رواية العوض الجميل
الفصل الرابع عشر14
بقلم مناسك موسي
متاب وامها في المطبخ بجهزّو في الشاي وبتونسو مع بعض ..وائل وسلمى في غرفة متاب..
سلمى_اها احكي يا فرده.. داير تقول شنو؟؟
وائل_احم احمم
صراحه صراحه..سلمى_اجي يا فلاان ؟! ما اتعرفنا
وائل_اقيفي لي انتي طيب..
سلمى وقفت على حيلها ...
وائل_ممكن تبطلي حركات متاب دي
سلمى_اها احكي لي طيب..
وائل_كل الموضوع يا سلمى انو انااا .. عاووز
متاب جات داخله ..
سلمى_اها كمّل ..
وائل_متاب جهزتو الشاي وكده؟
متاب_ااي جاهز.. امش علي امي بهناك دايراك ..
سلمى_طيب يا وائل امشي وتعال تمام ..
وائل_ظابط ..
متاب_سلمى والله مشششتاقين يا بت..
سلمى_
احححي انا متاب_فديتووو الخجول انا
سلمى_وووب علي يا متاب طبعا ما كلّمتك
متاب_اهااا اهااا ..
سلمى_الليله ما شفتي الحصل معاي بعد رجعت منك ..
متاب_ان شاء الله خيير..
سلمى_اسكتي ساااي بس ..
متاب_اها قولي لي طيب
وحكت سلمى لمتاب كل الحصل بالملي والحتة ..
متاب_معقووولة يا سلمى
سلمى ضمّت متاب عليها وقالت ليها الحمدلله ربنا صرفو عنك ولسسه ربي يصرفوو عنك وما يفكر فيك تاني ..
متاب_لكن انا حبيتوو يا سلمى
كنت بحبو وانتي عارفه 
كسسر لي قلبي واسي اتوجعت زياده بعد كلام مياده عنو
سلمى_خلاص يا متاب ما تبكي .. انا حاسه بيك والله ...
متاب_
الحمدلله الحمدللهسلمى_خلاص قومي ارح غسلي وشك قبل يجي زول يقبضنا
متاب_طيب
ومشت..
وائل جا لقى سلمى براها في الغرفه قال ليها وينا متاب؟
سلمى_ خليك من متاب انت كنت داير تقول لي شنو ؟
وائل_اي ح اقول ليك ... بس عشان د.امجد قال مستعجل وداير يسلم عليها..
سلمى_وخالتي وين؟؟
وائل_امي .. من قلت ليها الدكتور داير يسلم عليك ..مشت وهي وابوي بتونسو معاه كأنو بعرفو سنييين
متاب جات داخله ..
متاب_عاد امي وابوي الاتنين ما شاء الله عليهم بدخلو في الزول سريع
سلمى_انتي يا السمحه بنادوك بهناك ..
متاب_البناديني منوو؟؟؟
حمودي جا جاري..
حمودي_يا متااب ... ابوي قال ليك تعالي سريع ..
متاب_حمودي حمودي تعال .. انت شفت الدكتور؟؟
حمودي_سمح اي ..
متاب_ما قلت ليك سمح ول لا ؟ قلت ليك شفتو؟؟
حمودي_ااي مشيت سلمت عليهو وقال لي بتشبه متاب .. قلت ليهو حظها
سلمى_تتجااازى يا حمودي
حمودي_قال لي عشان انت ظريف كده عندك هدية..
وائل_اتخيلو قال ليهو عاوز شنوو فضحنا قال ليهو عجلة
حمودي_واعمل ليهو شنو يعني براهو سألني ..
متاب_غايتوو انت ما تقول ليهو ما داير حاجه
حمودي_لكن انا داير عجلة
متاب_ابوي بجيبا ليك يا احمد .. عيب كده
حمودي_ابووي؟ ابوي كل يوم بقول لي كويس كويس
سلمى_خلاص بطلو يا جماعه .. وامشي يا متاب قالو ليك الود مستعجل
متاب_ارح معاي يا سلمى ما بمشي براي
وائل_هل واضح انو في احساس بورة حاصل؟؟
سلمى_وااضح جدا
متاب_في عينكم الاتنين .. قومي يا سلمى ارح..
وائل_الامر لله يا سلمى امشي وتعالي ..
سلمى_سمح انتظرني .. امشي اوصل العروس دي اول
متاب_ان شاء الله يقول دايرك انتي بس نشوفك بتسوي شنوو.؟
حمودي_عربتو سمحه انا ماشي اقول ليهو داير زي عربيتك
متاب_وائل سوق حمودي ده خليهو يقعد مع حبوبة وارح انت معانا ..
وائل_ارح ارح يا حمودي.. والله ياهو الفضل.. البرادو انا ما لقيتا تلقاها انت
متاب_هي يااا يابا
عوضنا الله نحن ..وطلعو مع بعض .. حمودي مشى قعد جنب حبوبة وبقى يتونس معاها.. وسلمى ومتاب ووائل مشو الصالون .. متاب سلّمت على امجد وسألا بقيتي كيف؟ وامها تعاين ليهو وتتبسم ..
متاب_الحمدلله كويسه
سلمى_يا وائل .. في زول في باب الشارع..
