رواية العوض الجميل
الفصل العشرون20
بقلم مناسك موسي
مرّت الساعات بسرعه .. وجا وقت الرجوع ..امجد_يا متاب انا ممكن تديني رقم سامي؟؟
متاب_سامي؟؟ ليه؟؟
امجد_عاوزو في موضوع..
متاب_خير؟
امجد_ااي خيير .. ومالك متوترة كده؟؟
متاب_لا ماف حاجه بس لانك طلبتو فجأة
امجد_ما بترضي زول يقرّب منو ول شنو؟
متاب_ههه لا ياخ .. بس كنت عاوزة اعرف الموضوع ما اكتر..
امجد_كل الموضوع عاوز اقول ليهو اني ممكن اوصلكم معاي وانا راجع بس
متاب_توصلنا؟؟؟ ومحمود؟ لا ماف داعي.. ما بتقصر والله شكرا ليك
امجد_عايني انتي اديني رقم سامي وانا بتصرّف معاه..
متاب_يا دكتور .. محمود صاحب سامي ده زول طيّب ومسكين وشغال ترحيل بالعربيه دي ..
امجد_كيف ؟؟
متاب_محمود صاحب سامي .. والعربيه في الاصل حقت سامي ومحمود شغال فيها صباح ترحيل وبالظهر ترحال وبالمساء برجعنا ..
امجد_اهاااا
متاب_بعدين هو زول اسرتو بسيطه عشان كده ما دايرين نقطع رزقه..
امجد_ايواا .. خير خير يا ستي..
متاب_انا حا امشي على سلمى .. عن اذنك
امجد_طيب اركبي معاي العربيه بقيف ليك جنبها ..
متاب_معقووله يا دكتور
ده يبقى دلع كلها قطعة ظلط بس
امجد_والمشكلة وين ؟؟ ارح ارح يلا..
متاب_اعفيني يا دكتور .. نتلاقى بكرة ان شاء الله يلا بالإذن
امجد مسك متاب من يدها ..
امجد_نفسسي يوم من اول مرة تقولي موافقه
متاب_يدي وجعتني
امجد_ااخخخ ااااسف .. بس ما ممكن معاك.. اي حاجه اطلبها منك ترفضيها لي ..
متاب_د.امجد اطلب حاجات منطقيه ما عندي مشكلة .. بس مسافة زي دي وعاوزني اركب عربيه؟؟
امجد_ومالو يعني؟ امكن محمود ما يجيكم اسي ..
متاب_لا حا يجي .. عن اذنك معلييش انا اتأخرت على سلمى ..
امجد_اتفضلي يا دكتوورة .. راحتك .. بس في تغيير حاصل
متاب عاينت ليهو ومشت على صيدليه سلمى ... قطعت الظلط لقت سلمى ود.امل بقفلو في الصيدلية ..
سلمى_تووبة .. جيتي متين؟
متاب_جيت اسي
سلمى_مالك عاملة كده؟؟؟ماا طبيعيه
متاب_الحاصل جواي كتييير يا سلمى بحكي ليك ..
سلمى_ان شاء الله خير
متاب_اخخخخ.. عايني انا د.امل ما سلّمت عليهااا تباً ياخ
ومشت اتجاه امل وسلّمت عليهاا
امل_عادي يا د.متاب ياخ ما بيناتنا .. الناس مضغوطه
متاب_بالنية بس غايتوو
سلمى_اهوو محمود وصل .. امل ارح عشان تركبي اول بعداك نحن نمشي..
متاب_الحمدلله جات هايس يلا يا امل ..
امل ودعتهم ومشت ركبت .. متاب وسلمى سلّمو على محمود وركبو معاه .. وكالعاده طبعاً شغّل قرآن والكل ساكت
متاب وهي سرحانه من الآياات وعيونها بدمعو وبتعاين بالشباك شافت امجد بعربيتو ماشي في نفس الشارع ومنزّل القزاز وبعاين ليها .. متاب مسحت دموعها وهو شافها وبقى ما مركّز في الشارع لحدي ما ضرب بتاع موتر وراكبه معاه مَرَه .. المَره من الخلعه صرخت ووقعو هي وسيد الموترمتاب وسلمى_يا ساتر .. ده شنوو؟؟
محمود_يا لطيييف لطفك يارب
ووقف العربيه ونزل وخلى متاب وسلمى في العربيه .. وامجد نزل ومشى على اتجاه الموتر وكانت ضربة خفيفه..
سلمى_متاب عايني ده أمجد
؟متاب_امجد؟؟
بسم الله ...سلمى_انزلي انزلي ..نشوف الحاصل شنو؟!
ونزلو الاتنين ..سلمى مشت على اتجاه المَره وسألتها اذا حصلت ليها حاجه .. بس طلعت سليمة ..
سلمى عاينت لأمجد ..
سلمى_دكتوور أمجد.. مالك بسم الله ؟؟
امجد عاين لمتاب في عيونها وردّ لسلمى_ولا شئ مصدّع شوية بس
متاب_سلامتك يا دكتور ..
امجد_تسلمي يا متاب..
سلمى_الف سلامة ليك يا دكترة.. وسلامات يا خالتو ويا عموو..
الراجل_الحمدلله .. وسلامتك يا شاب ..
وركبو الموتر واتحركوو...
