رواية العوض الجميل
الفصل الخامس عشر15
بقلم مناسك موسي
امجد وصل بيتهم ونزل فتح الباب ودخّل العربيه لاقى ابوهو في الطابق الارضي سلّم عليهو وطلع طوالي على غرفتوو في الطابق التاني ..في بيت متاب ..
سلمى وسامي قعدو اتونسو مع ناس متاب وبعدها طلعوو ..
متاب رجعت الغرفه جاتها امها ..
ام متاب_تووبة
متاب_يا ساتر .. نعم يمة
ام متاب_عاد يا يمة امجد ود البناات .. حلاة الدنيا دي عليهوو.. الله يحفظو بس
متاب_اللهم امييييين يارب
ام متاب_عاد ان شاء الله يجينا لواحده فيكن .. يا انتي يا سلمى
متاب_هي يا امي ده كلام شنوو ..
ام متاب_مالوووو بس اديني سبب واحد ..
متاب_ما حكاية سبب .. لكن هو ماف حاجه اصلا .. وبعدين يمكن اكون خاطب او مرتبط..
ام متاب_مااا اظن . .. لكن لو بقى خاطب حظظظظظها المبروكه وامها داعيه ليها دي..
متاب_الله يسعدو
ام متاب_اللهم امييييين.. اها جيت اقول ليك بكرة الجمعه طبعا .. وقبيل جاتني سوسن هنا واتفقنا نطلع البحر عصرية كده عشان سماهر ووائل ديل يغيرو جو ونجي نقفلهم تاني .. الاولاد ديل لو ما قفلناهم ما بجيبو عمار
خصووصا اخوك الصايع ده .. اخير سماهر عندها رغبه..متاب_خيير وبركه
وكلامك صح .. وائل ده اصبري لي بس الا اقوم عليهوام متاب_خلاص اتفقنا .. انا ذاتي بساعدك .. بسمّع ليهو مواد الحفظ
متاب_خلاص انا حا اعمل ليهو جدول وحا اوريك ليهو تمام ..
ام متاب_تمااام .. اها يلا حا تنومي جوة طبعا .. صح؟؟
متاب_اكيييييد
البنومني برة شنو كمان ..ام متاب_اقعدي باري لي الاجواء الصناعيه دي كويس .. ياها ذاتا الجايبه ليك الجيوب الانفيه..
متاب_
اها وسامي ده بنوم في نص الحوش وبرضوو عندووام متاب_المهم خلاص يلا ودعتك الله
متاب_حييي انا
تصبحو على خيررام متاب_وانتي من اهلوو
وطلعت منها ... متاب قفلت الغرفه عليها وشغلت المكيف ومسكت تلفونا ..نزلت بيانات ..لقت امجد مرسل ليها ..
_توبة حلاتاا بي توبا
ضحكت ورسلت ليهو ايموشن الخجل .. وقفلت بيانات وبقت راقده ..فجأة اتذكرت كلام سلمى ودخلت في الدوامة
وتتقلب في السرير وتربط في الاحداث مع بعض .. قعدت في نص السرير واتذكرت مكالمة ليها مع مؤيد كان وقتها تمو سنتين من تعارفهم..مؤيد_انتي عارفة حبيبتي.. ما بفرقنا الا المووت ..
متاب_انا خايفه يجي يوم ونتفارق
مؤيد_ما تقولي كده ياخ .. انا مستحيل اتخلى عنك .. مستحيل اتنازل يا متاب ..
متاب_اوعدني يا مؤيد ..
مؤيد_اوعدك حبي...
دموعها نزلوو وبقت تعضي في اصبعها وتقول :
حرررييييقه في الوعود الكاذبه .. ليييه ؟؟ انا عملت ليهو شنوو ليه يعمل فيني كده
دمّر لي حياتي وخلاني كرهت حاجه اسمها اولاد حتى امجد الكان في البداية عاجبني بقيت بشوف فيهو صورة مؤيد خلاااص كرّهني الحب .. كرهتووو ..وبقت تتنهد وتبكي .. انا بكرهوو بكرهووو
قشّت دموعها واستغفرت وقعدت مسااافه .. بعدها شالت تلفونا ودخلت فيس وبقت تتصفح .. جاتها رساله من امجد ..
_متاب صاحيه؟؟ عاوزك في موضوع.. لو ممكن ..
متاب في نفسها .. موضوع شنو كمان ان شاء الله خييير ؟!
قبل ما تفتح المحادثه عاينت للساعه لقتها عاملة 1:15 قاالت لالااالاااا انا اقفل النت ده وانوم لانو مواضيع الساعه 1 دي على قول سلمى بتجيب الهواا ..
وفعلا قفلت بيانات ورقدت نامت . ..
