رواية العوض الجميل
الفصل الرابع والثلاثون34
بقلم مناسك موسي
سلمى رجعت بيتهم ظبطت امورها وجات راجعه بيت ناس متاب عشان تحضر اللحظات ال حا تكلم فيها متاب امها .. وفعلاً رتبو امورهم وقعدو قعدة الشاي بحضور سلمى 
شربو الشاي وكانو بتونسو وبضحكو بعد خلصو ...متاب_احم احم
حمودي ..حمودي_اها اصبحنا بالله .. مرسلاني وين؟ رصيد مش؟؟
متاب_هههه لا والله .. عاوزة اقول ليك شوف التلفزيون فاتح عشان ما يكون شغال براه كمان..
حمودي_اي اي ماشي احضر عندي مسلسل جديد ببدأ الصباح بدري
سلمى_حلووو ...يلا امشي ما يفوتك ..
حمودي_نداء الى حمودي ...انااا قااااااادم ...
ام متاب_خلاص قام
وجرى حمودي على غرفة التلفزيون امّا حبوبتهم كانت قاعده شِربت الشاي ورقدت راجعه ..
متاب قعدت جنب امها وسلمى تتكشم وتتبسم...
متاب_امي
سلمى_اححححم
ام متاب_اممم؟؟ مالكن؟؟ ان شاء الله خير
سلمى_خيير والله يا خالتي ..
متاب_طيب يا امي صرااحة
انا عاوزة احكي ليك موضوع ..ام متاب_موضوع شنو كمان ؟؟ اها احكي
متاب_انتي يا امي .. مااا ت ت تطمنيني شوية قولي لي اتفضلي .. قولي لي اللهم خير .. وكده يعني
ام متاب_ههه طيب ارح .. انتي عارفاني بحب الوضوح ..
متاب_ايوااا .. ابتداءًا من كلمة الوضوح دي .. انا ذاتي عاوزة الوضوح
ام متاب_يا بت شحتفتي روحي.. قولي
سلمى_طيب يا خالتي انتي اهدي شوية هي براها متوترة
متاب_ااي يا امي ..بعدين هو الموضوع مستقبلي ان شاء الله
ام متاب_يعني انتو حا تجرجروني كده لمتين؟؟؟؟؟
متاب_يا امي شوفي ..اناااا بصراحه ..قبل فترة كده هناي
يعني حصل لي موقف كده وومن الموقف ده حصل لي موقف تاني .. فاااا كده يعني ..ام متاب_توبة .. يا بت مالك؟؟
متاب_طيب عايني يا امي .. بصراحة انا اتقدم لي عريس
احححح قلتهاام متاب_جِد لي يا يمة
عاد ده يوم الهنا والمُنى يا بتي وضمّت متاب عليها ..
ام متاب_والله منتظرة متييين متييين اسمع الجملة دي .. الحمدلله واخيرا بورتكن اتفكت
سلمى_هل هنا واضح انو في احراج حاصل وكلام جارح؟؟
ام متاب_كوركت لي سوسن قبل شوية بالحيطه وكلمتني بموضوع امجد.. والله يا سلمى يا بتي فرحت ليك من قلبي
وامجد يستاااهل وانتي تستاهلي والله ربي يسعدكمسلمى_ديمة فرحانة يا خالتي
اها يا متاب واحكي لي بالتفاصيل الحصل شنووو؟؟
متاب حكت لامها كل الحصل وما خبّت عنها حاجه
.. واتفقت معاها انو تكلم ابوها في لحظة صفاء بينهمام متاب_لا باقي الموضوع خلي علي عاد .. اظبطو ليك كلو
سلمى_بس يا خالتي .. عمي ده ما حا يرفض ول كده؟؟
ام متاب_بري ما عندو مشكلة وعشان اوريك كل فتره بسألني بقول لي انتي متاب دي بتحكي ليك .. ماف زول في حياتها .. وبقول لي صاحبيها والبت صحبة امها .. بس انا كنت منتظراها هي تجيني
والحمدلله جات براااهاسلمى_يعني نعتبر الموضوع ده منتهي
؟؟ام متاب_وجهزو باقي الترتيبات .. الليله المساء بكلمو بالمووضوع وبشوف رده..
