رواية العوض الجميل
الفصل الخامس والعشرون25
بقلم مناسك موسي
واتجهت متاب على المستشفى .. سلمى وهي قاطعه الظلط تلفونا رنّ...عاينت للرقم لقتو امجد ردّت عليهو ...
امجد_يادكتوره نهارك سعيد..
سلمى_اهللييين د.امجد كيفك؟؟
امجد_الحمدلله .. وووين انتو ؟؟
سلمى_وصلنا الصيدلية ..
امجد_كيف؟ طلعتو بي وين؟؟؟
سلمى_كان عندنا مشوار كده انا ومتاب واسي وصلنا .. هي مشت على المستشفى وانا قطعت الظلط اسي وماشه على الصيدلية.. انت وين؟؟
امجد_انا منتظركم قدام البقالة .. وقدر ما عاينت ليكم ما شايفكم..
سلمى_انت جااادي ؟!
امجد_اي والله .. لكن خير يا زولة
سلمى_اممم تماااام
امجد_يلا سلام
سلمى_تسلم ..
قفلت الخط وبقت مستغربة وقالت معناها امجد ده قاصد كل وقفاتو الكان بقيفها لمتاب..دخلت الصيدلية وسلّمت على د.ايمان ود.امل ..
متاب وصلت الصيدلية وكان بتفكر في كلام منيب
واول ما دخلت لاقاها د.عبدالله وسلّم عليها..
د.عبدالله_متاب .. بتي ازيك كيفك؟؟
متاب_ اهلين يا دكتور .. الحمدلله تمام
د.عبدالله_الليله وييين رفيقك؟؟ مالكم ما جيتو سوا؟؟؟
متاب_رفيقي منوو؟؟؟ اهااا د.امجد.. الليله ما اتصادفنا والله.. مرات بنتلاقى في الشارع بس
د.عبدالله_ايواا.. غريبة هو ذاتو الليله اتأخر.. ان شاء الله عافيه
متاب_اللهم اميييين
د.عبدالله_اميييين؟؟
متاب_قصدي اي ان شاء الله يكون عافيه بس
د.عبدالله_الليله مااا عاجباني يا متاب .. كويسه انتي؟؟
متاب_الحمدلله كويسه ماف شئ ابدا يادكتور..
د.عبدالله_ان شاء الله دايما كويسه يا بتي.. اها انا طالع تمام .. لو د.امجد اتأخر اتصلي علي تمام ؟!
متاب_اتذكرت
امس د.امجد ده كان مصدع ونحن راجعين حتى عمل حادث لكن الحمدلله طلعت سليمة د.عبدالله_
معقووولة لكن يادكتورة .. طيب ما كان تتكلمي من قبيل..حادثمتاب_معليش يا دكتور نسيت والله
بس هو كويس ما حصل ليهو شئد.عبدالله_خيييير..انا حا اتصل عليهو اشوفو مادام كده .. لكن انتي الليله ما من عوايدك..
متاب_الحمدلله بس.. معليش يا دكتور والله اتذكرت اسي ..
د.عبدالله_ماا اشكال.. كويس انك اتذكرتي
متاب_ااااسفه
د.عبدالله_مادام الاسف يا بتي .. خلاص..
واتصل د.عبدالله على د.امجد ..
امجد شاف المكالمة وقال معناها اكييد عاوز يشوفني اتأخرت ليه.. المسافة قريبة ما حا ارد..
د.عبدالله_يا متاب .. د.امجد ده ما برد .. ان شاء الله بس يكون كوييس.. لو رجع ليك كلميني تمام .. يلا انا طالع وراي مشاوير..
متاب_حاضر
د.عبدالله طلع ونسى مفتاح العربية في الصيدلية .. جا راجع تاني..
سلمى في اللحظه دي اتصلت على متاب تسألها عن استخدام دواء ..
متاب_اي يا سلمى ..
سلمى_اسمعيني ....
متاب_ايوه ده الاستخدام الصحيح تاني حسب رأي الدكتور لكن ده المفروض..
