رواية العوض الجميل
الفصل الثالث والثلاثون33
بقلم مناسك موسي
سلمى_والله يا متاب قلّقتي بي في شنوو؟؟متاب_انا لي 3يوم متقطعة بشوف نفس الحلم يا سلمى
سلمى_ان شاء الله خير .. بتشوفي متين؟
متاب_والله بشوفو كده وبصحى مخلوعه بلقى النبّاه الاول او النبّاه التاني ...
سلمى_طيب دي اسمها رؤية
وان شاء الله تتحقق كدي احكي لي ..متاب_بشوف نفسي في محل اخضر وااااااسع .. ومعاي اطفال كتاار بعلبو وانا في نصهم وبنطط معاهم وبضحك وهم بضحكو معاي .. بعد شوية اشوف ليك منيب يجي جاري وشايل معاه حلويات كتيرة وانا بجري عليهو وتاني بقيف بقول هي معقول منيب ده الجابو هنا شنو واحاول اتراجع ..
سلمى_اها اها واااي واصلي..
متاب_اقوم احاول ارجع .. هو يضحك بي صوت عااالي ويناديني بي تَوبة
وانا جسمي كلو يقشعر ويقول لي تعالي هاااك اسرعي .. وتاني احس روحي خايفة اتلفت وراي اشوفك انتي تقولي لي امشي ليهو يا بت ده منيب... وانا اقول ليك عارفاه منيب لكن .. وفجأة يجو طفلين يشيلو منو حلاوة ويقولو ليهو يا بابا وانا اتخلع وبعاين للاطفال ديل بعد شوية جو جاريين علي وقالو لي ماما شيلي من بابا حلاوة 
سلمى_واااي ياخ .. اها وشلتي؟؟
متاب_ما شلت في الاول اقيفي اتم ليك ... عاينت ليك انتي لقيتك شايلة لييك بنوته جميلة جميلة حد الجمال
سلمى_واااي انا
وحلاتي يا ناش
متاب_خلاص يا بايرة
.. المهم يا سلمى جيت عليك قلت ليك حلاااتا دي بتك قلتي لي اااي ما شايفاها بتشبهني كيف.. حاولت اشيلها منك اسلم عليها بس جات مطرررة غزيرة وانتي ناديتي يا امجد امجد .. وجريتي مني .. بعد شوية اشوف ليك منيب سايق الطفلين وجاني جاري قال لي يعني حا تقيفي للمطرة كده يلا ارح .. وربط لي نقاب لونو بنفسجي وكنت مخلوعه وقلت ليهو منيب .. ابتسَم 
وهو طبعا اطول مني غطاني من المطرة وحدس ما حدسسلمى_عايني انا ما عارفة اقول ليك شنو يا متاب
بالجد دي رؤيه مباااالغه وان شاء الله تتحقق ياربمتاب_سلمى انا خايفة ياخييي
سلمى_اححححي يا قلبي خايفه قال .. تعالي هنا ما تنسيني حدس ما حدس دي شنو
احكي سريع ..متاب_يلا ما انتي قايلة شنو
هو اصلا جودة الحلم ما كانت عالية والصورة ما واضحه شديد عشان كده انا بصحى مخلوعه ..سلمى_ايوااا ايوااا ظاااابط يا فرده
متاب_المهم يا سلمى والله الحلم اقصد الرؤيه دي اتكررت الليله تلاته مرات في المرتين الاوائل قلت دي كوابييس بس تاني الليله شفتها
سلمى_طيب اقول ليك يا متاب
انتي عارفة المكان الاخضر في النوم بقولو خير وكمان قلتي واسع
ان شاء الله خيررراً كتييير يارب والاطفال معناها حا تعيشي حياة جديدهوالحلويات يا السمحه دلالة على انو حا تتغير حياتك للاحلى وبقولو خصوصا العاطفية 
وكمان بتعني الاخلاص
منيب يا مخلص
اما المطرة الغزيرة رزق وخير وفيرر
او بشارة ليك او تطهير لذنوبكفالحمدلله
متاب_اووو ابن سيرين يا
بسم الله ما شاء الله عليك يا سلمى ربنا يحفظك
سلمى_جمعا جمعا
متاب_ربنا يكتب الخير ويسهل الامور ان شاء الله
سلمى_اها طبعا ما وريتك امجد اتصل علي امس بعد جينا راجعين من الشغل وقال انو اتفق مع سامي حا يجي البيت ويتقدم
متاب_اخييراً وافقتي يا سجم
الحمدلله ربي يتمم ليكم على خير يارب سلمى_والله كنت متردده بس في النهاية اتطمّنت وخلاص
متاب_امجد ماف منو اتنين يا بت
وربنا يسسعدكم ان شاء الله يارب سلمى رقدت على كتف متاب وقالت ليها عقبال افرح بيك كمان يارب
متاب_اميييين وانا بخجل
متاب سرحت بعييييد وسلمى كانت بتنادي فيهاا ...
سلمى_متاب.. توبة .. يا بت متاب...
متاب_اهاااا
سلمى_يا بت مشيتي وين؟؟
متاب_سلمى انا قررت اتنقب
سلمى_شنووو؟؟؟
متاب_ما سمعتيني يعني؟؟؟
سلمى_سمعتك بس حابة اتأكد
متاب_انااا يا سلمى قررت اتنقب
سلمى_سبحان الله .. يهدي من يشاء الى صراط مستقيم ..
متاب_بالجد يا سلمى ما شفتي لحظة منيب ربط لي النقاب في النوم احساسي كان شنوو عشان كده انا حا اتنقب ..
