رواية العوض الجميل
الفصل الحادي والعشرون21
بقلم مناسك موسي
سلمى مع متاب في العربيه ...متاب_اها وصلتو كيف؟؟
سلمى_خليك من وصلنا كيف .. شفتي البيت ما شاء الله كيف؟؟ ورب السماء امجد ده قمممممة التووواضع
متاب_انتي جاده ده بيتهم؟؟؟
امجد_اي والله اتخيلي بس .. والعجب ابوهو فيهو كمية حنان اب كده لمن غلط
في نبرة صوتو ظاهره...متاب_ما شاء الله والله .. وأموو؟ ما شفتيها؟؟؟
سلمى_بري ياختي دي بتكون في الطابق التاني فووق
متاب_والله صحي كلامك ..
محمود_ممكن أشغل القرآن؟
سلمى_هي معليش والله
محمود_لا ما مشكله انا الوقفتو اصلا عشاان حاجه طبيعيه متاب حا تتكلم معاك .. واسي شايفكم سكتوو..
متاب_شغّل شغّل
محمود_حاضر...
وواصلو لحدي ما وصلو البيت ونزلووو.
سلمى_يا متاب ..
متاب_اهااا...
سلمى_انتي كويسه؟؟ حاسه بيك ما تمام ..
متاب_ما قادره احكي اسي والله.. بضرب ليك تلفون بعد شوية تمام..
سلمى_عااااايني.. ايااااك ثم ايااااك تنسيني ...
متاب_لا ما بنساك
سلمى_بتعمليها انتي .. يلا ادخلي
متاب_برجع ليك والله يلا...
واي واحده دخلت بيتهم ...
متاب كانت متوترة وما قادرة تركّز وفي رأسها مليون سؤال
دخلت سلّمت على ناس امها وحبوبتها ودخلت الصاالون لقت وائل سرحااانمتاب_وائل؟؟؟؟
...وائل ؟؟؟ يا ود هااا وائلوائل_متاااب
خلعتيني ياخ 
متاب_سرحان وين يابا؟؟
وائل_كنت بسمّع ..
متاب_بالله عليك؟؟
وائل_ما باين يعني؟؟
متاب_اها القرايه ماشه كيف؟؟ الجدول ظبط معاك؟؟؟
وائل_صراحه والله احسن الحمدلله
بقيت بقرأ وبقيت عندي هدف يا متاب..متاب_اتمنى لك التوفيق عزيزي
يلا بالاذن انا جايه تعبانه والله ..
وائل_ يااااا متاب
متاب_امممم ...جنبك ...
وائل_خلاص خلاص ..
متاب_يا ود مالك في حاجه ؟؟
وائل_لالا مافي
متاب_طييب بالتوفيق
وطلعت منو مشت على غرفتها اخدت ليها ريست واكلت ليها حاجه وقالت ليهم تعبانه عاوزة انوم بس .. ومشت وقفلت غرفتها عليها..
سلمى بهناك رتبت اوضاعها وبقت منتظرة متاب تتصل عليهاا.. انتظَرَتها كتيير بعدها رسلت ليها مسج...
_يا سجم .. انا راجياااك
متاب قرت الرسااله وبقت تضحك ومن غير ما تشعر رسلّت ليها ...
_دايرة اضرب ليك اسي والله...
سلمى عاينت للتلفون وشافت المسج ردت ليها ..
_طيب مرسلة ليه ؟؟ اتصلي طوالي
متاب اتصلت عليهاا...
سلمى_حبيبي
متاب_اسسسي ما كنت سجم متين بقيت حبيبك
سلمى_اب للشمار حبيبي انا..
متاب_ايواااا كده مش؟؟
سلمى_لا والله خلينا جادين ... قلقتيني عليك بس والله ياخ
متاب_انا ذاااااتي جااايطه يا سلمى
سلمى_طيب يا توبة .. ركزي معاي... يلا نفس عميييييق
متاب_اهااا
سلمى_يلا برواقه احكي لي مالك ؟؟
متاب حكت ليها الحصل في الصيدلية بالتفصيل المُمل..
