رواية بحبك ياولا
الفصل الاول1
بقلم محمد منصور
معكم سوسو بانيه طيب هي ماتت ياخدوني ليه بدلها وانا بقطع البانيه لا وكمان يلبسوني لبسها وقال اية هي انا وانا هي. طيب والنبي دة كلام اعملها ازاي دي. وكمان كله كوم والساري اللي بيتكلم. دة بالمختصر المفيد حكاياتي مع زمان اللي هحكيها ليكم والحكاية اسمها
بحبك يا ولا
من تاليفي
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
احنا دلوقتي في قرية صغيرة في بلد اسمها. برايز الحلو وماحدش يسال عن البلد دي علشان مش هيلاقيها المهم نركز مع بعض شوية. واللي قاعدة في اخر القصة وبتنام. اصحي معايا. وجوة البلد دي محل فراخ صغير بتاع سوسو بانية بنت عطوة ماشا القهوجي وطلع علي سوسو لقب سوسو بانية لانها احسن واسرع واحدة بتقطع بانية في البلد. وصحيح نسيت اقول لكم ان البلد دي مافيهاش الا محل الفراخ دة. ايوة علشان ماحدش يفكر يشتري فراخ من برة. وفضلت سوسو عايشة حياتها المملة تصحي من النوم تروح المحل ترجع من المحل تنام وهكذا لغاية ما جه اليوم اللي هايبتدي منه حكايتنا،،،،،،،
وفي احدي الايام كانت سوسو واقفة في المحل بتقطع فرخة وبتتفرج علي التيلفزيون اللي في المحل شافت خبر وفاة الفنانة الهندية المشهورة جاتي أبا بسبب حادثة حصلت بعربيتها فاستغربت اوي سوسو لما شافت صورة للفنانة جاتي ابا واللي كانت شبها بالظبط وكانها اختها التؤام والغريب ان سوسو دي كانت اول مرة تشوف الممثلة الهندية دي المهم استغربت شوية ورجعت تاني تكمل تقطيع الفرخة وهي بتقطع الفرخة لقيت ابوها عطوة واقف قدامها وهو بيعيط وبيقول بلهجة فلاحي
موتي وسبتيني يا سوسو مين من بعدك هايفتح المحل. مين من بعدك يا سوسو يا بانية هايقطع البانية
استغربت سوسو وقعدت تهرش في دماغها من خلال
الايشارب اللي هي لابسة وقالت
مالك يا با. ما انا واقفة قدامك اهو
عطوة
يعني اصدقك واكذب الانسترجاب
سوسو باستغراب
اية يا با الانسترجاب دة
عطوة وهو بيوريها الموبيل وهو فاتح تطبيق الانستجرام وفي صورة الممثلة جاتي أبا اللي ماتت فقالت سوسو
يا با دي واحدة شبهي مش أنا اللي مت وبعدين الانسترجاب دة كذاب اوعي تصدقة
عطوة
يعني انتي لسة عايشة
سوسو بزهق
والله لسة عايشة وواقفة قدامك اهو. زي القردة
عطوة
ربنا يخليكي ليا يا قردة.
ويبص للموبيل ويقول
وانت بقي انا غلطان اني عملت لك تحديث يا كذاب انت
سوسو باستغراب وهي بتبص علي الموبيل
بتكلم مين يا با
يبص لها عطوة ويقول
الانسترجاب دة. طيب وربنا شوفي وربنا لو كذب عليا تاني لابيع الموبيل وارتاح منه
سوسو
وتبيع الموبيل لية. ما تمسحة احسن
عطوة
ههي هو انا عبيط امسحة ويرجع لي تاني. انا ابيع الموبيل وساعتها هو مش هيلاقي حتة يبات فيها
سوسو
الله عليك يا با وعلي مخك اللي يوزن ذهب
عطوة
اومال اية يا بت. دة انا كنت مرشح لجايزة الدولة التشجيعية بتاعت ارب جوت دنيلت لولا الظلم بتاع لجنة التحكيم وخصوصا الاستاذ مصطفي فهمي
سوسو باستغراب
بس مصطفي فهمي مش معاهم
عطوة
لا معاهم بس عامل فيها واحد تاني. بس انا عارفة. ههي هو انا حمار
سوسو
لا. يا با متقولش كدة د انت اسطورة
فيتفشخر عطوة اوي بكلام بنتة وينشكح، ،،،،،،،،
ومن داخل استوديو كبير وفي نص الاستديو دة قاعد راجل طخين ولابس جلبية بيضاء من قماشة فاخرة تدل علي العز والثراء الفاحش وهذا الرجل هو المعلم حسنس معلم تقيل من معلمين الجزارة وقدام المعلم دة قاعد راجل في الاربعينات من عمرة وهو بدير المخرج ومعاهم يقعد شاب وسيم وهو ابن حسنس الوحيد والمدلل ويدعي تامر وكان تامر قاعد بيشرب سيجارة بلامبالاة وابوة بيبص له بكل غيظ ويقول بعصبية
ارتحت يا حيلتها. اهي ماتت والفيلم مش هايكمل.
