رواية العوض الجميل
الفصل الثاني عشر12
بقلم مناسك موسي
اتصلت سلمى على ام متاب واطمّنت عليها .. وطمّنت د.امجد .. سلمى بعد قفلت الخط وسألت د.امجد ..سلمى_انت يا دكتور في منو في الصيدلية؟؟
امجد_قفّلت
سلمى_
كيف؟ دي صيدلية مستشفى ما مفروض تتقفل لأي سببامجد_اي حا ارجع اسي .. بعدين قفلت الباب بي برّة بس
ماف مشكله بس قلت اطمّن على متاب..سلمى_ما قصّرت يا دكتور .. جزاك الله خير
امجد_وجزاك يارب
.. يلا انا استأذنك ..سلمى_اتفضل ..
وطلع امجد بعد ما اطمّن على متاب وارتاح ..
سلمى وهي في الصيدلية بالها كلو كان في الحصل معاها اليوم وما كانت متوقعه وحاسه انو سراب سراب.. بقت منتظرة متين ترجع البيت وتحكي لمتاب الحصل ..
متاب بهناك صحت ولقت مكالمات من امجد.. بقت تتبسم .. وبابتسامتها ديك بقت تتكلم "التقلة حبابها
" انا اقوم اظبط اموري وبعد اجي راجعه اتصل عليهو "اتلفتت لقت امها واقفه .. قالت ليها متاب سجمي بقيتي تتكلمي براك ...
متاب_
امي ... انتي جيتي متين ؟؟امها_لالا خليني انا جيت متين انتي كنتي بتقولي في شنووو هااا؟؟؟
متاب_انا؟ ولا شئ يمة
امها_اعتبرها هضربة يعني ول كيف
متاب_امممي
امها_ اها الصداع كيف ما راح؟؟
متاب_والله إلا كلامك ده بس
نسيتو عديل .. صحيت كويسه خالص الحمدلله ..بعد النومة دي بقيت فلامها_ده عصيري يا بت هييي
متاب_ههه تسلم يدك يمة..
امها_ اها بعد تظبطي امورك دايرة ترجعي لمنوووو،؟
متاب_الليله ووووب
انتي كنتي واقفه من بدري يعني ؟؟امها_من فتّحتي عيونك كده انا جيت
متاب_اااا انا قصدي س س سلمى ..
امها_ سلمى؟؟
قالوك انا طيرة؟متاب_كيف
العفوو يا امي ياخ..امها_سلمى يا السمحه بقولو اتصل عليهااا ...
ما عليهووو
متاب_خلاص خلاص لقد تفخفخت
ده د.امجد يا امي .. جابو جديد في الصيدلية واتصل اشوفني بقيت كيف بس..امها_هيييي اتصل عليك لييه؟
ما يتصل
بكرة بعد تمشي يسألك بس..متاب_يمة ما فيها حاجه زمالة ساي ياخ ..
امها_ طيب د.امجد ده كيف؟؟
متاب_كيف كيف يا امي؟؟
امها_اظنّك فاااااااهمة قصدي
عديييل ... يعني في طرف معجب بالتاني ؟؟متاب_ امي؟! انتي الليله مالك شغاله معاي تحقيق كده ..
امها_ عندي احساس انو في اعجاب..
متاب_ اعجااب؟؟ المعجب بالتاني منوو؟؟
امها_ اجي؟ وانا بعرفو من وين كمان
متاب_اهاا
امها_تتبسسمي لي كده .. والتقلة وما التقلة وتقولي لي زمالة
متاب_والله شوفي يا امي... هووو هوو طبعا زول كويس .. ده الواضح غايتوو
.. وتعاملو لطييف جدا بس..
امها_اها.. حلاتوو يا ناس اللطيف
متاب_امي زحي لي انا طالعه ..
امها_ ماشة تظبطي امورك وتجي ترجعي مش ؟؟
متاب_لااااا
امها_تعاااالي هنااا
تتصلي عليهو اسي وقدامي عشان انا اشوف الزمالة دي عاملة كيفمتاب_امي والله ماف حاجه..
امها_سمح هاكي التلفون اتصلي..
ومدّت ليها التلفوون ... متاب بقت محتاره وحسّت روحها في فتيل
لكن قالت لو ما اتصلت كده امي حا تشك فيني اكتر عشان كده اتوكل واتصل بس.. وانا ذاتي خايفه ليه؟! هو اصلا ماف شئ بينا..امها_هييي سرحانه وين ؟؟ ارح يلا انا عندي حَلّة في النار ماشة عليها...
