رواية العوض الجميل
الفصل الحادي عشر11
بقلم مناسك موسي
مشت سلمى الكفتريا ودخلت ورا البت المنقبه .. والبت ماشة وسلمى ماشة وراها لحدي ما قعدت في تربيزة بعيده عن الناس تماماً .. سلمى قعدت وبقت بتعاين في البت ومنتظره ... البت قرّبت من سلمى وهمست ليها "خايفه؟؟" ورجعت لورا .. وقالت ليها ما تخافي نحن في محل عام..سلمى_طبعاً لا ما خايفه يا اخت بس وريني انتي منو ودايرة شنو؟؟ لأنو انا ما فاضية ليك ووراي شغل ..
البت_طيب .. خلينا نطلب عصير اول .. تشربي شنوو؟؟
سلمى "وهي غضبانه"_اسمعي هنا يا بت الناس بطريقتك دي انا حا اجر منك النقاب ده
البت_سلممممى .. كدي اهدي اسي مالك انتي ... حا تعرفي كل شى بس شيلي الصبر..
سلمى_لا اشيل الصبر لا هو يشيلني
قولي كلامك خليني اتخارج ... وياريت تفتحي لي وشك مادام قعدتينا في تربيزة بعيده من الناس وانتي قاعده عكس
البت_حااااضر...
ورفعت البت النقاب عن وشها .. وكانت المفاجأة بالنسبة لسلمى ...
سلمى_
م م ميادة؟؟؟؟مياده_ارتحتي كده؟
سلمى_وليه اللف والدوران ده كلو من قبيل؟؟؟
ميادة_معليش ...
سلمى_ اتفضلي يا مياده .. دايرة تقولي شنو؟؟
مياده_متاب كيف يا سلمى؟؟؟
سلمى_مااا بخصّك يا استاذه
مياده_سلمى براحه شويه..
سلمى_ مياده .. جيتي لشنو بعد السنين دي كلها ..
مياده_جيت اصلّح الاتكسر
سلمى_ههههههههههاي ... تعملي شنووو؟؟
... شوفي يا مياده انا ما فاضية اسمع كلام فارغ تمام؟؟ وعن اذنك ..
سلمى قامت على حيلها بس مياده مسكتها من يدها وقالت ليها خليني على الاقل اكمّل ليك كلامي ...
سلمى_طيب ممكن تختصري وتجي من الاخر؟؟؟
مياده_جيت اوضح ليك نقاط يا سلمى .. ولأنك زولة ما شاء الله عليك بتستخدمي عقلك اكتر .. انا اخترت اني اجيك انتي بدل متاب .. لانو متاب عاطفيه .. وزي ما عرفناك زولة يعني ما شاااء الله ..
سلمى_عايني ما تكتري كلامك خشي لي في الموضوع..
مياده_طيب اهدي ...جيت عشان احكي ليك الحصل بيني وبين مؤيد...
سلمى_
يا سلللاام .. جاية تحكي لي عن خياناتك يا خاينه يا وسخه..مياده_ انا حا اقدّر شعور انو متاب صحبتك شديد عشان كده حا اتحمل كل البجي منك ...
سلمى_ودايرة تقوولي لي شنووو يا الخاينه عن مؤيد؟
مياده_مؤيد هو الخاين يا سلمى ..
سلمى_الله عليووو
مؤيد بقول انتي خاينه وانتي بتقولي هو الخاين .. انا اصدّق منو فيكم؟؟ الخاين ؟؟؟؟ ول الخاينه؟؟؟مياده_سلمى
خلاص ارجوووك اسمعي انا دايرة اقول شنو وخليني ارتاح..سلمى_قووولي.. حا تقولي شنو يعني ؟؟؟
مياده_دايرة اقول ليك انوو انا اتغيّرت يا سلمى .. وانو فعلا انا كنت صحبتكم انتي ومتاب .. وفتره الامتحانات في الجامعه مؤيد كان بشرح لي
سلمى_اهاا وبعداك ؟؟
مياده_خليني اكمّل بليييز ما تقاطعيني..
سلمى_طيييب ...
