رواية رحماكي الفصل الحادي والعشرون21 والثاني والعشرون22 بقلم أسما السيد
(بعد عتمه الليل،هيجي الفجر)
(قولو،يارب)
ـــــــــــــــــ
حاول فتح عينيه،وهو يستمع لصوتها تحادث احدهم،وهل يخطأ صوتها،هي
فتح عينيه قليلا،وصوتها الباكي بالقرب منه،حاول فتحها واستطاع أخيرا،دار بعينه التائهه واثار المخدر مازالت تداعب عيونه،ولكنه استفاق في تلك اللحظه ووقعت عينه علي أوجع مشهد، قد يراه زوجا كان يتمني لمحه حب، ولو بسيطه من عين زوجته
والان ،وجدها بأحضان اخر يعطيها ،ما افتقدته منه ومعه،أغمض عينيه وأعطي الحريه لسمعه وقلبه لينتشيا بما رواه فيها غيره،هي تستحق أفضل منه،وهو يستحق ماحدث فيه..وأكثر.
بالرغم ما فعله بها هي، هنا،بجانبه ضحت بابنها،
غص حلقه وكبتها بحرقه، هو ابنها،ربيبها،يخاف ان يطالب بالحق به ، وهل يجرؤ،لقد تنازل بكل خسه عنهم،اضاعهم،وضيع طريقهم
وتاهت خطواتهم وتفرقت..
فريده وهي فريده،غصبا عنه فرت دمعه حبيسه من داخل عينيه وسؤال آخر،بعقله وفي تفكيره، يؤرقه، يتعبه،يخشي إجابته، ماذا جني؟
ـ لاشئ..
حاول صم أذنيه عن حديثهم الجانبي،ولكن غصبا عنه،خرمت اذنيه،تلك الكلمه..
سؤال ابنه البرئ عنه،
كانت تجلس بجانب ابنها،بالغرفه المشتركه بينه وبين والده،ويجاورها كيان،الطبيب طمأنهم ان لا خطر عليه وانه بخير،ولكن غصبا عنها قلبها يؤلمها،
ـ همس بأذنها، ولكن النائم بجانبهم، سمع كلامهم بوضوح،
كيان... حبيبتي الولد كويس،متقلقيش،دا تربيه دياب الجبل،ابننا بطل متخافيش..
ابتسمت من بين حزنها،هههه انت بتقول فيها،دا مصمم يروح يعيش مع وجدي، وعم راجي في الجبل
ابتسم كيان، واحاطها بذراعه،وقبل رأسها،هيبقي تمام،متقلقيش..
انتبهو لهمسه، وفتح عينيه،أخيرا،ماما..!
ـ اجابته بلهفه، عيون ماما،حمدالله عالسلامه يابطل..
ـ لم يصبر، وباغتها بسؤاله،ماما هو كدا بابا هيبقي كويس صح؟
ابتلعت ريقها بصدمه،ونظرت لكيان الذي رد نظرتها له بأخري متفهمه... حنونه،أراحتها..
وهبط مقبلا رأسه،حبيبي البطل،تربيه ذئاب الجبل،مادام انت اتبرعتله،أكيد هيبقي تمام،أنا فخور بيك ياسليم..
ـ همس سليم،بضعف،بجد يابابا..
ابتسم كيان وهطلت دموعه، وهو يستمع لكلمه بابا من شفتيه الصغيره، وفي عقله، أي مجنون ليبيع طفلان كالملاك كسليم وسيليا، مؤكد ليس بوعيه، بجد ياقلب بابا..
غرست الكلمات بقلب النائم،كسهم قاتل،وعلم انه خسرهم والي الابد، أبنه مازال يتذكره ولكنه ينادي آخر بفخر،بابا.
يبقي سؤال وحيد،يؤرقه،هل سامحتني،هل ستسامح؟
فجأه استمع لانسحاب ذلك الذي يقف بجانبها،وبقت هي بمفردها..
فتح.عينه يتأملها بذلك الحجاب الذي طالما ود أن ترتديه،ولكنها كانت أبيه، عنيده،علم سبب ذلك قلبها كان ملكا لغيره،و ليس وحده من كان قلبه في متاهه،ولكن يبدو ان متاهه عن اخري تفرق وكثيرا،هي احبت شخصا وكان رجلا معها للنهايه،أما هو،احب حيه رمت سمومها بوجه الجميع واولهم كانت اخته..
وزوجته،همس وحطت عينه بعينها اخيرا،همس بضعف
فريده..
لاحظ تصنم جسدها،وتفاجؤها به،فأكمل،قربي يافريده،عاوز اقولك حاجه،ممكن..
اقتربت ببطء منه.
وغصبا عنه وجد لسانه يسألها، اتجوزتي؟
ـ ردت باستنكار، أيوا،مش من حقي؟
ـ أغمض عينيه من ردها الهجومي، وقرر قول ما بقلبه، عارف ان ظلمتك كتير،مستحقش اللي عملتيه عشاني..سامحيني يافريده.
ـ ردت بتهكم، في حقي لا،أنا اسفه مقدرش اخدعك وأقولك سامحتك،لاني مش ملاك، انا عمري ماهسامحك يااحمد،انا هنا عشان خاطر الانسانيه،عشان ميجيش يوم،وسليم يسألني،ليه مساعدتيش بابا.،ويحملني نتيجه مرضك،وموتك..
ـ همس بضعف،تفتكري بيعتبرني فعلا، بابا..؟
ـ ابتسمت،بحزن،ايوا بابا، مقدرش ينساك رغم جحودك،رغم كل اللي حصل اول مافتح عينه،سألني وقال بابا كدا هيبقي كويس..؟
بص ياأحمد، انا مش حابه افتح في الماضي،احنا خلصنا،واللي فات مات،واللي بيني بينك،سليم وسيليا،وللاسف عمري ماهقدر اقسيهم عليك،مش عشان خاطرك،لا،لاني مش عاوزه اغذيهم كره،وغل وحقد
ولادي يستحقوا عيشه افضل،يعيشو بأمان،وقت ماتحس، انك عاوز تشوفهم ويشيفوك،اوعدك مش هحوشهم عنك
ـ، همس بغصه،لينهي الحوار، كلامها، كسهم قاتل، كلام منمق، ولكنه قاتل، شكرا يافريده
ــ استمع لهمس ابنه،وسؤاله، بابا،انت كويس،انا أهو..
التفت بتعب، بدموع وغصه لم يعد قادر علي ابتلاعها، ستخرج بشكل فاضح، بأي وقت، لابنه الراقد بجواره علي سرير مقابل،حبيب بابا،انا كويس ياقلب بابا..
انت كويس يابطل، بطلي أنا..
ـ انا كويس يابابا،ورفع ذراعه السليم،يريه عضلاته،حتي شوف..
ـ دخل هو،واحتد عيناه وهو يراها بالقرب منه،اقترب مسرعا واختطفها بيده لقربه،وجز علي اسنانه،حمدالله عالسلامه..
ـ ابتسم بوجع،وهو يراه يخبئها عنه،وهمس،الحمدلله..
دخلت الممرضه، وهيأت سليم لاكمال علاجه بغرفه اخري،بعدما خرج وحدثهم كيان،تحسبا لموقف كذلك،
استأذنت هي وذهبت خلف ابنها،واقترب منه كيان،بغيظ.
ـ عارف لولا رقدتك دي،وان متعودتش أجي علي الاضعف مني، زيك، استقويت علي ست ضعيفه وهنتها، كنت قتلتك بايدي،وقطعتك حتت،خليك ممتن لتدابير القدر،ايدك اللي مديت ايدك بيها عليها،تستحق البتر،بس عشان خاطر عيون سليم وسيليا عفيت عنك..
عشان كلمه بابا،اللي بسمعها منهم وتخليني ملكت الدنيا بايديا،عشان خاطر عيونهم بس
وبيني وبينك،مش عارف هتحس بكلامي ولا لا،
أنا خدت منك ثلاث جواهر،هفضل طول عمري احمد ربنا عليهم،وخصوصا انك معرفتش قيمتهم
دي عندي كفايه..
بس، نصيحه،مني،استرجل،واعرف ان الرجوله مش بالضرب،الرجوله مواقف، واكمل بتهكم، ياضكر..
انتبه من شروده بذلك اليوم الذي لن ولم ينساه ابدا، علي خبط الباب، ابتلع غصته ومحي دمعاته الحزينه،وشوقه لابناءه،الذي اشتد عليه، وكثيرا، واستقام، يفتح الباب..
فتح الباب،ووجده امامه..
ــ مين حضرتك؟
ــ مش دي شقه استاذ عابد؟
ـــ احمد بتفهم،أنا اخوه احمد،عابد فوقنا،اتفضل ادخل وانا هناديله..
ـــ هز راسه ،ومد يده له،أنا قاسم رضوان،
ـلم.يكمل، الا وباغته احمد،انت قاسم رضوان،امل معاك هي فين...؟
ـــ قاسم برزانه،لا مش معايا،ممكن ندخل بس وبعدين نتكلم بعد ماتنادي أستاذ عابد..
