رواية العوض الجميل
الفصل الثاني2
بقلم مناسك موسي
خلصوا من خدرتهم على قول ام متاب، سلمى قالت لمتاب ارح اديني طرحتك السوداء عشان طالعه بيها حقتي شلتها بالمكوة امس بالليل 
ومشو على غرفة متاب.. وسماهر شالت الصينية ودخلت المطبخ مع ام متاب، في غرفة متاب اول ما دخلو الاتنين متاب مشت على الدولاب تطلع الطرحة ،سلمى مسكتها من يدها قالت ليها انتي صدقتي يا غبيانة ؟ انا عاوزة اجيبك هنا بس ، ومن الاخر يا متاب وريني امس الحصل ليك شنو ؟ ركزي معاي في من الاخر دي عشان ماف وقت تقولي لي مافي حاجه تمام؟متاب_ والله شفتي الوسواس البجيك بالليل داك واحساس الندم
والخذلان وما ادراك وشنو وبتاع بسس ده الحصل ليسلمى_شريط الذكريات المؤلمة طبعا
متاب_الماضي الاليم يا سلمى ياخ ..انا كرهت روحي والله كرهتها شديد بسبب ال بحصل لي ده
سلمى_يا بت استهدي بالله تكرهي روحك عشان حاجات حصلت ليك عرفتي منها الصاح والغلط؟ انتي مجنونة يا بت؟؟؟
متاب_اسوي شنوو ياخ انا فترت فترت وملييييت ياخ
سلمى_ طيب طيب ما هو اكيد الوسواس ده جاك بسبب حاجه صح؟ اكيييد حصلت حاجه
الحصل شنو؟؟؟متاب_ ااي فعلا حصل
رسل لي مؤيد يا سلمى رسل لي تاني بعد حظرتو رسل لي برقم جديد وقال لي نبدأ صفحه جديده وانا اتغيرت وانا وانا ..سلمى_مؤيد؟؟ يا ساتر استر واها يا العولاق وقلتي ليهو شنو؟؟؟ الليله بقتلك لو لقيتك وافقتي بضبحك ضبح..
متاب_ ما وافقت بس كلامو أثر فيني شديد
سلمى_ قال ليك نتذكر اللحظات الحلوة البينا صح؟
متاب_اممممم وبقى يذكرني بمواقف حلوة لينا مع بعض
سلمى_ وانتي طبعا طوالي يا العوقة صدقتي وبقيتي تتذكري وحنيتي عليهو هاا؟؟؟
متاب_صراحة ايوه
سلمى_اخخخخخخ منك ...متاااب
نسيتي خيانتو ليك مع مياده؟؟ نسيتي؟؟ اذكرك؟؟؟متاب_ قال لي اااسف واعتذر لي وقال لي غلطان.. وقال لي ما ح تتكرر
سلمى: يا بت ها متااااااب
اصحي يا بت امي وتعالي اذكرك الحصل شنو عشان ما تتغشي ويلعب بيك تاني يا غبيانهمتاب_عارفة انا يا سلمى عارفة والله
سلمى_عارفة شنو ! انتي سجم رمادك ما عارفة خلي كمان عارفة
، اسمعي هنا يا متاب حاجه خلاص انتهت تاني اوعك تاني تفكري فيها .. مؤيد بالنسبة ليك ماضي وصفحة وانطوت 
اوووعك تاني اسمعك تقولي لي أثر فيني وكلام فارغ ، بعدين تعالي لي هنا رسل ليك متين؟؟متاب_قريب الساعه 1ص
سلمى_بسم الله ما شاء الله تبارك الله وانتي البساهر بيك لحدي الساعه واحده في الواتس شنو
متاب_والله ياااخ مااااا كنت نعسانة وكنت بتصفح في الفيس بس
سلمى_ طيب يا ستي عشان تعرفيهو انو واضح عاوز يلعب بيك؟! رسل ليك في وقت متأخر زي ده عشان انتي يا دكتورة تستجيبي ليهو لانو لو رسل ليك الساعة تلاته ظهر كان حظرتيهو فورا ، لكن عرف نقطه ضعفك وقصد انو يرسل ليك في الوقت ده وانا براهن على الكلام ده لأني حاسه بيهو واحساسي ما بخيب وانتي عارفة الحاجه دي كويس
متاب_بس يا سلمى ما معروف يمكن صحي اتغير وعاوز يبدأ بداية جديده انا ما ممكن اظلمو ساي ياخ
سلمى_ يا متاب
لا إله إلا اللهمتاب_محمد رسول الله
سلمى_ صلى الله عليه وسلم
،طيييييب شوفي حبيبتي انا هو لو فعلا عاوز يبدأ من جديد حا نعرفو في ثواني بسمتاب_ ما فهمتك كيف؟؟
