رواية صندوق عجب
الفصل الاول1
بقلم بقلم محمد منصور
خليني اشوفها. ل اخر مرة
**ما ينفعش تشوفها لان اول مرة شافتك فيها كسرت لها عضم وشها واغتصبوها قدامك
ورقبتك طلبها وانا هنا علشان كدة
ومسك سكينة كبيرة وذبحة
انا حكايتي غريبة شوية
واتعرفت في الارياف بحكاية صندوق عجب. انا عجب من المنوفية من قرية بسيطة بيوتنا فيها قريبة من الطريق الزراعي و حكايتي بدات لما روحت القسم اقدم بلاغ في حرامية دخلو بيتي و سرقو صندوق الزباله بتاعي عارف انكم هتستغربو وانتم كمان هتعملو زيهم وتقولو اية الراجل المجنون دة. انا مش مجنون بس انتم ما تعرفوش صندوق الزبالة دة ازاي كان غالي عندي وازاي غير مجري حياتها وحياتي.
الحكاية المرة دي اقتباس من احلي الافلام. وهنسمي حكايتنا
صندوق عجب
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
انا عجب ابن الحاج سامي. يعني اسمي عجب سامي حلاق في البلد. ومش حلاق عادي دة احنا احسن حلاق في المنوفية كلها عندي بنت واحدة وهي كل اللي ليها في الدنيا ودي تبقي البرنسيسة صفاء وكان واقف معايا في المحل ابويا سامي اللي كان بيحب الضحك و الهزار وانا عكسة نهائي وعلشان كدة اغلب الناس يحبو هو اللي يحلق لهم وانا بيقعدوا قصاد مني علي الكرسي بتاعي لما بس يكون المحل زحمة وناس كتير مستنية سامي يخلص علي الزبون اللي في ايدة. وفي يوم سامي كان بيحلق لزبون وانا كنت بحلق ل زبون وكنت مكشر كالعادة فبص لي وقالي
يا ابني افرد وش اهلك دة علي الصبح دة المحل بسببك البني بتخاف تخشة والكلاب بس اللي بتدخله
بص له الراجل اللي كان بيحلق فحس سامي انه عك الدنيا فقال
الا انت يا حج مرزوق دة انا سيد الناس
بصيت للي بيحصل وفضلت مكشر ورجعت اركز مع الزبون اللي قدامي. وهنا قولت لنفسي
اضحك ازاي بعد اللي حصل من 13 سنه
ونرجع بالزمن ل 13سنه لما كان عجب شايل بنته ومعه مراته ورايحين لبيت في اول البلد بيت من دور واحد قريب من الطريق السريع وكمان مبني من مسلح بالطوب الاحمر وبس ودخل البيت دة هو ومراته وخرج بعدها بكام دقيقية ودخل محل بتاع لعب اطفال صغير واشتري عروسة قماش ورجع تاني للبيت لقي مقطورة داخلة في البيت والبيت اتهد فوق دماغ اللي كانو في. صرخ من المنظر لان بنته ومراته جوة البيت دة،،،،
ونروح دلوقتي ل صفاء اللي كانت واقفة قصاد صندوق زباله من حديد وشكله قديم
و مطبق وكانت بتبص له وهنا عجب وقف وراء منها وقال
هتفضلي واقفة كتير قصاد الصندوق كدة
صفاء بصت له وقالت
اصل زي النهاردة من 15 سنة الصندوق دة كان السبب في اني عايشة لغاية دلوقتي.
عجب
وقت البيت وقع عليكي انتي وامك
صفاء
بالظبط يا عجب. وبعدين تعالي هنا انت لية سايبة وسخ كدة
عجب
انا غسلته امبارح مرتين زي ما انتي طلبتي مني. هو. عجب ينفع البرنسيسة تطلب منه طلب و ماعملهوش
صفاء
برنسيسة اية بس دة انا بنت حلاق
وضحكت صفاء فقال عجب
انا صحيح حلاق لكني وزير في صنعتي
صفاء
عجب لولا جدي واقف معاك في المحل دة كان قفل من اول اسبوع انت فتحت في. نفسي تضحك و تهزر يا عجب مع الناس كلها مش معايا انا بس
عجب
انتي بالنسبة لي الناس كلها
صفاء
انت هاتجنني ومش عارفة هتعمل اية لما ابعت عنك اسبوع
عجب
هو انتي لازم تروحي الرحلة دي
صفاء
عجب دي مش رحله دي بطولة الجمهورية في الكاراتيه وانت عارف بنتك بقي مش هرجع من البطولة باذن الله الا بالذهب
عجب
انتي هتتخطبي هناك
ضحكت صفاء وقالت
اتخطب اية بس. يا عجب الذهب دة ميدلية بياخدها اللي بيكسب. وانا ان شاء الله هكسب.