ـــ أحمد،اتفضل،عندك حق،اتفضل،اتفضل..
ـــــــــــــــــــــــ
هنعملو،ايه ياأماي،بجالنا شهرين مستخبين،والعين مفتحه علينا،والكبارات بيستعجلونا،موتنا هيكون علي يدهم دااحنا واخدين منهم شئ وشويات،عشان الحفر والمعدات..
كل حاجه راحت ياأماي..
سعديه بغل،لولا غباء اختك الله ينتلها مطرح ماراحت كان زمانيتنا،جاشين ياسويلم..
سويلم،جولتلك يااماي بلاش تجنديهم لسلوي،اصريتي،أدينا اتلعنا..فكري ياأماي،احنا لازم نرجعوا جدراتك،تاني..أو علميني اني
سعديه،مهتجدرش علي طلباتهم ياولدي،أني جندت سلوي عشان كانت حبله وكانت هتجدم اللي هتولده قربان ليهم.
سويلم،يعني ايه يااماي،الكلام.ده،جرابين ايه،اللي كانت هتجدمه سلوي،تجدصي واد ولدي كيان.
سعديه بسخريه،واد ولدك ايه بجي ماانفجست الحكايه،ومش واد ولدك
سويلم بغل،الجادره،كيف امها كانت عاوزه تلبسه لولدي
سعديه،بجولك فوضنا من ده سيره،أدينا خلصنا منيه الوسخ ده..،زمانيت الديابه..كلته.
سويلم،كان فاكر انه هيجدر يهددني،أهو راح في خبر كان
سعديه،حسام ده.كان.خطر علينا،لو كان اتمسك،كان هيعترف ان احنا اللي جتلنا مراد،الواد.ده كان يعرف كتير،وكله من الفاجره بت سحر
سويلم،يالا ياأماي،أهو خد.نصيبه..بجي.
المهم ياأماي،اني مستعد.اجدم القربان.
سعديه،كيف ده؟
سويلم بخبث،هجدم القربان؟
سعديه،هضحي بمين ياولدي؟
لازم دم،ويكون غالي عليك..
سويلم، عندي يااماي، بس جوليلي،يااماي،ضحيتي انتي بمين جبل سابجك..
ضحك بغل،ضحيت بقره عينه،مرت الكبير فريده،فكرك اللي ولدته زمان نزل ميت كيف مابيجولو،أني جتلتها،كتمت نفسها لحد ماماتت بعد ماولدت،خدت ابنها ودبحته،وجدمته قربان ليهم،
سويلم بصدمه،كيف ده يااماي،والكبير مسألش علي ولده..
ـ ضحكت بغل،لع ياولدي ماني بدلته بعيل ميت ودفنهم التنين..
المهم فوتك من السيره المغفلجه دي،وجولي مين اللي هضحي بيه..
سويلم بخبث،بتي سولاف..
انتفضت تلك التي تتسمع لحديثهم بقلب مرتعش،وخبطت صدرها،بنتي..،اه ياشياطين،مش هسمحلكو تأذو بنتي ابدا
،دي هي اللي طلعت بيها من الدنيا..
ياريتني ماشوفتك ياسويلم ولا عرفتك،
وبلوعه جرت لغرفه ابنتها، تدعو بقلب مكلوم..
اللهم اضرب الظالمين بالظالمين، واخرجنا من بينهم سالمين
أنا لازم اتغدي بيكو قبل ماتتعشو بيا انا وبنتي..
(سيما،امرأه بالاربعين من عمرها،كانت ترقص بالموالد،قابلها سويلم،وتعرف عليها بنيه الحب،تزوجها سرا وتابت، ورجعت الي الله أنجبت منه سولاف بالصف الثاني الاعدادي،كان تحسبه رجلا شريفا،ولكنها صدمت بما يفعله،هو ووالدته،منذ قدمت تلك الحيه، للمكوث معها وهو يكيل لها ولابنتها الضربات،يعيشون بعذاب،مسبقا كان مصدرا للدخل لهم فقط،اما الان،مصدرا لعذابهم،وياليتها أفاقت لنفسها قبلا..)
صعدت الدرج مسرعه،الوقت مازال مبكرا
،هذه فرصتها الاخيره،سيقومون بفروض الطاعه غدا..
هزت ابنتها بهمس،سولاف،سولاف
فتحت سولاف عينهيها الرماديه،المتورمه من كثره البكاء
نعم ياماما..
ـ قومي ياسولاف بسرعه ومتعمليش صوت، لازم تمشي من هنا
ارتعشت وخبطت قدميها ببعضهم،هروح فين ياماما
بابا هيقتلني.
جزت علي أسنانها بغيظ،هتروحي لجدك راشد،تطلبي منه الحمايه،يالا بسرعه ياسولاف مفيش وقت..
لملمت حاجياتها مسرعه
وعقدت حبلا من الشرفه اسقطت متعلقاتها
سمعت وقع اقدام،خرجت ورقه من ثيابها،اسمعيني ياسولاف،خدي الورقه دي،فيها عنوان جدك راشد، انا وريتك بلدهم قبل كظا فاكراها،
ايوه ياماما، فاكراها..
ـ تمام ياقلب امك.. اهربي ياسولاف،البلد مش بعيده،اخرجي للموقف وخدي الفلوس دي واسألي علي عمك محسن،أنا اتصلتلك بيه،هتلاقيه مستنيكي هناك..،
عارف الطريق
روخي لجدك، وامسكي التليفون ده، عليه تسجيلات مهمه، اديها لجدك، فاهمه ياسولاف، واحكيله اللي تعرفيه، متخافيش منهم
أخواتك هيحموكي، من شر ابوكي،
انتي قدها يالا، اقتربت الخطوات..
ومعها ارتعشت سولاف،تعالي معايا ياماما..
هيقتلك بابا..
دفعتها بحده انزلي ياسولاف مفيش وقت،هيقتلوكي ياسولاف،بسرعه.
اطمأنت لنزولها وهرولت للخارج،
وبمكر،لتعمي أعينه عن ابنتها..حتي تهرب بسلام..
خرجت تتصنع السعاده، بااه سويلمم،علي وين اكده..
سويلم بشك،مالك يامره،مش علي بعضك اجده..
سيما،بتوتر،مفيش ياسويلم اني بس اتوحشتك،من يوم ماجت امك عندنا وانت بعيد،موحشتكش، ليالينا ياسويلم..
لمعت عينه كالثعبان،وحشتيني يامره،تعالي.
دخل وادخلها بحده للغرفه ودموع القهر والظلم تسربت من عينيها.
دفعها بيده،ارجصيلي ياغازيه،ولا نسيتي أصلك.
ابتلعت غصتها،وفي نفسها ستفعل أي شئ لتلهيه عن ابنتها،لا منستش ياسويلم،حاضر هرقصلك..
مع دقات رقصها الحزين،كانت قدماها الضعيفتان،تشق سكون الليل،حقيبتها علي ظهرها..تجري بسرعه،الي ان وصلت اخيرا لذلك الموقف الخاص ببلدتهم والبلاد المجاوره..
دارت عيناها بين السائقين الي ان حطت علي رجل كبير بالعمر يبدو علي ملامحه الطيبه،هي خبيره بقراءه الوشوش كما علمتها والدتها..اقتربت منه وهمست له،انت عم محسن صح...
الرجل بمحبه اؤمري يابتي،انتي سولاف،كبرتي ياسولاف
نسيتيني،عموما يالا بسرعه..مفيش وقت اوصلك يابنتي..
ـ تمتمت بخوف،هتوديني لجدي..
أني أوديكي علي عيني يابتي،تعالي اركبي،دانتي كيف سميه بتي..ياغاليه يابت الغاليه..
أخذها الرجل معه،حمدت الله وارتمت برأسها للخلف،وأخيرا ستخرج من ذلك العذاب..
نظر لها الرجل بخوف عليها،وبقلبه،ربنا ينجيكي يابتي
ياما جولت لامك سويلم ده شكل الثعبان بيتلون علي ميت لون،مصدجتش..
(محسن،كان السائق الخاص،بالفرقه التي كانت ترقص بها سيما)
بعد نصف ساعه،كانت تقف تنظر لذلك الدار الشبيهه بالقصور بانبهار..
اقتربت من الغفير الواقف وندهت عليه
لو سمحت ياعمو عاوزه الشيخ راشد،نظر لها شرزا وصرخ بها،همي من اهنه،يابت،الله يحنن عليكي..
جحظت عيناها وصعبت عليها نفسها،
وقررت الانتظار للصباح،يبدو ان هيئتها الرثه،تدل علي انها من الشحاذات..
لمحها ذلك الذي يتسحب كالعاده للدخول.
ايه دا،دي انس ولا جن دي..
انتي مين؟
نفخت خدها وأدارت رأسها للجهه الاخري..استدار خلفها،لا مانا مش هسيبك وراكي وراكي.
