رواية بحبك ياولا
الفصل الثاني2
بقلم محمد منصور
ومن حديقة القصر يجلس بدير ومعه حسنس وحسنس بيبص في الساعة بتاعتة وبيقول
احنا هانفضل قاعدين كدة
بدير
الصبر. يا حسنس سوسو بتجهز ونازلة
حسنس
بقالنا اسبوع بنجهز فيها. وانت قولت اسبوع بس وهاترجع لبلدها وهايكون الفيلم خلص
بدير
ماهو علي يدك البت غبية جدا ومش عارفة تحفظ المشهد ورايحة في داهية
حسنس
طيب وبعدين انا عمال اجيب لها مدرسين لغة علشان تعرف تتكلم زي مخاليق ربنا
بدير
الصبر. كل اللي هاتصرفة دلوقتي هايرجع بعد الفيلم ما ينزل وبزيادة كمان
حسنس
مش عارف. لية حاسس اني لبست في حيطة
فيسمع ضحكة عطوة جاية من وراء وهو بيقول
الله يجازي شيطانك يا عرة. دة انا ماضحكتش كدة يجي من عشر دقايق
فييص له حسنس وبدير فيلاقو بيتكلم في الموبيل فيبص لهم عطوة ويقول
صباح الخير. واحدة ووزعوها علي بعض.
ويضحك ويقول في الموبيل
لا. مش ليك انت يا عرة. دة انا بصبح علي الاسطي حنوسة وصاحبة الاسطي بديل
ويكمل مشي في الجنينة والاثنين باصين علية بغيظ شديد ويقول حسنس بعصبية
سامع الحمار دة بيقول علية أية. انا حنوسة انا
بدير
يعني انا اللي اسمي بديل سيبك منه المهم نخلص المصلحة
وفي هذة اللحظة تخرج من باب الفيلا سوسو وهي متعلقة في ذراع تامر ولابسة الساري الهندي فيبص لها حسنس وبدير بانبهار شديد لانها بقيت شبة جاتي بالظبط وخصوصا بعد ما لبست الساري فاقترب منهم تامر وقال
اية رايكم في المفاجاة دي
حسنس وهو فاتح بوقة
دة عسل العسل
سوسو
شكلي حلو في العباية دي
بدير
عباية اية بس. انتي رايحة تصلي الجمعة. دة اسمة ساري
سوسو
هه.
بدبر
ما تركزيش مع الاسم لفي كدة وفرجيني
في هذة اللحظة ينضم لهم عطوة ويبص لبدير ويقول بعصبية
عايز تتفرج علي اية يا بية. عيب والله عليك يا اسطي بديل دة انت معزتك عندي من معزة الجحش بتاعي
بدير بعصبية
انت فهمت اية يا حمار انت. انا هاشوف، ،،،،
عطوة مقاطعة له
وكمان عايز تشوف. انت مالك كدة مش حلو.
بدير
مش حلو يعني اية
عطوة
يعني اخلاقك مش حلو. خالص. انا أتمن. في جروب رافعة حاجبها وماحدش عاجبها وفي الجروب ديما بيتكلمو عن الناس اللي زيك
بدير بعصبية
انت بتقول اية يا متخلف. انا هايجبة لية سيرتي في جروب زي دة
عطوة
علشان بتضحك علي البنات الصغيرة.
حسنس يتدخل قائلا
يا عم انت فهمت غلط دة،،،،،،،،،
فيبص له عطوة وهو يقول
بقول لك اية يا اسطي حنوسة والنبي تسكت انت علشان عيب دة يحصل وانت واقف. ما تبقاش راجل كبير و مهزق
فينفعل حسنس ويروح ناحية عطوة ويبص له بغل ويقول
انت قولت أية
عطوة وهو بيرجع لوراء خايف وبيقول
ابقي بص انت وشوف اللي انت عايزه.
ولكن حسنس يزوم وهو بيقرب من عطوة وعطوة بيبعد وبيقول
انا ماقصدش وبعدين انا قولت راجل قبل ما قول مهزق
فيقف تامر قدام حسنس ويحوشة وهو يقول
خلاص يا بابا الراجل ما يقصدش. سامحه علشان خاطر سوسو
ويبصو الاثنين لسوسو فتقول سوسو
خلاص والنبي يا ولا
فيضحك حسنس ويقول
علشان خاطر يا ولا. دي اللي بتطلع من بوقك زبدة انا مسامحة
فيميل عطوة علي ودان تامر
وربنا انت جدع وعسل. ابقي تعالي بص انت
فيبص له تامر وهو مستغربة ويقول بدير
سوسو أظن بقي انتي جاهزة النهاردة نصور الفيلم
في هذة اللحظة يقف قدام منهم رجل في التسعينات من عمره ويدعي أبا. والد جاتي الممثلة الهندية اللي ماتت. ويبص لهم وهو بيشرب حاجة طويلة كدة شبهة المزمار ومولع نار في اولها وبيبص لهم وبيقول
ما فيش فيلم يتصور الا لما انا اقول o,k
فيبص بدير لحسنس باستغراب شديد ويقول حسنس
وانت مين ان شاء الله. علشان تحكم علينا
أبا
أنا ابا. والد المحروقة جاتي
فيتصدم بدير وحسنس ويبصوا لبعض تاني وابا يكمل وهو يخرج شوية رماد من جيبة ويرميهم في الهواء ويقول
ازاي انا احرق بنتي وانتم يا نصابين تقولو انها لسة عايشة
ويبص لسوسو ويقول
وكمان تجيبة واحدة شبة جاتي وتنتحل شخصيتها
بدير
استاذ أبا ياريت تقدر الموقف بنتك ماتت وفاضل في الفيلم 10 دقايق والفيلم دة اتصرف علية كتير فحرام يعني الفلوس دي كلها تترمي علي الارض
أبا
أنا ماليش دعوي بالكلام دة. عيلة جاتي المحروقة كلها جت برة ولازم كلهم يوافقو علي الكلام دة. واحنا في الهند لما بنفكر في قرار مصيري بنقعد نفكر شهر بحاله.
