رواية العوض الجميل
الفصل الرابع والعشرون24
بقلم مناسك موسي
طلعو الطابق التاني ومتاب من شافت منيب بقت ترجف من غير ما تشعر... سلمى حسّت بيها ومسكتها من يدها ومشو على مهاب ..مهاب_اهلاً بيك يا دكتورة
اتفضلو اتفضلومتاب_تسلم يا مهاب..
منيب كان واقف بعيد وباين عليهو التوتر برضو ...
سلمى مع متاب" بهمس"_يختي منييييب ذاتوو متوتر ... عايني يدينوو.. ياربي يكون داير يقول شنو؟!
متاب ردت ليها_بري والله بس انا قلبي بقى بضرب..
سلمى_اخدي نفس عميق وحاولي تكوني ريلاكس...
مهاب_ياا دكتورة ما عرّفتينا على صحبتك
..متاب_عفواً.. دي سلمى صحبتي ودكتورة صيدلانيه برضو
مهاب_واو
ما شاء الله تبارك الله اتشرفنا يا دكتورة سلمى ..سلمى_لي الشرف ...
متاب_ وده مهاب يا سلمى
مهاب_هي بتكون عارفه طبعا القصه
متاب_ههه اي صح
مهاب_اتفضلو اقعدو يا دكتورة .. تعال يا منيب...
منيب جا وسلّم من بعيد .. وقعد قصاد متاب ومهاب جنبو ..
منيب_تشربو شنو يا دكتورة متاب
متاب_اي حاجه ما مشكله
مهاب_اجيب ليكم على ذوقي؟؟
سلمى_متاب عن اذنك دقيقه د.ايمان دي ضاربة لي اشوفا واجي تمام ؟
متاب_طيب ما تتأخري
سلمى مشت ترد .. ومهاب مشى يطلب من الطابق التحت ..
منيب صلّح قعدتو وعاين لمتاب في عيونا..
متاب اتوترت وطلّعت مناديل وبتحاول تخفي توترها..
منيب_متاب كيفك بخير؟؟
متاب_الحمدلله ..
منيب_ااااا اممم ..احم اححمم .. انا يا متاب حا ادخل ليك في الموضوع طوالي..
متاب_اااااا اا اتفضل ..
منيب_متاب انا متوتر والله وما حصل في حياتي اتوترت كده
فعشان ما اجرجرك في الكلام وقدام صحبتك ما بقدر اتكلم .. فا حا اقول ليك انا عاوزك في شنو؟؟متاب_طيب تمام اتفضل..
منيب_يا متاب صراحة انا عاوزك على سنة الله ورسوله
متاب_نعم ؟؟؟
منيب_والله يا بت الناس انا من اتكلمتي معاي بالتلفون في الصيدلية انا اليوم كلو بفكّر فيك .. ولمّن كلّمت مهاب اتجاهلني في الاول.. بس صراحه يا متاب صوتك ما غاب عني ولا لحظة ولدرجه اني يومياً بشوفك في منامي ومنها بصحى لصلاة الصبح
متاب_بسس لكن يااا
منيب_عارف .. وعارف ردك حا يكون شنو.. اي انا لا بعرفك لا انتي بتعرفيني
وحتى انا فكّرت في كلامك العاوزة تقوليهو ده .. بس لمن اترددتي علي كتييير كده بقيت بستخير وكل يوم بطمئن اكتر وحكيت لأمي ولمهاب..متاب_ما عارفه اقول شنو...
منيب_ما تقولي حاجه ... دعوات امي شكلها استجابت
متاب_نعم؟؟؟
منيب_حكيت لمهاب بالبحصل لي هو ما قصّر كمان وبقى يوصِّف لي وتعاملك كيف مع الناس وابتسامتك الجميلة
متاب_
ده واجبي ما اكتر..مهاب جا فوق وشاف سلمى ماشة على ناس متاب وقّفها وبقى يسأل فيها اسئلة عشان يشغلها لأنو عارف منيب متوتر وامكن ما يقدر يتكلم قدامها..
منيب_متاب .. انتي مرتبطه او مخطوبة؟؟ معليش االسؤال ده كان مفروض يكون من البداية بس والله طار كل الكلام الكنت مرتّبو
متاب_ انا انا .. انا لا مرتبطه لا مخطوبة .. ولا مفكّرة اصلا في الموضوع ده ..
منيب_ليه؟ عندك اسباب معينه؟؟؟
متاب قامت على حيلها لأنها اتذكرت مؤيد والوجع والخذلان
منيب وقف برضو وقال ليها _ااسف اذا السؤال ضايقك
متاب_ماف مشكله ... وانا اسفه كمان.. وربنا يسعدك ..
مهاب لمن شاف منيب ومتاب واقفين هو وسلمى مشو عليهم .. مهاب مسك منيب وسلمى سألت متاب واقفه مالا..
متاب_يلا يا سلمى..
مهاب_ده شنوو ؟؟ ليه الحاصل شنو يا دكتورة كدي قولي بسم الله..
متاب_مافي شئ يا مهاب .. وانت عارف كل شئ
سلمى_كدي اقعدي يا متاب مالك ؟؟
مهاب_كدي اقعدي على قول صحبتك وخلينا نتفاهم مع بعض..
قعدو كلهم .. وجا السيرفس قدّم ليهم العصير ومشى..
مهاب_يلا يا جماعه نشرب العصير ونتفاهم برااحة ..
