رواية العوض الجميل
الفصل السابع والعشرون27
بقلم مناسك موسي
متاب اتوترت لأنها ما كانت سامعة صوت .. الخط فصل ووصلتها مكالمة واردة من الأمل الباقي
متاب ردت ..متاب_الوووو
رد الصوت_انتي يا منو يا بتي ؟؟ امجد مالو؟؟
متاب_احم عفوا .. منو معاي؟
الصوت_وريني امجد كويس ؟؟ انتي سلمى؟؟
متاب_س س سلمى؟؟؟
الصوت_انا ابو امجد يا سلمى
متاب_بس انا ما سلمى يا عمي ..
ابو امجد_ايوا .. منو طيب؟ وشايلة تلفون ولدي ليه؟؟؟
متاب_معليش .. بس بتقدر تجي المستشفى الشغال فيها امجد؟؟
ابو امجد_مستشفى ؟؟ يا بتي في شنوو الله يرضى عنك
متاب_انا متاب يا عمي .. زميلة امجد .. والحصل انو امجد ده تعبان شوية بس وعاوزنك في المستشفى ..
ابو امجد_عمل حادث؟؟
متاب_اا عرفت كيف؟ اقصد لالا .. هو .. بس ممكن تجي بنفهمك الحاصل هنا ..
ابو امجد_ حاسي انو عمل حادث.. العربية دي الله يكفيهو شرها
لو ما قتلتو لي ما بترتاح..متاب_ربي يطول في عمره ان شاء الله..
ابو امجد_اللهم اميييييين يا بتي .. خلاص انا بشووف ود جيرانا ده يوصلني وبجيكم اسي ان شاء الله.. اسمعي يا بتي .. امجد كويس عليك الله؟؟؟ ودكتورة سلمى وين ؟؟
متاب_سلمى برضو تعبانه شوية
ابو امجد_سلمى بتي ؟؟ خلاص خلاص خلي التلفون معاك انا اسي بجي وبضرب ليك تمام يلا..
وقفل..
متاب كانت مستغربة في ابو امجد وسؤاله عن سلمى .. بس في النهايه قالت اكييييد عشان سلمى وصلَّت امجد بالعربية وقابلتو وسلّمت عليهو ..
وبقت مبتسمة ابتسامة خفيفه وبتعاين للإسم
الامل الباقي
قالت سبحان الله حاجه غريبة .. واكيييد في سر ورا الاسم ده ..
في غرفة الطوارئ الكانت مقسمة وفيها سراير كتيرة وبين كل سرير وتاني في فاصل .. متاب ما كانت عارفة انو سلمى قريبة منها .. والفاصل بينهم سريرين ..
سلمى صحت مخلوعه ولقت فراشة في يدها اتخلعت واتذكرت الحصل طلّعت الفراشة بسرعه من يدها وما كمّلت الدرِب...الممرضة جات داخله ..اتخلعت وقالت ليها انتي لسه ما كمّلتي الدرب لكن يا دكتورة
قالت ليها ردي لي انا كويسه اسي.. سلمى وامجد وين ؟ وحالهم كيف؟؟طمنتها انو متاب كويسه ووصفّت ليها انها قاعده هناك .. بس امجد حالتو متوترة شويه ..ونقلوه لغرفة الطوارئ الخاصة بالمستشفى.. سلمى كانت خايفة على امجد شديد .. وطلعت ومشت على متاب لقتها راقده في السرير والدرِب باقي ليهو شوية ويخلص وواقفه جنبها ممرضة ولمن سلمى جات الممرضة جاها تلفون وطلعت .. جرت عليها وحضنتها ورقدت جنبها في السريرمتاب_سلمى
حمممدلله على سلامتك ..سلمى_انا كويسه وانتي كيف؟
متاب_الحمدلله
سلمى_ بس امجد يا متاب
امجد قالو حالتو صعبه متاب_كلووو بي سببي ياخ
سلمى_ ياخ ما تقولي كده ده قَدَر
متاب_اي قَدَر بس انا السبب
سلمى_يا بت استغفري واهدِي ويعني شنو لو بقيتي السبب ربنا جعلك سبب
متاب_استغفرك يا ربي
الحمدلله بس... انتي كيف يا سلمى اسي؟سلمى_الحمدلله بس حاسه بي لفة رأس
متاب_يا لطيف..
وقطع كلام متاب الممرضة الكانت مع سلمى وكلّمت متاب انو سلمى طلّعت الفراشة قبل تكمّل الدرِب..
متاب زعلت منها شديد وشاكلتها انو هي دكتورة كيف تعمل الحركة دي..
سلمى_انا صدمت بس وكويسه في داعي اكمّلو يعني؟؟
الممرضة_بس انتي كنتي مهبّطة تماما وما واعيه بي شئ
سلمى_طيب انا اسي كويسه الحمدلله
في اللحظة دي جا سامي جاري ولقى الممرضة التانيه واقفه برّة سألها ودخل غرفة الطوارئ شاف سلمى ومتاب راقدين جنب بعض..
