رواية العوض الجميل
الفصل الثاني والثلاثون32
بقلم مناسك موسي
سلمى طلعت و نادت على متاب وكانت بتبكي ..متاب جرت ونادت ممرضة وبسرعه جات على غرفة امجد ..
ابو امجد كان على اعصابه
وبقى يستغفر ويدعي ..الممرضة جات وشافت امجد وشافت الاجهزة وقالت ليهم مالكم مخلوعين كده؟؟؟ د.امجد نايم بس ..
سلمى_نايم؟؟؟
متاب_كيف يعني نايم؟؟؟
الممرضة_اخد منوّم قبل شوية صح يا حاج؟؟
ابو امجد_يااا ساتر انا كيف نسيت الكلام ده .. فعلا الدكتورة الجات قبل شوية دي قالت لي حا ينوم عشان الصداع
بس من الخلعة نسيتسلمى شالت نفس عميييق وقالت الحمدلله في سرها.. متاب لاحظت ليها وقرّبت منها وقرصتا ..
سلمى_مالك يا متاب؟؟؟
متاب_وريتوووونا القلق والخووف
سلمى_يا مرض والله ما وقتو
متاب_فديتو انا الخجول..
سلمى_معليش يا ابوي اعفي لي ياخ خلعتكم
ابو امجد_العفو يا بتي .. انا لو كنت مكانك كان اتخلعت برضو ..
وطلعو متاب وسلمى مشو مكتب الدكاترة وجهزو الفطور .. نادو ابو امجد وفطرو .. في المكتب جا د.عبدالله داخل المكتب وسلّم على متاب
متاب_يا دكتور كيفك ؟
د.عبدالله_يعني اااخر من يعلم في الدنيا وكمان بالصدفة
متاب_ مم م م معليش يا دكتور
د.عبدالله_ياخ حمدلله على سلامتكم والله دي عين بس واصابتكم ..
متاب_ربي يسلمك يا رب
د.عبدالله_الواحد لو ما سمع بالغلط كان يكون طاشي
متاب_حقك علينا يا دكتور
بس الناس انشغلت شوية..د.عبدالله_بيني وبينك
انا تلفوني كان قافل من امس حتى لو في زول اتصل ما كنت حا اعرفمتاب_ههه طيب خلاص ضربنا امس ولقينا تلفونك مقفول
..يا دكتور ما عرّفتك ده ابو دكتور امجد ..
د.عبدالله_يا سلاااام ازيك يا حاج كيفك؟
ابو امجد_ دكتور عبدالله الحمدلله بخير.. حكى لي عنك امجد
د.عبدالله_امجد ولد ممتاز جدا ما شاء الله عليهو ربنا يحفظو
واسي هو كيفو ؟؟ابو امجد_الحمدلله احسن كتييير ..
د.عبدالله_ربي يعافيهو ان شاء الله .. انا ذاتي يا متاب لااقيت الممرضة سارة وقالت لي حالة امجد في تحسن الحمدلله
متاب_اي الحمدلله احسن
د.عبدالله_ياخوانا انا استأذن الصيدلية فاضية .. يلا يا ابو امجد ربي يقومو بالسلامة
ابو امجد_تسلم يا دكتور
متاب_خلاص شوية كده وبجي عليك يا دكتور
وطلع د.عبدالله على الصيدلية ...
مرّ اليوم ومتاب مشت اشتغلت في الصيدلية وسلمى طلعت صيدليتها وجو راجعين سوا المساء لغرفة امجد ولقو سامي وابو سلمى وابو متاب مع امجد ..
مرّ تاني يوم وامجد حالتو اتحسنت وخرجوهو البيت ووصلهم سامي وابو متاب .. وابو سلمى ساق سلمى ومتاب للبيت
بعد مرور اسبوع .. وطيلة فترة الاسبوع سلمى ومتاب كانو بستخيرو وبتقربو من ربنا
وامجد اتعافى وكان بستخير برضو
في يوم من الايام الصباح بدري صحت متاب وكانت بتبكي
وطوالي اتصلت على سلمى وقالت ليها تعالي لي سرريع البيت انا عاوزاك ضروريسلمى صحت مخلوعه ولفحت توبها ولقت متاب منتظراها جنب الباب .. دخلت سلمى ومشو بسرعه على غرفة متاب
سلمى_ يابت مالك ؟؟ ناس البيت نايمين خليتهم من الخلعه ما كلمت زول انتي كويسه؟؟؟
متاب_ كويسه يا سلمى بسسسس