رواية العوض الجميل
الفصل الحادي والثلاثون31
بقلم مناسك موسي
متاب قعدت جنب سلمى وقالت ليها مقلقة كده مالك يا بت ..؟؟؟سلمى_والله يااا متاب ما عارفه اجيبا ليك كيف...
متاب_مقلقة من موضوع امجد صح؟؟
سلمى_موضوع امجد منو ؟ ياتو؟؟
متاب_الحب
سلمى_حب شنو يا سلمى ؟؟
متاب_الحب الوااااحد ده
سلمى_يا بت متاب انعدلي ده كلام شنو ؟؟
متاب_قبييل لمن مشيت غرفة الممرضات قبل ادخل سمعت ممرضتين بتكلمو عن امجد ....
سلمى_قالو شنوو؟؟؟
متاب_واحده قالت ليها خليني انا امشي اديهو العلاجات .. التانيه قالت ليها من دون خفّة حا امشي انا الدكتور ده مربِّط
سلمى_اجي؟؟
متاب_الاولى ردت ليها ما قلتي انو البت البحبها طلعت ما عارفاه ..
التانيه قالت ليها يا بت قال حا يعترف ليها ...
الاولى قالت ليها قلتي لي اسمها منو ؟
التانيه قالت ليها سلمى ..وانا شفتها وحلاتها ومناسبين لبعض وانتي اطلعي منها ..
فااا قمت انا جيت داخله في اللحظة دي وقلت ليها معليش ممكن اعرف انتي عرفتي من وين هو مرتبط بيها..
في الاول قالت لي ما بخصك
لكن الممرضة الكانت معاها ياها الانا بعرفها وكنت ماذة اوصيها عليهم لمن كنا طالعين البيت ...فقالت ليها كلمّيها لأنو ممكن تساعده لأنها زميلة امجد وتقريبا بتعرف سلمى 
بعداك الممرضة قالت لي انو لمن البنج فكَّ
وحكت لي الحاصل بالتفصيل وانها لاقتك وانتي اتخلعتي وكده ...
سلمى_متااااب انا كنت حا احكي ليك كل شئ والله بسس
متاب_يا بت عادي ..
سلمى_صراحه هو كل الموضوع انو يوم وصلت امجد ...
متاب_شال رقمك صح..
سلمى_ا ا ا اي ..القال ليك منو ؟؟
متاب_شفت رقمك مسجّل في تلفونو لمّن كنت بحاول اتصل على اهلو ..
سلمى_ايوه صح .. طلب رقمي وانا كنت عاوزة اكلمك بس ما لقيت فرصة وتاني ما اتذكرت معليش يا متاب
متاب_يا بت انتي عويرة بتعتذري لي ليه ؟ عادي ما فيها شئ
سلمى_حاسه روحي خنتك
متاب_وكأنووو كان عااااقد علي
يا بت انا اصلا امجد ده ما عندي ليهو حاجه .. اي في البداية عجبني تعاملو واسلوبو بس ما لدرجه الحب او تفكير بارتباط مثلاً ... لكن في زولة كده كانت منبرشه
سلمى_اعجاب برضو
متاب_بالله ..
