رواية العوض الجميل
الفصل الثامن عشر18
بقلم مناسك موسي
في صباح يوم السبت ... متاب صحت بدري وطلعت الحوش..متاب_امي يااا امي ..
امها_نعم..
متاب_صباح الخير يمة
امها_صباح النور.. الليله صاحيه بدري كده مالك ؟؟ غريبه
متاب_الافكار البتجيك الصباااح بدري دي سمحه خلاص فقلت اعمل لوائل الجدول وارتب اموري انا ونظام بداية اسبوع وكده..
امها_لا تمام مافي كلام..
متاب_امي
امها_يا بت مالك ؟
متاب_ولاا حاجه
امها_اجي ياخواني؟؟ بسسسسم الله
متاب_ههههه خلاص خلاص .. حا امشي اصبِّح على حبوبة وبعد نشرب الشاي حا اقوم بالواجب تمام ..
امها_سمح
في بيت ناس سلمى.. سماهر وسلمى بنومو في غرفه واحده .. صحت سلمى بصوت سماهر بتهضرب...
سلمى_ سماهر ... يا بت .. مالك ؟
سماهر "وهي نايمة"_وائل حا يقع وائل
سلمى_وائل يقع من وين؟
سماهر_اسنهايميحسوسمصكشزشبشمكز
سلمى_هييي ها
دي بتهضرب ول شنوو؟؟ومشت عليها وضربتها في يدها
سماهر_مالك يااا سلمى ياه
سلمى_قلتي لي شنوو يا حلوة؟؟
حلمانه بي شنو كنتي؟؟
سماهر_هههه ولا شئ ولاشئ
سلمى_طيب صباح الخير
سماهر_ص ص صباح النور
سلمى_ان شاء الله وائل ما وقع بس
سماهر_وائل
.. ما فهمتك؟؟سلمى_دي واحده كده قبل شوية كانت بتهضرب
سماهر_الليييله سمعتيني انتي يعني؟؟
سلمى_اااااي
بس ان شاء الله ما يكون وقعسماهر_لالا ثبتو الحمدلله
سلمى_وووجع .. شكلو امس وديناكم ترفهو
وانتو حضرتكم هنااايسماهر_
للللاسلمى_قومي قومي .. عشان امس متاب قالت لي تجوني الصباح انتي وسماهر دايرة تعمل ليكم جدول مذاكره..
سماهر_سوا؟؟؟
سلمى_ااي ايا زول ايا زول براهو
سماهر_طيب دقايق بس ونمشي عليهم
امهم جات داخله...
سلمى_الليله وين ياا امي ما صحيتينا؟كيف اصبحت؟
امهم_الحمدلله .. والله قلت عشان امس جيتو تعبانين اخليكم تاخدو راحتكم
سماهر_يا سلام عليك يا احلى ام في الدنيا
سلمى_وجع
امهم_باين طلعة امس دي زبطت الامور
سماهر بقلبها "كيف ما تكون حلوة ووائل امس خطف قلبي فيها
"سلمى_هييي يا البتتبسمي لي دي قومي ارح
سماهر_بتذكر في نقاء البحر
امهم_قومن اشرب الشاي ونضفت البيت وامشن على ناس حنان ... مش متاب امس قالت ليك تعالن ليها الصباح..
سلمى_ااي ماشين
بعد خلّصو مشو على متاب في بيتهم ...
سلّمو عليهم وقعدو مع حبوبة اتونسو معاها.. بعد مسافة جا وائل داخل عليهم سلّم عليهم واستأذنو الاربعه ومشو غرفة متاب عشان سلمى ومتاب يعملو ليهم الجدول..
رتبو ليهم جدول واي زول استلم جدولو . ووائل شال حاجاتو ومشى الصالون .. وسماهر بقت تقرأ في غرفة متاب .. سلمى ومتاب طلعو حوش الغسيل لانو متاب كان عندها غسيل وسلمى مشت ساعدتها
جا وقت الدوام .. سلمى مشت جهزت وجات لمتاب .. وطلعو سوا ... اول ما وصلو الظلط شافو عربية امجد واقفه
متاب_الليله يا سلمى دي عربيه امجد..
سلمى_اجي ؟ امجد؟؟ الجابو شنو كمان؟؟
متاب_نفس حركة المرة الفااتت
البرادو مظلل طبعا فما كانو عارفين انو امجد جوة العربيه.. لحدي ما وقفو للمواصلات .. بعدها عربية امجد اتحركت عليهم ..ونزل امجد..
امجد_يا دكاتره .. كيفكم؟؟
سلمى ومتاب_الحمدلله تمام..
امجد_ممكن تتفضلو على العربيه من غير بسبسه
سلمى_لككككن
امجد_اهااا .. طيب من غير لكلنة
متاب_ارح ارح يا سلمى..
ركبو العربيه واتحركو على الصيدلية ..
سلمى مع متاب" بهمس"_اسمعيني.. الليله امجد ده مالو مُز كده
متاب_بري وحاتك الليله قررضة عديل
سلمى_نضيف نضاافة ما شاااء الله تبارك الله ما نسحرو كمان
متاب_اااي ما شاء الله عليهو
امجد_سامع لي همهمة
انتو معاي ول ونسه خاصه؟؟؟متاب_للللااا لاا
برانا..امجد_تسمعو حاجه؟؟؟
متاب_ااااا
سلمى_هلالية لو عندك
امجد" وهو بعاين لسلمى في المرايا"_سلمى؟؟ شكلك زولة حنونة شديد
سلمى_والله ما بسمع ليهو كتيير بس اغانيهو حنينه هو والكناني
امجد_كناني كمان.. والله انتي يا سلمى زولتي عدييييل
متاب_طلع ذوقهم واحد
مبروووك