ويلطم علي وشة ويقول
بس ما يكملش ازاي دة انا دافع 50 مليون جنية لغاية دلوقتي وفاضل في الفيلم عشر دقايق بس
تامر ببرود
عادي يا بابا نلغي الفيلم دة ونصور فيلم جديد
حسنس
يا بارد. يا تلاجة. انت عايزني ادفع فلوس تاني. دة علي جثتي
تامر
طيب وانا
حسنس
انت اية
تامر
انا عايز ابقي مشهور ونجم والناس كلها تشاور عليا
حسنس
يا خي اتنيل نيلة متنيلة. منا كنت هاعمل لك فيلم مع نجمة من مصر وتكون اليومية بتاعتها حنينة انت اللي قولت لي لازم ممثلة هندية ودونن عن كل الهنود رايح تجيب لي واحدة وش موت. وخدت مني فلوس اد كدة
تامر بطريقة مستفزة
وهو انا كنت اعرف منين ان دة هايحصل. المهم تخلص من موضوعك وتفك كيسك وتعمل لي فيلم غير دة. انا عايز ابقي مشهور
فيقف حسنس ويذهب ناحية رقبة تامر ويخنقة بغيظ وهو يقول
انت مين مسلطك علية يلا. انا كنت بتاع لحمة وكافي خيري شري وفلوسي في حضني ومدفي بيها انا سمعت كلامك لية. وبعدين بقي عايز تبقي مشهور انا اقتلك دلوقتي وهاتنزل صورك في الجرايد كلها وهاتبقي مشهور
فيقف المخرج بدير ويبعد حسنس عن تامر وهو يقول
اهدئة يا معلم حسنس وخلينا نفكر بالراحة ممكن نعمل اية
حسنس وهو بيقعد مطرحة
انت مش شايف البارد ابن البارد بيقول اية. رميت 50 مليون علشان خاطرة وفي الاخر يقولي فك كيسك
ويبص حسنس لتامر اللي كان بيلعب في ظوافرة ويقول له
50. مليون يا واطي وتقولي فك كيسك. دة انا لو كنت جبت بهايم بالفلوس دي كنت بقيت ملك اللحمة
فيبص له تامر ولا يرد فيقول بدير
اسمع يا معلم احنا هانكمل الفيلم
حسنس
ازاي يا سيدي. والبطلة ماتت
بدير
نشوف حد شبهها نكمل بيها ال 10 دقايق اللي فاضلين وبكدة فلوسك ترجع لك بالمكسب كمان
حسنس
انت عبيط يا عم انت. الناس كلها عرفت ان الممثلة الهندية ماتت.
بدير
بس ما يعرفوش ان الفيلم لسة ما خلصش
حسنس
تقصد اننا هانقول ان الفيلم خلص تصويرة
بدير
بالظبط ودة لما يكون اخر فيلم للنجمة جاتي ابا هاتلم قد الفلوس اللي حطتها 3-- 4 مرات
فيقوم حسنس ويبوس راس بدير وهو يقول
تسلم دماغك
بدير
المهم دلوقتي نعرف الناس كلها ان جاتي ابا خلصت الفيلم
وان الفيلم هايبقي جاهز خلال شهور للعرض في دور السينما. وفي نفس الوقت هاكلم انا واحد صاحبي في السجل المدني وعن طريق الكمبيوتر نقدر نوصل لاي واحدة شبيهة لجاتي ابا ونكمل بيها الفيلم من غير ما حد يحس بينا
تامر
انت اتفرجت علي الفيلم دة. كان بتاع طويل العمر يطول عمرة وينصرة علي مين يعادي. هاي هئ
ويضحك ضحكة ثقيلة فيبص له بدير وحسنس بقرف شديد،،،،،،
ويعدي تلت ايام بالظبط وفي عز الظهر يقف بدير ومعه حسنس قدام محل الفراخ بتاع سوسو ويبصوا لسوسو وهي بتقطع الفراخ فتبص لهم سوسو وتقول
نعم.