متاب_ سمح اهااا... جاري الاتصال...
امها "بهمس"_افتحي لينا الاسبيكر ..
متاب_لا هاك سماعه وانا سماعه ...
امها ركّبت السماعه ومنتظرين الرد ... بهناك امجد وصلتو المكالمة وكان معاه مريض بياخد في ادوية ردّ عليها ..
امجد_توووبة
متاب_اهلين دكتوور
امجد_اها كيف بقيتي يا ست البنات ؟
متاب_تمام الحمدلله ..
امجد_الصداع راح؟
متاب_ايوه .. تماماً
امجد_الحمدلله على سلامتك ..
متاب_تسلم ..
امجد_ متاااب ..
متاب_نعم
امجد_الصيدلية من دونك ولا شئ.. وفي ناس جو سألو منك ..
متاب_
جد ..امجد_ جا الولد الاسمو مهاب ومعاه واحد كده قالو ضروري يقابلوك ..
متاب_مهاب ده ياتوو؟؟
امجد_الود الكان بتظارف معاك .. واداك صحبو بالتلفون ..
متاب_ايوا ايواا اتذكرتوو صحبو اسمو منيب تقريباً..
امجد_بسسس ياهوو.. وقالو عاوزين رقمك وانا قلت ليهم ما عندي..
متاب_رقمي عديل؟؟ اللهم اجعله خير.. ما يكون الادوية عملت ليهو side effects
امجد_ لالا ياخ ما اظن .. لانو الزول الواقف قدامي ده زي الحصان ..
متاب_ما شاء الله
امجد_ماشاء الله اي ..
متاب_خلاص خير يا دكتور .. تسلم ما قصرت...
امجد_العفو ياخ ده الواجب يا متاب..
متاب_ تسلم
وطوالي متاب قفلت الخط ..
امها_وووجع يا ست البنات
متاب_والله يا امي انتي براك مكبّرة الموضوع ...
امها_كيف ما اكبِّرو والصيدليه من دونك ولا شئ يا توبة ؟؟
متاب_اووومي
امها_احساسي ما بخيب خلي اوووومي
متاب_ورب الكعبه ما عندي ليهو حاجه...
امها_عارفاك عارفااك..
متاب_اخخخخخ .. يلا ممكن بعد حضرتك يا استاذه حنان امشي اظبط اموري؟؟؟
امها_وتجي ترجعي ليهوو؟؟
متاب_اوووومي ياخييي
امها_خلاص خلاص يلا .. جيت اقول ليك سلمى ضربت ليك قبيل ..
متاب_سلمى؟؟ غريبة ما لقيت منها مكالمة..
امها_بتكون عارفة انك نايمة عشان كده ..
متاب_ايواا ..
وطلعو من الغرفة وامها مشت على المطبخ ..
سلمى بهناك خلّصت الدوام وجات طالعه من الصيدلية معاها د.امل .. اتصلت على محمود ما ردّ ليها .. د.امل قالت ليها خلاص بقيف معاك شوية لمن يجي عشان صحبتك متاب الليله ماف..
سلمى_لا والله يا امل ما قصرتي .. امشي.. لو ما رد تاني بتصل على سامي يجي يسوقني..
في اللحظه دي وصل امجد وسمِع اسم سامي.. وعلى طول اتذكّر كلام متاب.. انها ركبت قدام مع سامي.. اتردد في الاول انو ينادي سلمى .. امل قالت لسلمى خلاص طيب اتصلي على سامي ووريني عملتي شنوو؟ عشان المواصلات جات..
سلمى_خلاص امشي اركبي وانا برجع ليك ..ما قصّرتي والله يا امل
سلمى اتلفتت عشان تودع امل شافت د.امجد قريب منهم..
امل مشت ركبت .. سلمى سلّمت على د.امجد ..
قال ليها اتفضلي اوصلك ..
سلمى_لااا ما مشكلة يادكتور عاوزه احاول محمود تاني امكن ما سمع التلفون ..
امجد_طيب اتصلي..
واتصلت سلمى على محمود وردّ عليهاا..