فجأه، صرخ كيان به،أرجعه وأرجعها معه للخلف
بخوف
من صوته الجهوري..
لمحها من كاميرات المراقبه، ولا يعلم لما احس ان هناك بها شيئا يعرفه..،وجهها العابس الذي رآه بالكاميرا،وابتعادها بخوف،اوجع قلبه،وخرج ليعلم من هي،وماذا تريد..
رمق محمد بحده،،اوعي انت،حطت عينه علي عينهاالمذعوره وشعر بشئ غريب بقلبه
وهدأت حده صوته. وسألها بحنان،انتي مين..؟
أدمعت عيناها،وهمست،عاوزه الشيخ راشد،أرجوك.
موضوع حياه او موت..
اوجعه قلبه عليها، ومد يده لها بالدخول،طب تعالي ندخل..
دخلت خلفه بتوتر، الي أن اصبحت بقلب الدار،نظرت حولها بانبهار
نزلت سمر وفريده،معا يتسامران وفوجأ بها
فريده،مين دي،؟
سلمي، بانبهار من جمالها، انتي مين؟
توترت وأخرجت مابحوزتها من اوراق، شهاده ميلاد، وصوره من بطاقه والدها، ووالدتها، وقسيمه زواج، واعطتهم للواقف بجانبها..
مد يده باستغراب،واخذهم منها..
قرأهم جميعا وتسمر بمكانه،عيناه تتنقل بينها وبين الاوراق بصدمه..
دموع عيناها،وهمسها الخائف،أرجوك متأذنيش انا هربت من بابا وستو،ماما قالت انهم هيقتلوني ويقدموني قربان،هي ادتني العنوان،وقالتلي روحي لجدك راشد هيحميكي..
وقعت عصاه الجد بصدمه،مما سمعه،بعدما استمع للضجه..
خرج ليري ما يحدث..
التفت فريده له، بلهفه، جدي..
بعد ساعه..
مع انتهاء رقصها المتوتر، وشكه بأمرها،
خرج باحثا عن ابنته،ولم يجدها،كشف مافعلته،
والان، سالت دمائها،وفارقت الحيااه..
سويلم،لازم نهرب يااماي،من اهنه،زمان سولاف وصلت لابوي، وبلغو البوليس عنينا يالا بسرعه..
الاول، أفش غليلي من الغازيه ياولدي..
أنهت ما برد قلبها، وقطعتها قطعا بكل قسوه،
وقالت، يالا ياولدي
ـ وفي الدوار،التف الجميع حول الطفله المذعوره،هاتف كيان راضي، واخبره بما أخبرته سولاف
وانطلق هو مسرعا،،للقبض عليهم..
رفع الجد يده باتجاهها،وهي تجلس ترمق الجميع بخوف
وبحنان همس، تعالي يابتي.. متخافيشي..
نظرت لفهد.الواقف بثبات والذي علمت انه أخوها،فعدل من نظرته من الصدمه، للحنان،لمح ترددها،وأومأ لها،مررت عينها علي كيان الصامت،ابتسم لها،واقترب منها،واخذ يدها،تعالي..
بصي حواليكي كدا،متخافيش..
كل حاجه هنا ملكك،عارفه،انا فخور انك أختي..
قدرتي توصلي لينا،ومخوفتيش،وتحافظي علي نفسك..
همست بغصه،بجد..
قبل راسها،واحكم بذراعه عليها
جد.الجد كمان،ومن انهارده اخت كيان وفهد،
متبكيش ابدا،فاهمه...
همست،بدموع، بس انا خايفه علي ماما اوي،أرجوك ياأبيه،عاوزه ماما،سعديه هتقتلها..
دي كانت عاوزه تقتلني..
ابتلع غصته،وهو يعلم ان جدته قادره علي ذلك،وتفعلها، وطمأنها، متخافيش
أنا بعت الشرطه ليها،زمانها في امان..
روحي بقي كلمي جدك..،
أجلسها الجد بجانبه،وهمس لها
نورتي دارك يابتي..
اقتربت منه،وهمست بأذنه،أنا فخوره بيك،ياكيان،كويس انك احتويتها،شكلها شافت كتير علي ايد سعديه.،منها لله..
كيان باابتسامه حنونه وعينه عليها،
هتصدقيني، من اول ماشوفتها في الكاميرا،وانا حاسس انها من لحمي ودمي، حاجه لا اراديه خليتني اخرج جري اسوف مين دي، سبحان الله..
ابتسم،وعادت لها ذكري لقائهم معا،مصدقاك،مانا مجربه..
ابتسم لها وتذكر ايضا، بحبك،يافريده،لقاكي كان احلي صدفه..
ـ وانا بعشقك يااجمل صدفه..
ـــــــــــــــــــــــــــــــــــــــ
عدنان،الله يخليك،آخر نوبه،ماهعملهاش واصل تاني.
يجلس صامتا،ولا يرد عليها،لقد حذرها مرارا من تلك التي تدور وتدعي قراءه الودع،هو يعلم غرضها من كل ذلك،ولكنه لايري الا تلك الغبيه،التي تجلس بجواره تتحايل عليه بكلماتها،ولكنه لن يسامحها هكذا يجب ان تتعلم درسها جيدا.
ـ همست بحزن زهي تتمسح به كالقطه، عدنان،ليه ماعم ترد علي،والله أخر مره.
نفخ بغيظ،ساجده،اني حذرتك جبل سابج منيها وانتي كالعاده،مابتسمعيلي ولا بتعمليلي خاطر،ولولاشي عزيزه كانت جربك وسمعت خطاريفها كنتي هتصدجيها،ومش بعيد كان هاد فخ من الغازيه، ولاجل عيونك كانت هتطير بيها رجاب
ولولاشي ماني حابب حدا يسمع بحواديتنا وحكاياتنا،كنت بنفسي شكيتك لخالي،وعارف خالي بالحج مابيتفهمش،كان بيجتلك جتيل،وانتي خابره..
فاجصري الشر ياساجده وفوتيني لحالي،
الودع شرك،ولرب العباد استغفري يابت خالي..
هطلت دموعها،وعبست كالاطفال،خلص ياعدنان بجبل العقاب،بس ماتخبر بوي
تنهد بحزن لدموعها التي تحرق قلبه قبل خدها،وادار وجهه عنها،يجب أن تتعلم درسها..
ــــــــــــــــــــــــــ
ينظر بصدمه للدماء المنتشره بكل البيت،وتلك السيده التي ماتت،و قطعت جثتها لاشلاء ومثلت بها،مال للجهه الاخري وغض بصره عن اشلائها،ما فعلوه بها ابشع شيء، قد يراه بمسيرته المهنيه،منذ استلم وظيفته كظابط شرطه،لم يصادفه قضيه كتلك وجثه كتلك،انتزعت من قلوبهم الرحمه الي هذا الحد،لطالما سمع من زملائه عن هكذا حوادث
ولكنه لم يرها،غص بحلقه وابتلع ريقه بصعوبه وقاوم دواره،واشار بيده،لمن خلفه..
ـ اتصلو بالطبيب الشرعي،محدش يمد ايده علي حاجه.،سيبو كل حاجه مطرحها..
ادمعت عينه غصبا عنه، وردد، ربنا ينتقم منكو،حسبي الله ونعم الوكيل..ذنبها ايه دي بس..
استمع لرنين هاتفه الذي لم ينقطع،
اخرجه ونظر به،كان، كيان..
ـ كيان بلهفه،هااا ياراضي لقيتوها،مسكتوهم..؟
ـ ابتلع غصته، وهو يبتعد قليلا من هول منظر الدماء حوله..
كيان،اسمعني،ـــــــ وحكي له ماحدث....
ارتد كيان، للخلف بصدمه،وهو يرمق اخته الصغيره،التي ظهرت لهم من العدم،وكبر همه وهي ترمقه بأمل طفله صغيره،وماذنب الاطفال الابرياء،بالشر والظلم وهم لم يجنو بحياتهم لا حسنه ولا سيئه،غامت عيناه بالحزن فلمحتها هي،ذكيه اخته الصغيره،ولكن عذرا ياأختاه ،هؤلاء ليسو بشرا أبدا..
اقتربت منه مسرعه،تساله بلهفه،لحقو ماما،مسكو سعديه،أرجوك طمني..
رفع نظره لأخيه الذي ينظر له بذهول،و كانه، فهمه، سريعا..
ابتلع غصته،واقترب من اخته التي تجلس ارضا بجانب قدمي كيان الواقف بصمت،يقسم كل خليه به ترتعش،مما سمعه،وربت عليها وساعدها علي،الوقوف،تعالي ياسولاف خلينا نفهم في ايه..
متخفيش كدا،اكيد لسه موصلوش..
أدمعت عينها،وهي تتوسله،أرجوك انا مش عاوزه حاجه،انا عاوزه ماما بس،ارجوك..،مش عاوزه غيرها..
قتلتها صح ياابيه،صح....قتلتها،ملحقوهاش..