متاب_ لو ما قادر تسوق ممكن نوصلّك البيت نحن .. ساكن قريب انت ؟؟
امجد_بعديكم ب 3 استوبات بس
متاب_خلاص يا سلمى سوقي ليهو انتي وانا ومحمود بنمشي معاكم نوصلو ونجي راجعين ..
امجد_لا ماف داعي خلاص بواصل
سلمى_لا والله انا كنت حا اقول نفس كلام متاب ..
محمود_يا دكتور الصداع بعمل عدم تركيز وعدم التركيز خطر في الشارع فياريت توافق ..
امجد_طيب طيب .. سلمى انتي بتسوقي؟؟؟
سلمى_ههه اكييييد ..ناقصاني العربيه بس
وركبت سلمى العربيه وامجد ركب معاها قدام ومشو قدام ومتاب ومحمود وراهم ..
امجد كان بعاين لسلمى واول مرة يركز في تفاصيلا وابتسامتها
قال في نفسه سبحان الله الارواح هم صحبات بس كأنهم روح واحده في جسدينسلمى_عفوا يا دكتور.. انت من متين مصدع؟
امجد_كنت طبيعي بس صدعت فجأة في الشارع وانا سايق..
سلمى_صحي انت اتحركت معانا في نفس الوقت؟؟
امجد_ايوه..
سلمى_واسي مصدّع شديد شديد؟؟
امجد_مصدع والله يا سلمى بس الحمدلله..
سلمى_انت عارف ممكن يكون ارهاق
اكلت ليك حاجه ؟؟امجد_انا عامل رجيم.. بفطر بس ومرات باكل لي سندوتش عشااء
سلمى_رجيم؟؟؟ هي وينا السُمنة ؟؟
امجد_كانت بس اسي بعد الرجيم ظبطت
سلمى_ههه بس ما ينفع لازم تاكل وتشرب عصاير.. والسُمن ما عندو علاقة بالأكل والشراب .. الراحه بس
امجد_والله كلامك صح .. انا لو نمت يومين بس بظهر فيني
سلمى_ما شااء الله .. اها الشارع الجاي ؟؟ مش ده الاستوب التاني؟
امجد_ايوه .. اخدي شمال يا سلمى ..
سلمى_حاااضر ... اها طويل؟؟
امجد_بسس اقيفي لي هنا ..
سلمى "بدهشه"_ده البيت؟؟؟
امجد_ايوه ..
سلمى_ما شاء الله تبارك الله ... اللهم بارك
امجد_تمشي على خير يارب
سلمى_وده منو الفتح الباب ده؟؟
امجد_ده الحاج
سلمى_يا حليلو منتظرك
ما عندك اخوان صغار ول شنوو؟امجد سكت مسااافه وقال ليها لاا ودي قصة طووويلة ..
ابو امجد جا ماشي على العربيه واتخلع بالبت السايقه ...
ابو امجد_السلام عليكم..
امجد و سلمى_وعليكم السلام ورحمة الله
امجد_ابوي .. دي دكتوره سلمى زميلة
سلمى "وهي مبتسمة"_اتشرفنا يا ابوي
ابو امجد "وعلامات الدهشة في وجهه"_م م مرحب بيك يا دكتورة ..شرّف الله قدرك
اتفضلوو
سلمى "وهي سايقه تدخل العربيه البيت"_يا امجد ابوك مخلوع
اشرح ليهو الحاصل براحه طيبامجد_ابوي فردتي شديد
ما تخافي..سلمى_كان كده الحمدلله .. بس اقيف هنا يا امجد ؟؟؟
امجد_سلمى ..
سلمى_نعم..
امجد_ممكن رقمك .. انا محتاج ليك ضروري..
سلمى_ان شاء الله خير ؟!
امجد_خير
سلمى_طيب .. حا اخليهو ليك عند متاب
امجد_لا رجاءا متاب ما تدخل في الموضوع.. حا اكلما فيما بعد..
سلمى_امممم المووضوع صعب لكن مادام خير مرحب..
امجد_شاكر ليك جدا .. وعمري وقفتك معاي دي ما حا انساها..
سلمى_العفوو ده الواجب..
امجد_هاك سجلي لي رقمك سريع .. ابوي بقفل في الباب..
سلمى_تم ..يلا بالإذن..
امجد_اتفضلي .. جزاك الله خير يا دكتوره
سلمى_بلااش كلمة دكتوره بينا .. عادي
امجد_ههه مرات بتجي براها
سلمى_ هههههه...
متاب ومحمود منتظرين برة في الظلط .. سلمى ودعت ابو امجد وطلعت..
ابو امجد_يا بتي اتفضلي على البيت اشربي ليك حاجه
سلمى_لا والله جزاك الله الف خير
ابو امجد_يرضى عنك
لكن البرجعك منو بالليل ده؟؟امجد_معاها زميلتها وعندهم ترحيل ..دقايق بس يا حاج بجي احكي ليك الحاصل..
ابو امجد_تماام
سلمى_يا امجد .. انت خليك انا بوصل..
امجد_معقوله انتي كمان ..
سلمى_الصداع خف؟
امجد_ما حاسي بيهو
سلمى_الحمدلله معافى يارب
اخد راحتك واكل ليك حاجه واشرب عصير واخد ليك نومة .. بتهدأ ان شاء الله يلا في امان الله ..وركبت عربية محمود .. امجد شكرهم ومشوو