رواية العوض الجميل
الفصل التاسع والعشرون29
بقلم مناسك موسي
مرّت ساعات وأمجد لسه نايم .. سلمى كانت جنب ابو امجد ومتاب وابوها قاعدين سوا وسامي وابوه سوا .. بعدها جاات ممرضة وسألت عن ابو امجد وين؟ابو امجد قام على حيلو وقال ليها برراحة يا دكتورة امجد ولدي مالو ؟؟؟الممرضة_امجد...
سامي_مالووو قولي
الممرضة_صحى وقال لي في منو برة وقلت ليهو اهلك.. قال لي نادي لي أبوي
ابو امجد_طيب طيب انا حا ادخل ليهو ..
ودخل أبو أمجد .. الممرضة قرّبت من سلمى وهمست ليها عفواً انتي منو ؟ د.متاب ول د.سلمى؟؟
سلمى_ولييه السؤال؟ بعدين انتي ما بتعرفي د.متاب ؟؟ شغاله معاكم هنا في الصيدلية
الممرضة_معليش ما بعرفها انا نزلت جديده هنا لي أيام يا دكتورة
سلمى_اهااا .. عموماً انا سلمى
الممرضة_حلوو .. حابّة اقول ليك انو د.امجد بحبك
سلمى_ا ا انا؟؟؟
كيف يعني ده كلام شنو؟؟الممرضة_ايوه عديل .. اول ما البنج فكَّ نادى بإسمك وكان بردد فيهو وقال : انا عاوزها يا أبوي وحبيتا من لحظة كانت سايقة العربيه ومبتسمة .. وتاني سكت
سلمى_انا ....بس .... لكن ....
الممرضة_تفهمي ما تفهمي مشكلتك
بالإذن .. اهاا معليش قبل امشي ياريت تدخلي عليهو لأنو حا تخففي عنو 
عن إذنك 
ومشت الممرضة وخلّت سلمى محتارة ..جات متاب وسألتها مالك مخلوعه كده والممرضة دي كانت بتقول ليك في شنو؟
سلمى_ انا ؟؟ منو؟؟ الدكتورة؟؟ مالا؟؟؟
متاب_بسم الله مالك يا سلمى؟؟ في حاجه؟؟ امجد كويس؟؟
سلمى_اي كويس الحمدلله قالت كويس الحمدلله هو كويس
متاب_سسسسسسسسلمى؟؟؟ يابت مالك؟؟؟
سلمى_ماف حاجه يا متاب .. الدكتورة دي ما عندها موضوع بتكون سمعت الكلام ده غلط بس
متاب_كلام شنوو؟؟؟؟؟
سلمى اتخلعت من الكلام القالتو وحاولت تسعف الموقف..
سلمى_كلام الدكتور .. انو حالتو خطرة .. هو كويس اسي وصحى .. متاب انا حا ادخل اشوفو
متاب_طيب وانا حا اجي معاك ..
ابو متاب_متاب تعالي .. خلي سلمى تدخل براها عشان الزحمة وابوهو جوة كمان .. بعد يطلعو ندخل نحن نشوفو ..
سامي قرّب منهم_مالكم؟
ابو متاب_سمعت سلمى قالت دايرة تدخل ومتاب كمان فقلت ليهم تدخل واحده عشان ما نخلعو ذاتو ول شنو؟؟
سامي_خلاص ادخلي انتي يا متاب عشان زميلك وكده ..
متاب_حاضر .
متاب مشت لمّن قربت تصل باب الغرفة جات راجعه مسكت سلمى من يدها قالت ليها ادخلي انتي ..
سامي وابوها_مالك جيتي؟
متاب_ساي بس .. ادخلي يا سلمى .. انا بدخل مع ناس ابوي..
سلمى كانت مستغربة من تصرّف متاب بس قالت لأنو احتمال امجد لو شافها يتذكر الحادث ويتعب
دخلت سلمى وشافت امجد وابوهو من بعيد ابتسمت وقرّبت منهم ..
امجد حاول يرفع رأسو بس ابوهو ثبّتو وهمس ليهو في اذنه "لا كمان براحه يا ولدي" وبقو يضحكو ..
سلمى خجلت
وسلّمت على امجد وقالت ليهو حمدلله على سلامتك يا دكتور..ابو امجد_والله يا بتي لو ما انتو ما عارف كان ممكن يحصل لي شنو
سلمى_معقول يا ابوي ده واجبنا
امجد_سلمى
ربي يسلمكابو امجد_احم كدي انا اطلع اطمّن الجماعة ديل
سلمى_لالا انت خليك معاهو .. يا دكتور.. اها حاسي روحك كيف ؟؟
امجد_الحمدلله كويس.. ما حاسي بأي ألم بس صداع خفيف كده بجي وبروح..