مياده_الموقف الانتو شفتو في الجامعه ومتاب انهارت بي سببو كان بي تخطيط من مؤيد .. وكان عايز يتأكد من حب متاب ليهو ..
سلمى_ن
مياده_لحظه قلنا ما تقاطعي.. هو القال لي انا حا امدّ ليك يدي واجرّك علي قدام متاب عشان اشوف ردّة فعلها.. وانا صراحه ما اترددت لانو كنت معجبه بي شخصية مؤيد ..لمّن مسك يدي وانا وهو عاينّا لمتاب .. ضحكنا ومشينا ..
سلمى_متذكرة الحصل ده انا وكأنو حصل الليله .. ولأني بقدِّر حاجه اسمها صدااقة وقفت مع صحبتي لانو وجعها ياهو وجعي حتى لو كنت معجبه بي الكون كلوو .. خليهو حبيب صحبتك ياا ست مياده..
مياده_عارفه روحي غلطانه اناا...
سلمى "وهي بتصفّق وبتضحك"_برافووو عليك ..قلتي لي غلطانه؟؟؟
مياده_وندمانه ...
سلمى_سبحان الله .. اسي انتي جاياني ومكمكمة كده عشان تقولي لي الفارغ ده ؟؟؟؟
مياده_لا ... انا جيت احذرّك من مؤيد لانو عارفاهو بعد انا اتزوجت حا يكون فكّر يرجع لمتاب..
سلمى_نعم؟؟ اتزوجتي؟؟ متين ؟
مياده_انا عروس لي اقل من شهر يا سلمى والراجل الراكب في العربيه برة ده راجلي محمد ..
سلمى_اهااا ...
مياده_مؤيد خدعني وخدع متاب..
سلمى_ما بهمّنا مؤيد تاني..
مياده_سلمى الله يرضى عنك اسمعيني للاخر بس..
سلمى_طيب..
مياده_بعد حصل الموقف داك بيني وبين مؤيد .. رجعت البيت واتصل علي قال لي ضروري نتلاقى بكرة في مكان برّة الجامعه .. وانا وافقت .. لاني كنت انانيه وما فكرت في حاجه غير نفسي
وفعلا تاني يوم جينا الجامعه وطلعنا بعدها .. مؤيد اعترف لي بي حبوو ..وانا ما صدّقت انو بحبني طوالي قلت ليهو وانا كمان.. ولمن قلت ليهوو متاب حا نعمل ليها شنو؟؟سلمى_نعمل .. تفووو على وشك ياخ... ما تتخيلي انا اسي جايي على بالي اخنقك بس.. لانك واحده حقييرة وانانيه .. متاب قصّرت معاك في شنووو؟ كانت بتشرح ليك .. كانت بتقيف معاك في كل شئ ..حتى وفاة ابوك متاب كانت متأثرة ليك ووقفت معاك اكتر من اي زول
وتقريباً ما محتاجه اذكّرك باقي فضايلها عليك ... متاب دخلّتك في حياتها الخاصة يا مياده .. كانت بتحكي ليك وكلها ثقة فيك بس انتي رديتي ليها بالمقابل شنو ؟؟؟ ااا؟؟؟ كسرتي قلبها.. وجعتيهاا شلتي حبها خطفتي سعادتهامياده_كفاايه خلاص يا سلمى
انا عارفه كل ده... وانا جيتك وحاسه بي ندم الكون ده كلوو متاب زولة طيبة بس انا خنتها واستغليت نقاط الخلاف البتحصل بينها وبين مؤيد لصالحي انا.. بس يا سلمى ده ما بعني انو انا بس الخاينه ..سلمى_اااسسسسكتي
انا بكرهك يا مياده .. بكررررهك ياخ بكررررهكمياده_مؤيد قال لي انا مستحيل اتزوج متاب.. لأنو ..
سلمى_لأنو واحد تافه حقيير ما بستاهلها..
