رواية العوض الجميل
الفصل الثلاثون30
بقلم مناسك موسي
قريب وقت النبّاه الأول ابو سلمى وابو متاب كانو نايمين في مكتب الدكاترة ..وابو امجد راقد جنب ولدو في الغرفة ..متاب وسلمى وسامي صاحيين وقاعدين في كراسي قدام غرفة الطوارئ مرّ الدكتور على امجد وقال حفاظاً عليهو يقعد في المستشفى يومين.. الصباح اصبح .. ام متاب وام سلمى ووائل وجابو معاهم الشاي .. دخلو المستشفى وسلّمو على ابو امجد وكفّرو ليهو وما قدرو يدخلو لأمجد لأنو نام متأخر ...شربو الشاي معاهم وقعدو شوية ..ابو امجد طلب من ابو متاب وابو سلمى يرجعو البيت يرتاحو شويه ويمشو الشغل .. في الاول رفضو بس هو أصرّ عليهم في النهايه اتحركو سامي قال لأبو امجد انا بسوق البنات ديل معاي البيت وبجيبهم راجعات اسي يكونو معاك .. والمساء نحن بنجي بي هنا ان شاء الله ..
ابو امجد كان عاجز عن التعبير والفرحه كانت باينه في عيونو
مشت متاب وصّت ممرضة بتعرفها على امجد وابوهو لحدي ما هي ترجع ..
دخل امجد على ولدو وكان بعاين ليهو وهو نايم زي الطفل
وبدعي ليهو ربي يشفيهو ناس متاب رجعو البيت رتبّو امورهم .. وام سلمى وام ومتاب جهزّو الفطور والغداء لناس متاب يشيلو معاهم المستشفى ..
متاب كانت بتدخل وبتمرق وحاسه انها ما طبيعيه ..
أما سلمى ضغطت على روحها ووقفت في زاوية من زوايا بيتهم وقالت انا لازم اتجاوز واتناسى .. ده مجرد كلام عابر ما ممكن يأثر فيني كده ويخلي كل الناس ملاحظة لي .. بعدها رجعت شبه طبيعيه
جهزو الاكل في بيت ناس متاب ...
ومشو الرجال الصالون فطرو سوا .. ابو متاب فطر وقال لأبو سلمى بعدين المساء نتلاقى في نفس الشارع عشان نمشي للمستشفى سوا .. وطلع بالمواصلات لأنو زمنو اتأخر ولأنو سامي وابوه حا يوصّل ناس متاب للمستشفى اول ..
متاب ودعّت ناس امها وحبوبتها وحمودي وطلبت من وائل يركّز في قرايتو ويسجّل كل حاجه غلبتو لحدي ما تلقى زمن وترجع ليهو ...
سلمى بهناك وصّت سماهر على التركيز برضو وقالت ليها اقرب وقت حا اجي اراجع ليك
وطلعو الاتنين مع سامي وابوه ..
في الطريق متاب سألت سلمى ..
متاب_انتي يا سلمى فصيلة دمك شنو؟؟
سلمى_O- مالك ما عارفاها؟؟؟
متاب_بنسى والله.. وسامي برضو ؟!
سلمى_اااي .. كلنا يا بت .. اصلا الحاج والحاجه O-
متاب_صاح صاح والله اتذكرت
سلمى_يا متاب انا صراحة دايراك في موضوع والله بس ما عارفة ابدأ ليك من وين ومتين ؟؟
متاب_خير يارب.. انا كمان دايراك
سلمى_خشششبة طيب ..
سامي عاين ليهم بالمرايا ..
سامي_يشهد الله مواضيع مواضيع
متاب_احم .. انت بالك معانا بالله
ابو سلمى_انا سامع صوت سلمى بتي بس غايتو
سلمى_انتو يا جماعه انا صوتي عالي للدرجه دي؟؟
سامي_رادي بس
ورجع سامي بالكرسي شوية ورا وهمس ليها الله يستر من البقول دايرك لو داير يتفاهم معاك ساي بالتلفون الحلة كلها حا تسمعك ..
