رواية صندوق عجب
الفصل الثاني2
بقلم بقلم محمد منصور
انتو كدة عرفتو حكاية عجب مع صفاء وجه الوقت دلوقتي تعرفو حكاية اوسخ تلت حرامية في البلد. الاول ودة شغال في بنزينة و اسمة مرزوق وفي يوم مرزوق دة وهو في البنزينة دخل عليه لاعيب كورة من بلدنا الفلوس جريت في ايده بعد ما راح نادي كبير في القاهرة واللعيب دة اسمة توفيق وكان باين اوي ان توفيق دة متعصب ومسك من رقبه مرزوق وقال
انت يا كلب السكك اللي سرقت نظارتي والساعة الذهب اللي فيها فصوص الماظ وقت ما كنت بتغسلي العربية وانا مش هسيبك
مرزوق زقه بعيد عنه وقال
جري اية يلا هو رمي بلا ولا اية
توفيق اتعصب اكتر وقال
لا وانت صادق دة حرامي وسخ سرقني وانا جاي اخد حقي. ولو الحاجة ما رجعتش هيبقي بطلوع روحك
مرزوق زقه بعيد عنه وقال
طيب تعالي برة البنزينة راجل ل راجل ونشوف مين روح مين اللي هتطلع
هنا يدخل مدير البنزينة ويقول
هو اية اللي بيحصل هنا
توفيق
وانت مين بقي ان شاء الله
المدير عرف توفيق بنفسه فبعدها توفيق دة قال
طيب كويس انك جيت.
وبص توفيق بحدة ل مرزوق وقال
الشئ دة كان بيغسلي العربية امبارح وانا كنت ناسي جوة منها الساعة الذهب والنظارة وكان راكب معايا واحد صاحبي وقالي انهم كانو في العربية وقت ما دخلت البنزية
والعربية ما حدش لمسها وقت الغسيل الا الحرامي دة.
مرزوق
تاني هتقول حرامي. ما تظبط يا عم انت
هنا المدير بص ل مرزوق وقال
فين الساعة والنظارة
مرزوق
ما عرفش عنهم حاجة
المدير
دي مش اول شكوي تيجي منك وانا صبرت عليك كتير لكن لغاية هنا وكفاية اوي
لسة مرزوق هيتكلم قال المدير بحزم شديد
الساعة و النظارة يرجعو
او اما تاخد بعضك وتمشي تغور من هنا وما شوفش وشك تاني في البنزينه.
مرزوق
يا باشا انا بقيت علي المظبوط وايديا ما بقتش تتمد علي حاجة غيري
قرب المدير من مرزوق وقاله في ودانه
بلاش انا تقولي الكلام دة
دة احنا معرفة تخشيبة واحدة بس انا ربنا هداني وبقيت مدير بنزينة. وانت لسة حرامي وسخ. فمن سكات كدة الحاجة ترجع
وبص المدير ل توفيق وقال
بكرة تعالي مكتبي وخد حاجتك مني انا وانا بتاسف لك علي اللي حصل
هنا مرزوق بص لتوفيق وقال في سرة
مش لو طلع عليه بكرة،،،،
ويجي الليل وتوفيق دة كان سهران مع صحابه علي كافية من اكبر كافيهات المنوفية ومرزوق راح الكافية دة لتوفيق ووقف قصاد منه وقال
عايز الساعة والنظارة مش كدة
توفيق
جبتهم يعني كانو معاك
مرزوق
لا معايا اللي احسن من كدة
وطلع مطواة و غرزها في رجله عند الركبة ومشي بيها بالعرض وقال
انا بقي هخليك تبطل لعب كورة يا روح امك
والدم بدا ينزل من رجل توفيق زي الشلال واي حد كان بيحاول يمسك توفيق كان بيضربه بالمطواة يعورة لغاية ما خرج من الكافية بعد ما سبب الرعب لكل اللي في، ،،،
المشهد اللي انتو سمعتو دة عن مرزوق هنحتاجة قدام في حكايتنا اوعي تنسو
ونروح دلوقتي للاثنين التانين
كرم. ودة برضو حرامي واوسخ من مرزوق والتاني مخبر ومرشد تبع الداخلية لكنه برضو حرامي واسمه سند. والحادثة اللي هحكي لكم دي حصلت من 13 سنة وقت ما كان كرم جوة بيت مطرف وقاعد قصاد ام وبنتها بعد ما ضربهم وسرق كل اللي في البيت و كتفهم وكان بياكل طبيخ علي رز و من غير معلقة وبيبص للام وبيقول ببرود ممزوج بالشر
الرز بتاعك شايط
لكن الام باصة له وهي بتنزل بدل الدموع دم وقال
انا خلاص قربنا نخلص وهاخد صاحبي وهمشي من هنا لان باين انك مضايقة مني
وهنا يخرج سند من اوضة من الاوض وعلي كتفه شنطة سوداء مليانه ذهب وفلوس وكان بيقول
احب الكويت واللي شغالين في الكويت. واحلي حاجة انكم ما بتحبوش تحطو فلوسكم في بنك