عجب
طيب يلا علشان تاكلي
صفاء
عامل لنا اكل اية بقي
عجب
بيض بالحلاوة
صفاء
عجب انا مش هاكل الاخترعات بتاعتك دي ،،،،،،
ودخلت صفاء اوضتها ومسكت ورقة وقلم وكتبت في مذاكرتها
★علي فكرة انا بحب عجب اوي عجب بالنسبة لي مش اب وبس دة عالم انا ما عرفش في حد غيره لا صحيح في العالم بتاعي اعرف مدرسة العلوم ومثلي الاعلي الاستاذة مني. وما نساش يوم ما كنت هترفد وانا في اعدادي لولا هي ★
ونرجع بالاحداث لكام سنة وراء وعجب واقف جنب صفاء في مكتب مدير المدرسة ومدير المدرسة كان بيقول بحدة
انت تسمعني كويس احنا هنا مش في منظمة حقوق الانسان وانت مختل وانا مش فاضي ليك وبنتك اترفدت بسبب تصويرها لصاحبتها وهي في الحمام. و احسن لك تاخدها وغور من هنا
عجب
انا بنتي ما تعملش كدة
المدير
هو انت مش حافظ الا الجملة دي قولتها ميت مرة وانا قولت لك امشي غور من هنا
عجب
مش همشي وبنتي ما تعملش كدة
المدير بص للكام مدرس اللي كانو واقفين وقال
طلعو المختل دة برة
عجب
انا موافق اطلع برة بس صفاء لا. من فضلك بلاش تضيع مستقبلها. وانا هحلق لك مرة كل شهر ببلاش
المدير ضحك وكل الموجودين في المكتب حالهم ما اختفلش عنه. وقال المدير
مش بقول لك انت مختل ومش عارف انت قادر ازاي تعيش كدة
صفاء صعب عليها انها كل شوية تسمع شتيمة ابوها قصاد منها فقالت
يلا يا بابا نمشي كفاية لغاية كدة
هنا دخلت الاستاذة مني ومعها بنت وقالت
صفاء برئية والبنت دي هي اللي سرقت موبيل صفاء من شنطتها وصورت البنت التانية
قام المدير وضرب البنت دي بالقلم وقال للاستاذة مني
ولي امر البنت دي يكون عندي بكرة. وكفاية بقي صداع لغاية كدة وفضو لي المكتب عايز ارتاح شوية
كل المدرسين استعدوا للخروج الا عجب اللي بنته مسكت ايدة وسحبته علشان يخرج لكنه فضل واقف وقال
مش همشي الا لما تعتذر لبنتي
المدير بهنجية
اعتذر لمين يا مختل انت. دة انا قريب هكون وكيل وزارة
عجب
انا مختل ومجنون وعبيط لكن بنتي انت ظلمتها وانا عادي اسامح في حقي انما بنتي لا.
المدير بعصبية
وانا مش هعتذر لعيلة زي دي واللي عندك اعمله
عجب
من فضلك اعتذر. لان مش هستحمل ان بنتي تكون مظلومة ولو لدقيقة
المدير وقف وضرب بايده الاثنين فوق سطح مكتبه وقال
وانا بقول لك خد بنتك وامشي غور من هنا
عجب
مش همشي اعتذر لها وانا هحلق لك مرتين في الشهر ببلاش
المدير بص للمدرسين اللي واقفين وقال
انتو واقفين تتفرجو عليه خدوا من قدامي بدل ما اسجنه
وهنا بدا المدرسين يتلمو حوالين منه ويحاولو يسحبوا برة المكتب ورغم ان خمسة مسكوا الا انه مسك في مكتبه حديد متعلقة في طرف المكتب ومربوطة بمسامير في الحيطة ومسكك في المكتبة الحديد دي وفضل يقول
ابوس ايدك ورجلك اعتذر لها
والمدير شاف المدرسين اللي مش قادرين عليه وقال
اية خمسة مش قادرين علي واحد عبيط زي دة
هنا صفاء راحت للمدير وقالت
مش هيمشي الا لما تعتذر دة ابويا وانا عرفا يسامح في حقه انما حقي لا.
وهنا يشوف المدير ان المكتبة الحديد بدات تخرج من الحيطة وهو ماسك فيها بايده ومش عايز يسبها. وبص له وهو هايتجنن من دة بني ادم
ورجع بص من تاني لحديد المكتبة اللي هيطلع من الحيطة فقال
سيبو
سابو المدرسين وعجب بص له والمدير قال له
انا اسف
عجب
انا مش مهم المهم صفاء
بص المدير ل صفاء وقال وهو هاين عليه يموت ولا انه يقولها
انا اسف يا صفاء
ابتسم عجب ومسك ايد بنته وخرج بيها من مكتب المدير وكل المدرسة بتبص عليه وعلي اللي عمله
ونرجع لمذكرات صفاء وكانت بتكتب
دة بابا عجب واللي جاي كله دم اصلهم يستاهلو اللي هيعملو فيهم عجب،