محمود_سلام عليكم يا دكتوره ..معليش مفروض ارجع ليك بس مشغول مع العربيه فيها عُطل ..
سلمى_وعليكم السلام .. اهااا فيها عُطل يعني .. طيب تمام ..
محمود_معليش يا دكتورة انا من قبيل معاها واتأخرت مفروض ارجع ليكم اوريكم .. وسامي تلفونو مغلق..
سلمى_لا عادي.. ولا يهمك.. سامي تلفونو مقفول؟؟
محمود_اي اتصلت عليهو المرّة الاولى ما ردّ.. وتاني قفل ..
سلمى_الا يكون طفى كهربا..
محمود_خلاص انا بتصل على صحبي يجي عليكم اسي ما تتحركو من الصيدليه ..
سلمى_لالا متاب ما معاي .. بتصرّف ما تشيل هم ..
محمود_بعتذر والله يا دكتورة...
سلمى_لا ما بيناتنا ياخ.. تسلم
وقفلت الخط ..
امجد_اها قال ليك شنو؟؟
سلمى_عربيتو عطلانة ..
امجد_وسامي ؟ سامي ده منوو؟؟
سلمى_سامي ؟؟ سامي ده ..
وقبل ترد في بتاع عربية ضرب بوري عاوز يدخل وهم كانو واقفين في الظلط .. سلمى اتخلعت من صوت البوري..
امجد_ارح طيب اوصلك ..
سلمى_لا شكرا يا دكتور ..بمشي انا..
امجد_بتمشي كيف يعني؟؟ انتو شنو حركاتكم دي ؟؟يعني انتي بت عاوزاني اخليك في الشارع وامشي ؟؟
سلمى_لا بسس
امجد_بدون بس .. صحبتك قبل كده شبكتني ما بقدر وشنو وشنو؟.. انا بعتبركم اخواتي والله
سلمى_وانت كمان زي اخونا ..
امجد_طيب اتفضلي..
ومشت سلمى على اتجاه عربيه امجد .. هو مشى قدامها وفتح ليها الباب القدام ..
سلمى_بركب ورا انا..
امجد_اها يااا متاب نمبر 2 ..
سلمى_ ههه .. بس لانو المكان القدام ده يا حق الام يا الزوجه بس..
امجد_
يا الاخت صح ؟؟سلمى_اي الاخت برضوو
امجد_طيب ممكن بدون نقاش تركبي؟؟ ول انا ما اخوك؟؟؟؟
سلمى_طيب خير ..
وركبت سلمى مع امجد قداام .. هو ركب وربط الحزام وسلمى كانت بتعاين ليهو بي طرف عينهاا ..
دوّر العربيه وقبل يتحركوو تلفون سلمى اتصل.. رقم غريب..
امجد_ردي ..
سلمى_الارقام الغريبه دي بلاوذ منها انا
امجد_ايواا .. نتحرك يعني ..
سلمى_ايوا ..
واتحركو مسافه بس تلفون سلمى اتصل 3مرات .. بعد شوية وصلتها رساله ..
_انا سامي ردي ..
سلمى قرت الرسالة وطوالي ردّت..
سامي_ نظام البت شِفته وما بترد على رقم غريب
سلمى_
تقول شنو بسسامي_تلفوني قفل كهربا.. وقبل يقفل شايف في مكالمة من محمود مالكم ان شاء الله خير ؟؟
سلمى_اي اتصل علي قال لي العربيه فيها عطل..
سامي_اها وعملتو شنوو؟؟
سلمى_انا براي ..متاب رجعت البيت..
سامي "وهو مخلوع"_متاب مالا كمان ؟؟في شنوووو؟؟
سلمى_براحه يا سامي... متاب كويسه .. بس صدّعت قبيل وما قدرت تواصل اليوم رجعت البيت ..
سامي_ايواا.. طيب انتظريني نص ساعه كده واجيك
سلمى_لا اناا اتحركت على البيت .. في دكتور معانا سايق حا يوصلني ..
سامي_دكتوور منوو؟؟ عبدالله ال مع متاب؟؟
سلمى_لالا .. د.عبدالله شغال دوام صباحي.. ده اسمو د.امجد ..
سامي_لو جنبك اديني ليهو..
سلمى_حاضر..
هاك يا د.امجد ..سامي..
امجد في نفسوو "سامي .. اكيد حا يكون حبيب متاب ..
"امجد_طيب