رواية العوض الجميل
الفصل الخامس5
بقلم مناسك موسي
مرت الساعات .. وسلمى كانت منتظرة متاب تجيها في الصيدلية عشان يرجعو سوا .. طلعت متاب ومشت على صيدلية سلمى واول ما وصلت دخلت الصيدلية لقت سلمى معاها بت واخدت ادوية وطالعه .. سألت سلمى اتصلتي على محمود؟؟ قالت ليها ايوه وقال لي انا قربت عليكم دقايق واكون معاكم لانو في زحمة في الشارع ...متاب_ طيب ارح اقفلي الصيدلية ونمشي على عمو احمد نخلي ليهو المفتاح وننتظر محمود
سلمى_طيب ارح
وقفلو الصيدلية وسلمو المفتاح ل حاج احمد في البقالة وانتظرو محمود في الشارع ..
سلمى_صحي تعالي هنا قلت لي قبيل دايره احكي ليك ...
متاب_اي اي صح ذكرتيني والله ، اتخيلي يا سلمى اتصل علي رقم غريب وهددني انو لو مؤيد حصلت ليهو حاجه ما ألوم الا نفسي
اتخيلي بسسلمى_اجي؟؟ وما قال ليك هو منو؟
متاب_بري .. هو اداني فرصه؟؟ قفل الخط في وشي
سلمى_كدي جيبي الرقم ندخلو في النمبر بوك الشمار حرقني ومؤيد مالو كمان؟؟؟
متاب_والله ما عارفه يا سلمى لكن هاك الرقم ......091
سلمى_دقيقه جاري البحث..
متاب_اها
سلمى_بدون اسم
متاب_يعني ما مسجل ؟
سلمى_معناها ما مسجل، يا زولة ما تشغلي بالك كتيير بكون حركة من حركات مؤيد .. عشان انتي تقلقي وتتصلي على مؤيد وبتاع .. فهمتيني؟؟
متاب_لكن لاحظي لكلاموو ياخ بقول لي لو حصل ليهو شى ..معناها مؤيد ناوي يعمل حاجه . ..
سلمى_ام قلبا خفيف
بطلي حنيه زايده .. والله الحبة ما بتجيهو 
متاب_ان شاء الله ما تجيهو ياخ
سلمى_ خايفه عليهو ؟؟؟
متاب_ منو ؟؟ انا؟؟ للللا
..ارح ارح محمود الصامت وصل ..سلمى_هههه سميتهو الصامت
صحي صامت وووو مكسرني كيف لكن عاد صاحب سامي اخوي مافي اي طريقة للانبراشمتاب_انا ممكن انبرش مش؟
سلمى_ايوااا يعني ما حاسبه سامي اخوك مش يا حيوانه
متاب_ ارح ارح اركبي سامي خليهو اسي
سلمى_ السلام عليكم محمود كيفك ؟
محمود_وعليكم السلام يا دكتورة اتفضلو
متاب_ تسلم...
وركبو معاه وصلهم البيت ..واتودعو واي واحده دخلت بيتهم ..
متاب اول ما دخلت لاقت ابوها في حوش الصالون ..
متاب_يا حاج كيفك ؟
ابوها_اوو متاب ..الحمدلله يا بتي
متاب_الصحه والشغل واياك؟
ابوها_والله يا بتي درش شديد بس نحمدالله ، اها الشغل ماشي معاك كيف؟ ومحمود برجعكم مش ؟
متاب_تمام ماشي حالو غايتووو .. اي والله بجي في مواعيده بالضبط
ابوها_بارك الله في سامي ياخ والله ولد ممتاز ياخ واصحابو ممتازين
متاب_والله يابا تصدق انو الولد ده بس حدنا معاه السلام عليكم ...بكون مشغل قرآن وساكت بس
ابوها_اي ما شاء الله علييهو شاب نادر في الزمن ده
جات ام متاب مارة بالحوش ..
متاب_يا حجة ..امسيتو كيف؟
امها_الحمدلله جيتي متين ؟؟
متاب_دي دخلتي والله
امها _حمدلله على السلامة .. يلا امشي رتبي امورك وتعالي نتعشى مع ابوك .. وفي مفاجأة منتظراك في غرفتك
متاب_مفاجأة عديل
جبتو لي شنو
ابوها_ كدي بعد تمشي تشوفيها اول
متاب_اها ودعتك م الله
وجرت جري على غرفتها وتتبسم .. واول ما دخلت لقت وائل راقد في سريرها
متاب_ولي
وقسما برب السماء شوووقااااتوائل_متاب
كتييير والله ..بالله منتظرك زي الحاجه السمحهمتاب_يخسي عليك انا ما حاجه سمحه يعني ؟ والله مشتاقييين ياه
وائل_كتييير والله ..
متاب_اها الامور ماشه كيف؟؟
وائل_الحمدلله بسط
متاب_انت صحي تعال اسألك سؤال شوية محرج لكن ما بيناتنا نحن اخوان
وائل_اسألي اها
الله يستر ....متاب_عاوز تبقى شنو؟؟
وائل_ طبعا يا اختي العزيزة كلامك صح سؤالك محرج وانا اسي ما فاضي ليك . وعن اذنك انا ماشي اتغدا
متاب_والله جاده معاك انا
وائل_صرااحه كده يا اختي وانتي ما منك مدسة ..