ممكن نتعرف؟سلمى_سلمى فيصل الاسم بالكامل
متاب_عولااق
والله شوفي يا سلمى انا اتعلمت منك حاجات كتييره
وجملتك الدايماً بتقوليها لي "قسمتنا ما معروفه وين " دي بتخليني الف وادور حول نفسي كتيييييير .. وبقول فعلا ما معروفه وين ... فعشان كده الله يرضى عنك لو أمجد طلب يدك ما ترفضيهوسلمى_لكن يا متاب
سلمى_من غير لكن يا سلمى
انتي الليله اسمعيني .. اي صح انا ما عاقلة زيك بس احياناً الزول بحتاج زول يقودو ويساعده ويرشدهسلمى_متاب
متاب_سلمى عارفاك حاسه بي شنو حالياً.. بس في النهايه نحن صحبات واخوات وجيران واهل وكلو
واوعك تفكّري في كلامك ده تاني .. وكل شئ بي وقتو وفي النهاية انا عرفت بغض النظر عن متين ما مهم بتهمني سعادتك وبما انك كنتي معجبه بيهو من البداية فاستخيري يا سلمى وربنا يكتب ليكم الخير ويشهد الله عندي احساس قوي انكم حا تكونو من نصيب بعضسلمى بكت وحضنت متاب وقالت ليها انا بحمد ربنا انو عندي اخت وصحبة ما عندها خساسة الصحباات والبنات عموماً وكمان بتتمنى لي الخير الحمدلله عليك يا متاب
متاب_انا برد ليك في جمايلك العلي
.. وده ولاااا شئ بالنسبة لوقفتك معاي بالرغم من غبائي وتصرفاتي الغبيه الكنت بتصرفها انا وبتتحملي مسؤوليتها انتي سلمى_بس الحمدلله
متاب_خلاص يا عبيطه .. حاسه اننا اتبدّلنا انا سلمى وانتي متاب
يلا يلا ابتسامة لو سمحتي عشان ابو النسب ده لو طلع ولقى بتو بتبكي انا حا اتختّ في فتيل ضيقسلمى_ههه خلاص خلاص .. احممم احمم..
جات الممرضة العارفة السر وابتسمت مع سلمى ودخلت الغرفة الفيها امجد ..سلمى طوالي قامت على حيلهاا
متاب_هوووباااا .. اقول بدينا غيرة
سلمى_يا بت غيرة شنو
ارح نمشي نشوف وضعو كيف ؟؟متاب_انا شفتو واطمنت عليهو .. ادخلي انتي
سلمى_براي؟؟
متاب_اي برااك يا دكتورة
سلمى_بخجل ياخ
متاب_احححححي انا من الخجل
سلمى_خلاص اها طِرتَ
جنك تشغيلات ..معولقه دي
متاب_ادخلي ادخلي ..
ودخلت سلمى الغرفة ..سلّمت على امجد وسألت الممرضة انو حالتو كيف؟ الممرضة ابتسمت وغمزت ليها وطمّنتها وادتو ادوية وطلعت...ابو امجد جا طالع ورا الممرضة وسألا كم سؤال ... بعدها لقى متاب ماسكه تلفونها وقاعده برّة .. سلّم عليها وقعد جنبها ..
سلمى لقت روحها براها مع امجد ..
سلمى_خلاص يا دكتوور امجد اخليك تااخد راحتك وربي يعافيك
امجد_ممكن من غير كلمة دكتور دي؟؟
سلمى_ ا ا طيب...
امجد_سلمى خليك معاي شوية ما تطلعي
سلمى_متاب منتظراني برّة ..
امجد_انتي بتتهربي مني؟
سلمى_لا ليه .. ماف شئ اصلا..
امجد_سلمى انا حكيت لمتاب كل الحاصل قبل شوية
وهي وافقتني وقالت لي خلي الباقي علي..سلمى_حكيت ليها شنو؟؟
امجد_طيب ما تسأليها عن اي شئ.. اتفقنا؟؟.....متاب نعم الصديقة يا سلمى
سلمى_طيب حكيت ليها شنوووو؟؟؟
امجد_ بصراحه انا كنت عاوز اعرف اذا عندها مشاعر تجاهي ول لا بس قالت لي لأ.. حتى من دون تردد وبقوة
.. ف قمت استغليت الوضع وقلت ليها الكلام ..سلمى_اسي ده وقتو ؟؟ انتو بتعملو كده ليه؟؟ الوضع ابداً ما وضع كلام زي ده
امجد_عارف يا سلمى بس احيانا بتجي مواقف الواحد لا ارادياً بلقى روحو اتكلم ..