صمت كيان،بث بقلبها اليقين ان والدتها قتلت،صرخت وانهارت، رمق الجد كيان فأومأ له بالايجاب، فردد بحزن
،ان لله وان اليه راجعون،
اغمضت عينيها واستسلمت لغيامتها لتأخذها،كيفما شاءت واينما شاءت..؟
حملها فهد مسرعا،لغرفه قريبه،وأسعفتها فريده..
وانتهت حياه بريئه
ــــــــــــــــــــــــــ
(ياأيها القارئون،هؤلاء أناسا ضلو طريقهم،فاتبعوا طرق الضلال،وجعلوه منهجهم وشريعتهم،غرسوا بأقدامهم بالوحل،واتبعوا طريق الشياطين،نسوا ان الله قادر علي ان يخسف بهم الارض احياء،
زاد الله باعمارهم،ليعطيهم فرصه ليتطهروا،فزادو ظلما وبغيانا،فيارب،بحق،كل دم بريئه سالت بطريق الظلم والطغيان،وبحق كل أطفال العالم الذين كتبت في صحائفهم ايتاما، وجعلهم الله سببا في يتمهم، اجعل يالله كيدهم في نحرهم، هؤلاء اطفال،لا حسنه لهم ولا سيئه،ما هو اذن ذنبهم،رددو معي
اللهم اضرب الظالمين بالظالمين،واخرجنا من بينهم،سالمين)
ــــــــــــــــــــــــــ
انت واعي للي بتقوله دا يابشمهندس،انت بجد عاوز تتجوز امل..
ـ نظر له قاسم، بهدوء،ولم يعجبه ماقاله بحقها،
فهم صمته عابد الجالس يستمع لهم بهدوء،للان لم يتدخل بشئ،
ـ وبهدوء أجابه قاسم، وايه اللي يعيب امل،عشان تستغرب كدا،اه انا عاوز اختك بحلال وشرع ربنا،كلنا بنغلط يااستاذ احمد،وانا اللي فات من حياه امل،ميخصنيش،
مش عشان غلطه الشيطان وقعها فيها،وبدون ذكر تفاصيل،كنتو انتو احد اسبابها،
فانت متصور اني هجلدها،بيها..
نكس احمد راسه بخزي،ولم يصمت قاسم..
امل من اول يوم حكتلنا كل حاجه،مخبتش علينا،رغبتها في التوبه،وانها نفسها تتغير للاحسن،عرفتني اد ايه معدنها أصيل،كلنا بنغلط،كلنا نستحق فرصه تانيه.
انهاردا جيت ليكو،وطالب ايد امل،الجديده،اللي تصميماتها سمعت اسكندريه بحالها،نجحت وبامتياز بالمعهد في قرص التصميم، وبقت من ضمن كاست التدريس فيه..
أنا فخور بيها،وليا شرف انها تبقي علي اسمي..
انا عارف ان عابد من اول يوم كلمته فيه وهو بيدور ورايا،وواخد بالي من اللي ماشي ورا امل رايح جاي،
واظن انتو عافين عني كل حاجه..
سكت يأخذ نفسه، ولكن عابد الصامت اخيرا من رد عليه،
من اول يوم كلمتني فيه ياقاسم، وانا عارف انك عمل ابويا الطيب اللي قعدلها،انا عارف انك عارف ان بعت حدد يمشي ورا امل زي ضلها
غصب عني كان لازم اطمن انها في امان.
دي اختي،مهما عملت
ـ عندك حق،اختي امل اللي حصلها جزء منه احنا السبب فيه،سمعتك اللي الكل حكالي عنها،كفيله اني اديلك اختي وانا مطمن،انها هتبقي بخير،مخبيش عليك من شهر نزلت اسكندريه،وشوفت امل الجديده،اه لمحتها من بعيد،بس كان قلبي طاير من الفرحه وانا سامع الكل بيتكلم عنها وعن ادبها،احنا مديونيلك بكتير ياقاسم،انا موافق
اذا هي موافقه،ولو اني متاكد انك مش هتيجي الا اذا كنت واثق من موافقتها..
ـــ ابتسم بهدوء، وردد يبقي علي خيره الله
امل رفضت تماما موضوع الفرح والهيصه،وبيني وبينكو أنا كمان مبحبوش،احنا هنكتب الكتاب بس،وبعدها هنعمل بفلوس الفرح والكلام دا عمره،هستناكو ان شاءالله الخميس الجاي..
وكل اللي تطلبوه،أنا عيني ليها..
ـ ابتسم عابد،لا متخدناش في دوكه ياابو نسب، انت هتبات هنا انهاردا، وعروستنا هتخرج من بيتنا،انا اسف،بس دا شرطي..
ـ ابتسم قاسم،حقك طبعا، بكره ان شاءالله هتكون عندكو،أستأذنك أنا..
ـ احمد بلهفه،لا انت هتبات معايا،الوقت اتأخر مش هينفع.
ـ لا معلش عشان عندي شغل ضروري،وكمان اقدر اجيب امل الصبح.
ـ احمد بلهفه، لا حيث كدا،انا هاجي معاك، واجيب امل انا،البت دي وحشتني،جدا..
عابد،خلاص علي خيره الله،احمد هيجي معاك،وعلي تليفون ان شاءالله..
ــــــــــــــــــــــــــــ
بمنتصف الليل،
بعدما اطمأنو علي سولاف..
أخرجت هاتفها بقلق،لا تعلم تريد ان تستمع لصوته
هنا بداخل قلبها،تريده بجانبها ولكنها تكابر،أعادت كلمات خالتها براسها،وحطت يدها علي بطنها،وهمست بسعاده مستتره
ـ ايه رايك،نكلم بابا،انت كمان وحشك،صح..
اف بقي،خلاص هكلمه، بس اصله وحشني اوي..
سمعتها هي،وهي تمر بجانبها،وضربتها علي راسها،هبله والله،انتي لسه هتقعدي تفكري،كلميه بسرعه،ربنا يهديكي ياسمر يابت خلتي.
نفخت خديها ونظرت لفريده،التي جلست، بجانبها تنظر بهاتفها..
وهمست،فريده، بقولك ايه،،
عاوزه اسالك سؤال لولبي،
نظرت لها فريده ببلاهه، ولكن سمر أكملت، هو انتي بتحسي كدا زي مانا بحس ولا انا اللي اتجننت..
فريده باستغراب،ماكلنا بنحس ياسمر،ايه الجديد..
سمر بغيظ،يووه افهمي،أصل انا ساعات احس ان بحب راضي اوي وعاوزه احضنه،وساعات احس اني عاوزه اخنقه، هو أنا كدا طبيعيه، ولا اتجننت ولا ايه، انا متوتره وخايفه..
ـ ضحكت عليها،بس ياهبله دي هرمونات الحمل عادي،مانا امبارح زهقت علي كيان وعضيت دراعه..
اقتربت منهم والدتها بعدما اطمأنت علي سولاف وخرجت لهم، وضربتها علي راسها،
انتو الاتنين،هبل ماشاء الله..
ونظرت لابنتهاورمقتها بغيظ،وبعدين انتي عضيتي كيان يافريده،قولتلك ميت مره،متزعلنيش في كيان..
رمقتها فريده،بغيظ،ياماما،انا نفسي اعرف انتي معايا ولا ضدي..
انا اللي بنتك مش هوو
ـ ردت ناديه ببساطه عليها، وكيان دا ابن روحي،وقلبي،اه مش ابني،بس اكتر من ابني..
لولاه هو وراضي كان زماني في خبر كان،ومكنتيش شوفتيني ابدا..
كيان وراضي انظلمو معاكو والله.
سمر،مقولتليش ياخالتو،هما السبب ازاي،يعني
ناديه بحب،جدك راشد كان عارف اللي بيدور هنا من زمان،وكان متفق مع الحكومه انهم يوقعوهم،وراضي كان الظابط اللي ماسك القضيه،ساعتها جدك فهم كيان الحكايه،ولما انتقلت بيتي،ودخلت سعديه،الاجهزه الامنيه،كانت زرعه كاميرات في البيت،لان مراد اتقتل هناك بردو،ويااجل الحظ استمعو للي قالهولي راجي،وقبل مانتو تكتشفو الجريمه،كانو هما في طريقهم لهنا هما والاسعاف،
كل حاجه تمت بسرعه،هي فكرت انها قتلتني،وحاولت تعمل فخ لراجي،ولان الحكومه كانت عاوزه تمسكها متلبسه وتوقع اللي بيساعدوها،قاله يسيبوها تقع في الفخ،ساعتها الضربه كانت أثرت علي رجلي،سفروني بره،وراجي هربوه مع وجدي في الجبل،بس كدا ياستي فهمتي،بس كيان مقدرش كالعاده وانا كمان كنت هموت واشوف فريده،رجعت من السفر في اليوم اللي فاجأك فيه كيان،وفضلت في المزرعه..
سمر،يعني جدي من الاول كان عارف ان فريده وسلمي ومحمد عند الراوي..
