رواية العوض الجميل
الفصل السابع7
بقلم مناسك موسي
طلعو سلمى وسماهر على بيتهم ووائل فطر وشال دفاترو ولحقهم .. متاب جهزت لناس امها الشاي ومشت فتحت تلفونا لقت محاولات اتصال من د.عبدالله .. سألت نفسها ياربي د.عبدالله يكون مالوو؟؟ ان شاء الله خير .. واتصلت عليهوو ..متاب_سلامات يا دكتور
د.عبدالله _وعليكم السلام يا بتي كيفك ؟
متاب_تمام الحمدلله انت كيف؟
د.عبدالله_كلوو تمام الحمدلله .. انتي يا متاب مش ساكنه في ال ....
متاب_ايوه .. ليه ؟
د.عبدالله_بس لأنه د.امجد ده ساكن وراكم شوية يعني مسافه ربع ساعه كده .. وانا والله الليله عندي مشوار ضروري شديد .. فإتصلت عليهو قال لي حا يجي بدري ولأنه لسه جديد طلب مني اتصل عليك .. وانا قلت ليهو اتصل عليها وقال ما عندو رقمك ..
متاب_اهااا ايوه صح ..
د.عبدالله_طيب انا حا ارسل ليهو رقمك .. وانتي حاولي اجهزي خلال نص ساعه توصلوني .. ومعليش يا بتي بس والله ياااا بتي مشواري ده مهم .. وانا ما تقولي اتصلت عليك اسي .. من الصباح بتصل بس تلفونك مقفول
متاب_لا مافي اي مشكلة يا دكتور .. خير وبركه .. انا بجهز اسي وبطلع طوالي بس مسافة السكة..
د.عبدالله_لالا ما تطلعي د.امجد حا يوصلك في الظلط وتجو سوا عشان الزمن يا متاب
متاب_طيب حاضر يا دكتور
وفصلت الخط وبقت متوترة ..وتلف وتدور وتتكلم براها ... ياربي اسي انا اسوي شنو ؟؟ يعني د.عبدالله ده في داعي يختني في فتيل ضييق كده ؟! بعدين انا اصلا د.أمجد ده ما بعرف عنو حاجه .. البخليني اركب معاه شنو ياخ
غايتو الله يديك العافيه يادكتور بس...واذداد توترها لمن جاتها مكالمة من رقم غريب .. قالت لنفسها اكيد ده د.امجد .. فأنا لازم اكون تقيله واكون عاديه وما اوضح ليهو اني منبرشة
انا ذاتي ما منبرشة شديد يعني نص نص كده .. وبعدين اصلا البدايات دايما كده وما معروف يكون عامل كيف من جواه ... غايتو ظاهر عليهو مفتري لكن ليهو حق ياااه ..عاينت للتلفون لقت المكالمة خلصت قالت : الخط فصل
كدي ارجع ليهو انا .. احم احممموقبل ما تتصل وصلتها رساله من نفس الرقم مكتوب فيها :
_السلام عليكم د.متاب .. انا د.أمجد ياريت تردي علي في اسرع وقت .. وشكراً..
متاب مع نفسها .. كده مية مية
يقول البت ما بترد على ارقام غريبة وكده ..انتظرت زي دقيقتين كده وبعدها اتصلت عليهو ..امجد_الووو
متاب_مرحبا يا دكتور
امجد_كيفك بخير؟
متاب_الحمدلله تمام وانت؟
امجد_تمام الحمدلله .. ااا معليش يا دكتورة .. دكتور عبدالله اتصل عليك ؟؟
متاب_ايوه ..كلمني ..
امجد_تمام .. انا حاليا قربت اوصل شارعكم حا انتظرك في الظلط تمام
متاب_خير .. دقايق واوصلك ...
امجد_تمام ..يلا
متاب_يسلمو
قفلت الخط .. ومشت بسرعه كلمت امها بالحاصل وجهزّت روحها في دقايق وطلعت على الظلط .. واول ما وصلت عاينت لقت عربية برادو باين عليها جديده
قالت مستحيل يكون سايق برادو ... طلعت التلفون عاوزة تتصل ..لقت امجد متصل عليها .. ردت عليهو : الوووامجد_اها طلعتي؟؟
متاب_انا حاليا في الظلط ..
امجد_ايوه شفتك اركبي العربيه القدامك دي انا في البقاله وراك عاوز اشيل لي حاجات ..