سلمى_الحمدلله .. خلاص كده هم وانزااااح
ربي يخليك لينا يا خالتو حنانام متاب_ويخليكم لي وافرح بيكم يارب
وان شاء الله يااارب ببركة الصباح ده يا بناتي اشوفكم في يوم واااحد متاب_هي يا امي كده صعبتيها
سلمى_يوم واحد دي قاسيه ياخ
ام متاب_اجي اجي ان شاء الله كمان عشااان كلامكن ده شاحده الله تعرسن في يوم واحد
حبوبة متاب كانت نايمة ومقبلة على الحيطة بس سمعت كلمة تعرسن
حبوبة_الداير يعرس منو يا البنيات؟؟؟
ام متاب_امي
دعووواتك لسلمى ومتاب ربي يسعدهن ويسهل امرهن ..حبوبة_سلمى ومتاب
يحفظن الوهاب ويجيهن السمح يدق الباب ويفحتها عليهن ويسعدهن سعادة سعادة زول عشمان في ربنا وظنو ما خاب يديهن ويرضيهن ويسعدن ويعليهن سلمى ومتاب الله يسعدكن يا بناتي ويرزقكن الازواج الصالحين ويطول في اعماركن واشوف اولادكن يا ربي يا رحيم يا قادر يا كريم امييييينكلهم_امييييييين
سلمى_ياااا الله اللهم اميييييين يا حبوبة والله الدنيا دي بتتجازف بدعواتك دي بس
متاب_ربي يستجيب ويخليك لينا يا حبوبة
ام متاب_الله يديك العافية يمة
ويطول لينا في عمرك ياربجا المساء وجات ام متاب بعد عملت العشاء واتعشو كلهم مع بعض عدا متاب الكانت في الصيدلية ... بعد العشاء وشاي الحليب بالسكويت والجو الظابط
تفرّدت ام متاب ب راجلها ولطّفت الجو بكلمات زوجية جميلة بعدها كانت قادرة تسيطر عليهو .. وحكت ليهو الحاصل بي كل هدوء وحبابو متاب ما صدّق وفرح لمتاب شديد .. ونادى وائل من الصالون وكلموهو بالحاصل وكان حا يطير من الفرح
في اللحظة دي متاب فتحت الباب وجات داخلة البيت ولابسة النقاب
وامها وابوها ووائل كانو مخلوعين ..وائل_اهاااا بدينا
دي شنو حركات العروسات دي 
طوالي كده ؟ يعرفوك بايرة كيف ابردي حبة لكن يا بت امي ما قدر ده . متاب_السلام عليكم
امها وابوها_وعليكم السلام
ام متاب_ده شنو يا بت ... جا على بالي اقول نفس كلام وائل
ابوها_كدي ياخوانا خلو العروس تقعد اول وتشيل نَفس وبعداك نفهم الحاصل ..قوم يا وائل جيب لأختك موية تشرب
متاب خجلت....
وائل_العروسة الشفقانه .. وبقى يغني ..
ودي عروسة شفقااانه يا ليل
واحده بايرة وفرحاانه يا ليل
ابو متاب_يا ولد .. بس ده الفالح ليهو
غير الحفلات بتعرف لشنو انت ؟؟؟هاااوائل اتناول موية من الحفاظة وقرّب من متاب وناولها الكباية بغنيه ..
عروسنا سمحة حنيينة
لبست النقاب مسكينة
عاملة فيها زولة رزينة
دكتورة و..
متاب_وائل ما ممكن معاك لكن .. ممكن تترزع
ام متاب_اها يا متاب والله يا بتي المووضوع حار حاار
ما قادرين نصبرابو متاب_اول حاجه ربنا يكتب ليك الخير يا بتي .. وبعد الكلام القالتو امك انا ثقتي فيك كبيرة وواثق من اختيارك وان شاء الله ربي يسعدك ..
متاب بي صوت هادئ_اللهم امييين
وائل_ عان عااان
شوف الخجل قال السسسسممممك ام متاب قرصت وائل يا ود اقعد ساي
خلي اختك شوية ما ممكنمتاب_خليهو بعدين ببكي
وائل_ابكي ؟؟ ابكي عشان شنو قال
تشوووفي بسمتاب_طيب يا جماعه معليش انا فاجئتكم بموضوع النقاب ده .. ويا وائل انا ما لبستو عشان العرس .. انا شفتو في رؤية كذا مرة .. واستخرت وقلبي اطمأن ليهو وان شاء الله ربنا يثبتني
ابوها وامها_ما شاء الله ربي يحفظك
وائل وهو متفاجئ_سبحاااانك ربي .. والله صحي "إن الله على كل شئ قدير
"متاب_الحمدلله نسأل الله الثبات بس..دعواتكم لي
ابو متاب_ان شاء الله دعواتنا معاك يا توبة
طيب انا سألت وائل باعتباره اخوك وراجل البيت التاني طبعا ..فقال لي ممكن نعمل خطوبة في الايام الجاية دي والعرس يكون بعد امتحاناته هو وسماهر اها كيف معاك؟؟؟.متاب_خير وبركة ان شاء الله ماف مشكلة
متاب عاينت لوائل وقالت ليهو سبحان الله مرات بتعرف تتكلم كمان خطوة
ابو متاب_يا زولة خيير ..ادي منيب رقمي وانا بتكلم معاه كلام رجال تمام
متاب_حاضر ياابوي
ام متاب_ربي يتم ليك على خير يارب
وائل_منيييييييب العجيييب.. حا يخطف متاب ويقول لي يا وائل ده النصيييييب
متاب_انت زمنك البتألف فيهو شعر واغاني ده كان انجزت وحفظت ليك حاجه
وائل_انتي ما طيرة ما بتعرفي حاجات زي دي .. دي حاجه اسمها الإلهام
وطبعا ربنا ما برزقها لأي زولمتاب_الله يهديك يا وائل..امشي امشي شوف قرايتك بي وين يلا.. بالاذن يا جماعه ماشة اخد راحتي انا
ام متاب_اي خلاص .. يلا اكلك جاهز الليله عملنا خيانات ابوك جا بدري واكلنا ..
