رواية العوض الجميل
الفصل الثامن والعشرون28
بقلم مناسك موسي
طلعت ممرضة من غرفة الطوارئ الخاصة وكانت منزعجه ..الممرضة_انتوو اهل امجد؟؟
كلهم_اي اي في شنو؟
الممرضة_امجد ده ...
سامي_مالوو
؟؟؟الممرضة_نزف نزييف وعاوزين دم وللأسف البنك ما فيهو الفصيلة
سامي_فصيلتو شنو يا دكتورة؟؟
الممرضة_ O-
ابو سلمى_الحمدلله .. سامي ..
سامي_ارح انا فصيلتي O-يلا منتظرة شنووو؟؟؟؟
الممرضة_يلا.. كملّو باقي الاجراءات بسرعه للعملية
سامي_خلاص انا حا امشي اتبرع بالدم انتو خلّصو بأسرع وقت..
ابو امجد_الحمدلله عليكم ..
جزاكم الله خير ..ونزلو معاهم الممرضة الطابق الارضي .. وسامي مشى مع الممرضة للتبرع بالدم ..
كمّلو الاجراءات وشالو من سامي الدم وجو راجعين وامجد دخلوهو العملية ..
الدكاترة كانو مجتهدين شديد .. بعد ساعه طلع دكتور ..
ابو امجد_طمّني يا دكتوور اها ولدي كيف؟
الدكتور_الحمدلله .. عملنا العلينا غايتوو .. ربي يعافيهو الدعوات
سامي_كيف الكلام ده يا دكتور؟ يعني حالتو خطيرة للدرجه دي؟؟
الدكتور_يا ابني النزيف في الرأس
ابو امجد_يعني ولدي حا يمووت؟؟
الدكتور_ ربنا لو كاتب ليهو يعيش بيعيش ان شاء الله
بالإذن ..ابو امجد قعد في الأرض وبقى يبكي ويقول انا ولدي واحد .. ما عندي غيرو
اقبّل وين انا لو فات مني انا عايش عشان احضرو وهو في ثواني داير يمشي مني يا امجد ما تخليني براي ابو سلمى_استغفر يا حاج ..
سامي_الله يرضى عنك يا ابوي ما تقول كده
سامي قعد جنبو في الارض وبقى ماسكو وبصبّر فيهوو .. بعد دقايق جات سلمى بتسأل عن امجد .. سامي قال ليها امجد محتاج دعوات
متاب جات جارية وحضنت ابوها وهي بتبكي..
متاب_يااااابوي
دعواتك ديمة مستجابة عليك الله ادعي ليهوو.. هو انقذني انا يا ابوي ادعي لييهووسلمى_يا متاب خلاص كلو قدر قلنا .. كلنا ندعي ليهو يلا ..
ابو امجد_سلمى يا بتي تعالي اقعدي جنبي
سامي_تعالي يا سلمى ..
سلمى_اصبر يا ابوي امجد حا يبقى كويس ان شاء الله .. دعواتك بتنفعو دعوات الوالد ..
سامي_يلا نقوم نصلي ندعي ليهو ..
ابو امجد_انا بدعي بس ما قادر اتحرك يعلم الله
سلمى_انا حا اقعد معاه .. امشو صلّو انتو ..
ومشو كلهم صلّو ودعو ليهوو
سلمى كانت ماسكه ابو امجد وبدعو ليهو
بعد مسااافة جات ممرضة طالعه من الغرفة ..
سلمى_اها يا دكتورة طمنينا .. د.امجد كيف؟؟؟
الممرضة_الحمدلله تمام
ابو امجد_عليك الله كويس ؟؟ ممكن ادخل اشوفو ؟؟؟
الممرضة_هو نايم حالياً ...
سلمى_طيب تمام ..
ابو متاب وابو سلمى وسامي جو راجعين وسامي اتصل على امو وفهمها الحاصل وقال ليها انهم حا يتأخرو شوية .. سامي لقى مكالمات من محمود ورجع ليهو وكلّمو بالحصل واعتذر ليهو لعدم الرد لأنو كان مشغول معاهم...
في بيت ناس متاب .. وائل كان بقرأ في رياضيات وفي مسائل غلبتو .. طلع من الصالون مشى على غرفة متاب ما لقاها مشى على امو سألها انو متاب اتأخرت ليه؟؟ وابوهو وين؟ امو شرحت ليهو الحاصل وقالت ليهو انت خليك مع قرايتك هم شوية وحا يجو .. رجع الصالون وفكّر في المسائل وما قدر .. شال دفترو ومشى بيت ناس سلمى..
سماهر كانت في غرفتهم بتقرأ وامها راقده في الحوش .. وائل جا سلّم عليها وقال ليها اكيد يا خالتي جوز اللوز مع بعض ..قالت ليهو طبعا ديل الله لا فرقن .. قال ليها داير سماهر تشرح لي المسائل دي لأني ما قادر اواصل والليله يوم الرياضياات لازم انجز .. ام سلمى قالت ليهو في غرفتهم بتقرأ ادخل خليها تشرح ليك.. وائل رفض قال ليها خليها تجيني هنا في الحوش .. ومشت امها نادتها .. سماهر لبست ليها توب وجات مارقة... سلّمت على وائل وقعدت في كرسي جنبو ..
سماهر_وائل .. اها ماشي كيف؟؟
وائل_زي بص الجريف
مرة يمشي مرة يقيفسماهر_ههه الله يوفقنا ..
وائل_وانتي ؟
سماهر_والله الحمدلله ربك يعين ...اها امي قالت لي عندك شرح ..
وائل_اي اي اول حاجه القاعده دي ماااا فهمتها والحاجه التانية اني ما حا اقدر اركز لو ما فهمتها .. والمسائل
سماهر_المسائل تطبيق على القاعده ..
وائل_بالضبط كدددداااا
سماهر_طيب خلي بالك معاي ...
وبدت سماهر تشرح لوائل وهو يعاين ليها ويسرح وهي مرات تتذكر الحلم وتسرح وفجأة يرجعو ويضحكو .. ام سماهر مشت عملت ليهم شاي حليب وجابتو ..
سماهر_يا سلام يا حجة تسلمي
وائل_والله يا خالتي عند شاي لبن عذاااب عديل ..
ام سماهر_بالهنا وبالتوفيييق يارب