ردت ناديه بفخر،طبعا،بس اللي مكنش يعرفو والكل كمان وانا اولهم ان فريده بنتنا،هي فريده اللي بيحبها كيان.
سمر،بذهول،قصه ولا في الاحلام..
ضربتها ناديه علي كتفها،وقالت..
وبعدين سيبك بقي من الكلام دا، دلوقت،خلينا فيكي يا خايبه انتي...
ـ نفخت خدها،اف ياخالتي،اعمل ايه،انا دلوقت..
ـ ناديه بمكر، هقولك،تعالي..
أخذتها من يدها،ونادت لمحمد.
واد يامحمد
تأفف،ايوا ياماما
ـ ناديه بحده، انت بتزهق عليا يامحمد، وبعدين، مالك واقف مش علي بعضك ليه
ـ رمق الباب المغلق عليها وحك راسه،ابدا،هي سولاف كويسه..
ـ عوجت سمر فمها بتهكم،أهلا انت طبيت..مرحبا بك بنادي البؤساء
نظر لها بسخط،وادار وجهه عنها،بغيظ.
عاوزه ايه ياماما
ـ ناديه بغيظ،ماشي يامحمد،خد سمر وديها بيتها يالا..
ابتلعت ريقها،لا ياخالتي،بلاش،انا خايفه..
،رمقتها خالتها بحنان،بيت جدك مفتوح ليكي مانقفلش،صحيح هنا حنان وحب،وكلنا بنحبك ياسمر،بس هناك في حضنه،حاجه تانيه،راضي يستحق انك تيجي علي نفسك عشانه
راضي بيحبك،مضيعيش عمرك ياقلب خالتك
ـ نظرت لها بخوف،بس انا خايفه من ستي.. ممكن تقتلني،مش بتحبني ..؟
ـ راضي ساب بيت جده من يوم مارفضتي ترجعيله ياسمر،جدك كان عاوز يجوزه عليكي ويكسرك،بس هو اختارك انتي،وبعد عنهم،قالهم هستناها العمر كله
ضحكت بسعاده،بجد ياخالتي،
ابتسمت ناديه،واومأت لها،بجد ياقلب خالتك
جرت وسحبت محمد خلفها
وهو يسبها ان تترك يده،
ـ يالا يامحمد،خدني علي بيت حبيبي
محمد بغلب طب سيبيني،ياختي،انتي مجرجراني كدا ليه،علي محمد واللي جابو محمد،ادي اللي بناخدو منكو..
روح يامحمد،تعالي يامحمد..
فلتت ضحكات فريده،ووالدتها عليها...
وعلي جنانها..
ـ رفعت ناديه يدها بالدعاء لها،ربنا يهديكي ياسمر،يارب..
ويهديكي ياسلمي
ردد من خلفها،بحرقه..
ـ اه ياعمتي ادعي بحرقه،والنبي،أحسن اخطفها وانتي حره بقي..
استدارت له،وضربته علي رأسه..
اختشي ياواد،احسن افركشها خالص..
ـ فهد باستنكار، تفركشي ايه ياناديه دانا قتيلك هنا،طب ادخل دنيا الاول،وبعدين فركشي..
أزاحته من امامها،طب اوعي يااخويا،خليني ادخل للبت الغلبانه اللي جوا دي..
تنهد بحزن،عليها،بعدما ذكرته بها، هي عامله ايه دلوقت؟
التفت له،بحنان،هتبقي كويسه،ان شاءالله،مسير الغمه دي تنكشع،ونرجع نلتم من تاني.. مسير الظالم هياخد عقابه..
مهو مش هنفضل طول عمرنا في ظلام يافهد..
أغمض عينيه بأمل،عندك حق ياعمتي..
ربنا كبير.. أووي.
ردت فريده عليه،بأمل وضحكه علي استحياء،قول ياهم عندي رب كبير..
ـ ردد خلفها، يااارب..
ـــــــــــــــــــــــــــــــ
مهما طالت عتمه الليل،هيجي الفجر
مهما طال الظلم،مسيره يتحقق العدل
بالدعا،والصبر، وبقلب محروق بيقول يارب.
قول يارب وهو سامع،هيجيبلك حقك من حنك السبع..
متقولش ياهم،قول ياهم عندي رب..
هو شايفك،سامعك،وخلي عندك يقين ان بعد عتمه الليل، اكيد، هيجي الفجر..
ـ بس احنا بقلب خاشع نــــــــقول،يــــــــارب
٢٢
روايه/رحمــــــاكي
أسما الســــــــيد
ـــــــــــــــــــــــــــــــــــــــــــــ
(الماضـــي)
بمنتصف الليل،
واقفه بقلق، تنظر للطريق ، تنتظره أخبرها انه ذاهبا لاخيها، ولم يرسل لها شيئا منذ ساعات، قلقه بشده عليه..
ماجده من ورائها، يابنتي دلوقتي يجي، متقلقيش،
نفخت خديها بقلق، قلقانه عليه اتأخر اوي
ابتسمت وسحبتها للداخل، تعالي بس الغايب حجته معاه، دلوقتي يجي..
رجعت بظهرها لاخر الاريكه، وسألتها،سؤال لطالما أرادت سؤاله لها،عيناها الحزينه دائما،تخبرها أن هناك شيئا مستترا بها
الا قوليلي ياخاله، هو انا ليه حاسه انك مخبيه عني حاجه..
ماجده بارتباك، هخبي ايه ياهبله انتي مانتي عارفه اللي فيها..
أمل، بمكر، أنا كل اللي اعرفه ان الراجل طالع نازل عينه هتتقلع عليكي، بس شكلك انتي اللي سايقه فيها..
ضربتها علي كتفها بغيظ، اسكتي ياامل، ايه اللي بتقوليه دا.
أمل، أقول انك بتضيعي عمرك عالفاضي، الراجل هيعملك ايه اكتر من كدا، اتقدملك كام مره،انسي اللي فات،وعيشي اليومين اللي فاضلينلك في حضنه،
فلتت دموعها منها غصبا عنها، والماضي يعود لذاكرتها وبقوه، وهل نسته اساسا، مش قادره انسي يا أمل،انه باعني
عشانها،أنا لايمكن اسامحه ابدا،انا اه كنت بعشقه،بس عمري ماهسامحه،أمل انتي مش عارفه حاجه
مش عارفه حاجه خالص..
أمل بدهشه، مش عارفه ايه.؟
أنا حاسه انك شايله هم كبير جواكي،احكيلي ياخاله..
ردت بوجع، أحكيلك ايه بس ياامل
أحكيلك، اني كنت متهوره ذيك كدا وأنا صغيره،أنا ياأمل عشقت رضوان ابو قاسم عشق مجنون لدرجه محدش يتخيلها
كنا جيران واكتر من إخوات،متربين سوا، كان هو راجل في الثلاتين،الناس كانت كلها بتقولي،انه شاب فاسد وبيضحك عليكي،بس انا مكنتش شايفه غيره،لو كنت ركزت شويه،في افعاله وحركاته معايا،كنت عرفت،انه فعلا بيضحك عليا
انا كنت ١٨سنه اياميها،كنت لسه عيله واخده الدنيا عافيه،وبتغني بالحب والمحبين
،وبدموع ازدادت،وخرجت كشهقات.
وقتها عرض عليا،نتجوز عرفي، وعملي البحر طحينه زي مابيقولو،وافقت
وافقت علي ضياعي وكسره نفسي وياريتني ماوافقت..
كل خطوه كنت بخطيها، كان ليا صاحبه اسمها ناهد بعتبرها كل حاجه ليا، مانا وحيده وملقتش غيرها سند ليا، كانت ناهد صحبتي،تعرف كل حاجه،لا واللي يضحك،كانت بتشجعني
مطولش عليكي،المهم مرت الايام،وفي كل مره اقوله هتيجي تتقدملي امتي،كنت الاقيه بيتوه،مره علي ماتخلصي جامعه،ومره علي مااكون نفسي..
لحد ما وقعت في شر اعمالي،وفجأه لقتني حامل،
امي وابويا كانو ناس علي قد حالهم،أبويا كان راجل طيب،بس امي كانت ست قاسيه.
ارتجيته،بوست رجله،انه يتجوزني ويستر عليا،تعرفي كان رده ايه،اللي تفرط في نفسها مره،تفرط في نفسها الف مره،انتي مش امينه علي بيتي،وشرفي..
اسودت الدنيا في وشي،وكلامه سكاكين بتنخر في قلبي،بعد دا كله،بعد ماابويا كان بيعتبره، أبنه اللي مخلفوش،كنا جيران واهل،كانو بيقولو ماجده لرضوان،ورضوان لماجده..
فجأه،لقيتهم نازلين، زغاريط في العماره،وال ايه فرح رضوان وناهد،وقتها عرفت اني استاهل اللي جرالي،لا عرفت اختار صاحب ولا راجل أتسند عليه،في اقل من اسبوعين كان متجوز ناهد،بقيت ابص للي بيحصل كأني في دوامه،وهفوق منها الاقيه مستنيني..