متاب_قصدك البرادو الواقفه قدامي دي؟؟
امجد_ايوه يا دكتورة ...
متاب_طيب تمام ..
وفتحت متاب الباب الورا وركبت العربيه وبقت تعاين في العربيه من جوه وقالت :سبحان الله شتّان ما بين عربيه امجد وسامي
شوف النظام هنا والترتيب .. واول ما ذكرت اسم سامي اتذكرت سلمى وقالت الليله ووب ... انا سلمى ما كلمتها .. وطوالي اتصلت عليها .. سلمى بهناك كانت مشغوله مع وائل وسماهر فشغلت الخط ورسلت ليها رساله_انا مشغوله برجع لييك..
في اللحظه دي وقبل ما متاب ترد عليها امجد فتح باب العربيه وركب وسلم على متاب ..
امجد_يا دكتوره مالك ركبتي ورا؟؟
متاب_
ساي بسامجد_تعالي قدام
متاب_لالا خلاص ما فرقت ..
امجد_طيب راحتك ...
اتفضلي ..
واداها بسكويت وكيك وبارد ...
متاب_شكرا..
امجد_امسكي عليك الله ان شاء الله تشيليهم في شنطتك ..
متاب_لكن يا دكت
امجد_خلاص قلنااا
متاب_ بسسس يا
امجد_ياااا الله ..
متاب_طيب شكرا ليك
امجد_العفوو... طبعا ده فطوري ما قاعد افطر
متاب_ايوااا...
قفل باب العربيه وشغّل اغنية محمد الكناني :
_الليله دوووب ولازم نرضى بالمكتووب يا الله
وبقى يردد مع الاغنيه وكأنو متاب ما موجوده
متاب علّقت عليهو قالت ياربي ده مالو ولا كأنو انا راكبه معاه .. فتحت تلفونها واتصلت تاني على سلمى .. سلمى مع سماهر ووائل قالت ليهم حلو المسألة دي واي واحد براهو عندكم دقيقتين بس.. وردّت على متاب ..
سلمى_يا بت متاب مالك ياخ ..
متاب_افتكر انو ماف زول بتصل ساي كده لو مافي حاجه مهمة..
سلمى_انتي وين يختي الحفلة دي مع حمودي في التلفزيون ؟؟
متاب_لا انا طلعت الصيدلية اتصل علي د.عبدالله وقال لي لازم اجي وبسرعه كمان
سلمى_ايوااا .. تمام يا ستي واسي في المواصلات؟؟
متاب_لالا راكبه مع د.امجد ..
سلمى_شنوو
؟؟؟؟؟ قولي تاني ؟؟امجد سمع اسمو عند متاب فقام خفّض الصوت وصلّح المراية قال ليها معليش قلتي شنو يا دكتورة؟؟
متاب مع سلمى بالتلفون_ايوه برجع ليك بعدين تمام بشرح ليك الحاصل ..
وقفلت الخط...
امجد_اهاا بتتكلمي بالتلفون
معليش والله ياداب انتبهت انو معاي زول .. معليش يا دكتورة بس لأني متعود اطلع براي عشان كده آسف ..متاب_لالا عادي اخد راحتك ..
امجد_كان تنبهيني انو عندك مكالمة اخفض ليك الصوت
متاب_ما مشكله دي سلمى صحبتي وعادي ..كلمتها اني طلعت بس ..
امجد_ايواا.. هي بت جيرانكم صح؟
متاب_يب
امجد_وحا يجيبا السواق براها؟؟
متاب_لا نحن في المشية بنمشي برانا .. بس الرجعه بنرجع بي عربيه عشان الزمن بكون اتأخر..
امجد_ايواا..يعني بتركبو مواصلات؟؟
متاب_يب
امجد_يب
حلوة عندك متاب_
ش ش شكراامجد_برضو حلوة
متاب_هه هه
امجد_وما تكون صحبتك زعلت منك ؟؟
متاب_ابدا ..تزعل ليه؟
امجد_دي تُعتبر خيانه عظمى
متاب_
امس هي خانتني كمان .. ف عادي جدا ..امجد_اتفضلي يا دكتورة وصلنا..
ونزل امجد وفتح لمتاب الباب ..
دخلو على صيدلية المستشفى مع بعض .. اتلاقو مع د.عبدالله في باب الصيدلية وهو ماسك تلفونو في يدو .. قال ليهم حمدلله على السلامة ومع السلامة
وبقو يضحكو التلاته ..
