رواية العوض الجميل
الفصل السادس عشر16
بقلم مناسك موسي
اصبح صباح يوم الجمعه وكان عبارة عن اللمة الاسبوعيه في بيت ناس متاب والونسه في الصالون بين ابو متاب وابو سلمى وسامي ووائل .. وفي البرنده بين حبوبة وام متاب وام سلمى وسماهر ومتاب وسلمى وحمودي ..ولحظات الفطور وقعدة القهوة
والتفاصيل الجميلة في اليوم ده انتهت الفترة الصباحيه وبدو تجهيزات للرحلة
اسرة سلمى رجعو البيت وجهّزو حالهم واسرة متاب برضو كانو على استعداد..
دخل وائل على متاب في غرفتها لقاها جهزت وطالعه..
وائل_اسمعيني يا فرده .. الحبوبة دي سايقنها معانا؟؟
متاب_يخسسسي علييييك كيف يعني ما بنسوقا ؟؟ نخليها لمنو كمان؟
وائل_يا متااب مجرد سؤال ياخ
متاب_بعرفك انا كوويس يا عولاق
وائل_انا خايف عليها من التلتلة بس.. بعدين بيني وبينك نحن ماشين ترفيه
العجايز ماااا هناي كدهمتاب_وااائل
صدمتني والله .. انت جادي ؟؟حمودي جا جاري لابس وشايل ليهو مسدس..
حمودي_يلا قالو ليكم لو ما طلعتو حا نمشي ونخليكم
متاب_سمح طالعين ..مسدسك ده شايلو لشنو اسي؟؟
حمودي_حتى اكون صامداً امام العدوو .. ولكي احمي اسرتي من الاعداء والاشرار
وائل_شايفه اسبيستون شغاله كيف
متاب_ااي لاحظت شديد .. لكن يا حمودي نحن ما ماشين غابة .. نحن ماشين البحر..
حمودي_اجل اجل اعلم يا هذه
ولكن ربما يخرج علينا حووتاً او سمكة قرش.. ياا الهي..وائل_انا استأذن
الود ده حا يجن قرييبحمودي_هه يالك من مغرور يا اخي ..
متاب_
حمودي خلاص خلاص ..مش مسدسك ده شيلوو معاك ..حمودي_حسناً.. انا ذااهب ..هيا بنا يا مسدسي العجيييب..
وائل_اسمعيني يا متاب ... انتي عموما كده ..
متاب_عاين انا زعلانه منك .. تقول على حبوبة كده؟؟
وائل_بهظظر ياخ .. بس عشان حا يشغلوها لينا انا وسامي نقعد نعتلّ فيها ..
متاب_يااا ود عيب كده .. تعتلّها بضاعه هي
وائل" بصوت منخفض"_واسي في فرق بينها وبين البضاعه
متاب_نعم ؟؟ قلت شنووو؟؟؟
وائل_خلاص ما تركزي شديد انتي..
متاب_اها كنت داير تقول شنوو؟؟
وائل_ااا
ام متاب من بعيد بتنادي ..ياود وائل وين انت ؟؟
متاب_هدا يمة معاي هنا..
وائل_ارح امرقي طيب..
ام متاب_تعال مع سامي ده تكّل امي دي للعربيه..
وائل_اها ما قلت ليك يا متاب
متاب_معليييش .. هي لو ما عيانه وظروف المرض والكُبر يا وائل
وائل_عارف عارف ياخ بس تشغيله
متاب_وائل اتزفت من هنا .. ده شنو الود المعاق ده
وائل_انتي خليك عادي ما تضايقي كده ياخ
متاب_طير قدامي
وائل_طاير اها
والموضوع الكنت دايرك فيهو خليتوو
متاب_لالا اقيف معقول يا حبيب اختو؟؟
وائل_السسسسسمممممك
.. تحلمي بي حلم تانيمتاب_عليك الله كنت داير تقول شنو؟
وائل_خلاص لحدي بعدين ..
متاب_اممم حا احاول اصبر .. ارح امرق قدامي سامعه صوت عمو فيصل ..