بيمدلي ايده،عشان يقولي زي العاده تعالي متخافيش كنت بهزر معاكي..
اتغدر بيا في ثانيه،وقتها مستحملتش،انتحرت وابويا لما عرف من الدكتور إني حامل، طب ساكت راح فيها
أمي كانت ست قويه،دفنت ابويا،وطلعتني من المستشفي من غير ولا كلمه،وبعد مااتعافيت خدتني لدكتور من بتوع بير السلم،ونزلتلي اللي في بطني،أجهضت اللي في بطني،وزهدت الدنيا.
هو كل يوم مشاكله كانت بتزيد مع ناهد،وحاول يرجعلي وأنا ظي الهبله قلبي حن ليه،وقولت هآخد طاري من ناهد،برجوعه ليا ندمان،مكسور،فوجأت بيه بيقولي،تبقي زوجه في السر،وقتها صعبت عليا نفسي،ولقيت نفسي بصرخ في وشه،وبقوله ليه،هو انا ناقصه إيه عشان ينكتب عليا أعيش عمري كله في السر.
ضحك وقالي،جمله عمري ماهنساها،هو دا اللي عندي،وانتي مقامك انك تبقي زوجه في السر،أهو أمتعك وأتمتع بيكي بدل ماانتي قاعده زي البيت الوقف،ولانه كان عارف ان مليش ضهر أتسند عليه،اتجبر عليا،لقيت نفسي بدعي في وشه بحرقه،ربنا يحرق قلبك زي ماحرقتو قلبي،وينقم منك واشوفك واقف عاجز،وسبته ومشيت.
، امي كل يوم عن يوم كانت بتزيد في جبروتها،تصوري عيشتني زي الآله اشتغل واجيب فلوس بس،اترجيتها نبعد عن العماره وننقل،مهو انا مش حجر،أنا دم ولحم،بردو،رفضت وجبرتني أشوف نظره السخريه والشماته من صحبه عمري في الطالعه والنازله
كانت ست قاسيه،كانت تقولي،لا هنعيش وتشوفيهم عايشين مبسوطين وانتي تعيشي مذلوله مكسوره،ماهو دا مقامك،يوم محب يختار زوجه صالحه،اختارها هي.
وكان عندها حب، ماانا فرطت في نفسي..
مرت الايام،وخلفو قاسم،عارفه هتقولي ازاي واحد زي قاسم،يبقي ابن رضوان الفاسق
ـ هقولك..
قاسم اتربي مع جده،كان راجل تقي وبتاع ربنا وشيخ جامع،كان زي مابيقولو،يخلق من ظهر العالم فاسد اهو دا بالظبط اللي ينطبق علي حالهم،قاسم عاش عمره كله مع جده،دا،حفظه القرآن،وعلمه تعاليم الدين الصحيح..كان شايف ان ابنه ومراته،ميعرفوش يربو اطفال،عشان كدا قاسم كان دايما عايش مع جده في الدور اللي تحتينا ده..
لحد ماجه اليوم اللي حصل فيه الحادثه،وانقلبت بيهم العربيه..
ناهد النار كلتها وخرجت متفحمه،وهو كالعاده استندل ونط من العربيه،قبل ماتنفجر..
واصبح عاجز بيمشي بعكاز.
مرت الايام وزي مابيقولو،او زي مابيدعي هو،عرف غلطو،وحكي لابوه الحكايه.
ابوه حب يصلح غلطته ويجوزنا،بس انا رفضت،قولتلهم انا هعيش طول عمري راهبه من غير جواز،ولا اني،اتجوزه ولا دقيقه،امي حبت تضغط عليا،ساعتها ثورت،لاول مره،وسبتلها البيت،وهي رضخت بعدها، مانا رزقها الوحيد..
ومرت الايام وقاسم كبر،رعيته،كأنه ابني،ماهو لو كان عاش ابني كان هيبقي قده،وهو كل شويةأيام زي كدا،يجي يغني ويقولي سامحيني وتعالي نتجوز،أنا فهمه هو عاوز ايه،ماهو عاجز مين هترضي بيه غيري،ماأنا الهبله اللي كنت بحبه بجنون.
اللي زي رضوان،عمره ماهيتغير،ابنه بنفسه،قالي متتجوزيش رضوان يا خاله، ماجده،ميستهلكيش..
أمل بصدمه،قاسم عارف؟
ابتسمت ماجده بتهكم،مش قلتلك قاسم دا. تربيه جده الطيب،طول عمره ذكي ولماح،لما شد عوده،وكبر،جده حكاله..،لما عرفت انه عرف كنت خايفه يبعد،او يفهم حبي ليه غلط..
بس فأجاني،بدموعه وحزنه علي حالي،قالي ياريتك كنت امي..
انا فخور بيكي،ساعتها بس حسيت ان الدنيا لسه بخير،وان ربنا قبل توبتي..،وانه عوضني إبني اللي راح بقاسم..
وانتي تقوليلي،اتجوز رضوان
ياشيخه دا الموت اهون من قربه،دانا مبكرهش حد قده..
اقتربت امل واحتضنتها بحزن،عشان كدا كنتي دايما تقولي عمري ماهخليكي نسخه مني..
ماجده،انتي مش زي ياامل،انتي ربنا رزقك براجل حنين زي قاسم احتوي ضعفك وحزنك واخوات ماشاءالله عليهم،ربنا يحميهم
ــ قبلت رأسها بحزن، ورزقني بيكي احلي ام في الدنيا،ياريتك كنتي امي.
ضربتها علي راسها بخفه،مانا امك،وامه..
عاوزاكو تملو عليا البيت ولاد وبنات،وتسيبهوملي ياامل،فاهمه،لاإما هخطفهم وانتو حرين بقي..
امل،بابتسامه، فاهمه ياعيون امل،ربنا يخليكي ليا ياماما..
علت شهقاتها،وهي تقبلها، بحزن، وفرحه، امتزجا معا، آه لو تعرفي عشت عمري كله أتمني الكلمه دي ازاي..؟
أمل بدموع،خلاص من انهاردا هناديلك ماما،يأحلي ماما..
أنتبهت لخبط الباب وانتفضت مسرعه من احضانها،دا اكيد قاسم،هروح اشوفه..
ضربت كفا علي كف ومحت دموعها،اه ياهبله البسي النقاب يابت..
أمل،حاضر،حاضر..
فتحت الباب وشهقت بصدمه، احمد..
ا احمد،بابتسامه،ايه مش هتسلمي عليا يااموله..
أفاقت من صدمتها واقتربت منه وتعلقت بأحضانه..
أحمد بفرحه،وحشتيني يا قلب اخوكي،بس ايه يابت ده،خسيتي اهو،كنتي زي البقره..
ضربته علي ظهره بسعاده ممزوجه بدموعها،اخرس أنت اللي بقره..
لمحته واقفا ينظر لها ببسمه ممزوجه بغيره واضحه..
ولكنها اشاحت نظرها عنه..خجلا..
ــــــــــــــــــ
بعد ساعه،كانت تعد حقيبتها لترافق اخيها صباحا،بعدما صعد ليبيت مع قاسم..
ماجده،مع اني كنت عاوزه اكون معاكي بس معلش ملحوقه،
امل باستنكار،دا اللي هو ازاي بقي،هو انتي مش هتيجي مع قاسم..
ماجده،مهو رضوان هيكون موجود وانتي عارفه اللي فيها..
أمل بحنان،ودي فرصتك تثبتيله انه ولا حاجه،مش دا كلامك،وبعدين انتي رافضه تيجي معايا،هتسيبني كدا لوحدي..
ماجده بحنان،عشان عيونك هاجي ياأمل،ربنا يخليكو ليا..
وآه هو ولا حاجه
أمل، ربنا مايحرمني منك أبدا..
ــــــــــــــــــــــــــــــــ
استغرب رن الجرس بمنتصف الليل هكذا،من سيأتيه الان
استقام من الفراش،بحزن،.
ومنظر الدماء مازالت بمخيلته،الا ان اقترب من الباب وفتحه بسرعه، ورجعت هي للخلف معها.
صدم..
تسمرت قدماها،وهو يهمس باسمها،سمر،انتي.
محمد من خلفهم دفعها بحده بيده،سقطت بأحضانه،غامزا لراضي،خد مراتك اهي،زهقتني طول الطريق، عماله تغني
ـ ودوني علي بيت حبيبي..
خد ياشيخ،دي قرفتنا.. ال حبيبي ال،راضي جبل الجليد،بقي دلوقتي حبيبي.
تركهم وهرول للخارج
وتبقي هو وهي..
ابتلعت ريقها وهي تهز راسها يمينا ويسارا، وببراءه قالت..
ماتصدقوش،ياجبل التلج انت..
كداب..
جحظت عيناه،ودفع الباب الذي مازال يمسكه باحدي يديه ويسندها هي بيده الاخري..
