رواية العوض الجميل
الفصل التاسع عشر19
بقلم مناسك موسي
وصلو الصيدلية وسلمى نزلت اول وامجد ومتاب دخلو بالعربيه جوة المستشفى .. نزلو ومشو على د.عبدالله .. اول ما شافهم مع بعض..د.عبدالله_ما شاء الله ما شاء الله الحلوين
امجد_يا دكتور كيفك وصحتك؟؟
متاب_كيف حالك يا دكتور؟
د.عبدالله_الحمدلله كوييس يا اولادي .. ومفقودين ياخ
متاب_ههه ما تفقد غالي يارب
د.عبدالله_والله يا متاب يا بتي الناس البجو بسألو منك كتاااار كتره..
امجد_زباين زباين
متاب_معقوول .. ان شاء الله خير بس ؟
د.عبدالله_خييرر.. قبل شوية في شاب جا سأل منك ..
امجد "مع نفسه"_ما يكون ده العارض الاسمو مهاب داك
متاب_ده منو ياربي؟؟
د.عبدالله_والله قال عايز رقمك وانا قلت ليهو حا تجي المساء . .
متاب_ايوااا.. اللهم اجعله خير..
د.عبدالله_غايتو ما عارف لكن زول ود ناس شكلوو ومعاه صحبو بكونو قاعدين برة اسي ..
امجد "بصوت منخفض"_بكون ديل جووز اللوز..
متاب_قلت شنو يا امجد؟؟؟
امجد_لالا اتذكرت لي حاجه بس
د.عبدالله_والله انا لو علي الجمعه دي تشتغلو معاي..
متاب_ههه ياريت يا دكتور
امجد_الجمعه
د.عبدالله_يا امجد تعال معاي في اوراق تبع الصيدلية عاوز اديك ليها تجيبا هنا عشان انا طالع..
امجد_اووكي ..
وطلعو من الصيدلية .. امجد وهو طالع لمح مهاب في كراسي الانتظار .. ومهاب عاين ليهو وابتسم معاه .. بس امجد عاين ليهو من فوق لتحت ومشى مع د.عبدالله ..
متاب في الصيدلية جوها 3 بنات وصرفو دواهم وبقو يتكلمو معاها عن مستحضرات التجميل وانو هي صيدلانيه وما بتعمل ميكب اب لييه؟ وبقت بتنصح فيهم .. وهم طالعين مهاب فتح باب الصيدلية متاب شافتوو وابتسمت .. بعدها البنات وقفو جنب الباب عشان الباب فتح وفي زول جايي داخل .. ال 3 بنات بي صوت واااحد .. وااااي ده شنوو؟!!
متاب_مالكم يا بنات؟؟
البنات_ولا حاجه يا دكتورة ..
وطلعو برة الصيدليه ..واحده قالت ليهم ووووب علي لكن الود النجاضة ده وقع من وين ؟ التانيه قالت ليهاا احححح ده بجي حبة واحده في الدسته يا بتي.. العيانه قالت ليهم يا بنات الود ده عاين لي انا حسيت روحي بقيت كويسه ..
متاب سلّمت على مهاب ...
متاب_كيفك وصحتك وصحة صحبك ؟؟
ان شاء الله بلغ العافيه
مهاب_بي فضلك يا دكتورة الحمدلله
متاب_لالا الفضل لربنا عز وجل .. انا كنت سبب بس
وفجأة وقف قدامها منيب
منيب_السلام عليكم دكتورة متاب
متاب_ما شاء الله .. وعليكم السلام ورحمة الله وبركاته .. وحمدلله على سلامتك كمان
منيب_تسلمي يا رب ...
مهاب_احم احم .. صراحه يا دكتوره نحن جيناك في موضوع..
امجد جا داخل وسمع كلمة موضوع ..