سلمى_طيب يا متاب مادام انتي اتوترتي قدام منيب كده معناها في حاجه ..
متاب_يا سلمى لأول مرة في حياتي كلها لمن يقيف جنبي ولد ما بتوتر كده..
مع انو صاحبو مهاب ده كاان وااقف جنبي بس منيب غيير
سلمى_سبحان الله.. وما قال ليك غير انو الموضوع خير بس كدي حاولي اتذكري..
متاب_يا سلمى انا حكيت كل حاجه والله ما خلّيت شئ
يا سلمى انا خااايفه
سلمى_استهدي حبيبتي وانا جنبك .. ما تخافي وبكرة ان شاء حا نشوف نهايتهم شنو
متاب_انتي عارفه انا الليله بي سبب توتري ده اتعاملت مع امجد بطريقه غبيه
سلمى_كيف؟؟؟؟
متاب حكت ليها الحصل قبل هي تتحرك عليها في الصيدلية .. وانها شافت امجد لمن كانو في الشارع وانو احتمال الكبير الحادث يكون بي سببها..
سلمى_بي سببك كيف يا بت ؟؟؟
متاب_عديييل يا سلمى .. اثناء ما محمود مشغّل القرآن سمعت الايه ال بتقول (أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ ۖ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّىٰ يَقُولَ الرَّسُولُ وَالَّذِينَ آمَنُوا مَعَهُ مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ)
شفتي ( أَلَا إِنَّ نَصْرَ اللَّهِ قَرِيبٌ) انا جسمي اقشعر مع الايه ودموعي جرو مش كنت راقده على الشباك ؟؟
سلمى_ااي صح .. افتكرتك سرحانه في الشارع والله ما قايلاك بتبكي..
متاب_انا ما كنت ببكي
بس دمعتي جرت في الايه دي يا سلمى
سلمى_يا بت قولي الحمدلله انو انتي بتتأثري بي كلام ربنا
دي نعمة من كريم متاب_الحمدلله .. بس انا السبب في الحصل لأمجد..
سلمى_الحمدلله يا بت ما تبكي اسي
جات سليمة الحمدلله وما حصل حاجه..
متاب_ما بعرف كل ما اشوف امجد بحس اني عاوزة ابعد منو بس
سلمى_يا بت بسم الله امجد مالوو كمان ؟ زول مسكين وعلى نياتو
متاب_عارفه بس في الاول كان عاجبني اسي ما عندي ليهو حاجه.. ومرات بحس بيهو زي مؤيد
في اللحظه دي امجد دخل على سلمى بمكالمة .. سلمى مع نفسها "سبحان الله جبنا سيرتوو اتصل ود حلال "
متاب_الووو سلمى سامعاني؟؟
سلمى_اي اي معاك .. قلتي لي مالوو؟؟؟
متاب_جنبك زول؟؟؟
سلمى_لا دي سماهر فتحت الباب بس..
متاب_يا زولة خير.. صباحات تعالي لي عشان نطلع بدري على الجماعه ديل طيب
سلمى_حاااضر... خلاص عليك الله يا توبة ..ما تفكري في اي حاجه.. اتحصّني واستودعي نفسك لربنا.. والفيهو خير ربنا كاتبو
متاب_حاضر..
سلمى_وعد حبيبتي انا؟؟؟ اوعك تبكي ..
متاب_اوعدك
سلمى_يلا استودعتك ربي
متاب_يلا في امان الله
وقفلو الخط ..
سلمى عاينت لتلفونا لقت امجد دخل عليها بمكالمتين اثناء ما هي بتتكلم مع متاب ولقت رسالتين :
_مساء الخير على الناس الخلاطه
_معقوله لكن؟ بعد تخلصي ارجعي لي.. امجد..
ابتسمت سلمى وعملت اتصال