رواية العوض الجميل
الفصل الثامن8
بقلم مناسك موسي
امجد_اسمعيني يا متاب...متاب_اتفضل سامعاك ..
امجد_انتي انتي انتي
متاب_معليش دقيقه يا دكتور .. اتفضل يا حاج ..
وصرفت للحاج الروشته وطلع .. امجد كان مركز مع تلفونو لمن شاف متاب خلصت حاول يسألها لكن متاب جاتها مكالمة من سلمى ....
متاب_سلمى كيفك ؟
سلمى_الحمدلله
متاب_اها جيتي الصيدليه؟
سلمى_ايوه .. وصلت قبل شوية .. دايرة اسألك يا متاب ..
متاب_احكي ... دقيقه يا سلمى .. دكتور امجد طالع وين؟
امجد_لا بس في خالة واقفه في الباب وشكلها ما قادرة تفتح الباب
متاب_ايوااا ... تمام
سلمى_يا بت خلي الشلاقة .. اسي يقول البت مهتمية بيهو وكده..
متاب_لا يا غبيه ..
ده تفكيرك انتي .. لانو زول جديد بس ما اكتر حبيبتي انا 
سلمى_ المهم يا ستي .. دايرة اسألك من ...
وسألتها عن دواء ...
متاب_ وضح يا ستي؟
سلمى _وضح يا دكتورة ..ثانكيوهات
متاب_بطلي عولاق يلا ...
سلمى_متاب متاب .. صوري لي دكتور امجد عن غفلة
متاب_ابيييت ... حا تشوفيهو فيس تو فيس.. بعدين هو وسيم اي لكن.. سلمى خلاص الود بقى يعاين لي يلا اقطعي وشك
سلمى_ظريف... لبعدين .. بااااي
مرّت الساعات وخلّص الدوام .. ونفس الحركة د.امجد انتظر متاب لحدي ما قابلت سلمى ومحمود وصلهم وركبو معاه .. وبعدها اتحرك ..
امجد وهو سايق بقى يتكلم براه..معقول تأثّر فيني كده؟ يعني كلها يومين بس ؟؟!! ليه بحس روحي ما عايز افارقها ؟؟ هيي يا امجد احسن ليك تتعدل وتركّز في شغلك
متاب شنو البتشغل بالك قدر ده ؟! ياااا حليلك يااا سمر .. خطفوك مني وخلوني محتااااار
وانا وعدت نفسي مافي بت تدخل حياتي تاني بعد سمر .. خلاص قفلناا ..وفتح مشغّل الاغاني واشتغلت معاه اغنيه .. قلبي مجرووح مرتين لمحمد الكناني
وبقى يردد مع الاغنيه :
_انا هسا مجروح مرتين
يا قلبي مجروح ليك ولي
انا كنت ديمة بلوم جفاك..
الليله خُت اللوم علي..
يا قلبي وديتك دروب..
انا كنت دايرها تسعدك..
انا كنت قايل الفيها خير ..
لا بتنسى ريدك وتبعدك
امجد وقّف الاغنيه ومسح دموعوو
ووقف العربية مسافة وبقى يتذكر في سمروالدموع ملت عيونو بعد دقايق هدأ وواصل سواقة..
وتلقائياً لقى روحو شغّل المشغِّل ...
وواصل الكناني الاغنيه ....
_اااي نعم غلطان كتير...
وغلطت يوم اخترت ليك
كسّرت جواك الحنان
بزول غلط دسيتو فيك..
علّمتك انت تحبو موووت...
لو حتى في يوم جار عليك
يا قلبي متأسف كتيييير
جمر الاسف في دمي حي
امجد بقى يضرب في الدركسون ودمعو بنزل على خدو..
_انا تاني ما بغصِب عليييك
يا قلبي واختار ليكَ زووول
من حقك انت تحب براااك
تختار وتتحب وتقوووول
خليني في حالي العلي...
ما ابقى ليك انا العزول
انا ذاتي ما بعرف كتيير في الريده ياداب عمري ني...
يا قللللبببببي
وصل امجد البيت وقّف العربيه وبقى سرحااان مسافة لحدي ما شاف ابوهو فتح ليهو الباب .. وجا ماشي عليهوو..
ابو امجد_ امجد كيف؟؟ مالك ما نزلت تفتح الباب ؟؟ انا سمعت صوت العربيه بالصدفة ..
امجد_الحمدلله .. لااا ماف حاجه يا ابوي كنت حا انزل اسي ..
ابو امجد_اتعشيت؟؟
امجد_لا .. ما جيعان يا ابوي... شبعان الحمدلله ...
ابو امجد_تمام..
ودخّل العربية وطلع على غرفتوو ..
مرّت الايام ...
امجد اتعود على الشغل وعلاقتو مع متاب بقت في حدود الشغل بس.. سلمى كل فترة الايام دي بتسمع عن امجد من متاب .. ما حصل بينهم لقاء ..
في يوم الصباح سلمى جات على متاب وقالت ليها انا طالعه الصيدلية الليله بدري لأنه حا اشتغل الدوامين ..
متاب_دوامين تقيله عليك يا سلمى ياااخ ...
سلمى_والله تقيلة لكن د.امل حا تجي بالمساء ان شاء الله ...
متاب_هي امل دي مساعد ساي ذاتا..
سلمى_والله بي حالها ده مساعداني يا حليلا
متاب_ امممم..خلاص تمامين يا زولة ..
سلمى_يلا نتلاقى بعدينات تمام ..
متاب_خيير ..
سلمى_يلا سلام