متاب_هههه اي والله فضيحه خلاص
ابو سلمى_بتقولو في شنو انتو؟؟
سامي_كلام شباب ياحاج
ابو سلمى_قصدك شنو يا سامي اااا؟؟؟؟
سامي_لا العفووو
سلمى_ما بتتجازف يا سامي
خلاص اعترف بسابو سلمى_ما داير اعرف ذاتو يلا حردت
سامي_ابرد لي يا حاج
سلمى_ابوي اسفين ياخ والله بنهظر ساي .. بابا ما تزعل مننا
ابو سلمى_عشان كلمة بابا دي ....... حا ازعل
متاب_هههه
الله يديك العافيه يا عمي سلمى_كويس .. انا بقول ليك كلمة بابا دي عشان انت بتحبها
ابو سلمى_اسي خليتا داير ابوي بس
سلمى_سمح يابا .. اها كده كيف؟؟
ابو سلمى_انزلي انزلي مش دي صيدليتك يلا ..
سلمى_بس يا ابوي نحن ماشين المستشفى ..
ابو سلمى_اهااا صح والله ..طيب اقيف ليهم هنا يا سامي.. وبالله تاني اعملو حساب الظلط يا السمحات..
سلمى ومتاب_حاااضر
ونزلو الاتنين ونزلو الحاجاات .. سلمى فتحت باب ابوها القدام وسلّمت عليهو في رأسو .. ابتسم ليها وسلّم عليها في يدها
سلمى_اكيد رضيت صح...
ابو سلمى_الحمدلله الله ابتلاني بي اولاد معاقين ف حا اصبر
متاب_يلا يا عمي
والله يصبرك عليهم..سلمى_عان متاب .. كويس يا كلبة
تاني القي ليك صحبة بسسامي_انتو عارفين ابوي بهظر معاكم ياخ..
ونزل سامي وقال لأبوهو خليك في العربيه ادخلّهم بس واجي ما بتأخر .. ودخل مع متاب وسلمى ولاقى ابو امجد وسألو عنه بقى كيف؟.. اطمّن عليهو وطلع منهم...ومشى ركب العربيه وطلعو على المعرض..
متاب و سلمى كانو واقفين مع ابو سلمى قدام الغرفة.. سلمى سلّمت عليهو وسألتو عن امجد صحى ول لا ؟ قال ليها خليتو نايم .. وطلب من متاب تشوفو وتقعد معاه شويه .. ودخلت متاب وخلّت سلمى واقفه مع ابو امجد جنب الغرفه
ابو امجد_الله يجزيكم خير يا سلمى يا بتي ..
سلمى_العفو يا ابوي نحن ما عملنا إلا الواجب
ابو امجد_انتي وابوك واخوك وجيرانكم قدمتو لي جميل عمري ما حا انساه يا بتي
سلمى_معقووله عيب الكلام ده .. نحن ما عملنا شئ والله
ابو امجد_الزيكم ده يا بتي الزمن ده نااااادر
وجيرتكم ذاتاا ناااادرة ما شاء الله ربنا يحفظكم سلمى_تسلم يارب ... واللهم اميييييين ان شاء الله
ابو امجد_داير اسألك يا بتي معليش السؤال ما وقتو لكن ما قادر اصبر والله ..
سلمى_اتفضل .. ماف مشكلة ..
ابو امجد_انتي مخطوبة او مرتبطه؟
سلمى بي خلعه
_ اناااا؟؟؟؟ابو امجد_ااي انتي .. معليش قلت ليك السؤال ما وقتووو بس ضروري اسمع اجابتك ..
سلمى_اناا .. يعني .. مااا ... لأ
ابو امجد_الحممممدلله يا بتي الحمدلله
سلمى_ اااا
ابو امجد_سلمى خلي امجد يقوم بالسلامة وحا نفتح معاك الموضوع ده
سلمى_لالا يا ابوي موضوع شنو ؟؟ انا اصلا قافلة المواضيع ده ومااا لي فيها ..
ابو امجد_ليه عشان متاب؟؟؟
سلمى_متاب؟؟؟ دخلها شنو متاب
ابو امجد_عشان امجد في البداية كان معجب بيها؟؟؟
سلمى_ااا لالا ..صراحة ايوه
ابو امجد_طيب لو قلت ليك السر ده عندي انا
سلمى_عندك شنووو ؟؟ دقيقه يا ابوي تعال نقعد انا والله ما قادرة اقيف ...