وهمس،لها، مصدقش ايه ياسمر..؟
عضت شفتيها بغل من محمد،وهمست،هااا
أصل..
راضي بهدوء،أصل ايه،قولي.
رمشت بعيناها،ورفعت عيناها وثبتتها علي عينينه التي اشتاقتها،وعبست بطفوله، أصلك بصراحه،وحشتني اوي ياراضي.
بص هو، أنا مش طيقاك،بس بردو وحشتني اوي..
نظرت له بسخط واستنكار،وهو ينظر لها، بعينين جاحظتين..
وبحده سألته،ايه مش هتقول حاجه يابارد انت..
مش هتقولي،وحشتيني،والكلام دا..
ابتعدت عنه وازاحته بيدها،طب اوعي بقي،يابارد انت،اف..
فلتت منه قهقات رجوليه عاليه..جعلتها تنظر له وتضيق عينيها
وبغيظ.
ضربت الارض بقدمها،واستدارت لترحل،متمتمه،بحزن،انا غلطانه اني جيت
انتشلها من علي الارض بذراعيه كالريشه،قائلا بضحكه متقطعه من بين كلامته،تروحي فين ياحلوه،هو دخول الحمام زي خروجه..
همست بخجل،راضي.. إوعي.
رد همسها وهو يصعد الدرج بها عدوا،كالبرق،عيون وقلب راضي،أنتي كمان وحشتيني اوي،اوي ياقلب راضي..
ردت همسه بطريقه أخري ملتاعه،مشتاقه،بشفاها التي حطت علي عنقه،تنتشي من رائحه عطره التي اشتاقتها وبشده،لاتدري ماذا بها،ولكنها كانت لها ترياقا،شافيا،وعلمت انه هو من بين جموع البشر بين يديه وجدت تلك التي يسموها،الراحه..
همسها باسمه وشفاها التي حطت علي عنقه انسته ما رآه،لوعته،وليالي الفراق.
اخذته معها علي سطح سفينه وكانت هي احدي سكناها،انتشت روحه وسكنت لوعه ما رآه
أغمض عينيه راحلا معها،صارخا بها،ياإمرأه،رحمــــاكي.
ـــــــــــــــــــــــــــــــــــــــــــــــــــ
بعد ثلاثه اياام،
يقف ينظر لها،بحب،وابتسامه مكبوته،لما تفعله
نظرت له بحده،بتضحك علي ايه.؟
رفع يده،باستسلام،مبضحكش،بتفرج عليكي..
نفخت خدها وتركت مابيدها، بحزن، شكلها باظت..
أنا كل مااعمل حاجه أبوظها،أنا فاشله..
اقترب منها،وهمس لها،وريني كدا..
كانت تعد الارز بجانب طاجن من البطاطس بالفرن،وضعت اصبعها بفمها،كمن ينتظر نتيجه امتحانه
أخذ ملعقه من البطاطس،وابتلعها..
وابتسم،فتح اناء الارز وتذوقه،وحبس ضحكاته
وهمس،تسلم ايدك ياقلبي،جميل،كل اللي ياسمينه بتعمله جميل.
نظرت له بحزن،اضحك يابودي متكتمهاش
انفلتت،ضحكاته عليها
عبست،بحزن،اف،انا زهقت،انا فاشله..فاشله..
أخذها بحنان من يدها واجلسها علي قدمه،يده.امتدت.كعادته لتحاوط خصرها ويده الاخري تمسد بطنها،موضع طفليه..
نظرت له بحزن وهي تعلم مايود ان يحادثها به،منذ ايام وهي تتهرب منه،تمكث هنا..
لا تريد أن تلقاها منذ أتت،هي لن ولم تسامحها أبدا،
أغمضت عيونها وصدي اعترافات عصام لها بعدما انتهي من ذبحه لها،ترن بأذنيها اعترافاته،لها
مازالت تذلذل أعماقها.
انتبهت لهمسه،ياسمينه..
ـ أجابته بهدوء، نعم.
ـ نظر لها قليلا بصمت،فنكست رأسها للاسفل
وهمست،أنا أسفه،مش قادره.. أرجوك متزعلش..
ـ تنهد، وقال..
الموضوع مش كدا ياياسمين،حاسس انك مخبيه حاجه عني،أنا عمري ماهجبرك تسامحي امل،علي اللي عملته في فريده،انتي فهماني غلط ياقلب عابد..
مش عاوزه تكلميها،مش هجبرك.
أنا عتبي عليكي انك حابسه نفسك هنا،من ساعه ماجت،حتي ديما ودينا معنتيش بتنزليلهم.
ياسمين،انتي حاجه كبيره اوي عندي
أنا عارف ان امل غلطت كتير،بس انتي بنفسك طلبتي أسامح وأتفاهم..فليه ياقلب عابد،في ايه فهميني.. مخبيه عني إيه..
مد يده واشار لقلبها،في إيه هنا بيوجعك،ومخبياه عني..
مش اتوعدنا،تشاركيني وجعك،ومتخبيش عن عابد حاجه..،ومتقوليش مفيش..
لان في،أنا قلبي حاسس بكدا..
ابتسمت ابتسامه باهته،كتمت بها غصتها،مفيش يابوده،أنا بس..
غصت بحلقها ولم تستطع أكتر،
لم تستطع، شهقت وبكت بحرقه واحاطت عنقه،تبكي وتبكي.
جن جنونه،ياسمين في ايه،قوليلي في ايه،أقسم بالله ماهقدر أستحمل دموعك دي..
لو مش عاوزه تكلمي امل،متكلميهاش
بس في ايه؟قوليلي،متبكيش..ياياسمين..
صدح صوتها المتوتر امامهم مباشره.
أنا هقولك..
تفاجئ وهو ينظر لها،أمل
ـ رفعت نقابها، ومسحت دمعاتها،التي تسيل بخزي..
أنا اسفه اني دخلت كدا بس الباب كان موارب ندهت محدش رد،سمعت صوتكو فدخلت..
نظرت لياسمين الجالسه باأحضان أخيها،يحتويها كطفله صغيره.
وأغمضت عيناها بحزن..وتذكرته هو
وياليته معها الان، ابتلعت ريقها.
وانتبهت لسؤال أخيها،المصدوم ..
عابد،في ايه ياأمل،هتقوليلي ايه؟
ـ نطقت بحزن، هقولك ليه ياسمين،مش عاوزه تشوفني ولا تقابلني..
نقل نظره منها لتلك التي بأحضانه، باستفسار،تقصدي ايه،حد يفهمني..؟
التفت لها بضعف،بحزن ودموعها تنهمر، كالسيول وذكري مامضي يمر أمام عينيها،كلماته واعترافاته ترن بأذنيها،
صرخت بها،اسكتي،اسكتي،اقفلي علي اللي فات،اقفلي بقي كفايه حرام عليكي..
ضربات قلبه علت كالطبول،ارتعش قلبه لمرآي أحب اثنين لقلبه ينتحبون معا،كانت مازالت تتشبث پأحضانه كطفله تتمسح بأبيها،ويديها تمسك بقميصه بقوه وكأنها تتألم..
دموع عيناها،أغرقت قميصه،همس لها، في ايه،ياسمين.. خايفه منه أوي كدا..
ردت همسه،قولها تمشي أنا مش قادره ابص في وشها،ياعابد،حرام عليكو،أنا كان ايه ذنبي
ابتلع ريقه، وهم ان يجلسها بجانبه،فأبت ان تفارق صدره وتمسكت به،هامسه بضعف،خبيني،أرجوك
حاسه اني عريانه..
أحاط بيديه جسدها الذي هزل،وضعف منذ تلك الليله،كطفله صغيره همس بأذنها،ششش اهدي،أنا جنبك..جنبك أهو،مش هسيبك أبدا
رفع نظره لأخته التي تنتحب بصمت..
بنظره فهمتها،أن تحدثي،وبدأت،وياليتها مابدأت..
ـ عابد،أنا عارفه اني غلطت كتير،وانت سامحتني،أنا عارفه اني مستحقش العفو،بس والله ماكان بايدي،أنا كنت عامله زي المغيبه،روان كانت بتهددني..
أنا،أنا
صرخ بها،انتي ايه انطقي..
رد هو من خلفه بعدما تركته امل، بالاسفل،لتعترف لاخيها،وتطلب السماح من ياسمين،
لقد نصحها بألا تفعل،ولكن حدث ماحدث..
نظر لاخته،بحزن وتنهد قائلا..
انا هقولك انا ياعابد.
نقل نظره بينهم بضياع،بخوف من القادم،وتلك تأبي ان تترك احضانه..
ـ عابد،انت عارف طبعا ان اللي نزل صور امل كان عصام..
جز علي اسنانه وهو يستمع لاسمه،وقال بغل
كمل..
نطقت هي،أمك وروان كانو عاوزين ينتقمو من فريده وامها بأي طريقه،وطبعا انت عارف عملو ايه في فريده.
، في نظرهم مقدروش علي فريده.