مياده_لأنو متاب اهلها بسيطين وعلى قدر حالهم .. وهو عاوز بت تكون هاي
سلمى_ههه وانتي هاي؟؟؟
مياده_وده كان سبب خلافنا.. لمّن جا وفاة ابوي شاف وضعنا اتصدم وقال لي ما بتنفعي معاي.. لأنو اهلي ما حا يرضو بيك..وانتي واحده مقطّعة وانا لو عارف كده ما كان حبيتك .. وماف فرق بينك وبين متاب .. وتاني انا قبل ما احب حا اعرف وضع البت اول عشان ما اتصدم
سلمى_بالله؟؟؟!!
مياده_ بعد اتوفى ابوي خلّى لينا ورثة غيّرت كل حياتنا والعربية الواقفه برّة دي حقتي انا ..المهم مؤيد قطع تواصلو معاي وما رجع لي إلا لمن عرف اننا رحلنا من بيتنا وسكّنا في شقة انا وامي واخوي ..وانا اشتريت عربيه .. جاني وطمع في قروشي وعربيتي.. بالرغم من انو بقول انو اهلو من النوع الهاي .. وهو عربية ما كانت عندو ومعتد اعتماد كلّي على ابوهو ..لمّن قلت ليهو انا زواجي قرييب... قال لي انا ما لعبة في يدك ويد متاب.. وحا تندمو الاتنين ..
سلمى_لكن هو العمل في روحو كده ..
مياده_مؤيد انا عرفت عنو تفاصيل كتييره كان بتظاهر بيها وهو في الواقع عكس.. لكن حا استتر على الباقي.. العاوزو اقولو ليك يا سلمى انو خلي بالك من متاب .. وانا متأكده انو حا يرجع ويستعطفها وبعداك ينتقم منها.. فارجوك اقيفي مع متاب يا سلمى ..
سلمى_متاب روحي وانا ما محتاجه وصية من زول عليها..
مياده_مؤيد خطر .. وعندو اصحابو اخطر منوو عشان كده اعملو حسابكم ..
سلمى_تمااام ... شكرا ليك على النصيحه..
مياده_انا تُبت يا سلمى والحمدلله رجعت لربنا وربنا هداني واتنقبت الحمدلله وعوّضني بي محمد ده
والحمدلله عليهوو .. ومن فترة انا حاسة بالذنب اتجاه متاب بس ما كنت قادرة اجي واعتذر لانو اخر مرة متاب قالت لي انا ما عاوزة اشوفك تاني وحظرتني .. فآخر حاجه فكّرت فيك ... واعتذري لي لمتاب واحكي ليها كل الحصل ده .. وقولي ليها طالبة عفوك ورضاكسلمى_حصل خير .. وشكرا ليك ..
مياده_انا اسفه يا سلمى
اااسفه على كل الحصل.. وكلنا بنغلط وخير الخطائون التوابون
وخلينا نبدأ صفحه جديده
سلمى_عفا الله عما سلف ..خير يا ستي وربي يسعدك ان شاء الله
ويقبل توبتكمياده سلّمت على سلمى ووقفو ضمّو بعض
سلمى بكت لمن قالت ليها نبدأ صفحه جديده.. ومياده نزلت منها دموع فرح
..مياده طلبت عصير وحلفت على سلمى انو العزومة عليها .. واتصلت على محمد راجلا .. جاهم داخل وعرّفتو على سلمى وشربو عصيرهم وطلعو .. سلمى رجعت الصيدلية ..ومياده ركبت عربيتها وغادرت مع محمد راجلاا ..سلمى فتحت باب الصيدلية اتفاجئت بي د.امجد واقف ومنتظرها ..
سلمى_دكتور امجد؟؟
..امجد_هه ايوه.. جيت اسألك من متاب كيفها؟؟
سلمى_كويسه الحمدلله
امجد_اتوقعتك تجي راجعه.. لاني اتصلت عليها كتييير وما ردّت علي..
سلمى_ااي بتكون نايمة لسه.. ورفضت لي اقعد معاها
امجد_ايوااا.. متأكده انها نايمة؟؟
سلمى_اممم .... لحظه اتصل على خالتو حنان ..
امجد_دي منوو؟
سلمى_امها
امجد_طيب اتصلي ليها سريع