حسنس باستغراب شديد
شهر لية. هاتفتحة عكة.
ولكن ابا لا يرد علية ويصفر أبا صفارة غريبة ويدخل الي القصر خمس افيال وكل فيل علية 15 نفر فيبص كل الحاضرين للموقف ويقول بدير لحسنس
هي مالها قلبت جوامنجي لية كدة
فيبص حسنس لكمية الناس اللي بتنزل من علي الفيل ويقول لتامر
اشوف فيك يوم يا ابن الكلب كان مالها مني ذكي ولا ايتن عامر لازم تجيب واحدة من الهند تمثل قدامك ، ،،،،،،،،،
ومن داخل قصر حسنس يجلس اهل جاتي في وسط القصر بشكل غريب ويحطوا قدام منهم صورة لجاتي وحوالين منها اعواد بخور وكلهم بيبصو للصورة وبيتكلمو بالهندي ماعدا ابا بيتكلم بالعربي وبيقول
أة. والف اة. علي فراقك يا محروقة
ويطلع الرماد الخاص بجثة جاتي ويحدفة لفوق وهو يبص للعائلة ويقول
يالا كلنا نقول بف
فتقول العائلة كلها في نفس واحد بف ويطير الرماد في الهواء وينزل علي الارض وابا يقول كمان مرة
موتي خلاص يا جاتي وسيبتيتي اعاني في حياتي
ويرمي حبة رماد لفوق ويقول
بف
وكلهم يقولو بف. فيقف حسنس وبدير ويبصوا للمنظر وهما مستغربين فيقول حسنس لبدير
واخرتة اية الحزن دة. بقالهم تلت ايام بيبفوا علي بعض
بدير
مش قال لك مراسم الدفن عندهم كدة
حسنس
عايزين نتكلم في الفيلم ونشوف هانصور امتي. انا هاخش اكلمة
ويستعد حسنس للذهاب ناحية ابا فيمنعة بدير وهو يقول له
اوعي تقطع المراسم بتاعتهم والا هايعيدوها من الاول
حسنس
مين اللي قال كدة
بدير
ابا قال لو حد اتكلم او ضحك او عطس اثناء المراسم بتتعاد تاني. وخلاص احنا في اخر المراسم وهانقعد نتكلم معه
وفي هذة اللحظة يفتح باب القصر ويدخل عطوة وهو بياكل موز وبيضحك بصوت عالي وبيتكلم في الموبيل ويقول
وربنا انت عسل يا عرة وكل ما تكلمني تخليني اضحك كركر. قول كمان نكتة كدة يمكن تطلع بايخة
فيبص له كل الحاضرين فيلطم حسنس علي وشة فيقول أبا
مين يضحك وانا بشيع جنازة بنتي.
بدير وهو بيحط ايدة علي بوق عطوة اللي كان بيضحك ويقول
ماحدش ضحك.
فيبعد عطوة ايد بدير عنه ويقول
انت بتكتم فرحتي لية انت عايزني اموت مكبوت
أبا
كدة يعني تخلينا نعيد مراسم الجنازة من الاول
حسنس
لا. ابوس أيدك. انا بيتي بيتخرب.
فينهض رجل هندي ويقف قدام حسنس ويبص له وهو ساكت فيقول له حسنس
نعم
فلا يرد علية الرجل فيزقة بايدة علشان يرجع لوراء فيرجع حسنس لوراء وهو يقول
بتزق عايز أية
ابا
انة يقول لك. اطلع برة الموضوع
حسنس بعصبية
نعم. دة بيتي اللي انتو قاعدين في دة وعمالين تطفحة اربعين وجبة في اليوم وسحبتة كل الشطة اللي في مصر علشان تعرفو تاكلو.
ويمسك هذا الراجل من اللباس الهندي ويقول
وفي الاخر تيجي حتة الليفة دي وتقولي اطلع برة الموضوع.
