رواية العوض الجميل
الفصل العاشر10
بقلم مناسك موسي
اول ما وصلو متاب وسلمى البيت .. سلمى سألت السايق انوو الحساب كم؟! قال ليها مدفوع يا دكتورة .. متاب عاينت لسلمى وقالت ليها بصوت واطيسلمى_ انتي د.امجد ده طلع منك؟؟ متاب_ لا بس اتصل تلفون لكن ما طلع من الصيدلية ...
سلمى_ لكن.....
السايق حسّ بكلامهم وقاطع سلمى .. يادكتورة ..د.امجد ده ود حلتنا وهو اتصل علي اجي اوصلكم .. وعن اذنكم ..
سلمى_ايواا ..جزاك الله خير
دخلو البيت وسلمى شايلة لمتاب شنطتها ... ودخلو من غير صوت..وطوالي على غرفة متاب...
سلمى _متاب اها ما خفّ شوية؟
متاب_الحمدلله
سلمى_ونعم بالله ... بس اسي كويسه؟
متاب_يا بت انا بس كنت ما قادرة اركّز لكن اسي الحمدلله كويسه
سلمى_طيب مادام كويسه ...حبيت اقول ليك انو امجد طلع عجيييب
متاب_ممكن ارجع عيانه انا ؟
سلمى_
حييييا انا ..متاب_والله يا سلمى انا محتاره فيهو ياخ .. ما مفهوم
سلمى_صاااح.. حتى نظراتو قبيل ليك كانت مليانه خوف وعيونو كانت لامعه..
متاب_بجد يا سلمى؟؟؟
سلمى_يااابت الملاحظات دي خليها لي انا عاد
متاب_اسكتي خلاص .. سامعه صوت زول جايي ..
سلمى_خالتو حنان ..
ام متاب_اجي بسم الله ! مالكن يا بنات ؟؟
سلمى_ كل الحاصل يا خالتي انو متاب جاها صداع بس
ام متاب_بسم الله من شنو؟ إلا كان دي السخانه
سلمى_والله بكون ياخالتي..
ام متاب_ واسي كيف يا بتي؟
متاب_كويسه الحمدلله بس دايرة انوم شوية .. سلمى .. انتي ارجعي الصيدلية د.أمل دي ما تخليها براها..
سلمى_ابييييت ما ماشه دايرة اقعد معاك ..
متاب_يا بت انا دايرة انوم دايرة تحرسيني يعني ؟؟
ام متاب_ لالا ارجعي يا سلمى ... انا اسي بظبط ليها عصير وخليها تاخد ليها نومة بتصحى طيبة ان شاء الله
سلمى_لكن ياا..
متاب_من دون لكن ... يلا بالله اقطعي وشك
سلمى_انا خايفه عليك يا سجمانه
متاب_عارفاك والله
سلمى_ لالا مادام فيها خجل معناها انا اتطمّن ...
ام متاب_ خلاص انتي امشي وانا بطمنك عليها .. الله يخليكم لبعض يا سلمى .. والله انا مبسوطه اني عندي بنات زيكم
متاب_احم احم ...
اللهم امييييييين يمةسلمى_وربنا يخليكي لينا يا خالتي
يلا انا بجيك بعدين تمام .. يلا بالعافيه..وطلعت سلمى ومعاها ام متاب .. سلمى رجعت الصيدلية .. وام متاب عملت عصير لبتها وجات شرّبتو ليها وقالت ليها يلا اخدي ليك نومة.. ارتاحي.. مرت ثواني ومتاب غرقت في النوم ...
سلمى رجعت الصيدليه .. واثناء ما هي بتصرف في الادوية للمرضى ..لفت انتباهها بت منقبة جايه داخلة على الصيدلية .. قالت في نفسها ياربي ؟! مش دي البت ديك ذاتا؟
.. نفس الطول ونفس المشية ...لكن مالا ياربي مغطّية عيونها؟؟؟البت المنقبة قرّبت من سلمى وبصوت خافض قالت ليها : سلام عليكم يا دكتورة...
سلمى_وعليكم السلام ورحمة الله .. اتفضلي...
البت_انتي دكتورة سلمى فيصل صح؟
سلمى_ايوه مرحب بيك ... اتفضلي...
البت_انا عاوزاك ضروري..
سلمى_عاوزاني انا؟؟
البت_اي انتي يا صحبة وتؤام روووح ..........متاب
سلمى_ومتاب كمان؟؟ معليش؟؟ انتي منووو؟؟
البت_ انااا؟؟ ههه انااا يا سلمى ...
سلمى_منووو يا اخت؟؟
البت_انتي مستعجلة كده مالك؟
سلمى_ممكن اشوف وشك قبل يجي زول داخل؟؟؟
البت_لا .. انتي ممكن تجي معاي الكافتريا البرّة دي؟؟؟
سلمى_لا ...
البت_ليه؟؟
سلمى_اجي معاك كيف وانتي شايفاني شغاله في الصيدلية؟؟؟؟
البت_مش الدكتورة دي شغاله معاك؟؟؟
سلمى_ اي بس انتي منوو؟؟ وبعدين بتتكلمي بصوت منخفض كده ليه ؟؟؟
ممكن تعلّي لي صوتك ؟؟؟البت_حا تعرفي كل شئ بس تعالي معاي..
سلمى_ يا بت الناس الله يرضى عني وعنك ... وريني انتي منوو؟ انا ما حا اجي معاك ساي ...
البت_انا ما عندي كلام بقولو ليك هنا .. والموضوع ضروري جداً.. وركّزي لي في كلمة ضروري وكلمة جداا ..
سلمى_امممممم...
البت_ لو عاوزاني تعالي لي انا منتظراك في الكافتريااا ...
وطلعت البت المنقبة وخلّت سلمى محتارة وما عارفة تتصرف كيف.. في الاخر قررت تمشي وتشوف دي منو ؟ وعاوزة منها شنو؟؟؟؟
طلعت سلمى ورا البت طوالي شافتها واقفه جنب عربيه صغيرة وفيها شاب مبيِّن انو في نهاية التلاتينات ... اتكلمت معاه .. ودخلت علي الكافتريا .. سلمى بقت تتساءل.. كمان معاها ولد ؟ ياربي ديل منو ؟ وعاوزين شنوو؟؟؟
كسرة:تتوقعو يكونو منوو؟