وائل_طيب..
ومشى وائل فتح الباب ..
وائل_سمسم
سامي_ووين يا المنتحر ..
وائل_والله المنتحر صحي .. اتفضل
سامي_اصلا حا اتفضل.. اسمعني معاكم منو جوة؟؟
وائل_د.امجد زميل متاب اختي ..
سامي_اي اي جاب سلمى ..صح؟؟
وائل_اايوووه
سامي_سبحان الله اتكلمت معاه بالتلفون وقلت ليهو نتلاقى ما قايل حا الاقيهو سريع كده
وائل_والله هو كان ماشي ... بس ابوي حلف عليهو واسي بشرب في الشاي وخلاص قال طالع لانو مستعجل ..
سامي_لا كويس المسكتو عشان الواحد ذاتوو ما فاضي يمشي يلاقيهو في الصيدلية ويوصيهو على البنات ديل... وصحي متاب كيف؟،
وائل_كويسه .. تعال بي هنا .. هم في الصالون بي هنا..
ومشى سامي اتجاه الصالون .. ووائل قفل الباب وجا وراه..
سامي_السسسسسسسلااااام عليكم ورحمة الله ..
كلهم_وعليكم السلام ورحمة الله
وبدا يسلم عليهم .. بدأ بي د.امجد وبعدو ابو متاب وامها وسلمى ووقف جنب متاب ومدّ ليها يدو
متاب_اهلين سامي
سامي_سجم.. بقيتي كيف؟،
متاب_كويسه الحمدلله
سامي وهو ماسك يد متاب وبتكلم معاها وامجد عينو كانت في يد متاب واتضايق من سامي
سامي_والصداع جاك من شنوو؟؟ ارهاق ول سهر ول شنو؟؟
امجد_يا اخوانا عند اذنكم انا اتأخرت ..
سامي_يا زول كدي قول بسم الله ..رجلي حارّة ول شنو
امجد_مكوووة بس
مستعجل والله ..ابو متاب_يا زول اقعد اتونس شوية ..
سامي_لا والله تقعد شوية .. معقوله ياه ..
سامي فكّ يد متاب وقعد جنبها ..
سامي_سبحان الله قلت لوائل قبيل كنت بتكلم مع د.امجد ده بس ما قايل روحي حا الاقيهو الليله طوالي كده..
امجد_قلت اوصل متاب للبيت.. اقصصصصد س سلمى .. وكمان اشوف متاب بقت كيف ؟؟ لانو صداع الجيوب الانفيه ده حار وانا مجربوو..
سامي_ايواا... الجيوب انا كمان عندي وعلى قولك صدداع نار بس..
سامي اتلفت على متاب ..
سامي_اها ان شاء الله راح
متاب_راااح اي الحمدلله..
سامي_تماماً تماماً؟؟
متاب_تماااااماً
ابو متاب_متاب قومي جيبي مويه ..
امجد_وكيف مع الشغل يا سامي وشغال وين؟؟
سامي_الحمدلله والله .. شغال لي في معرض سيارات ..
امجد_ايواا ما شاء الله والله ربنا يوفقك
سامي_اللهم امييين جمعا يارب.. شغال مع الحاج .. المعرض حقوو وشغالين سوا
امجد_ما شاء الله ..
ابو متاب_ابوك كيف يا سامي؟ طولت منوو والله
سامي_كويس الحمدلله .. بكرة بتتلاقو ان شاء الله
متاب جابت المويه لسامي وجابت التربيزة ختتها قدامو.. وعاينت لأمجد لقتو صاري وشو
امجد_يا سامي.. نتلاقى مرة تانيه ووقت اوسع ان شاء الله .. لأنو الحاج بكون منتظرني اسي..
سامي_يا زول خير ما بنضغط عليك .. لكن تجينا مرة تانيه ..
امجد_ان شاء الله .. يلا يا خالة .. يلا يا خال .. يلا دكتورة "وكان مركِّز في متاب وحلاوة التوب فيها " تلقائيا ابتسم .. وودع سلمى ووائل..
طلع معاه ابو متاب وسامي ووائل ..
امجد_حمودي صحبي قول ليهو مع السلامة يا وائل ..
وائل_حااضر
سامي_حمودي المسلّط
امجد_طفل برئ ياخ
سامي_اي والله اسي انا صحبي شديد
امجد_ههه ايواا.... اها يلا يا جماعه خليكم قبلكم يلا في امان الله ..
ركب عربيتو ودوّر وكان بعاين في المرايا لسامي .. وفي عيونو كراهيه لسامي..
سامي دخل راجع معاهم بيت ناس متاب.. وامجد مراقب بمرايه العربيه.. وجا في بالو الف سؤال ...
وبقى يتكلم بصوت :
يعني كان في داعي يمسك يدها قدامي كده؟؟ وكمان قال ليها شنوو قال يا سجم
سجم يسجمك انت ده .. وكمان حمودي صحبي وابو متاب كمان بتظارف معاه وقال ليهو ابوهو وين ؟ قال ليهو بكرة بتتلاقو .. هوو بكرة الجمعه 
؟ يكونو جايين لشنو ياربي؟؟ سامي ده قصتو شنوو هووو ياخ؟