بدير لحسنس وهو مبسوط
هي. هي.
سوسو
هي مين يا با. انطق وقول عايز اية.
حسنس
عايزك انتي يا عسل
سوسو
اختشي عيب يا ولا.
بدير
اسمعي يا شاطرة تحبي تمثلي
سوسو
هه
حسنس
وهتاخدي فلوس كتير
سوسو
هه. ،،،،،،،،،،،
وبعدها بشوية ومن جوة شقة عطوة ماشا يقعد عطوة علي الكنبة وقدام منه علي الارض بدير وحسنس وبيبصو له وبيقول بدير
قولت اية بقي
عطوة وهو بيهرش في ظهرة بهراشة من خشب يقول
قولت اية في اية انا مش فاهم منك حاجة
حسنس بعصبية
يادي المصيبة السودة. بقالنا ساعة قاعدين قدامك علي الارض وبنشرح لك احنا عايزين اية. يعني سيبك من انك انت قليل الذوق ومقعدنا علي الارض وانت قاعد علي الكنبة كمان غبي
عطوة وهو لسة بيهرش في ظهرة
هو انت عايزني أسيب الكنبة بتاعتي واقعد انا علي الارض. دة يبقي ههي جامدة خالص. وقلة ذوق مني
بدير
مش مهم احنا قاعدين فين. المهم تفهم احنا عايزين اية
عطوة وهو لسة بيهرش
طيب وربنا شوف وربنا انت راجل عسل وبشبوش كدة مش زي المعلم حنكش دة
ويبص لحسنس فيقول حسنس بعصبية
اسمي حسنس. وبطل هرش بقي روشتني
عطوة وهو لسة بيهرش
لسة طهري ماجبش دم.
حسنس باستغراب
وانت عايز طهرك يجيب دم لية
عطوة
علشان اعرف كدة أن البرغوث اللي بيعضني مات غرقان في الدم
حسنس
هو انت متخلف
بدير وهو يمسك ايد حسنس في اشارة بمعنها اسكت بس
ويبص لعطوة ويقول
ياعم اهرش براحتك المهم موافق علي اللي احنا قولنا
عطوة
اللي هو أية بقي،
بدير بزهق
بنتك تمثل معانا اخر عشر دقايق في الفيلم
عطوة
ههي. انت عايز سوسو لفة يعني
حسنس بنرفزة
لفة اية. احنا جائين نأجر عجلة
عطوة وهو لسة بيهرش
ههههههههههه. الله يجازي شيطانك يا اسطي حنكش.
تعرف انا مضحكتش كدة من يجي ساعه
فيقف حسنس ويبص لبدير ويقول
يالا يا بدير. انا اصلا جذمة اني جيت برجلي لبلد اسمها برايز الحلو
عطوة
لا وشوف مين اللي بيتكلم. مش عجبك اسم برايز الحلو
و انت اسمك حنكش
حسنس وهو بيبص له بعصبية ويقول لبدير
قوم يا بدير قبل ما ارتكب جناية
عطوة ببرود
لا. وانت سفاح قوي وكل يوم تقتل واحد
فيتجة حسنس ناحية عطوة ويمسكة من الجلبية ويرفعه لفوق ويبص له ويقول
تحب اخلص عليك دلوقتي
فينهض بدير ويحوش حسنس عن عطوة وهو يقول
بلاش تهور يا حسنس خلينا نشوف اخرتها اية
عطوة وهو فوق ولسة عمال يهرش يقول
نزلي يا اسطي حنكش انا عندي لوبيا الاماكن العالية
بدير وهو بيميل علي ودان حسنس
نزله احنا محتاجينة
فينزل حسنس. عطوة. فعطوة يبص له ويقول له
لا. روق كدة انت راجل كبير واكيد عيان بعدان تقع مننا. اقعد انت علي الكنبة لو عايز
بدير وهو بيقف قدام عطوة وبيبصه وبيقول
ركز معايا. احنا عايزين بنتك تشتغل معانا لمدة اسبوع بس وهانديك 10000 ج.
