رواية العوض الجميل
الفصل السابع عشر17
بقلم مناسك موسي
طول الطريق والكل بتونس مع الجنبو .. سامي بتونس مع حمودي ويضحك .. متاب وسلمى بتونسو مع حبوبه وبتحكي ليهم ايام زمان وانهم كانو بمشو البحر كيف.. ابو سلمى وابو متاب بتونسو مع بعض.. ام سلمى وام متاب كمان بتونسو مع بعض.. وائل مع سماهر وكان خايف عليها لانها كانت قاعده قعده خطرة .. ابو سلمى سايق وبضحك بأعلى صوتو مع ابو متاب ما انتبه للشارع قرّب يطقش ليهو بتاع ركشة وسماهر جات واقعه من حافة البوكس اتجاه وائل الكان راكب في حافة البوكس في الاتجاه المعاكس ليها .. هي اتخلعت ونزلت مع الحافة وهو كمان نزل وقعد جنبها ..وائل_ما بتسمعي الكلام
كلّمتك ما تقعدي كده عارف القعده دي خطرة عليكسماهر_ياخ لكن الجو بكون سمح فوق
وائل_اسي لو كان وقعتي في الزلط
انا اطير وين ؟سماهر_عادي .. حا اقع وحا تعفصني عربيه وحا اموت وخلاص..
وائل جراها من يدها لمّن اتخلعت ..
سماهر_يا ود بسم الله خلعتني مالك ؟؟؟وائل_ممكن ما تقولي كده لأنك وجعتي لي قلبي يا مرض؟؟؟
سماهر_بتخاف علي يعني؟؟؟
وائل_ما عارف ..
سماهر_طيب يدي وجعتني ممكن تفكها؟؟
وائل_ معليش ... اسف.. ما قصدي .. بس تاني ما تقولي كلامك ده ..
سماهر "بصوت هادئ"_حاضر ..
وائل_داير اسألك سؤال ..
سماهر_اتفضل
وائل_انتي حلوة كده ليه؟؟
سماهر_ووووااااااائل
بخجل انا..وائل_هههههه برضو سمحه وانتي خجلانه
سماهر_ممكن اقوم فوق؟؟
وائل_لااااا ... قربنا نوصل ..
سماهر_وانت قاعد جنبي كده ليه اسي؟؟
وائل_ما اقعد يعني؟؟؟
سماهر_سألتك بس
وائل_خايف عليك .. ارتحتي كده؟؟
سماهر ما قدرت تتكلم ولاا كلمة .. بعد مسافه قالت ليهو حركات سامي دي
خليها
وائل_سامي؟
سماهر_انت وسامي بالنسبة لي واااحد.. وائل_بالله؟؟
سماهر_جد
وائل_طيب تمام
وسكتو ما اتكلمو تاني لحدي ما وصلو.. وائل اول ماا العربيه وقفت نطّ منها ..
سماهر_يا غبي .. بتقع ..
وائل_حركات متاب اختي دي خليهاا.. اصلا انتي ومتاب بالنسبه لي اكتر من واااحد
..ومشى منها ..
سماهر_عليك الله عاين الغبي ده .. مفروض يقيف لي انزل مشى ولا اشتغل بي
كوويس كوويس يا وائل .. عامل لي سماحتك دي.. ونزلت وفتحت لناس امها الباب.. نزلو كلهم ونزّلو حبوبه وشالو حاجاتهم وقعدو على الشاطئ واخر ونسه وضحك ولعب بالمويه .. وحمودي لقى ليهو اطفال بلعبو لعب معاهم.. ووائل لاقى صحبو من الاساس سلّم عليهو وجابو عرّفو على الكل.. ولعبو كوتشينه وضُمنه مع ابو سلمى وابو متاب.. والكل كان مبسوط 
مرّ الوقت بسرعه.. كعادة اللحظات السعيده دائما تمر كالبرق..وبنفس الطريقة رجعو البيت .. بس سماهر المرة دي قعدت تحت ووائل كان قاعد على الحافة وماف زول اتكلم مع التاني لحدي ما وصلو البيت ..
نزل وائل ومع سامي دخّلو الحبوبه ونزّلو باقي الحاجات .. وطبعاً الناس جات مرهقه فكل زول مشى على بيتوو وكانو مبسوطين جدا
..في بيت امجد.. ابو امجد بعد المغرب طلع على امجد في غرفتو.. دقّ الباب ودخل ..
ابو امجد_ياوولد امجد..
امجد_نعم يا ابوي..
ابو امجد_ انت الايام دي مالك؟؟
امجد_مالي يا ابوي ؟؟
ابو امجد_معقوله الليله الجمعه قافل على نفسك الغرفه وقاعد لا فطور لا شاي لا اي شى؟
امجد_نزلت صلاة الجمعه انا.. صلّيت في الجامع وجيت ما لقيتك تحت .. فجيت فوق راجع ده كل الموضوع..