ومقدروش يوجعو امها عليها.
فخططو يوقعو ياسمين، ومكنشي في طريقه غير انهم يأذو ياسمين..غير عن طريق عصام..
لتفقوا وخططوا لكل حاجه..
وساعتها أنا كنت علي علاقه بعصام وروان كانت بتهددني،دايما،وكمان بدأت احس من عصام بالغدر،فروان بخت في وداني اني يعني..
هطلت دموعها..وسكتت.
وأكمل هو،انك ايه،انطقي..
اني أقوله علي ياسمين.. كلام محصلش.كانت مفكراها سهله،بس اللي مكناش عاملين حسابه،ان عصام يقع في حب ياسمين من اول نظره، ولما صدته مره واتنين، حبها بجنون،ورفض يأذيها،لحد ما،ماجه اليوم اللي سمعته هو وروان،بيخططوا انهم يفضحوني،ساعتها عرفت اني خلاص انتهيت،كان عشقه ليها معدي الحدود،وقررت انتقم منه..
أنا والله ما كنت عارفه بعمل كده ازاي،أنا كنت يأست وكدا كدا ضايعه،بعدها رحت ليه وكان زي المجنون وبيخطرف باسمك واسمها،انا محستش بنفسي غير وانا بقوله انك ماشي مع ياسمين و...
وهو زي مايكون كان بيدور علي اي مبرر يعمل بيه اللي هيعمله
وحصل اللي حصل..
أنا والله ياعابد ماكنت عارفه بعمل ايه..
ولا كنت أعرف انك هتتجوز ياسمين فعلا..أنااا
نظرت له بخزي ولم تستطع أن تنطق..
نزلت دموعها بخزي أمامه، اعترافات وخبايا، جعلته يترك تلك التي تنتحب بين ذراعيه، وجسدها يرتجف، وكأن الزمن عاد وكل ذكريات تلك الليله وما مرا به، عادت لتسخر منه،
اعتصر وجهه بيده.بوجع
مااقسي أن تقع بين اختيارين أحدهما امر من الاخر
علت شهقاتها، وهي تعتذر وتعتذر، أسفه ياياسمين، سامحيني، والله ماكان بإيدي
سامحني ياعابد، أنا..
لم يمهلها،يده حطت علي خدها،بصفعه مدويه،لاول مره بحياته،
قائلا بوجع، بحزن، اشمئزاز، إخرسي..
كفايه،كفايه بقي..
كادت أن تسقط،من صفعته لها، التقطها أحمد بيده،ناظرا لها بحزن،ارتحتي،ضميرك ارتاح،كدا،أومات له بحزن،وكسره،وهمست، أووي
عدلها واخذها تحت ذراعه،بحنيه..
ووجه كلماته لأخيه الذي جلس واضعا وجهه بين كفيه بخزي..
عابد،أنا عارف انك قلبك كبير،اللي حصل كان غلطنا كلنا،أرجوك انسي الماضي
رفع نظره له وبتهكم،أنسي،لحد امتا هفضل انسي،هو انا يعني مش لحم ودم زيكو،ولا عاوزني اتكه علي ذرار وأقول انسي،يبقي انسي،امشي ياأحمد،خد اختك وانزل،وسيب الايام تنسيني
المره دي الوجع كبير،آسف غصب عني..
همست لاخيها،عابد،أرجوك..
ـ أرجوك سامحني،أنا همشي مش هرجع هنا تاني،بس ارجوك سامحوني،وخلي ياسمين تسامحني
أغمض عينيه وعينه دارت علي تلك التي كانت هنا،وليست هنا الان..
اشتعل قلبه وهو يراها تخرج من المرحاض تميل يمينا ويسارا،وجهها شاحب كالموتي،الدماء تسيل من بين قدميها،جحظت عيناه ولمح بنطاله الغارق بدمائها التي سالت ولم يشعر بها،رفعت عينها له بتعب، التقط نظرتها بأخري موجوعه،
فصرخ عليها، بلوعه، ياااسمين..
ــــــــــــــــــــــــــــــــــــــــــــــــــــــــــــــ
صعد الجبل ليلا..
بعدما استمع لذلك التسجيل التي أعطته اياه سولاف..
اشتعلت نار الثأر بقلبه،واقسم ان ينهيها بيديه.
سيحرقها،حيه،مثلما حرقت قلبه عليها. وعلي ولده..
هلل وجدي وهو يراه يهبط من سيارته..
ياأهلا،يأهلا ياشيخ راشد،نورتنا ياكبير..
راشد، بهدوء، دانورك ياوجدي..
وجدي،اتفضل ياكبير..دا الجبل نور..
بعد نصف ساعه..
اسمع ياوجدي،طبعا مستغرب انا ليه جايلك بذات نفسي،مشيعتلكش تاجيني زي كل مره..
لان المره المهمه اللي جايلك فيها،فيها ثاري، اللي جايده من سنين، وتار ولدي، ولازمن اخده بنفسي
وجدي بحماس،رجبتي ياكبير،انت تؤمر امر..
وأني انفذ..
راشد... بحسم عشان اجده اني جيتلك الليله
سعديه
وجدي،مالها..
راشد..عاوزها حيه،تاري عنديها،لازمن اخدو بيدي..
وجدي بمكر،اعتبره تم ياكبير،يومين بالظبط وتكون جدامك..
راشد، مع انه كتير يومين،بس هصبر..ياجل ماينشفي غليلي..
ومتنساش سويلم ولدي معاها.عاوزهم التنين..
وجدي،،امرك ياكبير..
نظر له بتشفي،، املي فيك كبير وعارف انك جدها ياوجدي..
ودعه، قائلا
أني هستناك علي نار ياجل ماناري اللي جايده من سنين تبرد...
وجدي،تارك تاري،ياكبير.
يومين بالظبط وتكون تحت رجليك..
ـــــــــــــــــــــــــــــــــ
لملمت حاجياتها،بحقيبتها الصغيره،مثلما أتت بها...
ودموع عينيها تسيل وتسيل..
رفعت هاتفها تتأمل اسمه،هم لن يسامحوها أبدا،هي وصمه عار عليهم
شهقت بخوف عليها،هي لم تكن تتمني ابدا ماحدث لها.. كانت تود السماح
سخرت من نفسها،عن أي سماح تتحدث،ليس الجميع كقاسم،نزلت دموعها
وهمست ياريت الكل شكلك..
رفعت كفها،بالدعاء لها بصدق..
ياارب،أنا عارفه اني غلطت،غلط كبير،والله اناتوبت،أنا استحق اللي يجرالي..
هي مذنبهاش حاجه..احميها،يارب وخليلها ولادها..
يارب انت عارف انا ايه من جوا،أنا موجوعه اووي،وهي بردو موجوعه اووي،سامحني يارب،واعفو عني،وخد بيدها..
شهقاتها علت وعلت..ولم تستطع..
فجأه وجدت نفسها لاول مره تدق رقمه،كانو يتواصلون بالرسائل..
هو حاميها،لا احد غيره يتفهمها..
تريده هو وفقط،تشعر بالحنين له هو،غريبه هي هنا،وبجانبه موطنها..
شهقت وهي تستمع لنبره صوته التي تريحها. وتزيح عنها أوجاعها...
همست بدموع،قاااسم..
،كان يجلس بالورشه ينهي أعماله،ليتفرغ لمناسك العمره بعد الكتاب،وجد هاتفه يرن،نظر به وصدم انها ولاول مره تدق عليه..
ابتلع ريقه واستشعر قلقا عليها بقلبه..
فتح الاتصال،وميز شهقاتها..
لم تسعفه الكلمات لنطق حرفا واحدا،تيبست قدماه
وهو يستمع لهمسها..باسمه..لاول مره بلا تكليف..
قاااسم..
ــ رد عليها بلهفه،بخوف،امل،مالك،انتي كويسه..؟
ـ علت شهقاتها اكثر وهي تجيبه بكلمه واحده
فقط
قبل ان تغلق الهاتف
قاسم،محتجاك اووي
ترك ما بيده ولم يري أمامه غيرها
وهمسها الباكي.. يتردد بعقله.
بكلمتها الوحيده..
محتجاك..أووي
ومع هدوء الليل،كانت سيارته تسارع الريح..
ليصل اليها..
يلبي ندائها،وهل يستطيع صم أذنيه عن وجعها..
ـــــــــــــــــــــــــــــــــــــ
أيها الماضي،لما لا ترأف بنا وتنسانا
لما تعود وبسمومك تنهش في بنيانا..
ألا يحق لنا ان نعيش ونتمرد علي دنيانا..
لما بكل فرصه تأتي وتقلب حلو دنيايا..
أيها الماضي اللعين،ارحل عن سمانا..
يامفرق الجماعات وهادم ملذاتنا..ارحل..
يكفيك عنا ربي،مثلما طهرنا ونجانا..
ياماضينا،ابتعد،فجروح القلب عنك تنهانا..
ارحل،وحل عن سمانــــــا