متاب_انا ما عاوزة شكرااا..
سلمى قرصت متااب وهمست ليها_عايني حركات الجامعه دي خليها بطّلي حركات بقينا كبار.. خلينا نشرب ونشوف الحاصل شنو
اوعك تتعولقي لي عارفاك انا ما بتعرفي تتعاملي مع المواقف دي
مهاب_ههه باين سلمى دي صحبتك شديد يا دكتورة متاب
متاب_سلممى اكترررر من اخت وصديقة هي كل شئ بالنسبة لي
منيب_ربنا يحفظكم
سلمى_اللهم امييين
مهاب_اشربو اشربو يا جماعه عشان ما تتأخرو على مواعيدكم... دكتورة سلمى انتي شغاله برضو؟؟
سلمى_ايوه شغاله دوام مسائي برضو في الصيدلية التحت دي
مهاب_
يا سلام.. ما شاء الله تبارك الله ... حتى الشغل قريبين مع بعض..متاب_الحمدلله .. ربنا عالم بعلاقتنا نضيفة لأي مدى والحمدلله ما حصل اتفرقنا من يوم اتلمينا
وان شاء الله ما نفترق..سلمى_اللهم اميييييين
مهاب_الحصل شنو يا منيب كنتو واقفين ليه؟؟؟
منيب_حكيت ليها الحاصل بس
وهي رفضتمهاب_ليه يا دكتورة؟؟؟
سلمى_معليش ممكن افهم الحاصل اذا ماف احراج؟؟
منيب حكى ليها الحاصل ..
سلمى_اممممم ..
منيب_ده كل الموضوع وانا والله يا دكتورة سلمى لا بتاع لف ولا دوران انا عاوزها عديل ..
متاب_انت ما بتعرف عني اي حاجه.. وبتقول عاوز تتزوجني ؟؟؟
مهاب_وكل الناس البتزوجو ديل بعرفو بعض؟؟؟
منيب_ما كده بس ..انا في حاجه جاذباني ليك بقوة يشهد الله .. من سمعت صوتك بس انا قلبي رفّ مع اني لا شفتك لا بعرفك غير انك كنتي بتسألي فيني وانا بجاوب واتمنيت الاسئلة ما تخلص..
مهاب_حكى لي يا دكتورة والله الكلام ده وهو ما شافك حتى .. بس كان مُصر يجيب لي سيرتك واصرّ يجي الصيدلية ويشوفك
وجينا كم مرة ما لقيناك متاب_ كلموني فعلا...
منيب_المهم انا عاوزك بس .. سلمى قولي حاجه
سلمى_والله ياخ شوف يا منيب ويا مهاب ... كل حاجه قسمة ونصيب طبعا
واذا ليك قسمة يا منيب بتاخدها ان شاء الله متاب_بس يا سلمى ..
سلمى_من غير بس يا متاب.. دي حاجه عند ربنا.. وامكن تكونو من نصيب بعض .. في النهايه العاوزو ربنا حا يكون ان شاء الله
مهاب_الله عليك يا دكتورة
والله ما قصرتي تبمنيب_انا موافق وراضي بقدر ربنا وقسمتو لي
بس عملت العلي.. واستخرت الحمدلله بعدها جيتسلمى_خير وبركة
هي ذاتا تمشي تستخير ونشوف البحصل شنو .. جميل؟؟منيب_عاجز عن شكرك يا دكتورة.. ويا متاب انا اااسف لو ما قدرت وصلّت ليك الموضوع بالطريقة المطلوبه..
متاب_لالا عادي
مهاب_اضحِكك يا متاب.. الود امس من شافك اليوم كلو غير سيرتك ما جاب والليل كلو ما نام وساقني معاه البيت عشان اكون معاه.. ويعمل في بروفات .. ياخ انا بي سببو اسي نعسان نعاس.. مقعدني في تربيزة وبتكلم معاي كأني متاب
وانا من النعاس ما قادر ارد ليهو .. وهويشيل ويجيب لي في الموية.. وانا متأكد بعد ده كلو ما حا يكون قدر اتكلم بالطريقة المطلوبةصح يا دكتورةمتاب وسلمى كانو بضحكو ومنيب كان مركّز مع متاب وضحكتها
سلمى_التوتر كان ظاهر شديد
منيب_ياخ ما تشغلوها لي
متاب_انا كمان كنت متوترة فاعفي لي لو وترتك
منيب_لا ابدا ماف اي توتر
سلمى_ربنا يكتب الفيهو خير .. ويا منيب انت تاني امشي استخير .. ومتاب تستخير ولو في نصيب اكيد ماف شئ حا يقيف في طريقكم
منيب_حااااضر
..مهاب_ربنا يسوي الفيهو خير..
سلمى_خلاص .. ان شاء الله اسبوع كده وبنديك رد يا منيب تمام؟؟
منيب_حاضر
سلمى_يحضرك ليك الخير.. نحن نستأذن وقتنا جا يا شباب ..
مهاب_اتفضلوو وفرصة سعيده ان شاء الله
سلمى_نحن الاسعد .. يلا
متاب_سلام عليكم
وطلعو متاب وسلمى ونزلو تحت ..
متاب_سلمى؟؟؟؟
سلمى_عايني ولاااا كلمة .. انا د.ايمان منتظراني في الصيدلية ..نتلاقى بعدين ..وواصلي يومك عادي بنتفاهم طيب
يلا...متاب_حاضر .. يلا