ما نتلاقى ..
امجد_تسلم ..
وناول التلفون لسلمى ..
سلمى_اي يا سامي..
سامي_خلاص يلا تصلي بالسلامة .. انا نص ساعة كده وبجي على البيت ..
سلمى_تمام ..يلا
وقفل الخط ..
امجد طول الطريق كان بفكّر في سامي وعلاقتو بمتاب.. وفضلو ساكتين لحدي ما وصلو الظلط ..
سلمى_بس اقيف لي هنا يا دكتور ..
امجد كان سرحان وما انتبه لكلام سلمى .. ودخل بشارعهم ووقف العربيه قدام بيتهم ...
سلمى اتفاجئت انو كيف امجد عرف البيت مع انها ما وصّفت ليهو قبل كده..
سلمى_ د.امجد انت قبل كده جيت هنا؟؟
امجد_ايوه .. اقصد... لا ... ليه؟؟؟
سلمى_لانك عارف البيت..
امجد_هههه اتوقعت بس..
سلمى_اهاا.. طيب اتفضل على البيت ..
امجد_لا والله مستعجل ..
قبل تنزل سلمى ... وائل جا طالع من بيتهم وشاف سلمى مع امجد .. سلمى اشرّت ليهو وجا سلّم على .امجد ..
سلمى_ ده وائل اخو متاب يا دكتور...
امجد_مرحب بيك ياا ابو الشباب..
وائل_ مرحب
سلمى_ده د.امجد يا وائل شغال مع متاب في الصيدلية..
وائل_اهليييين يادكتور .. متاب حكت لي عنك ..
امجد_بالجد حكت ليك عني؟؟؟ ان شاء الله خير بس..
وائل_كل الخير..
سلمى_عارفاها ما بتخبي عنك حاجه..
امجد_ههه احلى حاجه ..
وائل_كدي اتفضل يا دكتور على البيت
امجد_والله مستعجل ما عندي اي طريقة ...
وائل_لا والله معقووووله كمااان ... تجي لحدي خشم الباب وما تدخل؟!
امجد_مرّة تانيه ان شاء الله ..
سلمى نزلت وقالت ليهم اتفاهمو براكم انا قلت ليهو اتفضل ورفض...
في اللحظة دي ابو متاب جا طالع ... وبنادي على وائل ..
ابو متاب_يااا وائل ... وائل .. ياولد باب الشارع ده فاتح كده ليه؟؟
وائل_كدي تعال يا حاج .. اتكلم مع الدكتور ده ..
ابو متاب_دكتور؟؟؟
وائل_ايوا .. زميل متاب في الشغل..
ابو متاب_دكتور امجد.....؟؟؟
امجد_
ايوا ايوا مرحب بيك يا حاج ..وتلقائياً لقى روحو نزل من العرربيه وبقى مبسووط من جواه...
سلمى_تقريبا بعد كده يااا د.امجد م عندك مفر ..
ابو متاب_لا والله تتفضل على البيت..
وائل_اها يا دكتور .. لو ما معترف بي اهوو الحاج ذاتووو حلف عليك ..
ابو متاب_كدي اتفضل اتفضل ..
سلمى دخلت قدامهم وجرت على متاب وكلمتها انو د.امجد وصل
متاب لبست توبها ونادت امها وكلمتها بالحاصل..
ام متاب_عارفة يا سلمى .. انا من قبيييييل بفكر انو احتمال كبييير د.امجد ده يجي يزور متاب..
سلمى_هههههه مش؟
متاب_والله انتو ما عندكم موضوع بس
ام متاب_وعشان تعرفو انو ود حلاااال .. اسي كنت بحكي لأبوك عنو
متاب_
أبوي ؟ قلت ليهو شنو يمة..؟؟ام متاب_والله قلبي كان حاسي انو ممكن يجي يطمّن عليك..
متاب_يا امي هو مجرد صداع يجي يطمّن علي في شنوو؟؟
... ودقيقه يا امي قلتي لابوي شنوو انتي؟؟؟ام متاب_ابوك كان طالع مشوار وانا قلت ليهو ما تطلع بس امكن د.امجد زميل متاب يجيكم زياره
متاب_ سلمى صحي ؟؟ قوولي حاجه ياه
سلمى_والله انا صراحه ما متأكده.. بس الحصل ...
وحكت ليهم كل شئ بالتفصييل...
بهناك ابو متاب حلف على د.امجد ودخلو البيت ووائل مشى جاب بارد من البقالة وحاجات لشاي المساء..
وائل جا داخل على ناس متاب في الغرفة ..
وائل_اسمعن هنا يا بايرااات
الود ده لو ماف واحده فيكن جابت اخروو تبقى مصيبه ..متاب_وائل ده كلام شنووو؟؟
وائل_ياخ ولد زي صباح العيد.. النضافة والذوووق والاحترام والبرادوو والبرااادو
سلمى_انت قول انبرشت في العربيه بس
من يومك مجنون عربات..وائل_لا والله .. هو في نفسو يعجب
ما شااء الله تبارك الله
ام متاب_يا ود وائل .. سمح عليك الله؟؟؟
متاب_ يمة
وائل_دايرة النصيحه ول الجنبها؟؟؟
ام متاب_النصيحه عاد
وائل_نجّااااض
ام متاب عاينت لمتاب ورفعت ليها حاجب واحد
.. قلت لي نجّاااض؟متاب_عايني يا سلمى طبعا الحصل كالاتي...
وحكت لسلمى الحصل... سلمى تمّت الناقصه وقالت ليها جاني في الصيدلية وقال الا يتطمّن عليك..
متاب قرصت سلمى .. وقالت ليها بطّلي كذب
ام متااب_انا احسن امشي اسوي الشاي ..
سلمى_ارح يا خالتي انا بمشي معاك ..
متاب_لا والله انتي جاية تعبانه من برّة ما بتدخلي مطبخ خليني انا بمشي ..
وائل_اي اي انا ذاتي داير سلمى دي في موضوع ...
متاب وامها بصوت واحد_موضوووع؟؟؟
وائل_ياخوانا ما تركزوو يلا
ام متاب_ارح ارح يا متاب..
وائل_بعد يجهز نادوني عشان امشي اوديهوو ليهم ..
متاب_تمااام
وطلعووو متاب وامها وخلو وائل مع سلمى