وهم ماشين يقعدو سلمى كان قلبها بضرب بسرعه وكانت خايفه ...
ابو امجد_طيب تعالي اشرح ليك الحصل يا سلمى.. كل الحصل انو فعلا امجد ولدي كان أُعجب بي متاب اول ما شافهاا وفكّر فيها كزولة لي قدام ..
سلمى_ اهاا
ابو امجد_وكان الاعجاب من طرف واحد .. والاهتمام من جانبه هو بس
سلمى_وانت عرفت من وين؟؟؟
ابو امجد_يا سلمى .. امجد ولدي الوحيد .. انا ليهو اب وام واخ وصاحب وصاحبه وكل شئ
امجد بعد وفاة أمو اتغير شديد وبعدها بي فترة كان فسخ خطوبتو فدخل في حالة نفسية وصراع مع نفسه .. فاضطرينا سافرنا سوا الامارات وغيّرنا جو ..وهناك شغل نفسو في مجال غير مجالو كلو عشان يتناسى ..سلمى_يا الله ياااخ .. ربي يرحمها ان شاء الله
ابو امجد_اللهم امييييين يا رب
فالمهم بعد نزل الصيدلية هنا .. لسه كان متألم.. لمّن شاف متاب ابتسم للحياة من جديد وقال لي انو زرعت جواه أمل جديد ..سلمى_سبحان الله
ابو امجد_امجد يا سلمى حياتو اتغيّرت بعد نزل الصيدلية .. وحتى تعاملو معاي اتغيّر
سلمى_كيف؟؟
ابو امجد_بقى قريب لي شديد .. وطلعنا يوم كان اتعشينا مع بعض وحكى لي كل الحاصل والحصل معاه في الصيدلية من بداية نزولو .. وحسيت بيهو اتقرّب مني شديد ...
سلمى_يا سلاااام ياخ
ابو امجد_ويوم جيتي ووصلتيهو البيت نحن باقي الليل كلو شلناه كلام عنك ..
سلمى_ان شاء الله خير ..
ابو امجد_خيير .. في نفس اليوم داك حكى لي انو شاف بطاقة لمتاب
سلمى_بطاقة لمتاااب؟؟؟
ابو امجد_ايوه وكان داير يسألا اذا مرتبطه او لا بس اتعاملت معاه بي برود .. ومشت وخلّتو واقف.. وقعت منها بطاقتها من الشنطة وما انتبهت ليها .. لمّن شافها وقرأ تفاصيلها لقى فصيلة دمها O+ وهو اصلا كان عاوزها كزوجة وام اولاد ليهو .. وقال لي انو الفصيلتين ديل مع بعض ما بنجبو اطفال
فكان زهجان بعدها وحسّ بالخذلان ومشى وراكم بالعربيه وشاف متاب بالقزاز بتدمع ..سلمى_ايواا صح ..
ابو امجد_وبي سببها صدّع وما قدر يتوازن ..وحصل الحصل
سلمى_كلامك صح والله يا ابوي
ابو امجد_امجد ما خبأ عني حاجه قلت ليك ..
سلمى_سبحانك ربي..
ابو امجد_فقال لي انا يوم سلمى الجات وركبت معاي العربيه حسيت بي قوة جذب ما طبيعيه اتجاهها .. وكانت مبتسمة وخيالي مشى بعيييد لمن كنت راكب معاها واتمنيت لو المسافة ما تخلص.. وحتى الصداع الكان حاسي بيهو راح في اللحظة ديك .. ولمّن حكى لي كل الحاصل ده قلت ليهو استخير ..واستخار ومن الصباح قال لي انا مطمّن جدا
وقلت ليهو عيد وكرر ما معروف القدر يكون كاتب ليك شنو..سلمى_ اممممم ...
ابو امجد_واسي قبيل عرفت من ابوك انو فصيله دمك كمان O- فرحت شديد والله
وقلت ان شاء الله تكوني
العوض الجمييلليهو بعد الخذلان العاشو ده يا بتي ..
سلمى_والله يا ابوي ما عارفه اقول ليك شنوو بسسس
متاب جات طالعه وقطعت ليهم كلامهم وقالت لأبو امجد انو امجد عاوزك ..
ابو امجد عاين لسلمى وابتسم معاها ومشى منها