متاب_اها يا بيبي
وائل_ما تقولي لي بيبي لو سمحتي عشان بخجل
متاب_ما تتعولق اها قول
وائل_والله داير انجح واخش الجامعه يا اصليه بس ده كل هدفي
متاب_واسي ممتحن ادبي على اي اساس؟؟
وائل_ساي بس العلمي ده صعب يا زولة هيي
وانا زول حفظ بس ..الفهم ده ما عندي ليهو حاجه متاب_ غايتو الله يعوضنا فيك
انت يا يابا ماك سماهر الدكتورة وائل_سماهر عايده
متاب_وعاجبني انت يا الاول مرة
وائل_انا لكن كنت عامل حادث وما كنت بقدر احفظ
متاب_سماهر ذاتا كانت عيانه..
وائل_ارح ارح ظبطي امورك وارح الطقة يا فرده انا جيعان والله
متاب_بسسس ده الفالح ليهو
خلاص تمام امشي قدامي اسي بلحقك..وائل_اي الحياه دي شنو هي غير طقة نضيفه ونوم
متاب_الله يهديك
وطلع وائل من الغرفة ومشى لقى حبوبتهم وحمودي اخوه قاعدين في الحوش قعد اتونس معاهم لحدي ما امهم جهزت العشا وقعدو مع بعض اتونسو واتعشو واي زول مشى على مكان نومو
اصبح الصباح واي زول مشى على شغلو وسلمى ومتاب طلعو سوا على الصيدليه وبتونسو وهم ماشين في الشارع على المواصلات ومتاب حكت لسلمى عن د.امجد الحا يجيبو ليها الليله يمسك معاها شغل المساء
ركبو المواصلات ووصلو واي واحده دخلت علي صيدليتها ..سلمى دخلت لقت د.امل قاعده وبترتب في ادوية سلمت عليها وطوالي نزلت معاها ترتيب
بهناك متاب جات داخله لقت د.عبدالله بتكلم ب تلفونو ..دخلت وهي ساكته واول ما خلص مكالمتو سلم عليها وقال ليها كنت بوصف لدكتور امجد في الصيدليه ، هو اسي في المستشفى هنا ..بس رايح
متاب_ايواا ... اها انت كيف الليله؟
د.عبدالله _كويس الحمدلله احسن كتيير
متاب_الله يديك العافيه ..
وقطع كلامهم ولد شاب مبين انو ثلاثيني العمر طويل اصفر ...وقال السلام عليكم يا د.عبدالله
د.عبدالله_اخييييرا يا ولدي وعليكم السلام ورحمة الله
اتفضل اتفضل ..دكتورة متاب ... دكتور امجد
متاب_ مرحب بيك يا دكتور نورت
امجد_تسلمي بي نورك
د.عبدالله_اتفضل يا ابني .. وزي ما شرحت ليك الحاصل ولو احتجت لأي حاجه د.متاب موجوده وما بتقصر معاك ان شاء الله
وزي ما حكيت ليك عنها انا بعتبرا زي بتي والله امجد_ابشر يا دكتور.. ماف مشكلة ان شاء الله في عيونا
متاب "مع نفسها"_ ده مالو برد كده؟
د.عبدالله_يلا ربنا يكون في عونكم ويوفقكم ان شاء الله انا طالع لي مشوار والله واتأخرت
امجد_اعفي لي يا دكتور ما اكون اخرتك انا بس
د.عبدالله _لالاياخ العفوو
يلا بالاذنمتاب_يلا
طلع د.عبدالله وجا داخل مرافق عاوز ادوية ومد الروشته ل د.امجد ..
امجد_يا د.متاب استلمي
متاب_ ايوه اتفضل .. طيب الدواء ده عندنا بس الاتنين ديل للاسف ماف لكن ممكن تشوف الصيدليه الخارجيه بكون فيها ..
المرافق_ياتو واحده ؟؟ في صيدليتين خارجيات يا دكتورة .
متاب_ لحظه بس اتصل ليك على الدكتورة اسألا ليك
واتصلت على سلمى وقالت ليها عندهم .. على طول متاب وصفت الصيدلية للمرافق وكلمت سلمى انو حا يجيها ..
د.امجد كان مراقب متاب بهدوووء
واول ما طلع المرافق سلم عليها في يدها وقال ليها معليش قبيل كنت متوتر شوية متاب_لا ولا يهمك كلنا في البداية كنا كده بس ركز معاي وحا اوريك مكان الادوية كلها تمام
الليله بس خليك متابع ..حلوامجد_جميييل جدا يا دكتورة
مر اليوم وكانت متاب متألقة قدام دكتور امجد وهو مبتسم ومتابعها وعجبتو طريقة تعاملها مع المرضى والمرافقين جدا
لمن جو طالعين امجد سأل متاب ساكنة وين؟ قالت ليهو معليش ليه السؤال؟؟امجد_ما قصدت حاجه بس لاني سايق وقلت اوصلك معاي
متاب_لا جزاك الله خير ..عندي صحبتي شغاله في الصيدلية الخارجيه بنرجع انا وهي بعربيه خاصه ...
امجد_ايواا خير .. نتلاقى بكرة يا دكتورة
وفرصة سعيده كمان متاب_ان شاء الله .. انا الاسعد ..
وطلعو سوا ..متاب اتجهت على صيدلية سلمى وامجد كان مراقبها لحدي ما دخلت الصيدلية وجو طالعين ومحمود وقف بالعربية قدام الصيدلية وركبو ومشو .. وهو لسه واقف ومبتسم
متاب في العربية "بهمس"_يا سلمى سلمى ..
سلمى_مالك يا بت ؟
متاب_خلاص خلاص بعد نصل البيت
سلمى_ليه مالك في شنو؟؟
متاب_خلاص محمود شغل القرآن يلا اسكتي
سلمى_طيب سكوووت