امجد بهناك كان منتظر متاب لانو ظهر ليهو استلمت الرساله .. انتظر حوالي ساعه .. بعدها بقى يتذكر في سمر
وانو سمر اتخلّت عنوو فجأة شال تلفونو ضرب بيهو الحيطه .. وبقى يقول .. ليييه ؟؟ لي يا سمر تعملي فيني كده؟؟ حب 3سنة.. تتنازلي عنوو في لحظااات وبي سبب تافه كده؟؟ قام وفتح دولابوو وجاب صورتهم بتاعة الخطوبة .. وبقى يتذكر يوم الخطوبة...سمر_اخيييرا حبيبي بقينا لبعض.. ما كنت متخيله انك حا تخطبني رسمي..
امجد_وليه ما اخطبك ؟؟ انا لو علي اجييبك بيتنا اسي باقي الليل ده .. بس انتي حضرة سعادتك عاوزة تخلصي جامعتك ..
سمر_لااا خليني اخلص وبعداك نتزوج ..
امجد_عشان كده لبستك الدبلة دي عشان تكوني حقتي.. واول ما اجهز روحي حا اجي اخطفك من بيتكم ..
سمر_ههه مجنوني انا .. بحبك
امجد _وانا بحبك
كان سرحان في الصورة واتذكر اليوم ال ..
سمر اتصلت على امجد الصباح بدري وهو كان صاحي ياداب من النوم ..
سمر_معقوول كفاك نوم ..
امجد_كدي قولي صباح الخير..
سمر_طيب صباح الخير
امجد_مالك ي سمر في شنو صوتك ما عاجبني؟؟؟
سمر_عاين .. عاوزة اطلب منك طلب ممكن..
امجد_عيوني ليك اتفضلي..
سمر_عاوزة اطلع معاك ..
امجد_نطلع؟؟
سمر_اااي
امجد_بس يا سمر نحن متفقين على الحاجه دي .. انتي ركزي في قرايتك اسي واول ما تخلصي امتحانات حا اكلم ابوك ونطلع انا وانتي وشوشو اختك
سمر_لالا نمشي براناا
امجد_ليه برانا ؟؟؟
سمر_انت يا امجد بارد كده ليه؟؟
امجد_سمر؟ بارد في شنو؟؟
سمر_عديل .. صحباتي اي واحده بتطلع مع حبيبها كل يومين .. وانت لمن نجي طالعين تقول لي شوشو معانا؟؟
امجد_سمرر؟؟! انتي عارفة انا وعدت ابوك اني احافظ عليك .. ولو في حاجه يا اما جيت بيتكم يا اما سقت معاك اختك .. الجديد شنوو؟
سمر_الجديد انو انت بالطريقة دي ماا بتنفع معاي وبكرة تعال استلم دبلتك وحاجاتك الجبتها لي من البيت..
وقفلت الخط..
امجد حاول يتصل بيها بس ما بترد .. في النهايه اتصل لاختها شوشو .. وحكى ليها الحاصل ..
شوشو_امجد.. انا عاوزة اقول ليك الصراحه .. سمر دي من دخلت الجامعه بقت متأثرة بي صحباتها .. حتى انا اختها الكبيرة بقت ما بتسمع كلامي.. وهي جات واتكلمت معاي بموضوعك وقالت صحباتها قالو ليها ما بطلع معاك معناها ما بحبك و و و.. وهي صدقت .. وانا اتكلمت لمن فترت بس لا حياة لمن تنادي ..واسي هي مشت لابوي وطلّعت الدبلة وقالت لابوي انا ما دايراهو وما تسألني ليه .. قسمه وانتهت.. وانا مشيت اتكلمت مع ابوي كتييير .. في النهايه ابوي قال لي دي حياتها وانا ما بغصبها .. واسي ابوي حا يتصل عليك ..
امجد_انا ما فاهم حاجه .. ده شنو الكلام الفارغ ده ..
شوشو_ طيب .. عشان تكون عارف ..باختصار يا امجد .. سمر عندها صحبتها اتزوجت قبل يومين .. واخوها كل الحفلة كان مركز مع سمر .. في النهايه اكتشفت انو كان بجيهم في الجامعه معاهو صحبو ال هو اسي اتزوج صحبة سمر دي .. كانو بطلعو مع بعض..
امجد_معقول؟؟ انا حسيت انها من دخلت الجامعه اتغيّرت علي بس قلت امكن مشغوله مع الجامعه وقرايتها وكده ..
شوشو_ده اللاحظتو ..وعرفتو براي يا امجد وانا والله اتكلمت معاها كتير .. بس هي رافضه تسمعني .. وانا حا اقفل الخط لانو لو هي عرفت انا اتكلمت معاك حا تزعل .. وربنا يسعدك يا امجد .. انت زول طيب وقلبك ابيض
امجد_شكرا ليك على التوضيح..
وقفل الخط .. وزعل شديد من سمر
واتصل امجد على ابو سمر ونهى معاه الموضوع وقال ليهو كل شئ قسمة ونصيب ..و الحاجات انا ما عاوزها وبتك ربنا يسعدها وقفل الصفحه على كده ...امجد كان بتذكر وقلبو وجعو شديد .. نام وهوو موجووع