رواية العوض الجميل
الفصل الرابع4
بقلم مناسك موسي
اول ما فتحت التلفون لقت الرقم غريب وبدت تقرأ في الرسايل الكانت كلها عبارة عن :الوووو
ردي
الوووو
ردي
وقبل ما تشوف باقي الرسايل الرقم دخل عليها مكالمة .. في الاول اترددت بس تاني ردت ...
_الوووو
الصوت_متاب ؟
متاب_نعم ..منو معاي ؟؟
الصوت_انتي ليه كده ؟؟ بتعملي في قلوب الناس كده ليه؟؟ قايلة نفسك اخر بت في الكون ؟
متاب_اختصر وقول لي انت منووو؟؟
الصوت_ما ضروري تعرفي انا منوو بس خلي عندك ضمير يا بت الناس
متاب_حا تقول لي انت منو ول اقفل؟
الصوت_شوفي لو مؤيد ده حصلت ليهو حاجه انتي السبب وما تلومي الا نفسك لاني ما حا ارحمك
سلامتيييت تييييت
متاب_بسم الله ده منو كمان ؟ ومؤيد علاقتو شنو بالموضوع؟؟
اجي؟؟؟ بسم الله ده شنو ده اسي؟! اااه ما علينا بعدين بحكي لسلمى الحصل ..
ومسكت تلفونا ضبطت المنبه وقفلت التلفون ورقدت جنب سماهر ما صحت الا بي صوت نغمة التنبيه قامت على طول ومشت المطبخ ، وعشان تدخل المطبخ لازم تجي مارة بالبرنده لقت الجماعه في نوم عمييق.. عملت الرز وجات صحتهم ورجعت صحت سماهر ومشو صلو الظهر سوا بعدها متاب قالت لسماهر ارح اشرح ليك عشان زمني قرب بعد كده ..
سماهر_ خلاص ارح .انتي صحي يا متاب وائل السجم وين ؟ليهو كم يوم مختفي ...
متاب_ وائل معسكر مع صاحبو محمد ليهو 3يوم ما جا البيت ضرب امس قال اخو محمد الكبير بشرح ليهم وضاغطهم شديد
سماهر_ايوا ..ربي يوفقهم ويوفقني
انتي عارفه يا متاب انا نفسي اقرأ طب وابقى طبيبه عشان اساعد المساكين البموتو ضحايا ديل لانو صراحة انتي براك شايفة الطب بقى عامل كيف؟
وشايفة تعامل الدكاترة ما كلهم طبعا بس يا متاب الاغلبيه بقو كده للاسفمتاب_فعلا بس والله يا دكتورة سماهر انتي قدرها واكتر ان شاء الله وانا متفائلة بيك جدا
سماهر_بس انا خايفة شديد يا متاب
متاب_بسم الله من شنو كمان؟
سماهر_لأني عايدة وجبت 85%وخايفة ما ازيد كتير بعدين
متاب_يا بت انتي لو ما كنتي عيانة ايام الامتحانات والله كان ذاعوك عديل
سماهر_يعني اسي ممكن اجيبا؟؟
متاب_اكيييد بإذن الله
سماهر_دعواتك لي عليك الله
متاب_سبحان الذي لا ينسانا ولا ينساك
ارح يلا ما نضيع زمن جبتي كتابك ودفترك؟؟سماهر_يب وجبت ليك قلم السنن الانتي بتحبيهو وجاااهزة معنويا بعد د.سماهر القلتيها لي دي
متاب_حلووو..ايوووا ده الحماس المطلوب
يلا بسم الله نبدأ..خلصو شرح ومشت متاب عملت القهوة ليها ولسماهر لانو باقي البيت ما بشربها الا الجمعة .. شربو القهووة وواصلو شرح لحدي ما زمن متاب جا .. سماهر واصلت مذاكرة ومتاب مشت جهزت روحها وهي في الغرفة قالت لسماهر يلا انا طالعة ..سماهر قالت ليها خلاص انا ماشة البيت مادام امي مشت.. عشان عاوزة اذاكر مادة تانيه انتظريني اطلع معاك.. وطلعو سوا متاب مشت كلمت امها وحبوبتها انها طلعت خلاص وطلعو هي وسماهر الشارع ..شافو عربية سامي اخو سماهر واقفة في الشارع ..