سلمى_الحمدلله
ابو امجد_انا بمشي اطمنهم خليك معاه يا بتي
امجد_اي يا ابوي طمّنهم ..
وطلع ابو امجد وخلى سلمى بتمتم وبتقول لا لا خ خ خليك انت انا بم بم بمششي
امجد_تعالي اقعدي هنا يا سلمى ..
سلمى_انا؟ احم طيييب ..
ومشت قعدت في الكرسي جنبو
امجد_سلمى شكرررا شديد
سلمى_هه معقوله على شنو ياخ..
امجد_على حاجات كتيييرة انا كنت ما منتبِه ليها وانتبهت ليها بفضلك
سلمى_العفو
امجد_ابتسامتك
سلمى وشها اتغير واتذكرت كلام الممرضة وبدت تتوتر
سلمى_ الحمدلله انك اسي بخير وربنا كده يعني
امجد_سلمى ...
سلمى_اي الحمدالله
امجد_سلممممممى...
سلمى_ايييوووووه
امجد_يا سلمى
سلمى_نع..
جات متاب داخله ومعاها سامي ..
سامي_ابو المجد
ياخ الف حمدلله على سلامتك ..متاب_اححم احم.. حمدلله على سلامتك يا دكتور
امجد_ربي يسلمكم وجزاكم الله خير
سلمى عملت فيها تلفونا رنّ وطلعت منهم ..
سامي_اها اسي كيف وكيف يا مان؟
امجد_حا اكون كيف ودمك جاري فيني
سامي_ههه الكلمّك منو
امجد_ابوي
سامي_هههه يلا لازم تبقى لينا كويس ..
امجد_ان شاء الله
متاب_اسي حاسي روحك احسن؟
امجد_والله يا جماعة انا كويس حاسي بدوشة كده خفيفه وحبة صداع بروح وبجي.. لكن الحمدلله يا متاب
متاب_الحمدلله.. اخليك تاخد راحتك .. ابوي وابو سلمى حا يجو يطمّنو عليك ..
امجد_طيب
وطلعت متاب وسامي مسك يد امجد
سامي_امجد
ابقى الصمود يا اخوي.. نحن كلنا معاك وجنبك امجد_الحمدلله عليكم على قول ابوي ..
وجو داخلين ابو متاب وابو سلمى ..وسلّمو على امجد وقالو ليهو حمدلله على سلامتك ..
امجد_اعفو لي ياخ .. تعب الشغل وبقى عليكم سهر معاي في المستشفى
..ابو سلمى_والله يا ولدي انا ما بعرفك لكن ارتحت ليك لوجه الله
امجد_اقدر اقول عشان الدم بقى واحد وكده؟!
ابو سلمى_هههههه لا والله العفو ياخ.. اصلا الجماعة ديل كانو بحكو لي عنك من قبيل ..
سلمى لمّن طلعت برة وقفت على الحيطة وبقت تتذكر كلام الممرضة وكلام امجد بقت خايفه وحست بالتوتر .. قالت معقوله اتأثر كده ؟؟ يعني انا من الله خلقني ماف زول أثّر فيني والاولاد ديل بشوفهم حاجه كده كعبه
وما بدي اي زول فرصة في حياتي.. معقوله؟وعت لروحها وقالت ده ما وقتو ياااخ
ومشت لقت متاب قاعده في الارض..سلمى_متاب مالك ؟؟
متاب_حاسة بالذنب يا سلمى
سلمى_انتي حا تقعدي كل دقيقتين تقولي كلامك ده؟؟؟
متاب_لكن عايني امجد عامل كيف؟؟!
سلمى_امجد مالو الحمدلله كويس .. ول خييييير يا متاب
متاب_الحمدلله.. الاتصل ليك منو لمّن طلعتي؟؟
سلمى_انا ؟؟ متين؟؟
متاب_قبل شوية .. في الغرفة ..
سلمى_ايواا.. ده منبه
قلت اتصل على ناس اميمتاب_اممم طيب.. انا ضربَت لي أمي وقالت انو خالتو سوسن قابلتها بالحيطه وحكت ليها الحاصل ..
سلمى_اي انا اسي دايرة ارجع ليهم
متاب_طيب تمام .. سلمى انتي كويسه؟؟
سلمى_انا؟ اي الحمدلله
متاب_ما عاجباني ياخ
سلمى_الحممدلله .. بحكي ليك بحكي ليك