سلمى_والله خطووة موفقة جدا
وربي يثبّتك ان شاء الله ...متاب_اللهم اميييييييين يارب
تمشي معاي معرض الحجاب بعدين؟؟انا متحمسة شديد ..سلمى_يا متاب انا ما عاوزة احبطك بس النقاب ده مسؤولية وعندو شروط فهل انتي حا تقدري عليها؟؟؟
متاب_حا اسأل ربنا يثبتني ويقويني عليها
سلمى_إذاً بالتوووفييييق
بعدين قبل نطلع الصيدلية حا نمشي المعرض اول حلوومتاب_تمااام
سلمى_صحي انتي حا تقولي لمنيب شنوو ؟؟
متاب_ متردده
سلمى_تلفونك ضرب يا متاب ..
متاب_سبحان الله ده منيب .. واللييله ..لكن ضارب لي بدري كده ليه الساعه6:30
سلمى_ردي ردي..
متاب_لالا اقيفي امكن يكون غلطان ..
انتظرت متاب لمن الخط فصل براه .. بعد ثواني وصلتها رسالة من منيب...
_متاب
صباح التوبة لمن تصحي ضروري اتصلي علي ..سلمى قرت المسج قالت ليها ارجعي ليهو شوفيهو ..
واتصلت متاب...
سلمى بهمس جيبي فردة سماعه سريع...وركبتها وبقت تسمع ..
منيب_السلام عليكم ورحمة الله
متاب_وعليكم السلام ورحمة الله وبركاته
منيب_متاب انا بحبك
متاب_نعم؟؟
منيب_بحبك
متاب_وبعداك؟؟؟
منيب باستغراب_ما فهمت قصدك؟؟
سلمى بتأشر ليها يا بت ده شنو مجنونة انتي؟؟ متاب اشرت ليها نظام اصبري دقيقه ..
متاب_بتحبني وعاوزني اكمل معاك نص دينك؟ ول بتحبني وعايزني اقول ليك انا كمان؟؟
منيب_بحبك وعاوز اكمل معاك حياتي الباقية وبحبك وعايز اصل بيتكم
متاب_خير .. انا موافقة
منيب_الحب الذي يأتي بالبيوت لا ينتهي الى ان نموت
متاب_ويأتيك الخذلان من الجهة التي عصيت الله من أجلها ..
منيب_متاب.. انا صح فاجئتك لمن قلت ليك بحبك بس انا يومياً بستخير ربنا فيك وبقول يارب لو فيني خير ليها اكتبنا من نصيب بعض ولو فيني شر اصلحني يارب واجعلها من نصيبي
متاب_اقول ليك بعد كلامك ده ..انا رضيت بالقدر خيره وشره
منيب_ربي يجمعنا بحلاله ان شاء الله .. عارفة يا متاب انا بصحى على صوت زول بناديني من بعييييد يا منيب انت منيب وراجع إلى الله
فبشرناك بالتوبة وبشوفك مع نوور ماشة في نص النور ومبتسمة بتقولي لي يا منييب وانا بقول ليك بأعلى صوت يا تَوبة انا بحبك وبصحى من النوم ..متاب_سبحان الله .. سبحان الله .. انت عارف انا ناس البيت وصحباتي بقولو لي تُوبة
وانت في المنام بتناديني بي تَوبةمنيب_عظيييم ياربي
يعني انتي كمان بتشوفيني في منامك ؟؟متاب_ايوه ...شفتك كذا مرة
منيب_ممكن تحكي لي؟؟
متاب_حتى يأذن الله لنا بالحلااال
منيب_متاب ..
متاب_نعم
منيب_كل ثانيه بتكبري في نظري ... وعشان انتي بالجمال ده ممكن طلب..
متاب_اتفضل اذا قدرت بنفذو ليك
منيب_هو بسيط ....ممكن تتحدي لي موعد مع ناس بيتكم؟؟
سلمى وهي مبتسمة اشرت ليها برأسها ايوه .. وقاالت ليها قولي ليها برجع ليك بعد شوية ..
متاب_طيب .. حا ارجع ليك يا منيب ..
منيب_تمام
وقفلت الخط
سلمى_وووب علي وووب علي انا ما عرفتك عدييييل
يا بت كنتي حاسه بي شنو؟؟متاب_بالتَوبة
سلمى_الله الله
بالجد ما شاء الله كلامك الليله لمّن غريب بس عجيبمتاب_يا سلمى .. انا تُبت الحمدلله وتاني ما دايرة ادخل لي في علاقة حرام
وجرجرة ولعب سايسلمى_ماااشاااء الله .. الليله سلمى انطفت
ربي يحميكمتاب_جمعاً
اها مالك قلتي لي اقفلي الخط ؟؟سلمى_عشان نتفق على اليوم ..
متاب_اها دي نحلها كيف اسي؟؟؟
سلمى_سامي بس
متاب_سامي؟؟
سلمى_ااي وعندنا غيرو؟؟؟
متاب_ناس بيتنا نقول ليهم شنو لكن؟؟
سلمى_نتفق مع سامي ..
متاب_لالا .. عايني الواضح ما فاضح .. انا حا اكلم امي بالحاصل كلوو وهي تمشي معاي نكلم ابوي
سلمى_الله على القوة .. ياخ واقسم بالله كل الفخر
ياخ والله انا مبسوووطه بيك وبي تغييرك ده شديدمتاب_الحمدلله
سلمى_خلاص يا زولة خير وبركة ننتظرهم يصحو ونكلمهم حار حار .. ويحددو اليوم وترجعي لمنيب تكلميهو ظابط
متاب_حاضر