امجد_عفواا شباب.. كيفكم ؟
منيب_ده د.امجد يا مهاب؟
مهاب_ياهوو
امجد_بتعرفني من وين؟؟
مهاب_حكيت ليهو انا عنك .. وقبيل جينا لقينا الدكتور الكبير داك قال لينا امجد ومتاب حا يجو مساء .. فأكيد ده اسمك ..
امجد_ايواا .. هاك يا متاب الاوراق دي ختيها هناك .. اتفضلو يا شباب عاوزين شنو؟
مهاب_معليش عندنا موضوع مع الدكتورة
امجد_ان شاء الله خير بس ؟؟
منيب_خير ان شاء الله
متاب_اتفضل يا مهاب.. واصل..
مهاب_ما ينفع يا دكتوره هنا .. فلو ممكن تطلعي معانا الكافتريا البرة دي دقايق ونجي راجعين..
امجد_وتطلع معاكم كافتريا ليه؟؟موضوعكم قولو هنا..
مهاب_معلييش انا بتكلم مع الدكتورة
امجد_وتقريباً ده محل ووقت شغل يا استاذ
منيب_معليش يادكتور امجد خلي نسمع كلام الدكتوره..
متاب_احححم .. عفوا .. بس كلام د.امجد صح ..
منيب_خلي عندك قرار يا دكتورة
امجد_قرارها قرااري..
مهاب_انت مسؤول منها يعني؟؟؟ معليش يا دكتور ما تدخل .. رجاءاً..
متاب_الموضوع ما اخد قرار بس ده المنطق يا استاذ منيب..
منيب_طيب معليش يا دكتوره .. الموضوع طارئ وضروري جدا.. فياريت تقبلي..
مهاب_ما تخافي خير والله يا دكتورة..
متاب عاينت لأمجد وكان غضبان وعروقو ظاهره..
متاب_امجد انا حا اطلع برة الصيدلية وحا اجي راجعه تمام ..
امجد_اتفضلي ..
وطلعو التلاته وخلو امجد في الصيدليه وجاهو حاج عاوز يصرف دواء...
وقفو برة الصيدليه ومتاب كانت متوتره شديد..
منيب_اا ااا انا يا دكتورة عاوزك في موضوع .. ف الله يرضى عنك بس تعالي معاي .. وربي بعلم اني قاصد خير ..
مهاب_وانا معاكم يا دكتوره ما تخافي..
متاب_بس يا مهاب انا في المستشفى وده وقت الشغل وانا مسؤولة امام الله .. اذا كان الموضوع مثلا استشارة فاتفضلو عشان الزمن هنا بسمعكم..
مهاب_لالا ما ينفع هناا ..
منيب_طيب ممكن نحدد موعد في الايام الجايه دي ؟؟
مهاب_خير يا دكتوره .. عليك الله وافقي
متاب_اامممم طيب خير ..
منيب_بكرة كيف معاك؟؟
متاب_بكرة طوالي كده؟
مهاب_الموضوع مستعجل يا دكتورة..
متاب_طيب ممكن قبل اجي الصيدلية .. وفيها حاجه لو كانت معاي صحبتي؟؟
منيب_مافي اي مشكلة ..كمان احلى حاجه تكون معاك صحبتك عشان تكوني مطمئنة
متاب_خلاص خير ان شاء الله..
مهاب_تسلمي يادكتورة
منيب_ممكن رقمك يا دكتورة عشان اقدر اتواصل معاك لحدي بكرة؟؟
متاب_طيب سجّل لي رقمك انت وانا بتصل عليك ان شاء الله ..
سجّل ليها رقمو في ورقة واداها ليها وشكروها ومشوو وهي رجعت الصيدلية وكانت متوتره والتوتر ظاهر عليها جدا...
دخلت الصيدليه امجد جاها جنب الباب ...
امجد_اها الحصل شنوو ان شاء الله خير ؟؟ ومالك عامله كده؟؟
متاب_مالي كمااان.. مافي حاجه.. ااي خير
امجد_تمام
قالو ليك شنوو؟؟متاب_اااااا
ودخلت عليهم مريضه عاوزة ادوية