سلمى_ايوه صح بس ما للدرجه دي
امجد_انا ما عملت شئ انا اعترفت بي مكانتك عندي بس وعن قوة الجذب الحصلت في الفترة الأخيرة تجاهك
سلمى_قادر تستوعب معاي انت؟ انا ما فاهمه شئ
وعمري ما حصلت علي حاجه زي دي .. ولا حتى قبل كده غلبني اتصرف دايما انا البفكّر وانا البحل التعقدّات بس الحاصل لي ده كأنو خيال .. انا انا ياخيييييامجد_لو ما مرّت عليك حالة زي دي معناها انتي ما بشر اصلا .. لأنو كلنا بنكون واعيين وفي لحظة الضعف بنكون حاجه تانيه .. واحيانا بنكون ناس هزليين وبتحصل حاجه بنبقى جاديين
ف ده الحال يا سلمى سلمى_فعلاً
امجد_انا ما حا اقول ليك اي حاجه اسي .. بس استخيري وانا اول ما ابقى كويس حا اوصل بيتكم
وربنا يكتب الخيرسلمى_يا اخوانا ده شنووووو؟!
امجد_خايف تحصل لي حاجه عشان كده قلت كلامي ده
سلمى_بُعد الشر عليك .. ان شاء الله العافيه وطولة العمر
امجد_جمعا
بس فكّري في كلامي انا عايزك أم أولادي يا سلمى وعاوزك زوجتي وعاوزك تعوضيني عن كل شئ سلمى كانت بترجف ويديها برجفو وجسمها برد
حاولت تقوم من الكرسي بس غلبها ..ابو امجد سأل متاب عن سلمى وطبيعتها ..
متاب كانت بترد ومبتسمة
وعرفت ابو امجد بسأل كل الاسئلة دي ليه .. وهو كان ببتسم مع كل اجابة بعد مسافة عاين لمتاب وقال ليها انتي صحبة سلمى المقرّبة متاب_ايوه اكيييد
ابو امجد_شوفي يا بتي .. شكلك واعيه ما شاء الله عليك
متاب_يرجع الفضل لسلمى بعد الله عز وجل
ابو امجد_ما شاء الله ما شاء الله عيني بارده عليكم
متاب_تمشي على خير يا عمي
ابو امجد_صراحة يا متاب انا عاوز سلمى دي لولدي امجد ده
متاب عملت روحها متفاجئة وانبسطت شديد
وقالت ليهو سلمى نِعم الاختيار وان شاء الله لو فيهم خير لبعض يقوى نصيبهم ابو امجد_ان شااء الله يارب ..
وبدأ ابو امجد يحكي لمتاب عن امجد ومعاناته
والانكساراات العاشها في حياتو متاب كانت بتسمع ومرات تدمّع وندمت على الحركات الكانت بتعملا ليهو مؤخراً..قالت لأبو امجد دقيقه ممكن اقول ليك حاجه ؟
ابو امجد_اتفضلي
متاب_في الايام الاخيرة يا عمي .. انا كنت بتعامل مع امجد بطريقة بارده عشان ما يتعلق بي
لأنو حسيتو بدأ يهتم بي وبغير علي في الصيدليةابو امجد_ااي حكى لي يا بتي
متاب_ما كنت قاصده أأذيهو والله بس عشان ما يتعلق بي لأنو انا برضو مريت بي انكسارات
وكنت بشوف اي ولد نفس الولد الكان خادعنيابو امجد_والله يا بتي اولاد الزمن ديل اغلبهم بقو ناس لعب بس
لكن بجي اليوم الحا تنسي فيهو كل اوجاعك وربنا كريييم وما بنسى عبادهبس انتي كوني قريبه من ربنا متاب_الحمدلله على كل حال ..وان شاء الله اكون اقرب من ربنا
ابو امجد_الله يحفظك يا بتي .. انتي وسلمى نسخه من بعض
ربي يحفظكم بهناك سلمى مع امجد ..
امجد_يا سلمى ادعي لي معاك حاضر
وبقى امجد يفتح ويغمض في عيونو ..
سلمى_اكيييد بدعي ليك ..
امجد_ب ت خ ا ف ي علي يا يا س س سلمى؟
سلمى_شديد .. امجد .. امجد
امجد مالك .. امجدامجد غمّض عيونو وما برد على سلمى