سلمى_ حا نرسل ليهو رسالة اسي وحا اكتبا ليك انا بيدي دي ومن رده نحن حا نعرف اذا كان اتغير ول لا ...اها موافقه؟
متاب_ طيب اسي بجيب التلفون من حمودي ونرسل ليهو مالو ماف مشكلة
سلمى_خلاص قومي سريع لأني طالعة
متاب_صحي انتي ماشة وين ما وريتيني
سلمى_كدي خليها شماراتك امشي جيبي التلفون خلينا نخلص عليك الله
متاب_ طيب اسي برجع ليك
سلمى "مع نفسها"_الله يكفينا شرك يا مؤيد انا اصلي الولد ده ما ارتحت ليهو من وقتنا في الثانوي مباري متاب دي كرهها حياتها داير يموت لو ما وصل ليها وبعد وصل ليها وعمل فيها دايرها وحب وبتاع في الاخر النهاية كانت خيانة
متاب دي جنت هي ؟! معقولة تكون ناسية كل الحصل ؟ ول ياربي تكون مالا؟متاب_ بسم الله جنيتي بتتكلمي براك يا سلمى؟؟؟
سلمى_ال ما بجنني شنو ؟ ما عارفة والله !! متاب انتي واعية ؟؟
متاب_سلمى انا والله ما فاهمة شئ وامس بكيت لأني لقيت روحي تايهه ساي وجاتني احاسيس ملخبطه ما قدرت افهم الحاصل شنو زاتو
سلمى_طيب جيبي التلفون ده ، مفعلة نت صح؟
متاب_ايوه
سلمى_ده هو اخر دردشة ده مش ؟
متاب_اي
سلمى_ كمااان
ترسلي في القلوب المكسورة والدموع .. اقيفي لي الليله بجيب ليك نهايتو .. واو كمان اخر ظهور ليهو الساعة 1:30صباحا ، مع اخر رسالة رسلها ليكمتاب_اصلا انا ما اتكلمت معاه كتير دي كل الدردشة البينا وبعديها انا قفلت بيانات وبكيت ما عارفة ليه ، وركبت سماعتي وحصل الحكيتو ليك امس بس
سلمى_خلاص امسحي دموعك ديل اووعك اشوفك بتبكي انا ما برضى فيك يا توبة
متاب_ببكي لاني غبية بس
سلمى_خلاص انا الموضوع ده بحلو ليك ،حا اكتب الرسالة وارسلا ومتى ما يدخل يرد اوكي
متاب_والله اعملي البتشوفيهو مناسب لاني ما بعرف اتصرف وانتي عارفة
سلمى_جمييل
يلا اسكتي وخليهو علي بس اقري بي عيونكوبدت سلمى تكتب ...
السلام عليكم مؤيد .. بناءا على محادثتي المعاك امس وانت طلبت اني اديك فرصة تانيه فأنا ما عندي مشكلة اذا انت فعلا اتغيرت زي ما بتقول بس عندي شرط انك تصل البيت..وعفا الله عما سلف
متاب_يا سلمى بيت شنو اقيفي ما ترسليها
سلمى_ يلا تم الارسال .. عايني انا قلت ليك اقري بي عيونك وبسس، واو تم الاستلام ماشين كويس
متاب_واااي يا سلمى انا خايفة
سلمى_ههه يا بت تخافي شنو مؤيد ده انا بعرفو كويس وعارفة حا يرد شنو بس ما دايرة اسبق الحوادث
متاب_وكان وافق؟
سلمى_ومالو لو وافق يجي البيت طوالي الفي شنو والماف شنو ؟
متاب_لالا سلمى لالا انا انا
سلمى_ولا كلمة خلينا نشوف الرد بعداك بنحكم
متاب_طييب ننتظر .. اها ما وريتيني ماشة وين؟
سلمى:اهاتت قصدك مشواري ،،ماشة الشركة في طلبية ادوية للصيدلية
متاب_ ايواا ..وزمنك الساعه كم؟
سلمى_ حا اطلع بعد الفطور طوالي عشان اكون في الصيدلية الساعه 12 والساعه 1 حا نتحرك انا ودكتورة ايمان على الشركة بي عربيتها
متاب_يعني انا الليله حا امشي الصيدليه براي؟؟
سلمى_للاسف ،، ما مشكلة حا نجي راجعين سوا ، يلا انا ماشة ما تفتحي بيانات الا بعد نتلاقى بعدين تمام؟ تعالي لي في الصيدلية اول بعداك تمشي صيدليتك اتفقنا؟
متاب_حاضر ....سلمى سلمى اقيفي مؤيد اونلاين ، والليييييبله انا خاييفه ياخي
سلمى _جد؟كدي جيبي اشوف قرأ الرساله؟! اي والله قراها ويكتب الان .. ننتظر نشوووف حا يقول شنووو!!