متاب_ههه ايوااا طيب طيب يا خونة
ابو متاب_والله كان في قرصة جوعة كده..
متاب_بهظظر يا حاج
خلاص تمام ودخلت متاب غرفتها .. وفتحت واتساب ورسلت لمنيب رسالة :
_مساء الخير يا منيب وبعتذر جدا على التأخير..
ده رقم ابوي ......
الصباح اتصل عليههو وهو ال حا يتفاهم معاك..
وبالنسبة لي ما حا اقدر اتواصل معاك .. لحدي ما تجي تطلب يدي من ابوي ولحدي ما تبقى حلالي
ابقى عافيه
منيب كان فاتح واتس وشاف رسالة متاب ابتسم وفتح الدردشة وقرأ الرساله اكتر من تلاته مرات
وكان مبسوط من متاب جدا جدا رد ليها ..._تمام .. ربنا يكتب الخير
وطلع من الواتس...
هي قرت الرسالة ابتسمت وقالت في نفسها ..
الحمدلله على الراحة النفسية الأنا فيها دي
ربي ادمها علي يااا اللهقبل ما تمشي من الغرفة جاها اتصال من رقم غريب..
عاينت للرقم .. والرقم ما غريب عليها..في الاول اتجاهلت بس تاني خافت يكون في حاجه حاصلة ردت ..
_الووو
الرقم_متاب كيفك؟؟
متاب_الحمدلله منو معاي؟؟؟
الرقم_يعني ما عرفتيني معقول؟؟
متاب_لو عرفتك ما كنت بسألك .. اختصر انت منو وعاوز منو؟؟
الرقم_كدي عايني لرقمي ده كويس بتعرفيني ..
متاب_يا ود الناس انا ما فاضية ليك .. انت منوو؟؟؟
الرقم_انا عادل صاحب مؤيد .. كان قبل كده اتصلت عليك هددتك لو مؤيد حصلت ليهو حاجه ..
متاب_ايوا اتذكرت .. اتفضل عاوز تقول شنو؟؟
عادل_عاوز اعتذر ليك عن المكالمة الكانت فجأة .. بس الوقت داك مؤيد كان عمل حادث وانا كنت خايف عليهو ولمن عمل الحادث كان بتكلم معاي بالتلفون عنك ..
متاب_حادث؟؟؟؟يا لطيف ...سلامتوو
مؤيد_تسلمي لي انتي
متاب_مؤيد؟؟؟
مؤيد_اي يا متاب مؤيد.. كيفك كويسه؟؟
متاب_الحمدلله تمام...
مؤيد_متاب عندي ليك سؤال واحد بس جاوبيني عليهو ممكن؟؟؟
متاب_اتفضل..
مؤيد_بتحبيني.!!!!
ردت عليهو وهي باسمة
متاب_ معاذالله ان ينبض قلبي لك مرة ثانية....فَقًدِ امٌنَتْ انَ بّْعادِيَ ْعنَكِ ُهوَ مٌنَ اجْمٌلُ الُحُسِنَاتْ.....
وما كان بيننا ليته يُغفر بالصوم والصلاة
مؤيد مع صاحبو .. اقفل الخط اقفل خلاص انا استاهل
ربنا يسعدك يا متاب والعفو والعافيه ..وقفل الخط
متاب كانت قوية ومبسوطه وقالت الحمدلله مؤيد صفحة وانطوت
والقادم اجمل بإذن الله واتذكرت منيب ابتسمت ابتسامة خفيفه وطلعت