عطوة
انت مش قولت عايزها 10 دقايق بس
بدير
يا حج عايزها 10 دقايق. بس هتقعد معايا اسبوع
عطوة
يعني هاتكتب عليها ولا هايبقي عرفي
حسنس بعصبية
يا راجل انت عايز تشلنا عايز تموتنا. الله يخرب بيت تامر ابني اللي خلاني اشوف واحد زيك
عطوة
هو انت مالك عصبي كدة. وكان في حد دايس علي ذيلك
حسنس وهو بيبص في الشقة علي حاجة يحدفه بيها فيبص له بدير ويقول
استني يا حسنس خليني افهمه بالراحة.
عطوة
هو حسنس دة اسم فرعوني
بدير وقد بدأ يفقد اعصابة
مالكش دعوي. ركز مع امي
عطوة
هي امك كمان جاية. مش كنت قولت كنا زودنا ورك. علشان الغداء. ولا امك صدر
بدير وهو بيرفعه لفوق بعصبية ويقول
ام مين اللي صدر يا راجل يا جذمة انت
عطوة وهو بيبص لي حسنس ويقول
الحقني يا اسطي حنكش صاحبك بذيل اتجنن
فتدخل سوسو وهي شايلة صنية الاكل وتقول
سيب ابويا يا ولا
فينزل بدير عطوة فيبص له عطوة وهو بيبوس راسة وبيقول
روق كدة واهدئة انت راجل كبير واكيد عيان. ابقي اقعد انت علي الكنبة
فيروح بدير وحسنس ناحية سوسو ويشيلو عنها الصنية وهما بيقولو في نفس واحد
عنك انتي يا نجمة
فتبص لهم باستغراب وتقول
للدرجة دي جعانين
حسنس
يا ستي لا. احنا عايزينك معانا يا عسل انتي
بدير
يا قمر انتي
فتهرش سوسو في دماغها وتبص لابوها وتقول
ابا. هو مين فيهم اللي عايز يتجوزني
عطوة وهو بيبص لحسنس
خدي الاسطي حنكش أحسن من التاني الاسطي بذيل اللي بيقول 10 دقايق بس اسبوع. فاهم الجواز غلط. وباين علية عيان. باين اية دة اكيد مؤكد عيان ههي هو انا غبي
فيبص له الاثنين بغضب شديد. ،،،،،،،،،،،
وبعدها بيوم ومن داخل قصر المعلم حسنس يفتح باب القصر وتدخل سوسو بانية ومعها عطوة ومن وراهم حسنس وبدير وتنبهر سوسو بالقصر وتفضل تلف في وهي مش مصدقة نفسها وتقول
أسمها اية البلد دي
عطوة وهو بيبص لكل حتة في القصر
يا غبية دي مش بلد. واحدة دي كذا بلد ومفتوحين علي بعض زي الدوبلكسن.
ومن وراء منه باصين لي حسنس وبدير وهما مش ضايقينة وعطوة مش يسكت لا. يكمل ويقول
بس تعرفي برضو برايز الحلو احلي
فيمد حسنس رجله ويكعبل عطوة فيقع عطوة فتقومة سوسو وهي بتقول
يا با انت وقعت
عطوة
عيب يا بت مش عطوة اللي هايقع
وفي هذة اللحظة يفتح باب اوضة المكتب ويخرج من المكتب تامر ابن حسنس ويبص لسوسو وعطوة ويقول لحسنس
مين دول
فتبص له سوسو وتقول
مين الولا. الحلو دة
حسنس
دي سوسو اللي هاتكمل الفيلم مكان جاتي
فيعجب بيها تامر ويقول
يا عسل
سوسو لعطوة
أبا. انا بتعلق وانت واقف
عطوة لتامر
ماتحترم نفسك يا بية انت وخليك محترم
تامر وهو لسة باصص لسوسو يقول
الراجل اللي شبة الرنجة دة يقرب لك
سوسو
ايوة الرنجة دة يبقي ابويا
فيبص حسنس لبدير ويقول بصوت واطي
لم الدنيا وشوف هاتعمل اية بسرعة علشان تامر شكلة كدة ناوي يلعب علي البت
بدير
لا. البت غلبانة عرف ابنك يبعد عنها دة هو اسبوع وهاترجع لبلدها
حسنس
هو دة بيعتق. ربنا يعدي الاسبوع دة علي خير. مع اني حاسس ان تامر مش هايجبها لبر