ابو امجد_انت عارف انا بتعب لمن اطلع السلالم دي.. يعني ما كان في داعي يا امجد تخليني اتعب
امجد_معليش يا ابوي .. بس انا نزلت تحت وفتشتك ما لقيتك وتلفوني في الشاحن.. مشيت صليت وجيت رقدت نمت صحيت قبل شوية ..
ابو امجد_ ليه؟؟
امجد_لاني تعبان يا ابوي تعبان انا
ابو امجد_مالك حاسي بي شنو؟؟
امجد_موجوع يا ابوي
اعفي لي بس من حقكابو امجد_عافي ليك يا ولدي..
امجد_استغفر الله العظيم بس
ابو امجد_انت عارف انا ما عندي غيرك في الدنيا دي .. عشان كده يا امجد يا ولدي خليك جنبي.. العمر خلاااص مشى وتعب الكُبر بدا يدخل .. وما معروف الواحد
امجد_ابوي خلاص ما تقول كده .. ما تتم كلامك
ابوامجد_كنت رااجي الجمعة متين تجي عشان اتكلم معاك في الموضوع ده ..
امجد_ان شاء الله خير ..
ابوامجد_خير
انا داير افرح بيك يا امجد..امجد حسّ بي قلبو وجعو
ابو امجد_داير اشوف اولادك واشيلهم .. داير اسمع كلمة جدو
.. استغفر الله يا ولدي ما داير اقول الله حرمني وما اداني غيرك بسسس..امجد_ابوي قول الحمدلله
ابو امجد_الحمدلله يا ولدي .. بس داير افرح بيك دي امنيتي الوحيده حققها لي قبل ..
امجد_ابوي خلاص
حاضر يا ابوي حاضر .. وانا اسف والله ابو امجد_ما دام الاسف يا ولدي .
امجد_ حسبي الله ونعم الوكيل فيني .. انا كنت غافل عنك يا ابوي
انت ما قصّرت مني في اي شئ .. بس انا ما كنت منتبه للحاجه دي.. اعفي لي يا ابويابو امجد_يا امجد يا ولدي.. ما تقول كده
انت عارف من يومك النهيت موضوع خطوبتك وانا حاسي بيك بتتصرف من غير عقل .. لكن الزول الطيّب وبحب بي صدق بتعب شدييييييييد يا ولدي ..وبدأ ابو امجد يدّمع..
امجد_ابوي
ابو امجد_كفايه علي حب امك الله يرحمها
انا للان ما شايف مَرَه غيرها ولحدي ما اموت ما بفكر اتزوج ..امجد_ااا
ابو امجد_ما تقول حاجه اسمعني بس .. انا حبيت امك يا امجد لدرجه الجنون .. ولمن ماتت الدنيا دي اتقفلت في وشي.. وبقيت ما طايق اعيش
اهلي في البلد كلهم اتدخلو في الموضوع ده وقالو لي ما بنخليك كده وحا نعرّس ليك .. بس انا قلبي مستحيل يقبل بي غيرها .. وما قادر اتخيل يكون عندي طفل من غيرهاعشان كده يا امجد انا داير افرح بي اولادك انت .. يا امجد دايرك تشوف مستقبلك وتعيش حياتك ..عارف صعب لأني ماري بي نفس الالم ..بس انا على الاقل عندي انتامجد_بس يا ابوي ..
ابو امجد_ لو عاوز تقول لي سمر .. سمر خلاص صفحتها اتقفلت اتزوجت وتاني مافيها امل رجوع..
امجد_انا ما داير سمر تاني.. بس يا ابوي بقيت خاايف من الصدمات
ابو امجد_ خليك قريب من الله .. وشوف ربنا حا ينعم عليك بي بت حلال
تشيلك في عيونهاامجد_دعواتك يا ابوي بس..
ابو امجد_دعواتي مرافقاك..
امجد اتوجع على غفلتو عن ابوهو بس حاول يظهر انو عادي قدام ابوهو ..
قرّب من ابوهو وقال ليهو انا الليله عازمك على عشا برة ..
ابو امجد_امجد؟
امجد_من الليله يا ابوي حا تشوف امجد تاني
وحا اعوضك عن كل ألم انت عشتو وربي يقدرنيابو امجد_الله يختار ليك الخير يا ولدي ..
امجد_يلا ارح يا حاج.. اخد ليك حمام سريع كده وخلينا نطلع نفرفش من جو الحزن ده..
ابو امجد_هي يا امجد كان عفيتني يكون احسن ..
امجد_ابوي
عشاني انا..ابو امجد_حاااضر ..
امجد_ايووه خليك شباب ياخ وطلّع روح الشباب الجواك دي خلينا نعيش اللحظه
ابو امجد_الحمدلله على نعمة وجودك يا ولدي .. من غيرك اظن كان جنيت ... الحمدلله وصدق عز وجل لمن قال "لكل اجلٍ كتاب" الحمدلله الحمدلله