سامي_بسم الله يا بنات الحاصل شنو وانتو كيف؟؟ الشارع زحمة والله بالمجازفة جينا ..
سلمى_ده شنو اسي ؟ انت جيت من وين والكلّمك منو؟ متاب
..متاب_جاتني ممرضة وطلبت مني ارقام واديتا رقم سامي يا سلمى
سامي_ردو لي وانتي يا سلمى يدك دي فيها دم
سلمى_دم؟؟؟ ششششت ياخ
اي اااي دي الفراشة دقيقه اديني قطنة يا دكتورةوناولتها الممرضة قطنه ومسكت بيها يدها ..
متاب_نحن كويسين الحمدلله بس د.امجد هو العمل الحادث يا سامي..
ابو متاب وابو يسلمى جو داخلين ..
ابو سلمى_نحن مشينا السرير التاني داك قالو سلمى هناك واتفاجئنا بيك هنا .. اها طمنو مالكم؟؟؟؟ والحاصل شنو ؟ واسي كيف؟؟
سلمى_الحمدلله يا ابوي نحن كويسين بس د.امجد زميل متاب قالو حالتو خطيييرة
سامي_امجد ؟؟ يا ساتر كدي وروني الحصل شنو بالضبط؟؟؟
متاب_بصراحه كل الحصل ده بي سب...
سلمى قاطعتها_كل الحصل انو متاب جات قاطعه الظلط وما شافت الظلط كويس..وانا كنت منتظراها في الجانب التاني .. قامت قطعت والشاحنه جات بسرعه .. انا صرخت وما قدرت اتحرك من مكاني في اللحظه دي امجد نزل من عربيتو بسرعه عجيبة سبحان الله قدرُه.. ودفر متاب والعربيه ضربتو هو
ابو متاب_لاااا حولا ولااا قوة إلا بالله .. واسي وين؟؟
الممرضة الكانت واقفة برة جات داخله ..
سامي اتلفت عليها وسألها د.امجد وين؟وحالتو كيف؟؟؟
الممرضة_ د.امجد معاه الزول الكان سايق الشاحنه في الطابق التاني الدكتور قال حالتو خطرة
بس منتظرين ابوهو يجي يوقّع لينا عشان نعمل ليهو عملية مستعجله..سامي_ابوهو؟؟ وابوهو وين؟ ياخ هي عملية مستعجله حا نتنظرو لمتين يعني وبعدين الشارع زحمة يصل متين.. ارح معانا يا دكتورة .. انا بوقّع
الممرضة_انت علاقتك بدكتور امجد شنو لكن؟؟
سامي_يااااالله
ياخ حركاتكم دي خلوها ..بتعملو كده ليه انتووو؟؟متاب_دقيقه يا سامي.. ابو امجد متصِل .. ده تلفون امجد ..
سامي شال التلفون وردّ..
سامي_الووووو
ابو امجد_اي يا دكتور انا وصلت المستشفى انتو وين؟
سامي_الحمدلله الحمدلله .. اقرب سلّم اطلع الطابق التاني وحا الاقيك انا ..
ابو امجد_تمام .. انا طلعت السلّم الاول ..
سامي_خلي الخط فاتح .. ارح يا دكتورة ..
الدرب حق متاب خلّص ومتاب حاولت تنزل لكن سلمى مسكتها من يدها.. وجات الممرصة فكّت ليها الدرِب..
ابو متاب_لا انتو خليكم هنا .. اخدو راحتكم نحن بنمشي..
متاب_بسسس
الممرضة_ايوه خليكم هنا .. لأنو د.سلمى رأسها ممكن يلف في اي لحظة .. ارح ..اتفضلو يا جماعه انتو..
وطلعو مشو على الغرفة المرقد فيها امجد ..غرفة الطوارئ الخاصه
الطابق التاني ..قدام الباب اتلاقو .. ابو امجد كان نفَسو قايم ومتضايق سلّمو عليهو وسامي شرح ليهو الحاصل بسرعه بس بطريقة هادئة..الممرضة_انزل معانا تحت يا حاج للتوقيع ..
سامي_ياخ انتو ليه بتعملو كده .. ما ممكن تجيبي الاوراق هنا.. الززمن الززمن .
الممرضة طيب حا احاول اقنعهم تحت عشان هو دكتور شغال معانا هنا..
سامي_طيب من الاول ما كان تقنعيهم..ده حالتو معاكم هنا؟!
الممرضة_بنعمل كده لأنو امكن اهلو ما يوافقو على العملية لأنها خطيرة شوية..
ابو امجد_ ولدي يا جماعه
انقذو لي بس بأي طريقة ..طلعت ممرضة من غرفة الطوارئ الخاصة وكانت منزعجه ..
الممرضة_انتوو اهل امجد؟؟
كلهم_اي اي في شنو؟
الممرضة_امجد ده