سلمى_الدكتور ما حدد في الروشته اي شئ
متاب_خلاص بس القلتو ليك ..
سلمى_حلوو.. يلا ركزي في شغلك تمام ..
متاب_سلمى طبعا واااخجلتااه .. امجد من امس ما رجعت ليهو ولا شفتو بقى كيف؟!
سلمى_في حين انو لمن كنتي مصدعه جاني في الصيدلية عشان يطمن عليك ..
متاب_واااي .. اي والله.. لكن يا سلمى
انااسلمى_لكن انتي ما فاضية صاح
يلا هو جاي على الصيدلية..متاب_جايي؟؟؟ هو ما برد على تلفونوو .. اتصل عليهو د.عبدالله اسي ما ردّ .. عرفتيهو كيف؟؟
سلمى_شايفاه قدامي اسي بي عربيتوو ..
متاب_اسي اسسي؟؟
سلمى_اااااااي.. ودخل المستشفى ..
متاب_اسي اعتذر ليهو ول اعمل شنوو .. دي شنو الكوابيس دي ياخ
سلمى_يلا يلا.. قولي ليهو اي شئ.. تلفوني قفل .. او اي عذر .. انا داخلين علي ناس يلاااا
متاب_تمام .. يلا .. لبعدين..
د.عبدالله جا شال المفتاح .. وهو طالع اتصادم مع د.امجد...
د.عبدالله_ياااااا دكتور
ياخ الف سلامة ليك والحمدلله جات سليمة ..د.امجد_تسلم يا دكتور.. معليش لمن اتصلت علي انا كنت قريب فقلت اجي داخل مرة واحده
د.عبدالله_انا والله الا كلمتني متاب بموضوع الحادث وقالت انك كنت مصدع و و
د.امجد_اي والله كان صداع وعدم تركيز وغايتو الحمدلله بس..
د.عبدالله_يا زول سلامات ليك وبركة الطلعت منها.. وتاني وانت مصدع ما تسوق لانو خطر شديد
د.امجد_ان شاء الله ..
د.عبدالله_سبحان الله كان مفروض تلاقيني طلعت بس نسيت مفتاح العربية..
د.امجد_ههه معقول ..بركة اللاقيتك يا دكتور
د.عبدالله نادى على متاب الكان معاها مريض بصرف في الدواء
د.عبدالله_يلا يا د.متاب .. د.امجد جا وانا مشيت ...سلام
متاب_ربي يسلمك ..
متاب من شافت امجد عاين ليها ورفع ليها يدو من بعيد .. حست بالخجلة وبقت تتكبكب وما ركزت صرفت للمريض دواء غلط
امجد لاحظ لتوترها وسأل المريض العلاجات دي ليهو ؟! المريض قال ليهو ايوا ..قال ليها ركزي يا دكتورة.. لمن انتبهت للدواء الشايلاهو في يدها لقتو حق اطفال .. اعتذرت للمريض وصرفت ليهو الدواء الصح..
متاب_د.امجد كيفك وصحتك؟
امجد_الحممدلله يا دكتورة ..
متاب_كيف بقيت؟؟؟
امجد_كويس يا دكتورة متاب قلت ليك
متاب_انااا .. معليش .. اسفه
امجد_على شنوو؟؟
متاب_كنت عاوزة اتصل عليك لكن..
امجد_لااا ولا يهمك عادي.. انا اصلا ما منتظر اهتمام من زول
متاب_بسس يا
امجد_واصلي يادكتورة .. معاك مريض ..
متاب في نفسهاا اخخخ من غباءك ياخ
ما بعرف اتصرف انا.. اسي كان مفروض اقول ليهو كده ؟؟ اعتذر ليهو تاني ول حا يحرجني يا اللهامجد_ياا دكتورة انتي مالك الليله؟؟؟ ابوي ده مادي ليك الروشته .. استلميها منو على الاقل..
متاب_يااا لطيف... معليش يا عمي.. معليش
وصرفت ليهو الدواء بس ما كانت مركزة خالص وامجد ملاحظ للحتة دي