وفضل يضحك. ضحكة مريضة بص له كرم وقال
انت كدة خلصت
سند
ايوة يا ابية خلصت
كرم نفض ايدة من الرز والطبيخ اللي كان بياكلهم ومسح ايدة في هدومة وطلع مسدس من جنبه وصوبه ناحية الست دي اللي بدات تهز دماغها بتطلب منه الرحمة فبص ل سند وقال
شكلها عايزا تقول حاجة
سند
طيب ما تنزل كمامة بوقها ونسمع هتقول اية
كرم
ولو صرخت
راح كرم ناحية البنت وطلع مطواة وحطها علي رقبتها وقال
دماغ بنتها هتتعمل لحمة راس يا ابية
نزل كرم الكمامة اللي علي بوق الام وقالت الام بتوسل
بالله عليك انت خد كل اللي حيلتنا بلاش تقتلنا
كرم
ما انا لو سبتكم تعيشوا هتروحي وتبلغي عني في القسم
الام
والله العظيم ما هنبلغ بس سيبنا نعيش
بص كرم ل سند وقال
اية رايك
سند
شوفها كدة هتدفع كام
الام
والله ما حلتنا اي حاجة تانية
سند كان بيشم بنتها وقال
لا حالتك البت ام ريحة حلوة دي حلال عليه. وامثل معاها
ليلة حب اخيرة
صرخت البنت صرخة مكتومة والام قالت
لا. الا بنت،،،،،،،،،
لكنها ما لحقتش تكمل لان كرم كمم بوقها تاني وبص ل سند وقال
وانا قبلت حلال ليك البت
صرخت الام صرخة مكتومة وسند بيجر بنتها قصاد منها ورايح بيها علي الاوضة وبتحاول الام توصل ل بنتها لكنها ما قدرتش وسمعت صرخات بنتها المكتوبة من وراء الباب وسند بيغتصب بنتها، ،،،،
وبعدها بكام دقيقة كرم وسند خرجوا من البيت اللي كان عند شريط القطر. وبعد ما بعدوا بمسافة كويسة انفجر البيت لانهم سابو انابيب الغاز مولعه وولعو شمعة واول ما الغاز ملي البيت ووصل للشمعة النار ولعت في البيت كله وحصل الانفجار، ،،،،،،
ويطلع النهار وكان كرم في محل الكهرباء بتاعه واقف بيبع للناس عادي وقصاد باب المحل قاعد سند ولا كانهم مجرمين ،،
وتعالو بقي نشوف عجب وهو واقف قصاد الاتوبيس اللي هتسافر في بنته صفاء وكان بيقول
اسبوع بحاله مش هشوفك
صفاء
هيعدوا بسرعة يا عجب بس انت ابقي كل يوم كلمني. والاهم من المكالمة تخلي بالك من الصندوق.
عجب
عارف الصندوق اللي بسببه انتي عايشة.
صفاء
دة بقي واحد من العيلة
عجب عيط ولقي نفسه بيترمي في حضن صفاء وبيقول
هتوحشي عجب
صفاء عيطت وقالت
انت كمان هتوحشني.
هنا الاستاذة مني بصت من الشباك وقالت
مش كفاية بقي
بصت لها صفاء وقالت
خلاص يا ابلة انا هطلع الاتوبيس اهو
وطلعت الاتوبيس وعجب راح للسواق وقال
بالراحة عليها وانت سايق دي البرنسيسة. ولو ما اشتكتش منك هخليك تحلق عندي مرة في الشهر ببلاش
ضحك السواق وقال
انت طيب اوي يا عجب
وبص عجب للاستاذة مني وقال
خلي بالك منها وخليها تاكل كويس ولو ما اشتكتش منك ،،،،
هنا الاستاذة مني كملت
و قالت
اية هتحلق لي ذقني مرة في الشهر ببلاش
عجب
لو بتطلع لك وتستحملي الموس بتاعي هحلقك عادي مع اني ما عرفش ذقن النسوان دي اخد فيها كام
مني
الهي يكرم اصلك انا بذقن
صفاء
عجب هي في ستات بذقن ما تزعلش الابلة منك
عجب
هي اللي قالت
صفاء
طيب اعتذر لها
مني
يا بنتي ملهوش لزوم احنا كلنا عارفين عجب. راجل طيب وعلي نياته
لكن عجب قال
اسف يا استاذة
وبص ل صفاء وقال
زعلانه مني
صفاء ابتسمت وقالت
لا يا عجب.
مني
يا اسطي محروس توكل علي الله
ومشي محروس بالاتوبيس وعجب فضل يبص عليها وصفاء بتبص علي عجب من الشباك لغاية ما الاتوبيس اختفي،
وبعدها بكام يوم عجب واقع علي الارض في صاله البيت والعفش كان كله متكسر والدم نازل من ودانه اليمين والصندوق مش موجود وعجب مغمي عليه لكن بعدها بكام ساعة عجب يفتح عيونه ويقف علي رجله بصعوبه وصرخ باعلي صوته لما لقي الصندوق مش موجود وراح القسم وكرر يعمل محضر بضياع صندوق الزباله ومن عند المشهد دة الاحداث
هتاخد مسار تاني خالص