امجد_اتفضل طوالي يا دكتور..
متاب_اتفضل اتفضل ..
د.عبدالله_اعفو لي يا شباب بس
امجد_انا شايف انو احسن يمشي ول شنو يا متاب؟؟
متاب_بالضبط
وطلع د.عبدالله بسرعه .. متاب قالت لأمجد خلاص انت امشي العربية افطر وتعال ..
امجد_فطرت قبيييل وانا سايق
متاب_متين؟ ما شاء الله عيني بارده عليك...
امجد_كتييير بفطر بالطريقة دي
متاب_بس انت دكتور وعارف انو وجبة الفطور من اهم الوجبات على الاطلاق...
امجد_الكلام ده بقولو للناس بس
..لكن انا مااا مطبقو في نفسي...متاب_لا لازم تغير النظام ده .. بعدين في انسان واعي كده بفطر ليهو بي بارد وكيك؟؟
امجد_اتعودت من ايام الجامعه ما باكل غيرهم
متاب_سبحان الله كلام عجيب ياه
قطع حوارهم ولد شاب عاوز ادوية لصاحبوو .. متاب بدت تسأل فيهو اسئلة عن المريض عمرو... و و و الخ..
رد ليها المرافق :انا احسن اتصل واخليهو يتكلم معاك هو ..
متاب_يكون افضل ..
المرافق_ الووو يا منيب كيف تمام .. اسمعني يا مان انا في الصيدلية حا اديك الدكتوره عندها كم سؤال كده سألتني وانا صراحه غلبني ارد.. هاك هاك
متاب_الوو السلام عليكم ورحمة الله
منيب_وعليكم السلام ورحمة الله تعاالى وبركاته
متاب_معافى ان شاء الله يارب
وبدت تسأل فيهو اسئله وتوريهو طريقة الاستعمال ...
في نهاية المكالمه ....
متاب_لازم تاكل وتشرب يا منيب عشان تطيب
وبالشفاء العاجل يارب منيب_جزاك الله خير يا دكتورة وحاضر ان شاء الله
متاب_تسلم ان شاء الله..
اتفضل ياا ...
المرافق_مهاب مهاب..
متاب_ يا مهاب
مهاب_تسلمي كتيييير يا دكتورة
امجد_ اتفضلي يا امي .. متاب شوفي امي دي دايره شنو ؟!
مهاب بصوت" منخفض"_وانت ما تشوفا واقف كده زي العمود
متاب_حاضر يا دكتور...
مهاب_شكرا مرة تانيه يا دكتورة يا ذوق
متاب_تسلم .. اتفضلي يا خالتو ..
واستلمت منها الروشته .. امجد وقف ورا متاب وقرأ الروشته وبسرعه اتناول الدواء وناولو لمتاب ..
متاب_شكررراً .. ووضحت للخالة استعمال الدواء بهدوء ....
امجد_العفووو
متاب_اها لسه ما حفظت ..
امجد_مستعد استلم الروشته الجايه انا ..
متاب_متأكد؟؟
امجد_شوفي براك ...
وجو داخلين بنات اتنين واحده مركبين ليها فراشة والتانيه ماسكاها من يدها ..
استلم الروشته د.امجد ونادى المريضة ب اسمها الموجود في الروشته ...
امجد_سلامات ليك يا سبأ بالشفاء العاجل يارب
سبأ_الله يسلمك يا الدكتور
متاب مع نفسها_ههه ذكرتني سلمى المجنونة .. اسي بتتخجل مالا؟
امجد اداهم الدواء ووضح ليهم طريقة الاستخدام بطريقة بسيطه جدا .. شكروه وطلعو مبسوطين
متاب_يا عيني يا عيني .. ما شاء الله ..انا بعد كده ممكن اتنازل ..
امجد_شفتي كيف ؟؟ كان قمنا خطرين يا دكتورة .. والله صراحه انا طولت من شغل الصيدلية وكنت مسافر برة البلد دي في مجال مختلف تماماً عشان كده ياداب لي يومين بجمّع في مجالي..
متاب_انت جادي؟؟!... بالتوفيق ليك يارب
امجد_اللهم جمعاا
اسمعيني يا متاب ...متاب_اتفضل سامعاك ..
امجد_انتي