رواية صندوق عجب
الفصل الرابع4
بقلم بقلم محمد منصور
ومسك عجب رقبه مرزوق الحرامي وذبحة. ومعاها خلص الجزء اللي فات وانا عارفا انكم بتسالو لية عجب عمل كدة هقول لكم النهاردة
صندوق عجب
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وتعالو اخدكم دلوقتي ونروح مكتب المامور صفوت اللي كان قاعد وقصاد منه مبلغ ال 100 الف ج. بتوع عجب ودخل عليه الظابط محمود وبص ل وقال
خير يا فندم عايزني في اية
صفوت بص ل محمود وقال
اقعد يا محمود
هنا محمود شاف الفلوس اللي علي المكتب قصاد صفوت وكان عايز يساله فلوس مين دي لكن صفوت ما ستناش محمود يسال وهو اللي قال
دول فلوس عجب.100 الف ج. بتوعي في مقابل انه اجيب له صندوق الزباله واللي سرقو
محمود
وربنا الراجل دة مجنون
و هيجننا معا. دة بيقول الصندوق دة من العيلة
صفوت
عجب دة وراء سر مريب والسر في الصندوق
هنا يسمعوا صوت خبط علي الباب فيقول صفوت
ادخل
يتفتح الباب ويدخل عجب ومعه كوبية شاي وفنجان قهوة بصو له الاثنين باستغراب شديد وهو حط الصنية اللي في ايدة علي مكتب صفوت وقال
عرفت انكم فطرتو ولسة ما شربتوش حاجة
ومسك كوباية الشاي واداها لمحمود وقال
شاي مظبوط زي ما انت بتحب
مسك محمود الكوباية منه وهو مستغرب وبعدها عجب مسك فنجان القهوة و اداه لصفوت وصفوت باصص له وهو برضو مستغرب وعجب مسك الصنية الفاضية وقال
وانتم بتشربو الشاي و القهوة فكروا ازاي هتوصلو للصندوق والحرامية
و راح عجب ناحية باب المكتب وفتحة وخرج والاثنين بيبصو عليه وبعدها بصو
ل بعض وقال صفوت
عايزك تقلب الدنيا علي الصندوق دة واول ما توصل له تعرفني وانا بنفسي هفحص الصندوق دة. انت صورة الصندوق دة معاك مش كدة
محمود
معايا
صفوت
طيب ابدا تحرياتك. حالا،،،،،،
ونرجع بالاحداث ل 13 سنة وعجب قاعد في المحل بتاعه وقت ما دخل عليه كرم الحرامي وطلب منه انه يحلق له وفعلا بدا عجب يحلق له وهنا جه المحل سند ووقف قصاد كرم وكان باين عليه انه متوتر فبص له كرم وقال
اية اللي جابك هنا
سند
عايزك
كرم
طيب اكمل حلاقة
سند
ما فيش وقت قوم
وقام كرم وبص عجب للي بيحصل وهو مستغرب وطلع وراء كرم عايز يعرف في اية وهنا سمع سند بيقول
الست اللي كنا عندها في البيت وولعنا في طلعت عايشة ووصفت شكلك للحكومة
اتصدم عجب من اللي سمعه وكان مستخبئ وراء باب المحل وسمع كرم اللي قال
وازاي طلعت عايشة دة البيت انفجر
سند
فضلت تزحف لغاية ما خرجت برة البيت وبعدها حصل الانفجار
كرم
دي مصيبة سوداء
ومشيوا الاثنين. وهما مشيوا من هنا وعجب قفل المحل وراء منه وخرج جري وراهم وعرف بيت كرم وقرر يبلغ البوليس وفعلا جه البوليس واتقبض علي كرم قبل ما يهرب وهنا كرم شاف عجب واقف مع الظابط وبيقول
هو دة اللي انتم بدورو عليه
كرم بص له والشر في عيونه،،،،
ونرجع للوقت الحالي وعدي يومين والتحريات شغاله يمكن يوصلو ل صندوق عجب لكن ما حدش قدر يوصل للصندوق وهنا سند الحرامي اللي تبع كرم كان مع مخبر صاحبة اسمه عامر في سوق من الاسواق بتاعت البلد وقال سند
يا عامر الصندوق دة قديم
وما فيش زية دلوقتي واحنا هنفضل نلف طول اليوم ومش هنوصل ل اي حاجة. ومش عارف لية الصندوق دة عامل قلق كدة
عامر
عامل لنا قلق وبس دة المامور بنفسه طالب اننا نلاقي
سند
لية يعني دة صندوق زباله
عامر
يا عم ما تصدعنيش ودور معايا هو انت مش متكلف زينا بانك تدور علي الصندوق دة
سند
انا ما دورش و اتعب نفسي انا اروح لحداد واعمل زية وخلصت
عامر عجبته الفكرة وقال
يا ابن اللعيبة يا سند صدق فكرة وهو علي الاقل نرتاح من الصداع بتاع عجب اللي دفع 100 الف ج علشان نلاقي الصندوق دة
سند اتصدم وقال
100 الف ج. دة اللي هو ازاي يعني.
عامر
ما انت ما بتجيش القسم وما تعرفش اللي داير هناك دة عجب بقي قايم نايم في القسم و مشاريب واكل وشرب للظباط والعساكر ومش عايز يمشي الا لما نلاقي الصندوق
سند
طيب بقول لك اية ما نعمل احنا الصندوق دة بمعرفتنا وندي لعجب ونلهف منه
50 الف ج
عامر
والله فكرة يا ابن ابليس،،،،،،،
ونروح للقسم وعجب قاعد جوة منه بيدور بعيونه علي اللي ممكن يكون شغال حرامي مع مرزوق اللي هو ذبحة لكن ماوصلش ل اي جديد وهنا سمع صوت راجل واقف قصاد عسكري وبيقول
ايوة اسمه مرزوق ومختفي بقاله يومين
الاسم رن في ودان عجب فقام وقف وقرب من الراجل دة والعسكري كان بيقول له
معاك صورة لي
الراجل
معايا
وهنا قرب عجب اوي وشاف الصورة اللي في ايد الراجل وكانت صورة ل مرزوق وهنا العسكري مسك الصورة وقال
خلاص روح استني علي الدكة اللي هناك دي و لما حضرة الظابط يخلص المحضر اللي في ايدة هنادي لك تدخل
وفعلا الراجل دة راح للدكة وقعد عليها وراح عجب وقعد جنب منه وقال
هو مين اللي في الصورة دة
الراجل
دة اخويا وما رجعش البيت بقاله يومين
عجب
ما سالتش عند اصحابه
الراجل
انا قاطع علقتي بي لانه سوابق لكن امي اللي موجوعه عاي فراقة وعايزا تطمئن عليه باي شكل ولولا هي انا ما كنتش دخلت القسم علشان اقدم بلاغ باختفائة
عجب
يعني انت اخو وما تعرفش مين اصحابه
الراجل
لا ما عرفش
بص عجب للراجل وسكت لانه كان مصدقة. لكن هنا يشوف عجب الظابط محمود واقف قصاد منه وبيقوله
هي بنتك صفاء لسة ما رجعتش من السفر
اتصدم عجب من السؤال ومحمود كمل وقال
اصلنا عملنا تحريتنا وعرفنا انها رجعت من خمس ايام لان البطولة اتاجلت.
عجب لسة باصص لمحمود وساكت وهنا محمود قرب من عجب اوي وقال
فين بنتك يا عجب