ويتجة ناحية ابا ويقول له
أسمع يا عم أبا انت خد الناس اللي معاك دي واطلع برة بيتي انا مش هاعمل افلام
بدير
اهدئة يا حسنس مش كدة
حسنس بعصبية
هو اية اللي مش كدة انا خلاص جيبت اخري. بس لو اعرف مين اللي شخ في الفيلم نحسة كدة
فيقف عطوة قدام حسنس ويمد ايدة بالموبيل لحسنس وهو يقول
خد كلم
حسنس باستغراب
اكلم مين
عطوة
دة عرة صاحبي هيموت ويسلم عليك
فيمسك حسنس الموبيل من عطوة ويرمي بعيد وهو يقول
يا ابرد خلق الله انت عايز مني اية
عطوة
روق كدة يا اسطي حنوسة والنبي اخرة الزعل وحش عليك ممكن تقع مننا
فيقف ابا قدام حسنس ويقول له
افهم من كلامك انك بتطردنا من بيتك
حسنس بنظرة تحدي
بالظبط
بدير لي ابا
استاذ أبا ممكن اتكلم معاك علي انفراد
أبا
ممكن
ويتجة بدير ناحية اوضة المكتب ومعه ابا فيقول حسنس لبدير
رايح فين انت
بدير
انا هاخلص كل حاجة مع أبا
ويدخل ابا وبدير الي اوضة المكتب ويقفلو الباب وراء منهم وحسنس يبص ناحيتهم وهو يقول
يارب تخلص بقي
وتقع عينة علي واحد هندي قاعد في فاظة خاصة بشجرة زينة وكان هذا الهندي بيعمل زي الناس فيروح له حسنس بسرعة ويبص له بعصبية وهو يقول
انت بتعمل اية
الهندي
بنقل سماد عضوي للشجرة لكي تطرح فاكهة الكاكا. زي ماقال ليا العم عطوة
حسنس وهو بيلطم تاني
العم عطوة و كاكا اية. دي شجرة بلاستيك. وبعدين هو انتم في الهند بتزرعو الكاكا كدة
فيقف عطوة قدامها ويشلح الجلبية وبيستعد علشان يعمل زي الهندي فيبص له حسنس
هاتعمل اية انت كمان
عطوة
هاديها مية علشان ما تدبلش.
حسنس
ما في عشرين حمام في القصر. حبك تعمل كدة في الشجرة.
عطوة باستغراب
هو القصر في حمامات
حسنس وهو هايتجنن
اومال احنا بنعمل حمام في الرمل زي القطط
عطوة
طيب مش حد كان يقول
حسنس وهو يمسكة من لاياقة الجلبية
اومال انت طول الفترة اللي فاتت كنت بتعمل حمام فين
عطوة
في حمام السباحة
حسنس وهو هايتشل
اتاري لون حمام السباحة اتغير.
عطوة
ما انا اول مالقيت المية اتعكرت والبلاعة اتسدتت بقيت اعمل في الشجرة دي
فيزوم حسنس ويستعد لضرب عطوة فيقول عطوة خائفا
بس كنت بسيب مية والله
فيزقة حسنس بعيد عنه وهو يقول
غور من وشي قبل ما اذبحك
فيبتعد عطوة وهو يقول للهنود اللي في القصر
ماحدش يعمل حمام في الشجرة دي تاني. علشان الاسطي حنوسة زعل. تعالو اوريكم شجرة تاني في اوضة المكتب
فيمسك حسنس بعصاية بلاستيك كانت قدام منه ويرميها
في وش عطوة بمنتهي العصبية، ،،،،،،،،،
ومن داخل الجنينة يجلس تامر مع سوسو وبيبص في عيونها ويقول لها
بحبك اوي يا سوسو
سوسو
وانا كمان بحبك يا ولا
تامر وهو بيقرب منها
طيب ولو طلبت منك تعيشي معايا علي طول تعيشي
سوسو
اعيش معاك يا ولا ولو ليا عمر تاني غير عمري هاعيشة معاك برضو
تامر
الله عليكي جيبتي منين الكلام دة
سوسو
من فيلم عربي كنت بتفرج علية امباراح وعاجبني
تامر وهو بيقرب كمان وكمان
طيب ما تيجي نروح الاوضة اللي هناك دي ونتكلم كلمتين زي دول
سوسو
هانخش الاوضة لوحدينا يا ولا.
تامر وهو بيمسك ايد سوسو
وفيها اية مش انتي بتحبيني
سوسو وهي بتقف
اة بحبك بس عيب اكون معاك في اوضة لوحدينا
تامر وهو بيقعدها بالعافية
اسمعي بس الكلام وهاتنبسطي
سوسو وهي بتقف مرة تانية
لا. انت فاكرني عبيطة ولا أية. أنت كدة عايز تضحك علية
تامر وهو بيلف ايدة حوالين وسطها
ما هو انا مش هاسيبك انتي عجباني وانا عايزك
سوسو وهي بتحاول الخلاص منه
عيب يا ولا.
وتزقة بعيد عنها ولكنة يقوم ويهجم عليها ويكتم نفسها ويسحبها الي داخل اوضة موجودة في الجنينة وقفل الباب وراء منه