وائل_اخر سؤال اخر سؤال؟؟
متاب_اها اها
وائل ومتاب اتطاقشو جنب الباب ..
وائل_متاب التشيرت ده ظابط مع البنطلون ده ؟؟
متاب_حلاااوة بس
الله يحفظك ..وائل_عليك الله طالع سمح؟؟ ما تجاملي اخوك...
متاب_حيي انا من العضلات .. بس الله يديني راجل زيك كده يا وائل..
وائل_عاجباك
.. كدي خليك من العضلات .. المنظر كيف انتي كبنوته وكده
متاب_وجع
والله التشيرت الاسود مع البنطلون البيجي فيك يتحرد عديل يا وائل اخو متابوائل_يعني منتهي
متاب_ومع الشعر ولونك السمح ده.. والعجب العطر .. عاين انا انبرشت والكلام ده عيب
وائل_يخليك لي يا احلى اخت في الدنيا
متاب_يلا من غير عولاق.. اضافة اخرى يا ابني
الوجنة عاملة شغلوائل_خجلتيني وزودتيها
متاب_اتحصن حبيبي
وائل_ووواااي
عقبال تقولها لي هي ياااربمتاب_طير من وشي.. حيوان رمة عواليق... انا برفع ليك في معنوياتك
وانت بتفكّر فيها هي العولاق زيك ديوائل_هي لا
انتي برضو حبيبتيمتاب_ابيييت مام ما دايره بس ذاتو يلا
وائل حضن اختو متاب عليهو وقال ليها حقك علي حبيبتي والله بريدك يا دلوعه
وساقا من يدها ومشو على البرندة ..اتصادفو في الحوش...سلمى وسماهر جو داخلين وشافو متاب ووائل مع بعض..سلمى_احححي ماشاء الله الله يحفظكم
سماهر_واائل .. ما شاء الله حلاتك الليله
وائل_من يومي حلاتي
سماهر_صاااااااح
متاب_اخو متاب كمان كيف ما حلاتوو
وائل_وابو سلمى ومتاب كمان
سلمى_وائل جادي؟؟؟
وائل_جداً كمااان ..
متاب حضنت وائل وطبعت بوسة على خدو
متاب_حبيبي والله
وائل_بالجد يا متاب وسلمى عاجباني صداقتكم وطيبة قلبكم وحبكم للخير
عشان كده انااا بحبكم وحا اسمي بناتي عليكم وان شاء الله يطلعو لي بشبهوكم كدهمتاب وسلمى_ونحن كمان بنحبك
متاب_خشبه
سماهر_طبعا انا زول شغال بي ماف .. واحسن امشي بي كرامتي ..
سلمى_
انا حا اسمّي عليك .. اها قصّرت معاك .. حبيبتي سماهر_ابيت ابيت
ومشت سماهر على باب الشارع .. وائل طلع وراها وشاغلا ..
وائل_حلاتك وانتي زعلانه
سماهر_ما تتكلم معاي..
وائل_كدي عايني لي هنا
سماهر_ولاااا ولاااااا بث
سامي_هووي يا انتو .. وسأل سماهر سلمى وين؟ اشرّت ليهو على بيت ناس متاب ..ومشت على اتجاه عربيه ابوها وكانو واقفين جنبها ابوها وابو متاب..
سامي_ارح يا وائل عشان نجيب الحجه
وائل_ارح..
ودخلو البيت لقو البقيه جاهزين .. تكلو الحجه وركبوها عربيه سامي .. ام متاب وام سلمى شالو الغدا وركبو عربيه ابو سلمى .. ابو سلمى سايق بوكس 4×4
ركب معاه قدام ابو متاب.. سلمى ومتاب ركبو مع الحجه وحمودي ركب مع سامي قدام .. باقي سماهر ووائل .. سماهر ريحه البنزين ما بتنفع معاها بتركب في بوكس ابوها ورا .. وائل قال ليهم خلاص انا بركب معاها ورا .. وركبو كلهم واتحركوو على البحر