رواية العوض الجميل
الفصل السادس والعشرون26
بقلم مناسك موسي
انتهت ساعات العمل الكانت كلها شتات بالنسبة لمتاب وجا وقت الرجعه .. متاب طلعت قبل امجد وكان كل همها ترجع البيت بس .. امجد طلع وراها بسرعه وركب العربيه وطلع بالباب الخلفي للمستشفى ووقف قدام صيدلية سلمى ..سلمى وامل قفلو الصيدلية وامل لقت مواصلات على طول ركبت.. سلمى شافت متاب قاطعه الظلط وما منتبهه للشارع.. وفي شاحنة كبيييره جاية على اتجاه متاب.. سلمى صرخت بأعلى صوت .. متااااااااب لاااااااااااا
امجد نزل من العربية وجرى على الظلط ودفر متاب ورا والشاحنة كانت ماشه بسرعه وضربت امجد
متاب في اللحظة ديك انتبهت لروحها وبقت تصرخ امجد لااااااا
سلمى كانت واقفه في مكانها وبتعاين لمنظر متاب الواقعه في طرف الظلط وامجد الاتدمم وواقع في نص الظلط
لمن شافت الموقف ده جات واقعه في الارض .. الناس اتلمو حولهم في بنات رفعو متاب وبنات رفعو سلمى ورجال رفعو امجد الكان بنزف دم
ودخلو بيهم المستشفى غرفة الطوارئ الدكاترة الشغالين في المستشفى اتخلعو لمن شافو متاب بين واعيه وما واعيه
وبقو يسألو فيها بس ما كانت بترد ومصدومة من الموقف
ما بين زميلها الاتضرب عشان ينقذها وما بين صحبتها وروحها الوقعت فجأة بسرعه الدكاترة اسعفوهم .. متاب كانت محتاجه جو هادئ بس .. وسلمى جاها هبوط وركبو ليها درب .. اما امجد حالتو كانت خطيرة جداً لأنو حصل ليهو نزيف حاد بعد حوالي ساعة متاب قدرت اتكلمت وحكت الحاصل للدكتورة.. جات ممرضة وطلبت منها ارقام لناس بيتهم وخصوصا امجد ..متاب قالت ليها امجد ما بعرف عنو شئ بس ده رقم سامي اخو سلمى هو اسرع زول ممكن يجي وطلبت من الدكتورة تكلمها عن حالة امجد وسلمى .. الدكتوره طمنتها انو سلمى احسن بس امجد حالتو صعبهمتاب بقت تبكي بطريقة هستيريه وبقت تقول انا السبب وكلو بي سببي لو كان ركزت في الشارع ما كان حصل ليهو كده
بكت لمن جسمها هبط ولحقوها بي درب ونامت ..الممرضة شالت رقم سامي واتصلت عليهو براحه وكلمتو بالحصل
سامي زي المجنون بقى ركب عربيتو ونزل منها مرتين .. يتحرك بالعربيه ورا ويمشي قدام ..ابوهو جا طالع من المعرض وشافو بالطريقة دي قرّب منو وسألو لقى دموعو جارية ..ابو سلمى_يا ود بتبكي مالك ؟؟ المات منو؟؟؟
سامي_ابوووي لااا ما تقول المات لا
ابو سلمى_طيب في شنو يا ولد اتكلم مالك؟؟
سامي_ما عارف يا ابوي ضربت لي دكتورة من المستشفى الشغاله فيها متاب وقالت انو متاب وسلمى حصل ليهم حادث ول شافو حادث ما عارف المهم بس انو سلمى غايبة عن الوعي وعندها هبوط حاد
ومتاب كانت كويسه بس دخلت في حالة برضو انا ما قادر اسوووق يا ابويابو سلمى_يا ساتر استر يا رب يا ساتر
.. دقيقه انادي سالم ده يجي يسوق .. انا لو قلت ليك فيني حيل اسوق اكون كضبت عليك اقيف ما تتحرك...ومشى ابو سلمى ونادى سالم الولد الشغال معاهم في المعرض.. سامي نزل وركب محلو سالم واتحركو على اتجاه المستشفى .. سامي كان بدعي واتذكر ابو متاب قال لأبوهو اتصل عليهو خليهو يلاقينا في الشارع عشان نسوقو معانا
ابو سلمى اتصل على ابو متاببس ما قال ليهو الحاصل .. قال ليهو ضروري نتلاقى في الشارع الفلاني واسي.. ابو متاب شغال في دكان اسبيرات براه .. قفل الدكان وطلع على الظلط وركب المواصلات وانتظرهم في الشارع.. اتلاقو كلهم واتجهو على المستشفى وفي الطريق ابو سلمى براحه وراهو الحاصل.. وصلو المستشفى ودخلو اطمنو عليهم .. بعد ساعتين متاب صحت وبقت تسأل سلمى وامجد كويسين؟؟!
الدكتورة قالت ليها ده تلفون امجد وعاوزين رقم لناس بيتهم لو عارفة النمط ممكن تفتحيهو لينا ..
متاب قالت ليها بتذكر كان مرة فتح التلفون جنبي بس ما متأكده من النمط .. فحاولت المرة الاولى وجاها اعد المحاولة حاولت المرة التانيه برضو تم الرفض المحاولة التالته كانت صحيحه والتلفون فتح ...جابت جهات الاتصال وكتبت ابوي ما ظهر وبقت تكتب
الحاج
بابا
My father
وكلو ما ظهر ليها ..
بقت تكتب
امي
ماما
Mam
نبع الحنان
وبرضو ماف نتائج بحث..
طلعت السجل ولقت مكالمة واردة من
الأمل الباقي
متاب في نفسها قالت اكيد دي حبيبتو واسمها أمل ماف حل غير اتصل عليها..
اتصلت عليهاا ....
ودخلت معاها نغمة ...
بعد مسافة الأمل الباقي فتح الخط .....
متاب_الووووووو
الامل الباقي_.........
متاب_ردي علي معليش ضروري
الامل الباقي_............
والخط كان بقطّع