سماهر_اجي ؟! سامي اخوي ده الليله مالو جا راجع من الشغل بدري كده؟؟
متاب_امكن يكون نسى ليهو حاجه
سماهر_احتمال
متاب_اها يلا ركزي كويس وربي يوفقك
سماهر_حاضر ..يلا ..
متاب_يلا سلام ..
سماهر بعد دخلت البيت رجعت باب الشارع تاني ونادت متاب
متاب_يا بت مالك بتكوركي؟؟
سماهر_سامي راجع تاني المعرض اقيفي خليهو يوصلك معاه
متاب_لكن حا يتأخر؟؟
سامي_اتأخر ليه وانا عندي ورقة واااحده بس جابتني من المعرض
متاب_بسم الله انت جيت طالع من وين اسي ؟
سامي_ من بيتنا طبعا ..ارح ارح اركبي اوصلك معاي الصيدلية .. امي قالت لي العولاق ديك طلعت بدري عندها مشوار مع الدكتورة ست الصيدلية
متاب وهي راكبة على العربيه_اي عندهم طلبية ادوية ماشين يستلموها
سامي_حظها تعيس اسي كان اسوقكم سوا
سماهر _يلا هيي باي
متاب وسامي_يلا
واتحركو على الظلط ..
متاب_قلت ليك
انت يا سامي العربية دي جايطها كده ليه؟والاوراق الكتيره دي شنو ؟سامي_معليش ياخ .. اسي في داعي للاحراج ده
انا فتحت ليك الباب القدام عشان عارف ورا الاوراق كتيرة وكلها تبع المعرض ومهمة شديد..لكن بعدين بعد اجي راجع وادخل العربية جوة البيت برتبا ان شاء اللهمتاب_ااااي لازم ياخ عشان انت ذاتك تكون عارف وما تجي زي جيتك دي تاني
سامي_اي والله
متاب_بسس بسس نزلني هنا داخلة على سلمى اول بعداك بمشي صيدليتي
سامي_تمام .. محمود بجيكم في المواعيد مش؟
متاب_ايوه.. والله زول محترم خلاص .. بنتصل عليهو وبنلقاه ثواني بس قدامنا
سامي_زول صحبي ياخ .. انا كمان بصاحب ساي
متاب_يلا يلا بطل افترا
سلامسامي_يلا موفقين
متاب اتجهت على صيدلية سلمى وسامي دور ومشى على معرض السياراات حق ابوهو الشغالين فيهو مع بعض .. واول ما متاب دخلت الصيدلية طقشت ليها بت منقبة
ورمت منها الادوية في الارض ..متاب_معليش يا اخت اسفه والله ما قايلاك جاية طالعه
البت_عادي
سلمى_متاب
عايني قدامك ياخ الروشة دي خليها متاب_هي لكن كان لابسه اسود في اسود
والله لا عرفتها ماشة لا عرفتها جايةسلمى_غايتوو انتي .. صحي جيتي كيف بسرعة كده؟
متاب_يسلم سامي يا يمة هو الوصلني
سلمى_سامي اخوي؟؟
الليله مالو؟متاب_لا جا بالصدفة بس نسى ليهو حاجه في البيت
سلمى_ايواا
متاب_وينا دكتورة امل الشغاله معاك؟
سلمى_طلعت قبل شوية عندها ظرف طارئ قالت .. كدي خلينا منها تعالي وقت وصلتي بدري نتونس شوية وبعداك امشي
متاب_اي انا ذاتي دايراك والله في موضوع كده ..
سلمى_تعالي اقعدي .. اها ان شاء الله خير ؟
متاب_والله يااا ستي قبييل لمممن ...
السلام عليكم يا دكتورة عندكم الدواء دا؟؟؟
سلمى_ايوه .. دقيقه يا متاب بس
قامت سلمى واتناولت الدواء وكتبت ليهو الاستعمال ومشى .. قبل ما تقعد جات بت تاني بتسأل من دواء .. وبعدها جو تلاته مرضى ...
متاب_اسمعيني انا ماشة يختي ما بقدر كل ثانيه جايي زول ناطي.. لو د.امل في كان ممكن نتكلم لكن انتي براك عشان كده لحدي بعدين في العربية لمن نرجع تمام
سلمى_يا زولة خيير
وطلعت متاب ودخلت المستشفى الكانت فاتحه في الصيدلية الشغالة فيها سلمى .. دخلت متاب صيدلية المستشفى واستلمت من الدكتور الشغال الفترة الصباحية
متاب_دكتور عبدالله كيفك ؟
د.عبدالله_اهلين يا متاب يا بتي الحمدلله وبركة الجيتي
متاب_مالك ظاهر عليك زي العيان كده؟
د.عبدالله_الارهاق يا بتي والله خلاااص بعد كده الكبر دخل بقيت ما قادر على وقفة الصيدلية دي عديييل
متاب_لالا يا دكتور معقووول انت لسه شباب وكلك طاقة وحيوية
د.عبدالله_
صحي ؟متاب_اكيييد
..خلاص امشي اخد راحتك ..د.عبدالله _بالمناسبة اتذكرت حا يجي دكتور يمسك معاك وردية المساء ان شاء الله اسمو د.أمجد ..حا ينزل معاك بكرة بإذن الله
متاب_خير وبركة
د.عبدالله_ما تخافي مرتبك حا يمشي وكمان معاه زيادة
متاب_ههه لالا اخاف من شنو؟
د.عبدالله_كل الدكاترة هنا بحكو عن تعاملك الجميل مع المرضى وابتسامتك ليهم
متاب_ولو ده الواجب يا دكتور
د.عبدالله_المدير الطبي زاتوو داخل في الموضوع وهو الجاب د.أمجد ده عشان يساعدك لانو صعبة عليك الوقفة براك خصوصا المساء الناس بجو كتار ..
متاب_عديلة
د.عبدالله_يلا يا بتي ودعتك الله ..
متاب_تسلم يا دكتور اخد راحتك وما ترهق نفسك طييب؟؟
د.عبدالله_حاضر
وطلع .. متاب مع نفسها "يا سلام ياخ دكتور عبدالله ده طيب شديد .. لكن دكتور أمجد ده حا يكون عامل كيف ياربي ؟!
ان شاء الله يكون زي د.عبدالله يارب ... وقطع تفكيرها مرافق لمريض عاوز دربات .. وكالعادة متاب مبتسمة وبتعامل الناس بكل طيبة قلب وجملتها المشهورة في المستشفى بالشفاء العاجل يارب في صيدلية سلمى .. سلمى بتفكر في البت المنقبه الاتوترت لمن عاينت لسلمى وما قدرت تخفي توترها وطقشت متاب .. وبقت تقول ياربي البت دي عيونا ماا غريبة علي
لكن المشكلة انها جات تشيل العلاجات بإسم شاب عمرو قالت في التلاتين ياربي اكون شبهتها؟ ياخ والله البت دي وراها سر .. لانها من شافتني بقت تتمتم وتتجاوز انها تعاين لي ... سلمى لمن لقت روحها مركزة شديد قالت ياخ ااه ما تركزي شديد يا سلمى .. وقطعت كلامها د.ايمان جات داخله و نزلت ادويةسلمى_حمدلله على السلامة اها لقيتي الشركة فاتحه؟ ول مشيتي شركة تانيه؟
د.ايمان_لالا هم ذاتهم الحمدلله وشاكلتهم في عدم الرد ..واعتذرو لي
سلمى_الحمدلله على وجود الادوية بس
د.ايمان_اي والله .. انا طالعه عندي مشوار تاني يا د.سلمى لو في حاجه اتصلي علي تلفون تمام ؟
سلمى_حاضر